| | HE MOOLELO HOONIUA PUUWAI
— NO — KINIA KA KA UI HOOMAHIE A NA IPO ELUA.
Ame Ka Mea Huna Iloko o Ke Ola Ana
O Na Makua. Ua komo mai Ia o Kauka Kawa i kela manawa, a lohe i na olelo , hoopukaia ae e ka mea ma'i, a minoaka iho la ua kauka nei, me ka pane ana mai: "Ke manao nei au, aohe au huli hou ana aku i hana nau, k ikaika pono ae kou kino; aka e hauoli loa ana kuu hoaloha nei," me ka leha ana ae ia Mrs. Pilina, "e au'a ia oe i kokoolua nona e noho ai maloko o kona home nui. Ua hala kona mau 1* ika ika, e lawelawe hookahi ai i kana mau hana, ina no kou noho pu iho me ia, e hoomamaia ae ana kona noonoo, aole wale no ma kou kokua ana aku iaia ma kekahi mau hana, aka ma kou lilo pu ana i kokoolua nona e noho ai." Aole Ioa ka Madame Pilina i noonoo mua i kekahi mea o kela ano aka nae i kona wa i lohe aku ai i ke kamailio ana ae o Kau-ka Kawa, ma ke ano e hiki ole ai iaia ke hoole aku, ua haawi koke aku la oia i kona manao apono, a ke ike la no hoi oia, e lilo ana ka noho pu ana o keia wahine me ia, i kumu nona e mehameha ole ai. Ua pii mau ae ke kulana maikai a oluolu o ka wahine malihini a hoea i na la hope o ka mahina o Dekemaba, me ka hiki an iaia ke holoholo maloko o ka hale, a ke lawelawe aku hoi i ke kahi mau hana mama, no ke kokua ana aku ia Mrs. Pilina. Aia mau nae iloko o Mrs. Pilina kekahi manao, e ninau aku ia Lahela Dane i kana mau mea i ike no ka makuahine o Kinia aka aole nae ona makemake e onou koke mai i kekahi mau ninau Imua ona, o kapaia aku auanei oia i ka mahaoi, ua hoomama loa fa ae nae kona noonoo, ma ke kaa ana ma ka aoao o Lahela Dane ke kamailio mua ana aku no Mrs. Ka. "Ia'u o ka lele ana mailuna mai o fee kaaahi, ma ka hale hoo lulu, ua halawai aku la ka ike a ko'u mau maka me kekahi ka naka a'u i kamaaina mua ai, o Evalena Ka kona inoa. Eia ane pia ma kekahi wahi kokoke ianei, e noho nei?" "Aole ona noho maanei?" " Alaila i holo makaikai wale mai no ka paha oia ea ?" "Ae, i holo makaikai wale mai no oia." "Ma kowai hale oia kahi i noho ai ma keia wahi?" "Ua noho oia ma ko'u home nei, aka nae ua hala aku oia no Europa, a aole i maopopo» ia'u ka loihi o kona manawa e hoohala ai malaila." Ua lilo keia mau olelo a Mrs; Pilina i mea hookahaha i ka manao o Lahela Dane, me ka namunamu ana iho i kekahi mai olelo, a Mrs. Pilina i lohe ole aku ai aka pane aku Ia nae oia : . "Malia palia," aole i maopopo ia oe, o Evalena Ka, kuu kaikunane ka mea nana i hoiho miai ia oe no ko'u home nei, ma kela po, o kou hoea ana mai no keia aina malihini. Ua loaa aku oe iaia e moe ana i ke alanui iloko o ke kulana poino, a nana i hookau, ia oe maluna o kona kaa, a hoihoi mai la no ko'u home nei." ''Alaila o Evalena Ka anei ka mea nana i hoopakele i kuu ola? He kaikunane anei oia nou?" "Ae, oia ka mea nana i hoopakele ia oe, a wahi ana ia'u, ua hoomaopopo oia, he mea oe i noho hana maloko o kona ohana no kekahi manawa ae nei i hala, o ka mea oiaio anei ia?" "Ae, ua noho pu au me Mr. Ka no elua makahiki, ma ka manawa i hanau ai o kana keiki hiapo, a mamua hoi o ko laua haalele ana i ka Hema a hoi aku no ka Akau e noho ai Pehea la. ua nui loa paha ka laua mau keiki i keia manawa?" "Alaila aole ka paha oe i lohe ua make o Mrs. Ka, i ka manawa he elima wale no makahiki o Kinia? O Kinia hookahi wale no ka laua keiki, aole he keiki hou ae mahope mai." "Ua make i'o anei o Mrs. Ka?" wahi a Lahela Dane me ka hoomaka ana iho e uwe, e hoike okoa mai ana kona mau ano apau, no ka nui o ka ehaeha ame ke kaumaha iloko o kona noonoo, no ka make ana o kona haku wahine mua. "Pehea, i kou noho ana me Mrs. Ka, ua lilo anei kela wahine 5 mea makemake loa nau?" "Pehea hoi e nele ai ko'u makemake iaia, o kela kekahi o na wahine oluolu loa. He mea au i hoolimalimaia no ka lawelawe ana i na ano hana like ole iloko o ka ohana, i ka manawa kela aole he nui o na loaa o Mr. Ka, aka ua waiwai ae nei paha kela kanaka i keia wa." "He o ia mau no kona ano, mai kela manawa hope loa au ! ike ai iaia, a aole no oia e lilo ana i kanaka waiwai, no ka mea mahope iho o ka make ana aku o ka makuahine o Kinia, ua hookaumaha loa ia aku kona noonoo, a no ia kaumaha i hoihoi okoa mai ai oia i kana kaikamahine, na'u e malama aku, a hele auwana aku la ma na wahi like ole o ka honua nei, no ka hoonana ana i kona manao ehaeha he nui." Ua hookahaha loa ia aku ka manao o Lahela Dane no keia hoakaka, a o ia kana o ka pane ana mai : "Aole au i manao, ua nui loa ke aloha o Evalena Ka no kana wahine, o ka'u mea i ike, o ka wahine ka mea aloha no " Alaila he nui i'o anei ke aloha o ka wahine no Evalena Ka?"
