Ka Nupepa Kuokoa, Volume LXIV, Number 15, 9 ʻApelila 1925 — KE KANAWAI LOLE AUAUKAI. [ARTICLE]

KE KANAWAI LOLE AUAUKAI.

Xo ka manawa mua loa, mahope iho o ka hooholoia ana o ke kanawai lole auaukai i hopuia ae ai he heluna nui o ka poe auaukai, e na makai, ma ka pule aku la i hala, a ma na la mua o keia pule iho la; e loaa aku ai ka ike i ka lehulehu, ua hoea mai ka manawa e hookoia aku ai kela kanawai, maluna o ka poe apau e ku-e ana ia mea. Ua mahaelua ka manao o ka lehulehu maluna o keia kanawai, C ku ana kekahi poe ma ka aoao ku-e, a e ku ana hoi kekahi poe ma ka aoao apono. Ma ka manao maoli o keia kanawai, e hookapu ana ia i kekahi mea e komo ana i ka lole auaukai, mai kona hele wale ana ma na alanui, maloko o na haleaina pajia, a ma na wahi akea e ae, me kekahi lole ole mawaho iho o kona lole auaukai, e uhi ana i kona kino, ahiki i na kuli. O ka hele ana i ka auau me na lole auau, he hana ia a ke kanawai i paa ole aku ai, no ka mea oloko o ke kai a wai paha kahi i makemakeia ai na lole auau, aole ma na alanui, a mau wahi e ae paha, i kupono ole no ke l*omo ana i kela lole. Ma ke ano he aina o Hawaii nei, i maa ole i ka hele ana o na kane ame na wahine me na kino olohelohe ma na alanui, koe wale no maloko o ka wai ame ke kai, ua kupono maoli kela kanawai, e ku aku pela maloko o ko kakou mau buke kanawai, i wahi e koifoia aku ai na malihini e kipa mai nei i Hawaii nei, e pono lakou e malama i ke kanawai, a e makee i ko lakou mau ano maikai. Mamuli o keia kanawai lole auaukai, ke ike nei kakou, 1 ka ike ole ia o na wahine ame na kane, me ko lakou mau lole auau ma na alanui, a ma na wahi akea e ae; e hoopau aku i kela kanawai i keia la, i ka la apopo, e ike no auanei kakou, i na kanaka e hele olohelohe ana ma na wahi i kupono ole no lakou e hele ai, a e lilo ana na kino, i mau mea makaikaiia e ka lehulehu, aole no ka manao maikai, aka no ka manao hoohenehene, a no na hana ku i ka hoohilahila. Ua hookaokoaia na lole no na alanui, no na anaina o kela anie keia ano, pela, hoi no ka auau ana, o ka manao ana o kekahi mea, he hana pono nona -ka hele ana ma na alanui, me kona lole auau, aole ia no na kumu kupono a maikai, aka no kona molowa i ke komo i kekahi lole okoa ae, iaia i haalele aku ai i kona hale. E haawiia nae na ana i ka oihana makai i keia manawa no ka hooko ana i keia kanawai lole auaukai,"e hoomau aku ia hana maikai, aole no ka hooko wale ana 110 i ke kanawai, aka no k& liiipoi ana i ka inoa maikai o Hawaii nei. Na na malihini e kipa mai nei i o kakou nei, e lawelawe i kekahi mau hana a kakou i makemake ole ai, 0 ka inoa nae o Hawaii nei, ke puka ma ia mau hana; aole o kakou makemake pela; a elike me ka loihi o ka paa ana o keia kanawai maloko o kakou mau buke kanawai, pela no ka mau aku o kona hookoia ana, ahiki i ka lilo ana i hana maa i na mea apau, kn hele ana'-ma na wahi akea, me ko lakou mau kino, i aahuia u.e na lole kupono, aole me na lole auaukai wale 110.