Ka Nupepa Kuokoa, Volume LXIV, Number 15, 9 April 1925 — Hookahi i Make ma Kekahi Ulia Kaa Otomobile Pakele Mai Nae ke Ola o Kona Mau Hoa Mamuli o na Ulia Pomaikai I KAHULI KE KAA KE KUMU O KELA POINO Manaoia Nae e Make Ana no Kekahi o na Ohua i Kukonukonu ka Poino [ARTICLE]

Hookahi i Make ma Kekahi Ulia Kaa Otomobile

Pakele Mai Nae ke Ola o Kona Mau Hoa Mamuli o na Ulia Pomaikai

I KAHULI KE KAA KE KUMU O KELA POINO

Manaoia Nae e Make Ana no Kekahi o na Ohua i Kukonukonu ka Poino

Oiai e hele aku ana no ke alanui iauaoao, mahope" iho o kona lele ana mailuna aku o ke kaa uwila o Manoa, ma ke alanui Beritania ma ka auwina la o ka Poalua iho nei, i hooku'iia aku ai he keiki Pake, nona na makahiki he umi-kuma-maono e ke kaa otomobile e hookeleia ana e Kauka Geor4c Braly, a nui na poino i kau aku. maluna o kona kino, me ka maopopo ole o kona hopena. I kulike ai na hoakaka a Mrs. Philomina Kelepine, kekahi o na hoike i ikemaka i kela ulia, e ku ana ka oia ma ke alanui helewawae kauaoao, mamua pouo aku o ka hokele Donna, i ka manawa i holo mai ai o ke kaa uwila o Manoa a ku iho la ma kahi e lele ai na ohua. I ke ku ana o ke kaa uwila, ua lele mai la ke keiki Pake, a hoomaka aku la e hele no kahi o ke alanui kauaoao, o ka manawa nae ia i hooku'iia mai ai e ke kaa otomobile o Kauka Braly, e liolo mai ana me ka puahia, a lele kela keiki iluna, me ka heomau ana no o ke kaa otomobilc i ka holo. Aole i maopopo i kela wahine, ina palia na kaualakoia aku ke keik| opio e ke kaa mahope o ka hoo.*ku'3& ft&ā/%ka''iil?#ruin#iTono ia ana mahope mai, ua ikeia, mai kahi o ka hooku'iia ana o kela ! keiki ahiki i kahi i loaa aku ai o kona kino,- he 50 kapuai ka mamao, he hoike kela no ke kaualakoia ana o ke keiki, mahope iho o ka hooku'iia ana e ke kaa otomobile.

Ua hoomau ka holo ana aku o ke kaa o Kauka Bralv, ahiki i ke alanui Keēaumoku, alaila hoohuli hou mai la iliope, a mai hoomau loa mai no ka. kela kaa i ka holo ana, ina aole i kauoha maoli ia aku e ku. Ua hoole ae o Kauka Brnly, no kona maopopo ana he ulia kekahi i ]oaa i kona kaa; ua paa nae oia i ka hopuia mahope mai, a laweia ae no ka halewai. Ma ka oleloia, mahope iho o kona ninaninauia ana aku ma ka halewai, ua ae ae kela kauka, no kona inu ana he mau kiaha rama, a ua loaa aku no hoi ,he omole rama iluna o ke kaa, me ke koena rama liilii iloko. . X >