Ka Nupepa Kuokoa, Volume LXIV, Number 13, 26 Malaki 1925 — Page 4

EHA NUPEPA KUOKOA, HONOLULU, T. H. POAHA, MARAKI 26. 1925.


	la. Hookahi wale no hana e kac.ihiia mai ai ko ke kanaka opio manao mai ka hoomau aria aku e pono ole ai koiia ola o ia ka hookoia aku o kana mea i iini nui ai, a o ka hoohokaia aku e hooko oleia ai kona makemake a e lilo ole mai ai iaia ka mea ana i aloha ai, e halawai ana oia me ka poino. "He kanaka opio maikai oia a he puuwai hamama, a no kona hoohamama loa i kona puuwai ke kumu o kona pilikia, a he mea pono no e lilo mai iaia ke aloha o kekahi wahine i mea nona e houlala oleia ai Aloha aku la ka hoi au i ke kanaka opio!" Ia Toma i hele aku ai aohe maopopo iaia kana wahi e hele aku ai aohe no hoi he maopopo iaia o kana hana oia hele ana aku, he hele ana ia ana ma ke ano au e ka makamaka heluhelu e olelo iho ai he auwana. Iaia i hele aku ai no kekahi mana wa pokole a hala mai la kekahi mau kuea, ike iho la oia aia oia ma kekahi aoao mai o ka hale hoolimalima loihi, kahi ana o ka hoihoi ana i ke kaikamahine ana o ka hoopakele ana ma kekahi mau la aku, a i loaa aku ai iaia e moe ana iluna o ka hau elua la mamua aku. Ia manawa ulu koke ae la kekahi manao iloko ona e hele aku i ua hale la a e ninau aku pehea la ke kulana ola kino o ua kaikamahine la; me kona noonoo ole ae e lilo ana kekahi hooholo ana iho la ana e hele e ike i ke kaikamahine i mea hoololi ae i ke au holookoa o kona ola ana mahope aku, huli ae la oia a hoomaka aku la ka pii ana ma ke alapii ololi o ka hale. No ke ano pouliuli o ke alapii ololi ua hoopohihihiia ae la kona noonoo no kekahi manawa, mahope o kona hele ana mai ke alanui mai, kahi o ka hau aiai e hoalohilohi ae ana i kona mau maka. He mau leo kana o ka lohe ana ae ia manawa, a i ka ma- nawa a kona mau maka, mahope o ka hala ana o kekahi mau minuke, maa ana iho i ka malamalama hapa, ike iho la oia iaia aia mawaho pono mai o kekahi puka e hamama mai ana. Ia halo ana aku ana iloko o kona ike aku 1 ano ia elua mau mea kino e noho mai ana i waenakonu o ka rumi, hookahi he wahine aoo ua paepaeia mai ohope o ke kua a kiekie me na uluna a e noho ana maluna o kekahi noho paipai nui, a o ke- kahi, he wahine opio ia, malalo iho o na wawae o ka wahine e ou ana iluna o ka noho e noho ana me ke kukuli, o kona mau wili oho ua nalowale iloko o na opi o ka lole o ka wahine aoo. "Ke manao nei au he hana waiwai ole ka hele hou ana aku e kii i ke dala no ka lole, e Felorika," wahi a ka wahine o ka pane ana iho," no ka mea aole lakou e uku mar ana ia oe ahiki i ke komoia ana o kela lole a alua, a e make ana kaua i ka pololi. Aole hiki ia kaua ke oia loihi aku me ka nele i ka wahie ame ke ahi. O ka'u e makemake nei o ko kaua make koke iho i nei hora, pau ka auwe ana i na ehaeha o keia ola hoomainoino ana, i ole ai au e lilo i mea hookaumaha aku ia oe, e kuu keiki ilihune. "O, e mama, mai olelo mai oe me kela, he mea hoehaeha loa mai ia i kuu noonoo!" i pane ae ai ke kaikamahine me ka ehaeha i ka Toma hoolohe aku. "Aohe o'u makemake e make koke aku oe, he mea hauoli no ko'u ola ana ka hoolako ana aku ia oe me m wahi meaai liilii e hiki ana e loaa ia'u. E ae mai oe e hele ku au i keia la a huli aku i hana hou, a ke manaoio nei au e loaa ana no ka'u hana, a ke loaa ka hoi ka hana la, ea, oia kaua." "O, e kuu Felorika, ua maopopo no ia oe he nui ka ino owa- ho a he hana paakiki nau ka hele ana aku mahina o na alanui o ke kulanakauhale i uhipaaia e ka hau, a he nui no hoi ke anu e nele ole ai kou loaa mai i ke anu a loaa oe i ka ma'i, me ia pololi ou e holoke ai iuka a i kai o ke alanui. "E kuu Felorika, ua ike no au he makau ole a he ikaika no oe, aka he hopena no nae ko na hoomanawanui ana a pau. Ke nana aku nei au ia oe ua lena mai kou ili me ka nawaliwali pu, a no ia ike aku ou ia mau ano kupono ole ou ke hoaano aku i keia ino me ia pololi ou, e halawai ana oe me ka poino e hiki ole ai ia oe ke pale ae." "Malia paha e oi ae ana ko Pili laki mamua o'u ma ka hull ana aku i kahi hana e hana aku ai," Wahi a ke kaikamahine. Luliuli ae la ke poo o ka makuahine no ka hoole ana iho me ka maopopo loa i ka manao o ke kaikamahine. Ua lawa loa ko Toma lohe i na mea a pau e hoala ia ae ai na manao aloha a menemene iloko ona no na mea i halawai me ka nele. E like me ka anapu