| | KE KANAWAI LOLE AUAUKAI. No ka manawa mua loa, mahope iho o ka hooholoia ana o
ke kanawai lole auaukai i hopuia ae ai he heluna nui o ka poe
auaukai, e na makai, ma ka pule aku la i hala, a ma na la mua
o keia pule iho la ; e loaa aku ai ka ike i ka lehulehu, ua hoea
mai ka manawa e hookoia aku ai kela kanawai, maluna o ka
p6e apau e ku-e ana ia mea.
Ua mahaelua ka manao o ka lehulehu maluna o keia kanawai,
e ku ana kekahi poe ma ka aoao ku-e, a e ku ana hoi kekahi
poe ma ka aoao apono.
Ma ka manao maoli o keia kanawai, e hookapu ana ia i
kekahi mea e komo ana i ka lole auaukai, mai kona hele wale
ana ma na alanui, maloko o na haleaina paha, a ma na wahi
akea e ae, me kekahi lole ole mawaho iho o kona lole auaukai, e
uhi ana i kona kino, ahiki i na kuli.
O ka hele ana i ka auau me na lole auau, he hana ia a ke
kanawai i paa ole aku ai, no ka mea oloko o ke kai a wai paha
kahi i makemakeia ai na lole auau, aole ma na alanui, a mau
wahi e ae paha, i kupono ole no ke komo ana i kela lole.
Ma ke ano he aina o Hawaii nei, i maa ole i ka hele ana o
na kane ame na wahine me na kino olohelohe ma na alanui,
koe wale no maloko o ka wai ame ke kai, ua kupono maoli
kela kanawai, e ku aku pela maloko o ko kakou mau buke ka-
nawai, i wahi e konoia aku ai na malihini e kipa mai nei i Ha-
waii nei, e pono lakou e malama i ke kanawai, a e makee i ko
lakou mau ano maikai.
Mamuli o keia kanawai lole auaukai, ke ike nei kakou, i ka
ike ole ia o na wahine ame na kane, me ko lakou mau lole auau
ma na alanui, a ma na wahi akea e ae; e hoopau aku i kela
kanawai i keia la, i ka la apopo, e ike no auanei kakou, i na
kanaka e hele olohelohe ana ma na wahi i kupono ole no lakou
e hele ai, a e lilo ana na kino, i mau mea makaikaiia e ka lehu-
lehu, aole no ka manao maikai, aka no ka manao hoohenehene,
a no na hana ku i ka hoohilahila.
Ua hookaokoaia na lole no na alanui, no na anaina o kela
ame keia ano, pela, hoi no ka auau ana, o ka manao ana o ke-
kahi mea, he hana pono nona ka hele ana ma na alanui me
kona lole auau, aole ia no na kumu kupono a maikai, aka no
kona molowa i ke komo i kekahi lole okoa ae, iaia i haalele aku
ai i kona hale.
E haawiia nae na hoomaikai ana i ka oihana makai i keia
manawa no ka hooko ana i keia kanawai lole auaukai e hoo-
mau aku ia hana maikai, aole no ka hooko wale ana no i ke
kanawai, aka no ka hiipoi ana i ka inoa maikai o Hawaii nei.
Na na malihini e kipa mai nei i o kakou nei, e lawelawe i
kekahi mau bana a kakou i makemake ole ai, D ka inoa nae o
Hawaii nei, ke puka ma ia mau hana; aole o kakou makemake
pela ; a elike me ka loihi o ka paa ana o keia kanawai maloko
o ka kakou mau buke kanawai, pela no ka mau aku o kona
hookoia ana, ahiki i ka lilo ana i hana maa i na mea apau,
ka hele ana ma na wahi akea, me ko lakou mau kino, i aahuia
me na lole kupono, aole me na lole auaukai wale no. KA AINA O KAAKAUKUKUI AME KUKULUAEO. He elua mau olelo hooholo, i hookomoia ae iloko o ka hale
o na lunamakaainana, e koi ana i ka ahaolelo lahui, e hoihoi
ae i na aina o Kaakaukukui ame Kukuluaeo malalo o ke Ka-
nawai o na Home Hawaii, no ka hoopulapula ana i na Ha-
waii; no keia mau olelo hooholo, he elua mau hoike i waihoia
ae e ke komite o na aina aupuni, o ka hoike a ka hapa uuku
o ke komite, e hoole ana ia i ke apono aua aku i na olelo hoo-
holo, ma ko laua mau ano i hookomoia ae ai ; ma ka hoike hoi
a ka hapanui o ke komite, e apono ana ia i na olelo hooholo,
me ka waiho ana aku na ka ahaolelo e hooko mai i ka make-
make o kela mau olelo hooholo, a hoole mai paha.