ana a ka uwila hooholo iho la oia i kana alahele e hana aku ai no ka hoopakele ana ae i na mea i nele. O kona nee aku la no ia imua a ku ma kekahi aoao o ka puka a kikeke aku lai me ka ikaika. I ka lohe ana mai o Felorika ia kikeke ku koke ae la oia me ka hooho ana ae: "O ka hakuhale paha kela i kikeke mai la e kii mai ana i ka hoolimalima o ka hale, "me ka hawanawana liilii ana iho. Mai mai kaumaha oe, e mama a mai makau; na'u e hele ae a noi aku iaia e hoomanawanui liilii iki mai no kekahi mana- wa loihi hou aku. O, e mama maluna o ko'u mau kuli e ku- kuli aku ana imua ona e nonoi aku ai au iaia me ka haahaa loa no kekahi mau la hou aku." Ia laua no e u kamailio liilii ana ku papu aku la ka kaua koa ma ka puka, a he mea puiwa no hoi ia no Felorika la i kona ike ana mai i kona hoopakele e ku aku ana. Ia Toma e nana aku ana ia Felorika ua ike koke aku la oia r me ka hoohewahewa ole ua loaa he manao kaumaha iaia, a ia manawa oia i pane aku ai me ka leo oluolu loa : "Ina ua hoopilikiaia aku nei ko olua noonoo ma kekahi ano no kuu kikeke ana aku nei e nonoi aku ana au ia olua e huikala mai ia'u," wahi a Toma, me kona hapai ana ae i kona papale, "no keia kakahiaka loa o ko'u kipa ana mai la, aka no ka hana oia ka'u kumupale ma ko'u aoao no keia kipa ana mai la." Aohe pane mai o ke kaikamahine nana wa,le mai la no oia me na maka pahaohao. "Ma ka hoike pokole ana aku i ko'u manao ea, e ka lede opio, eia n6 ka'u hana o ke kipa ana mai la, o ia keia, e noi aku ia oe ina e hiki ana ke kokua mai ia makou. He mau kaukani mau pepa liilii a makou i makemakeia e hookauliilii ia aka ma o a maanei i ka poe kuai mau mai me makou me ka hoo- hakalia hou ole aku a kekahi manawa. "O ke kanaka opio hoi a makou i hoolimalima ai ,no ia hana ua huna loa iaia iho me ka hele ole mai e ike ia makou. Ina no kou ae oluolu mai e lawe aku ia hana no ke kokua ana mai ia makou ea, e uku aku no makou ia oe i kekahi uku maikai no kou luhi. "Aole oe e haalele i ka aoao o kau kapuahi hoopumehana. Na'u e hoouna mai i kekahi keiki me ia mau pepa, a i ka manawa e pau ai o kau. hana, nana ponoi no e kii mai a hoi-hoi ae. E uku mua aku ana au i ka hapa o ka uku ia oe i nei manawa, aia hoi a pau kau hana ea, alaila loaa mai kou uku piha." I ka hooki ana iho o Toma i kana kamailio ana nana ae la na wahine e noho mai ana kekahi i kekahi me ke kahaha. Ia	manawa hooiaio iho la laua ua loheia ka laua pule e ka Makua ma ka lani o Felorika nae ka mea i hooiaio loa, no ka mea i hooiaio loa, no ka mea oia kana leo pule hope loa o ka no- noi ana i ka lokomaikai o na lani e kokua mai ia laua ma o ka haawi ana mai i hana, a o keia kanaka opio i hoea aku ai o ia ka anela kiai i hoounaia mai no ka hoopakele ana ia laua mailoko aku o ka pilikia. Alaila, puana malie ae la o Felorika i keia mau huaolelo: 'O Iehova ka puuhonua ame ka ikaika o kakou, he kokua kokoke loa i ka popilikia ana.' MOKUNA III. No kekahi mau minuke kakaikahi ma ia hope iho aole hiki ia Felorika ke hoopuka ae i kekahi mau huaolelo mamuli o kona ilihia loa a no ka piha pu no hoi i ka hauoli. O kana hana pono wale no o ia ka haule iho maluna o kona mau kuli a hoomaikai ae i ke kanaka opio lokomaikai, me ka hauhau uwe, me ka olelo pu ae ia Toma me he mea la na ke Akua no oia i hoouna aku, no ka mea, ua hoea aku oia iloko o ko laua manawa pilihua loa no ka nele. Mahope o ko Toma kamailio liilii ana me na wahine no kekahi mau minuke ma na kumuhana e ae, haawi mai la oia i kona aloha, a huli aku la hoi me ka noonoo nui iloko ona no ka haahaa maoli o ke ano ame ka Felorika kamailio ana Aole no e nele ana ka hoopaia o na uhane o kekahi poe he mau kaukani ka nui ke ikemaka ae i ke kulana hune o keia mau wahine, he mau wahine ui a haahaa loa laua eia nae, ua hoopuniia me na popilikia he nui o keia ola ana. Maemae ka rumi a ia mau wahine e noho ana ana o ka haalele ana aku! E a mai ana no ke ahi maloko o ke kapuahi hoopumehana, a he kulana home no hoi ke nana aku, me ka nana ole ae i ke kakaikahi o na wahi lako hale maloko o ia wahi rumi uuku. Me keia mau mea iloko o ko Toma noonoo oia i hoi aku ai a komo iloko o kona keenahana me ka hauoli o kona uhane i like ole me ko kela manawa aua o ka haalele ana iho. Eia nae, ma kekahi ano, i ka wa e haupu ae ai oia no Geladiola, kona helehelena huapala no hoi, ike iho la oia ke hoohalikelike ae me ka helehelena nohea o Felorika, i ka mamao loa o ka helehelena ame na ano apau o kekahi mai kekahi ae. Mahope mai ua lilo ka hana ana i haawi aku ai ia Felorika i mea koi mau mai iaia e hele mau ae i ka hale hoolimalima, kahi a Felorika ame kona makuahine e noho ana. Ua pinepine na manawa ana i ike iho ai i kona halawai mau me Felorika ma kekahi mau ahiahi a no ka pule hookahi kona kipa mau ana ae. Ua lilo o Toma i mea makaala mau na Felorika o ka hoea aku, a i ko Toma manawa e hoea aku ai, e ike mau ia aku ana ka naholo ae o ka ula ma kona mau papalina me ka lamalama a hoihoi ke nana aku i kona mau maka, be mau hoailona maopopo loa e hoike mai ana, 'Ua make aku la oe i ka Ua Polinahe o ka aina'. Mahope mai ua kakauia iho la na inoa o ka poe kuai mau me ka hui a Toma e hana ana maluna o na wa-hileka. Ua hoouna mai o Toma he lono ma o ka elele la e hoea mai ana oia ma ia ahiahi no ia mau wa-hileka. Ia Toma i hiki mai ai a kikeke mai la mawaho ua pane koke aku o Felorika i kana kikeke. "O ke aloha ahiahi no kou, e Miss Wela," wahi a Toma, me kela ano hoihoi mau o kana mau olelo. "Ke maopopo ole nei ia'u e hookipaia aku ana paha au a aole paha. O ka'u i maka'u iho la ua lawe pu mai nei paha au i ke anu me a'u e loaa aku ai olua i ke anu." "Komo loa mai ilioko nei," wahi a Felorika me ke ohaoha. "Ua maopopo no ia oe i na manawa apau au e hoea mai ai e hookipaia mai ana oe me ke aloha; eia kahi o ka pumehana oloko nei, ina ka puu nui owaho la he anu, a ia oe e komo mai ai, ea, e hoopoina iho oe i ke kupono ole o kou hookipaia ana mai Hoko nei." Ua komo aku la o Toma iloko o kahi rumi hookipa uuku, a iaia e nana ae ana ma o a maanei he maemae na mea apau He ahi lanahu ke a mai ana iloko o ke kpuahi hoopumehana. a na ia ahi i hoomalamalama ae i kekahi wahi oloko o ka rumi me ka hoopumehana pu mai, a he kohu home maoli no ke nana iho. Maluna o kekahi noho ie nui e ku ana mamua pono aku o ke kapuahi o Toma i noho iho ai, a ia Felorika hoi i hoi hou aku ai a noho ma kona noho mua ma ka aoao o ke pakaukau, kahi o ka paila wa-hileka hope i waiho ai. "Manao au e hauoli iho ana no oe i ka manawa e pau aku ai keia wahi hana liilii i ka hanaia," i pane aku ai o Toma me ka akaaka ana aku. "Ua ike oe me ke kanalua ole i ka oi aku o ka hana mamua o kau mea i manao mua ai. O keia no hoi ke ahiahi hope a'u e hooluhi aku ana ia oe me keia wa-hileka, no ka mea ua pau ae la no ka hana a'u i manao ai nau e hana no nei manawa." Haule iho la ka peni mau ka lima haalulu iho o Felorika, a aneane loa e hooho ae i kekahi mea, aka, uumi hou iho la no nae oia iloko ona mamua o ka oili ana aku o ka leo iwaho e kumakaia iho ai iaia. "He mea ano nui ka'u e hoike aku ana ia oe," i hoomau aku ai o Toma i kana kamailio ana. Hikilele ae la o Felorika no nei kamailio ana aku la a Toma, a ke naholo la hoi ka ula ma kona mau papalina, a i kekahi manawa haikea ae la, elike me ka uli o ka hee ka naholo. • L Aole i moeuhane mua o Toma i kona manawa i hoopuka aku ai i na huaolelo, "he mea ano nui ka'u e hoike aku ana ia P oe," e komo loa a e lawe aku ana la o Felorika ia mau olelo ana, me ka manao e noi aku ana la e haawi mai i kona puuwai ame kona lima. . u Aole oia i ike mai i ka naholo o ka ula a nalowale aku ana, a i kekahi manawa haikea ae la a nalowale aku ana, ma na papalina o Felorika, ia Felorika i hele malie aku ai a kaa ma kekahi aoao mai o ka rumi mamua pono mai ona. No kekahi mau minuke lehulehu ka haka pono ana a ko Toma mau maka maluna o na puupuu lanahu e aa mai ana iloko o ke kapuahi. Ia Toma e nana ana i na puupuu lanahu no kekahi mau minuke ua like ia mau minuke ia Felorika me ka makahiki okoa ka loihi no ko Toma kamailio ole aku, eia nae, oiai o Toma e nana ana i ke ahi aia kekahi manao nui iloko ona, a o ia kana o ka pane ana ae mahope iho: "Nou e Miss Wela ka'u mea o ka noonoo nui ana i keia la a po," i hoomaka aku ai oia e kamailio, "He kaikamahine koa a ikaika maoli oe me ka hooikaika mau e malama i kou mau makua. I ko'u noonoo ana iho nei, ma ko'u manao he hana pono ole nau ka auamo ana i ke koikoi o oe wale no; e loaa kekahi mea kokua ia oe e pono ai." Ua lelele ae la paha ka naau o Felorika i ka hauoli la ia manawa no nei mau olelo hoolana aku la a Toma, o ka ike