Hookahi mea maopopo loa ma ka nana aku i kela mau hoike
a ke komite, ua hookahuaia kekahi hoike maluna o ke kahua
pololei, a ua hookahuaia kekahi, maluna o ke kahua politika.
Ma ka mea oiaio, o na aina o Kaakaukukui ame Kukuluaeo,
he mau aina ia a ke aupuni i kuai aku ai a lilo mai, no kekahi
mau hana a ke aupuni i makemake ai e hoohana aku maluna
o kela mau aina ; o ka hoi ana aku o kekahi poe kakaikahi a
noho maluna o ua mau aina la iloko o keia mau la, ua hoi aku
lakou me ke kuleana ole, koe wale no malalo o ka lokomaikai
o na luna oihana o ke aupuni, i kuleana i na aina aupuni, me
ka hooneleia nae o na makaainana e ae, mai ka pono mai, e
noho ma kela mau aina.
Ua maopopo no i na Hawaii e noho nei maluna o kela mau
aina, e hoea mai ana ka la e ku ai lakou a hele mai kela mau
wahi aku, no ke kumu, aole o lakou kahua paa e mau ai ka
noho ana malaila, pela e kau aku nei ko lakou mau manaolana,
ma o kela mau olelo hooholo ae la elua, no ka ae mai o ka
ahaolelo lahui, e lilo keia mau aina i mau aina hoopulapula
no na Hawaii.
O ka ae mai o ka ahaolelo lahui, a ae ole mai paha, he ninau
okoa loa ia i keia manawa, hookahi nae mea maopopo aole no
e kuleana ana na Hawaii i na wahi a lakou e noho mai nei, no
ka mea aia iloko o ke komisina o na Home Hawaii, ka mana
ame ke kuleana e ae aku ai i ka poe noi, no ka noho ana ma
kela mau wahi, ma keia ano, e koiia mai ana ka poe noi, i ke-
kahi mau hookuonoono ana ma ko lakou aoao iho, mamua o ka
hiki ana ia lakou ke hoi ae a noho ma kela mau aina.
Mamua o ka nui loa ana aku o ka poe e hoi ana a noho ma-
luna o kela mau aina he mea pono, e lawelaweia kekahi mau
hana, ma ka aoao o ke aupuni, i wahi e ikeia ai, aole he hana
maalahi, ka hoao ana e maua'e wale aku maluna o ko ke au-
puni mana.