He Moolelo Hooniua Puuwai

NO
KA UI NOHEA

GELADIOLA

Ka Ipo Aloha a na Mea Aloha Elua

^" A! Aia ua kaikamahine ui waiwai nei la!" i hooho ae a ka haku, "a ke manao nei au ua loaa ia'u ka manawa maika loa e kii aku ai iaia no ka hula pu ana me a'u."

"Hoao aku oe i kou laki," i pane ae ai o Hale Kakalaika,

O ka hele aku la no ia o ua haku nei i kuhihewaia he kanaka waiwai no Pelekane, eia ka, he kanaka aie nui ia Hale Kakalaika, elike me ia au e ka makamaka heluhelu i ike iho Ia mamua ae la.

He mea i maa mau, i ka manawa e ike mai ai kekahi i ke-leahi kaukaualii e hele aku ana e haawi mai ana lakou i ka pono o ke alahele nona ma o ka hookaawale ana ae ia lakou ma kekahi aoao. Ua hele aku la ka haku me kela kulana kapukapu me ke kunou ana ma kela ame keia aoao i na lede ame na keonimana a ua lilo hoi oia i mea makemakeia e na wahine ame na kanaka pu apau maloko o ka holo hulahula ia manawa He minuke ma ia hope iho ua pili mai la o Geladiola ma kona aoao aole no kona makemake io maoli, aka no ka hooko wal( ana no i ka makemake o kona makuahine.