Mamuli o ka hua'iia ana ae o kekahi hana ohumu iwaena
o na koa ma Leilehua, no ke kukulu aku i ahahui, e ku-e ana
i ke aupuni i noho hana aku ai lakou, i pio koke ai ke ahi i ke
kinaiia i ka wa pono loa, mamua o ka lalapa ana ae o kona ula-
ahi, e lilo ai i hana paakiki ke kinai ana mahope aku. Elike
me ka anoano i luluia, pela no e ohi ai ka poe na lakou kela
hana i na hua awahia, elike me ka hoopa'i i kauia mai maluna
o ke alakai o kela hana. Ma na hoike i waihoia ae imua o ke komite hoonaauao o ka
hale o na lunamakamainana e pili ana i na kumu hoohalahala
no ke ano o ka malama ame ka hoohanaia ana o ka Home Wai-
mano o na keiki nawaliwali o ka noonoo, he mea pono no e
kapaeia aku ke poo o kela home, ina ia he kumu e nohoalii
mai ai na ano maikai ma kela home ma keia mua aku, | HE $18 I LAWEIA A HAALELE
IA HE $300 MA KA UME
MALALO IHO. Komoia o ka halekuai laau o Ben-son-Smith e ku nei ma ke kihi o na alanui Papu ame Hokele e na piko pau iole ma o ka hapaiia ana ae o ka puka aniani mahope ma ke kakahiaka o ke Sabati iho la i hala, a laweia he $18.00 mailoko aku o ka pahu waiho dala, a ina paha i kuhikuhi iho ka uhane kepolo ia mau mea aihue eia iho i ka ume malalo he $300, ina ua pokeokeo a nui no hoi ke dala e piliwaiwai a e uhaai ai ke kolohe. Ma ke kakahiaka o ka Poakahi nei ka nanaia ana o ia pahu waiho dala amo ka puka aniani kahi i weheia ai e na piko pau iole e ka Makaikiu Kellett. Ma ia kakahiaka poniponi wale o ka halekuai laau Owl Drug e ku nei ma ke alanui Moi pu kekahi i komoia e kekahi mau keiki opio ma ka mahikiia ana o ka puka aniani a hemo a laweia he man pahi kikalika, he mau peni inika, he mau mea pa'i kii ame kokahi mau mea liilii e ae. I mea e hoohuoi ole ia aku ai kela mau keiki aihue ana e kauia aku ai ke ahewa ana maluna o kekahi poe e aku, ua hookaniia mai la ka mea hoike pauahi e laua a he manawa pokole na hoea aku la ma kela wahi o ka aihue i hanaia ai ke kaa kinaiahi a ua nalowale mua aku la nae ua mau keiki kolohe la. Ma ka laua hoakaka imua o ka Makaikiu Kellett, mahope iho, no ke kumu o ko laua hookani ana ae i ka hoike pauahi i ka hale kinaiahi, i hana ka laua pela i mea e hookauia aku ai ke ahewa ana maluna o kekahi poe okoa aku mawaena o ke aluka no ka aihue ana i na waiwai a pakele laua; aka nae, aole i holopono ia hana ana a laua, oiai he liilii loa ka hana ame ka luhi ma ka aono o ka makaikiu o ka hanu ana aku ahiki i ko lana paa ana ae. O kekahi no keia o na hua i oili mai na hale kii onioni mai e hoikeike mau mai nei a e makemakeia mai nei e hoonoa i ka auwina la Sabati no na hale kii onioni. HE ALOHA WALOHIA NO KUU
KAIKUAANA HAKU KAPUA - MAILANI KAMAIOPILI
BOYD, I NIAU IHO NEI
KA HELE ANA. Mr. Lunahooponopono, Aloha ka-
ua: — E oluolu e oe hookomo iho ma-
loko o kau Nupepa Kuokoa r ke ka-
nikau o kuu haku kaikuaana i hala
Kapuamailani Kamaiopili Boyd, i
ike mai na ohana ame na kini ma-
kamaka o maua mai ka puka ana
a ka la i Ha 'eha 'e a ka welona a
ka la i Lehua. Kanikau No Kapuamailani.
Kanaenae walohia,
Me ka paumako lihaliha
Nou e Kapuamailani,
I niau hele iho nei.
Cho.
Aia aku nei paha oe,
I ka wehi o Luaehu,
Me ke kaha nalu o Uo,
Holuholu o Keawaiki. He aloha kulipolipo,
E hana nei i ka manawa,
Ke au ae nei e ike,
Aole ua hala loa no. Ko-o ka pili a ke aloha,
Ke kikina a Koolau,
O ka eha mauiui,
E lomiia nei ia loko. He Inoa no Kapuamailani.