"3333JE loaa ana anei he manawa no'u e hulahula pu ai me oe

* Miss Demona ma keia hula nui?" wahi ana o ke noi ana iho
la Geladiola.

I ka ike ana mai o ka makuahine i ka pili ana aku o ka haku ma ko Geladiola aoao ame kona nana pono ana mai iaia me he mea la e ae ae oia i ke noi a ka haku, hookomo mai la oia i kona lima iloko o ka lima o ka haku a hoomaka aku la ko laua niniu poahi ana. "Ua maamaalea maoli oe i nei hana o ka hulahula a ke haawi nei au i ko'u mahalo ia oe no kou lilo ana i pakana ui a akamai i ka hulahula E loaa ana anei ia'u ka aeia mai no ka hula pu ana me oe ma kekahi hula nui hou aku?" wahi a ka haku o ka ui ana iho.

Ma keia manawa a pau a laua e hulahula ana, ua hooikaika mau ka haku ma ke pahele ana i ka noonoo o Geladiola i mea e makemake ai oia iaia, a i na manawa apau ana i hooikaika ai ua holopono mau oia ma ia hooikaika ana ana.

No na hulahula lehulehu ma iahope iho ko laua hulahula pu ana, ahiki 5 ka lilo ana o ko laua hulahula pu mau i mea nana mai na ka lehulehu me na manao kahaha, a ia Toma hoi e ku mai ana nana, me ka piha o kona naau i ka inaina, ka lili, i like ka aa iloko ona me he ahi la.

Ua loheia aku kekahi mau leo hawanawana e Mrs. Demona ma kekahi mau wahi mai na lede opio ae ua haulehia like na mea e hulahula mau ana i ke aloha, ka makemake ame ka hoohihi kekahi i kekahi mai ka manawa mua mai o ka ike ana o kekahi i kekahi, a o ka lakou e nalu nui ana iloko o lakou iho, pehea aku ana la ko laua hopena, e lilo ana anei ko laua launa ana i nei manawa i mea hoomole loa aku ahiki i ko laua hoohuiia ana ma ka mare?

No Toma iho, o keia ke ahiahi maikai ole loa o kona noonoo ana i hoohala ai iloko o na la apau o kona ola ana, a i ka manawa i pau ai ka hulahula ana, ua piha loa oia i ka hauoli. Ua maha loa kona noonoo i ka hookuuia ana o na hana apau ma ia po, aka nae, i ka manawa a Geladiola ame ka makuahine i hele mai ai a hui me ia maloko o ka holo ua pii hou ae la kona inaina a ke ana kiekie loa no ko ka haku Pelekane hoea hou ana mai a hele ae la ma kona aoao a pili mai la ma ka aoao o Geladiola no ka hele pu ana aku ahiki i kahi o ke kaalio e ku mai ana.

Me ka hooikaika wale no o Toma i uumi ai i kona inaina
me ka hoopuka ole aku i kekahi mau huaolelo e eha aku ai
ka haku Pelekane, oiai nae, ua makaukau loa ia mau huaolelo
ma kona mau lehelehe e luaiia aku oiai kona mau kui e u-i
ana i ka ua mea o ka ukiuki.

Ina oia i hoao e hooee aku ia Geladiola iluna o ke kaa e lilo ana ia i mea no ka haku e nanakee mai ai iaia, nolaila h6oholo iho la oia he hana maikai nana ka hookuu ana aku na ka haku e hoee aku i ka lede opio, a oiai ka haku e hana aku ana ia hana halawai mai la kona mau maka me na maka o Toma i hele a enaena i ka inaina e nana pono aku ana iaia me ka hulili, me he maka la no ka popoki.

Me na maka i piha me ka inaina i nana aku ai o Toma i ka wehe ana ae o ka haku Pelekane i kona papale a haawi aku la i kona aloha i ka lede opio oiai ke kaa e hoomaka aku ana e nee ia manawa.

Na ka nee koke ana aku a ke kaa i hoopau koke ae la i ko Toma inaina a hoi aku la no hoi o Geladiola me ka loaa ole he wahi huaolelo hookahi i kukaiia mawaena ona ame Toma. Ma kekahi la ae, ma kahi o ko Geladiola hookipa aku iaia i ka hale. o ka makuahine ka i iho mai no ka hookipa ana aku iaia iloko o ka rumi hookipa.

I ka loaa ana o ka manao koa iaia ninau aku la: "Auhea ka hoi o Miss Demona?"

"Ua hala aku oia no ka ike ana i kekahi o kona mau hoaloha kaikamahine aole oia e hoi koke mai ana a hala kekahi mau pule elua. "Me he mea la he kanaka opio lohe ole oia i kekahi huaolelo ia minuke ana e hoolohe aku ana.

I kona pa ana i ka nele "akahi ka hoi ka nele o ka malie me he ekaeka la hoi ka maunu," o kona ku ae la no ia, hopo iho la i ka papale, haawi aku la i ke aloha, a hoi pololei loa iku la no kona keenahana me ka naau kaumaha he helehelena kona ia manawa e ike wale ia mai ai no e kekahi poe, "ua eha loko i ka eha lima ole a ke aloha, a kakou e ike pu ole nei no a," a i ole ua hoi aku me ka naau luuluu.

Ua hooikaika oia e lawelawe aku i kana mau hana i maa mau o kela ame keia ano, eia nae, no ke alai mau ae a na hoomanao ana iloko ona no Geladiola ua hiki a holopono ole ka hana ana, 'aohe waiwai o ka hana ana aku' wahi ana iaia iho, a i iho la ka mea haku mele ma ia wahi penei:

Ke kau aloha wale mai la no Hamakua ia'u,
Halialia mai ana i kuu maka,
O ka Elele ia a ka makani o ka Puulena,
A ka makani halihali aala mai uka o ka lua,
Iuka maua i Moeawakea, i ka nahele o Kaliu la_e,
Liuliu wa—le, ka nohona a ka ipo i ka loa la—e!
I ka manawa i ike mai ai o Palaika, ka hoa kahiko o ka hui
lanahu i ko Toma kau ana ae i kona papale a hele aku la iwaho
oiai ka ino e haluku mai ana ia manawa no ka mea aole i
kualiilii mai, i wale iho la no oia iaia iho: "He mea ano nui
aia iloko o ka noonoo o ke kanaka opio, o ia kona kumu e hele

ole ia aku hoi oloko hana nui; malia paha ke pinapinai la
kona hanu ana ia manawa me ka haalulu o kona kino, aohe

nae hoi o Toma ike aku. Ua koho koke iho la o Felorika ia
manawa o ka Toma mau huaolelo i koe e hoopuka aku ana
ua aloha a ua makemake oia iaia i wahine.
Ninau koke aku la o Toma, "ea, ua loaa anei i ko kaiku-

nane ia Pili kekahi hana i nei manawa?"

No keia ninau nalu iho la o Felorika iloko iho ona, heaha la ka pili o ka Pili hana me ke aloha a i ole me ka mare? Aohe oia i pane mai, aka luliluli wale mai la no kona poo.

(Aole i pau.)