Nani ka ohumu a ke ahi i Ho-
nuapo,
Ka ai nomenome i ke oho o ka
maun,
Ka nokenoke lua i ke kula o
Naalehu,
Ka okai a ke ahi i ka pali o ka
Hauhele,
Ka hulili a ke ahi e a nei,
Ano wela ke kula kahili pali,
Ka huakai a ke ahi e iho la,
Iho no lalau ia Waikapuna,
Ke kii hoene a ke alai,
Hoolono ka palaoa i ka ino ma-
kani,
Ka noho aloha a ka milo,
I ka ipo hala o ke kai,
Na ke au i lawe mai,
Honi ke kini i kai o Kapaakea,
He lei kahiko nalu-i-kai o Hooilo,
Alaila oe alawa,
Nana iuka o Kaumaea,
Nani ka naha ka ipu a ka makani,
Makani hoohili i ke oho o ka mauu
Luli ke oho o ka ohai o Mauna-
waa i ka makani,
Pipi nokenoke ka ale i ka lae o
Koaiku,
Noho aloha me ke kini o Kaulana,
Hookaulana ia kaua e ke hoa i
Akaka,
I nele iho oe i ka moku ole,
Nawai kau moe i haawi aku
Na ia nei no e!
E —— o i ka Inoa Kapuamailani.
No ka hele no o na kolamu o ke
Kuokoa i keia pule a piha, ua hiki
ole ke hoopuka aku i kekahi mau
palapala a na makamaka, e hooma-
nawanui mai no no keia pule ae. | Nuhou
Kuloko Eia ka Loio Kalana A. G. Kau-
lukou ame ka Lunakiai James K
Kula o Kauai i ke kulanakauhale
nei i keia mau la, no ka hui pu
ana me na hoa hanohano o ka aha-
olelo, no na hooponopono ahaolelo
o pono ai ke Kalana o Kauai. E alawa ae e ka poe heluhelu o ke Kuokoa i ka hoolaha a na keiki makapo e puka aku nei ma kekahi wahi o keia pepa, no ko lakou makaukau e hoolawa aku i na anaina hoohauoli me na mele Hawaii, i na manawa apau e make makeia mai ai ko lakou kalapu himeni. 0 kekahi o na hooponopono aha
olelo a ka Lunamakaainana W. K
Hussey i hookomo aku ai iloko o
keia kau o ka ahaolelo, o ia no ka
hoolawa ana aku i ko Kapaa, Kaua
poo mo na kukui uwila ma keia
mua aku. E noho mai ana ka Ahahui Eu
anelio o ka mokupuni o Kauai, ma
ka luakini Hawaii o Lihue ma ka
la 17 amo 38 o keia mahina o Ape
rila. O ka hoike o na Kula Sa-
bati, ame ka hookuku himeni a na
C. E., ma ka la 19. Ua makemakeia
na kahu, na haiolelo ame na elele
e makaukau me ka lakou mau hoike
pakahi no na hana o kela aha. Ma keia la i piha ai ke 43 la o
ka noho ana o ka ahaolelo kuloko
me ka nui o na bila e waiho ma
nei iloko o ka lima o na komite
e hiki ole ai e lilo i kanawai, no
ka pokole loa o ka manawa, e
kakauinoa ai ke kiaaina. O ka huakai a ka Ahahui Ka
mehameha no Kauai, i keia mahina
ua hopaneeia aku la a ka la 2 o
ka mahina ae nei o Mei. E haalele
iho ana ka mokuahi Mauna Kea ia
Honolulu nei, ma ka po o ka Poa
ono, a ku hou mai ma ke kakahiaka
o ka Poakahi o kekahi pule mai. HE HOALOHALOHA KO MRS.