	NA MEA HOU MA KA EKALE- SIA O PAIA, MAUI. ——— Solomon Hanohano, Aloha nui kaua: — E oluolu mai kou ahonui e hookomo iho i na meahou uliuli o ka nani o ka Euanelio o Iesu Kristo e nee nei i keia niau la iloko o Kona mana ame Kona aloha nui ia kakou apau, na kini haipule apuni keia paeaina. Paia Church Feb. 8, 1925.— Ua malama ia ae la e ke Kahu Rev Moses M. Kahiapo ma keia Sabati ame Rev. George Kauaulalena, ka halawai haipule. Ia Rev. G. Kaua ulalena ka haiolelo ma ka awai Heluhelu Baibala Kinohi 7:1-24. Kumuhana. O Noa me Kona oha- na apau iloko o ka halelana. Mai- kai ka haiolelo o keia la mai keia I makua mai; a i ka pau ana o ka haiolelo, alaila malamaia ka papa ahaaina a ka Haku. I ke Kahu ke pa berena a i ka Makua Rev. G. Kauaulalena ke pa waina. Ua hookomoia i ka Ekalesia he 6 hoahanau komohou ame 7 keiki i bapetizoia. Ka nui o na hoahanau i hookomoia iloko o keia 6 mahina, he 20 hoahanau komohou ame 19 keiki i bapetizoia. O keia kumuhana nui a ke ko- mite 15 e hana nei, a e nee nei ma na ekalesia apau. Ee manao- lanaia aku nei mamua o ka Easter Sunday e, hoea mai ana, e loaa hou no, o ua mau hua hou, a pela pu no hoi mamua o ka noho ana mai o ka aha paeaina. O kela na hoolala a ke Kahu o keia Ekalesia, e hoonee nui i ka mana o Kana Euanelie no Kristo ame Kona Ekalesia. Ua hookomoia he mau hoahanau Kakolika ame kekahi Kepani Huelo, Church, Feb. 12, 1925.— Ua i malamaia ka halawai Ekalesia ma keia Sabati e ke komite. Koho hou ia na elele o na Aha Ekolu a o Mrs. Abigaila Kahiamoe ka elele ekalesia. Ua haawi ae la na hoahanau o keia ekalesia i ka lakou manawalea no ka makuahine i hala aku, Mrs. Imihia no kona kiahoomanao he $35.00. Maikai na hipa o keia pa hipa. Oluolu ka noho ana me ko lakou haiolelo. Ua malamaia ka hoikeohana Kula Sabati me C. E., he $16.00 na loaa, a o ka lakou koho no ke kiahoomanao o Wm. Werner, he $31.25. Ua loaa mai i ke komite Malamaia ka papa ahaaina a ka Haku e ke Kahu Moses M. Kahiapo, he 2 hoahanau komo hoa iloko o keia pa hipa. I ka pau ana he mau meaai i hoomakaukauia no na mea apau, ua ai a Iawa i ka lokomaikai o na kamaaina. Paihiihi Church, Feb. 22. — Ua ma- lama ae ke Kahu i ka ahaaina berena no ka pono o na hoahanau ma keia apana he 17 hoahanau, ma keia Sabati; a i ka auwina la hora 2:00 a pau i ka hora 3:00 i malama ia ae ai ka hoike rally o na C. E., ma keia apana. Ke anaina i hiki mai he 71. Na loaa lulu o ka la he $35.00. Ua kaa mai apau loa he $62.50 mai ke C. E. Sr., mai o Paihiihi a pela pu no hoi me ke C. E. Jr., a na loaa mai i ka lima o ke komite a e hoounaia aku ana i ka puuku o ka Paeaina o na C. E. Maikai na hana i malamaia. Ka nui o na papa i hiki mai he 5. M Paihiihi Sr., me Jr. He mau kokua M i loaa mai, Huelo C. E. Sr. 1 Na manao paipai o ka la, i ke M Komite Hoeueu o na C. E., Mrs. Annie Kahiapo ame Mrs. Kapoo, I komite kiai. O keia kekahi o na hana maikai loa, o ia no ka hoeueu ana i ka poe i moe, i mea e loao hou ai ha ikaika. He paina inu ti, i haawiia ae no ka pono o na hoapaahana apau i hiki mai Ua hooholo keia aha, e malamaia ana na hana rally C. E., hou i ka mahina ae nei Aperila IS». 1925, ma Paia, Maui. Paia Church, Mar. 14, 1925— He ahamele e malamaia ana ma ka Hall o Paia, o na pono ame na po- maikai no ka apana o Haliimaile. A ma ke Sabati ana ae e malamaia ai na hana hoike Kula Sabati o Makawao Akau i Maraki 15; a ma ia la no e haawiia ai na makana i ke Kula Sabati e lilo ai ka hae.a pela pu no hoi me ka Baibala Nui ma ka olelo Hawaii i ke C. E., e nui ana na lala komo hou i keia hapaha. O keia ae la ka lawa o na meahou iloko o keia kihapai, e nee nei; hoo- maikai nui ia oe e Mr. Lunahoopo- nopono ame na keiki pa'i o kou keena, aloha kaua. Me ka mahalo, Owau iho no, KIU HANU MEAHOU HAINA NANE. Mr. Solomon Hanohano; Aloha mai:— Eia au he wahi olulo na ka manu hulu melemele a ke keiki o ka lae o ka hipa i Kahuku i kono mai i rumi kaawale o hou oneki no	ka'u wahi haina; malia