REBECCA K. NICHOLAS. Mr. Solomon Hanohano; Aloha oe ame na keiki pa'i nupepa Kuokoa — E oluolu mai me ka haahaa i ke kahi kolamu o kau nupepa pookela no na manao hoalohaloha no ko makou makuahine aloha i hala Mrs Rebecca Keanoahiahi Nicholas. Ua hanauia mai oia mai ka pu haku mai o Kaulia Kahawai am kana kane William Goodness ma Waiohuli, Kula, Maui, ma ka la 6 o Novemaba, makahiki 1882, a ua haalele mai oia i keia ola honua ana ma ka la 13 o Feberuari, 1925 ma ka Halema'i Puunene, mahope o ke okiia ana e na kauka no ke kahi ma'i ana i hoomanawanui a no na makahiki loihi. Ua hoonaauaoia oia ma ka hale kula Vilikina ma Honolulu. Ua mare aku oia ia Ned Nicholas (Make Ianuari 31, 1925) ma Wai luku i ka la 10 o Sepatemaba. Aole kekahi o makou o ka ohana ma kona aoao i ka manawa hope loa ana i honi ai i na ea makamae o keia ola ana, a kikoo mai la ka lima weliweli o ka make i kom uhane aloha a waiho iho la i k< kino puanuanu na makou na ka ohana e haawe a hoomoe aku i ka poli o ka honua i ka moe hooilo ame ka ala huli hoi ole. I na hoahele kula o na la kamalii ua hala o Rebecca Goodness Nicholas no ka huli ana i ka naauao ma. kela home a ko kakou Makua lani i hoomakaukau ai no kakou apau. I na ohana ame na hoaloha he nui mai Hawaii Moku o Keawe ahiki ia Kauai Manokalanipo, ua pau ka pumehana ana o ka home a oukou e kipa ai a luana i na Ia hala; pau ka lohe ana i kona leo aloha, heahea a hookipa. Aloha no ka makuahine hoomanawanui i< makou, a makou e haawe nei i ke aloha ame ka luuluu no kana mau
hana aloha poina ole. Ua uhai
aku oia i kana kane aloha Ned
Nicholas iloko o ka huakai hookah
o ka ala huli hoi ole mai.
Ua haule aku kana kane aloha
ma ka la 31 o Ianuari o keia ma-
kahiki a ua piha no hoi na pule
elua o kona moe hookahi ana ua
uhai aku kana lei aloha e moe pu
laua i ka moe lolii ana i ka opu o ka
honua.
Ke pule nei makou i ka Makua
Lani kiekie loa, e apo mai oia i ka
uhane o ko makou makuahine ame
kana kane iloko o Kona poli no ka
maha man loa.
Me na puuwai i piha i ke aloha
ame ka luuluu, ke waiho nei ma-
kou i ko laua mau uhane me ka
Makua Lani. Me ka mahalo.
O makou iho no na ohana a laua | HOOIKAIKA NO KA PONO O NA MAKAAINANA. O kekahi o na hoa oloko o ka
hale o na lunamakaainana, i ike
maoli ia kona hana ame ka hooika-
ika, no ka pono o kona mau haku
makaainana, oia no ka Mea Hano-
hano W. K. Hussey, mai ka moku-
puni mai o Kauai.
O ka elua keia o kona kau iloko
o ka ahaolelo. Ma ke kau aku
nei i hala, ua kohoia oia i luna-
makaainana mai ka apana elima
mai, ma ka Mokupuni o Oahu nei,
aka i keia kau, ua koho hou ia
oia i hoa no ka hale o na lunama-
kaainana mai Kauai mai.
Iloko o na la mua o ka ahaolelo,
oia kekahi o na lunamakaainana,
nui o kana mau bila kanawai i
hookomo ae ai iloko o ka hale ka mea nana i hookahaha aku i ka
manao o kona mau hoa lunamaka-
ainana, mai ka mokupuni hookahi
mai, no ke kaa e ana na keia hoa
o lakou ka hookomo mua ana i
kekahi mau bila a lakou i hooma-
kaukau ai, a i manao ai e hooko-
mo aku iloko o ka ahaolelo.
He 23 ka nui o na bila a ka
Lunamakaainana W. K. Hussey i
hookomo aku ai iloko o ka hale
o na lunamakaainana, a he 23 no
mau olelo hooholo.
Iloko o kana mau bila lehulehu,
ua lilo kekahi mau bila i kanawai,
mamuli o ke kakauinoa ana o ke
Kiaaina, a ua waihoia kekahi ma
ka papa, mamuli o ke aponoia ana
o na hoike a na komite lehulehu,
aia no kekahi mau bila iloko o
ka lima o na komite kahi i waiho
ai.
Ma ke ano nui ke olelo ae, aole
i noho wale ka Mea Hanohano Hus-
sey, me ka makaala i ka pono
o kona mau haku makaainana, aka
ua hookomo ne oia i na hoopono-
pono ahaolelo, no ka pono o ko
Kauai poe, mai Waimea ahiki i Ha-
nalei. Ua holo kana bila no ke
kukuluia aku i kula kiekie no na
keiki opio ma Kalaheo a ma Kapaa.
E loaa ana i na makaainana o
Hanapepe, he haawina dala no ka
hoomaemae ana i ko lakou paka,
me ke kahua paani no ka lehulehu,
a he nui hou ae kana mau hoo-
ponopono ahaolelo i hooikaika ai,
o laa ka ukuhana o na limahana,
no ka hoomahuahuaia ae ahiki i ka
ekolu dala ka haahaa no ka la hana
hookahi, pela hoi ka hiki olo i na
banako, ko paa aku i na dala a ka
poe i make, aka e hoike koke ae i
ke aupuni, no ka hoolahaia maloko
o na nupepa, i na hooilina o kela
poe i make, i wahi e holo aku ai
na dala i hoahuia ia lakou.
Wahi a ka Mea Hanohano W. K.
Hussey, hookahi kumu o ka loaa
ana iaia o ka ike no na makemake
o kona mau haku makaainana, o
ia no kona kaahele, ma kela ame
keia wahi no ka hui kino ana ma-
mua o ka noho ana o ka ahaolelo,
a pela iho la i makaukau mau ai
oia me kana mau bila kanawai, o
ka hookomo ana iloko o ka aha-
olelo, me ka maopopo mua ole iaia,
o na mea a kona mau hoa lunama-
kaainana mai Kauai mai, i hoolala
ai, e hana aku.
Ua paa loa ka manao o ka Mea
Hanohano Hussey, e holo hou mai
ana no oia no ka ahaolelo ma keia
kau ae, mai ka mokupuni mai. o
Kauai, a oiai ua kamaaina iho la
oia i na hana o ka ahaolelo iloko
o na kau elua ana i noho ai, he
manaolana kona, e hoomau ana no
ko Kauai poe i ka hilinai ana ma-
luna ona, ma ke ano he wahaolelo
no lakou iloko o ka hale o na luna-
makaainana. i haalele mai ai e kumakena aku
me ke aloha.
GUY GOODNESS,
HELEN GOODNESS,
PERUVIAN GOODNESS,
MINNIE GOODNESS,
GUY GOODNESS,
REBECCA GOODNESS,
REUBEN GOODNESS,
EVA., GOODNESS,
WILLIAM GOODNESS,
VICTORIA GOODNESS,
JOEL HOLAU NICHOLAS
KAMALI NICHOLAS,
JOEL HOLAU, | Nuhou
Kuwaho PEKING, KINA, Apr. 2.— O ka
makemake o ka Peresidena Sun Yet
Sen i make e hoomoeia kona kino
iloko o ka pahu kupapau bronze
crystal elike me ko Nikolai Lenine
pahu me he mea la aole e hookoia
ana, oiai o ia pahu i kakaliia no
ka hoea mai Moscow mai, ua ikeia
ke kupono ole no ka hoohanaia.