o ka hana keia e puehu ai na hulu o ua manu nei i ka pa a ka makani wili ahiu. E kahea ae au i ka inoa o ua manu nei a kaua. He mele he inoa no ke onaona, No ka hae kowelo i halealii. He alii na maka o ka uwila, E anapu mai la i ka pae opua. Penei ka'u wehewehe i keia nane e puhili nei ka poe loea imi i ua nano hooni noonoo nei. O ke poo o ka hae Hawaii, hae Amerika paha, he u'i he ono i ka maka ke ike aku me kona mau apa- na lole like ole; o na ekekeu o ia na kaula e huki ai iluna ilalo, he ono i ka maka ke nana aku, oiai o ke kuleana ia e kau ai ua manu nei iluna a lele aku i ka po me ke ao, mana aupuni like ole o ka ho- nua. O na u-ha, o ia no ka pahu laau loihi i kapaia pahuhae, he ono i ka maka ke nana aku i kona ka kilakila i ka po me ke ao e lele ana keia manu hao ma na puu, na alu na moanakai, muliwai ma na moku ma kela ano koia ano, ke manaoia o ka puapua o keia manu aohe, he panapana no nae. Pololei, oiai ka haa e kau ana ilu- na ani ae la ka makani pa mai paha ka makani, pulelo ae Ia ohope o na manu hae nei Aole anoi ia he pa- napana. O ia no! Ua manao au ka mea nona ka inoa malalo nei o keia ka nane a'u e olelo nei i ka naauao maoli o ka mea nana i kukulu i keia nane oiai ua laweia mai a kau i ka pukaihu a hala aku la ka A, D. 1924, ko- welo Ioa mai i keia A. D. 1925, o ia mau no ke kau aheahe o keia manu. Malia ma keia haina e pelu ai na kuli o ua keiki nei o kahuku, oiai ua kamaaina no oe ia'u pela hoi au ia oe, ke hala keia haina pau ae la ka'u pono oiai na kokoke i ka lae o ka laau, o kahi i oleloia malaila pau mai ka pono a Kakina. Maluna o'u mau hoa hoomanawa- nui ko'u mahalo me ko'u hauoli piha au e haawi aku nei i ko'u aloha no oukou huiia ame ka manu hulu melemele hoopuhili noonoo. Owau ka inoa i kapekeia. KA MAKANI WILI AHIU. Pau io mai la ka pono a Kakina, ua hala aku la Kalae o Kalaau, ua hooili mai la oe i ka hoe apiki, holo hou ia mai ka aiana a ku i ka piko L. H. PII KA WELA O KA MAKAI NUI TRASK IA HOLLINGER. No ka hooili o ka Lunakini Hol- linger i na ahewa ana maluna o ka Ioio kulanakauhale a kalana no ka wehe akeaia o na hana piliwaiwai maloko o kekahi mau hale maloko o ke kulanakauhale i hoakaka ae ai ka Makai Nui Trask i kona ma- nao e hoopakele ana i ka loio kula- nakauhale a kalana. "Ina ua manao ka Lunakiai Hol- linger ko lawelaweia mai nei na ha- na piliwaiwai maloko o kekahi mau- hale maloko o Honolulu ma ke ano akea no keaha kona mea lawe ole ae ia hana mamua o ko kiure kiekie aole ka hooili ae i na ahewa ana maluna o ka loio kulanakauhale ame kalana," wahi a Trask ma kekahi la o ka pule aku la i hala. "Aohe kuleana o Heen ma ka hana e pili ana i ka hoomaemae ana i ke kula- nakauhale," wahi a Trask, "o kana hana i manaoia o ia ka hoopii ana i na hihia a pau e laweia ae ana imua ona. O ka hopuhopu ana i ka poe piliwaiwai eia ia malalo o ka'u hoo- ponopono ana, nolaila ma ia ano he makemake wale no o Hollinger e imihala ia Heen." Me na kanaka hou he 20 i hoo- hui hou ia mai me ka puali makai mua, ke hoolala mai nei ka Makai Nui Trask e hoonohonohoia ae i kona mau kanaka ma na huina ala- nui holo mau ia e na kaa ma kekahi manawa o ka la. O ke kihi o ke alanui Moiwahine ame Papu kekahi wahi e makaala loa ia ana o ia kekahi o na kihi alanui akelekele mau o kekahi poe no ka haiki o ke alanui a i ka manawa e holo aluka mai ai o na kaa mai na uwapo mai ma na manawa e ku mai ai o na mokuahi he akelekele wale iho no kekahi poe mai ka halawai ana me na uila poino. O kekahi wahi kupono e maka- ala ia o ia ke kihi o na alanui Emma ame Kula a he wahi kupono loa la e kiai makaala loa ia ma kekahi mau manawa o ka la. "Maluna iho ka hoailona no ke ku a holo ana o na kaa e hoohanaia mai nei ma kekahi mau kihi alanui, e kauia iho ana kekahi hoailona e heluheluia aku ai aole huli ma ka hema" wahi a ka Makai Nui Trask Ua kauohaia aku keia hoailona e hanaia mai a e makaukau ana no ke hoohanaia aku maloko o kekahi manawa pokole.