No ia kumu ua hooleia. Ma keia
la iho la i malamaia ai ka hoolewa
o Dr. Sun maloko o ke kahua o ka
Paka Central, kahi o ke kino i kau-
ia ai mai kona make ana mai, a
ma ke pani aniani e hiki ai i ka
lehulehu ke nana iho i kona hele-
helena. KIKAKO, Apr. 5. — E hoakaka ana
ka nupepa Herald-Examiner ma ka
hoike a ke kanaka loea i ka huli
ana i ka mole a ke koronero i
hoolimalima ai, oia ke Kauka Mc-
Nally, imua o ka Lunakanawai OI-
son, ka lunakanawai hoomalu ua
loaa iaia ka laaumake iloko o na
kino o Mrs. Mary McClintock ame
he Kauka Harry Olson i hueia ai
ma ka pule i hala no ka hooiaio
ana i na kumuhoopii no ka pili o
Ka hewa pepehikanaka ia William
Shepherd ame Dr. Charles C. Fai-
man. 0 ka laaumake i loaa ai he
mercury (waikala). Aia o She-
pherd ame Faiman ke hoopaaia mai
nei maloko o ka halepaahao me ka
ae ole ia e bela ia laua no ka make
ana o William McClintock, "Ke
keiki Onamiliona makua ole" i loaa
ai i ka ma'i fiva a make. BRUSSELS, Apr. 5.— Ma keia la
iho la i hoihoi aku ai, ke Kuhina
Nui Theunie i kona hookohu i ka
Moi Albert. Ua kaua mai ka moi
ma o ke noi ana mai iaia e hoo-
mau aku no oia i ka lawelawe ana
i ka hana ahiki i ka loaa ana o
ka aha kuhina hou. HOIKE HAPAHA O KE KULA
SABATI O KAUMAKAPILI. I ka Lunahooponopono o ke Kuo-
koa; Aloha oe: — Iloko o ka eloelo
o na kuaua hookina, ka huihui ame
ka ikaika no hoi o ka pa mai a
ka makani, ka hakukele no hoi o
alanui, he mau mea hoao i na hai-
pule e kunana ai, eia nae, ua nana
ole ia ae la ia mau akeakea e na
haumana Kula Sabati o Kaumaka-
pili, a ma ka oleloia, o ia kekahi
o na hoike i pau pono mai ai na
haumana, mai na keiki a na ma-
kua, a o ia no hoi kekahi o na
hoike maikai o na haawina amo
na himeni ma ka manawa o ke
Kula Sabati o Kaumakapili i ma-
lama ai i kana hoike hapaha mua
o keia makahiki, Maraki 29.
Ma ka hora 10 a. m., ponoi i
hoomaka ai na hana hoike a pau
ma ka hora 12:10. Iloko o ka lehu-
lehu o na papa ka loihi no hoi o na
haawina paanaau a pela me na hi-
meni, eia nae, ua miomio no ka
hoike ana mai a na papa a pau
ma na mea ano nui a ua pau iloko-
ko o ka manawa kupono loa e uiha
ole ai.
He mau haneri o na haumana i
hiki ae, a o na papa Kula Sabati
a na pokii ame na opio na papa
i hoopiha nui mai i kou meaka-
kau i ka hauoli no ke koa, ka paa-
naau o ka lakou mau haawina, ame
ka maikai o ka lakou mau himeni.
He elua mau papa Kula Sabati
home, he mau pokii ka hapanui,
a no na pule elua wale no ko lakou
a'oia ana maloko no hoi o ia mau
papa na keiki o na lahui like ole,
mai na Hawaii, na Pilipino, na
Poko Riko a mau keiki Pake, a
iloko o ka pokole loa o ko lakou
manawa o ka hoakoakoa mau ia
ana eia nae, paanaau ka lakou mau
himeni ame na haawina; ia lakou
i ku mai ai imua o ke anaina aole
kela ano hilahila wale o na ka-
malii, ua koa lakou; ma ka hoaka-
ka a ka lakou kumu a alakai hoi
he nui aku ka kekahi poe o lakou
aole i hiki mai. O keia mau keiki
i hoolakalakaia mai na apana mai
o ka Auld Lane ame Alapai Lane.
O keia no ka hana a na kumu ame
na alakai Kula Sabati o ka hoo-
lakalaka ame ke a'o aku i na kane
ame na wahine o ka la apopo.
Ua hookuuia na hana mahope iho
o kekahi mau manaopaipai mai ka
hope Kahu Kula Sabati Nui mai,
ke Kahu Kula Sabati apana ame
ka hoike a ke kakauolelo.
He ma 'u wahi mea hou ia, me ka
mahalo i ka Lunahooponopono no
ka ae ana mai i wahi kowa no
keia.
Kou me ka oiaio,
MAKAIKAI, Piha ka hale o na lunamakaaina
ma ka Poalua iho nei i ka poe ma-
kaikai, no ke ake e lohe i ka ho-
pena o ka olelo hooholo, e pili ana
i na aina aupuni o Kaakaukukui
ame Kukuluaeo, i manaoia e hoo-
komo aku iloko o na aina hoopula-
pula no na Hawaii. | |