"Iwaena o na wahine apau a'u i kamaaina ai, o kela wale no
ka wahine hookahi i hoike okoa mai i ka nui o kona aloha no
kana kane, aole o ke aloha wale no, aka ua aneane oia e hoo- mana aku iaia. "Mana ka aoao hoi o Evalena Ka, o ka helu ekahi kela o ke
kanaka uahoa a mako-na a'u I ike ai, he mea kau la i na hana
maikai a ku i ke aloha a kana wahine a haawi mai i wahi mi-
noaka, he oki lo ano ma na ano apau, a ua konoia mai au e
olelo ae, aia kekahi meahuna pohihihi iloko o ke ola ana o
kela kanaka.'' "Malia paha o kela ano au i ike aku ai iloko o Evalena Ka, mamuli ia o kona ike ana iho, i kekahi hewa ko'iko'i loa ana i hana ai mamua aku," i pane aku ai o Mrs. Pilina, me ka ha- kilo pono ana aku, i ke ano o Lahela Dane. "Malia paha o ke kumu oiaio ia, o ia kona ku-e ana aku i kana wahine mua, no ka pono o keia wahine elua, aole nae i maopopo ia'u ke kumu oiaio loa. Ua lohe wale no nae au i ke kamailio mai a kekehi poe, o kela iho la ke kumu oiaio. "He mea kau la i ka hanau ana mai o ka laua keiki, a hoo- loli ae ke kane i kona mau ano, he o ia mau no kona kulana uahoa, aka malia paha ua kuhihewa ka'u mau mea i koho aku ai nona; a ina aole oia hoike ae ma kona mau ano mawaho | i kekahi aloha no kana wahine, malia aia no ke aloha oiaio iloko o kona puuwai. "Hookahi nae mea a'u e kaumaha loa nei, o ia no ka make ana o Mrs. Ka, a eia kana keiki ihea e noho nei?" "Me a'u no oia kahi i noho ai no kekahi mau makahiki loihi aka nae ua kii mai no kona makuakane, a lawe iaia no Europa i kou manawa e waiho ana iloko o ka ma'i kupilikii." "Ke lilo loa nei kaua i ke kamailio, ke hu mai la ka* wai o ka iputi," i pane ae ai o Lahela Dane ma ke ano hoolalau, a hele aku la e kinai i ke ahi o ke kapuahi, me kona makemake ole e kamailio hou no. Mrs. Ka. He mea oiaio ke koho aku, ua komohia maoli ka manao aloha oiaio iloko o Lahela Dane no Mrs. Ka, no ka mea ma kela manawa mai i loaa aku ai ka ike iaia, ua make kela wa hine, aole ona hoihoi mai, elike me mamua aku, aole no ho he kamailio wale mai, me he mea la i ka nana aku, aia ua wahine nei, ke hakoko mau la me na noonoo like ole iloko o kona poo, no kona pono o ka noho ana aku. Me kela mau ano haka-nu hae iloko o Lahela Dane, ke la welawela no oia i kana mau hana maamau me ka holopono ame ke kunukunu ole, a ua lilo no hoi kona noho ana ma kela wahi, i mea nona e mahalo loa ai, no ka mea ua loaa he home nona e noho ai, a he mau meaai hoi a lawa ai kona ola ana me ka pololi ole. Ma ka aoao hoi o Mrs. Pilina, aole no ana mau mea e hoohalahala ai no kona kokoolua, o kana mea hoomanao wale no o ia ka ha'o o ka lohe ia o ka leo himeni o Kinia, pela hoi kana mau hana o na la kamalii. Ua hoalaia mai no hoi ka manao mihi iloko o ua wahine nei no kana mau hana kupono ole i hookau aku ai maluna o Kinia mamuli o kona manao kuhihewa, he wahine ino, ka makua hine 0 Kinia, a o ia ka ua wahine nei o ka namunamu wale ana iho no iaia, ma kekahi la: "No kuu makemake ole e ukali aku o Kinia ma na kapua wawae o kona makuahine; pela wale no au i hoike aku ai ko'u mau ano uahoa iaia, a malia ua ikaika loa ke ano 0 ka'u mau mea i a'o aku ai iaia, aka ina no kona hoi mai a noho hou me a'u e hoikeike aku ana au i ko'u mau ano oluolu loa imua ona. "Ke hookuku iho nae au i ka'u mau mea i hana aku ai ma luna ona, me ka hana a kona makuakane, o ia ka hoole ana aole oia e mare aku ia Aka Valena, ua oi loa aku ke ino o kela hana a kona makuakane. "Heaha la ke kumu nui loa o ko Evalena Ka hoole ana i kana kaikamahine, mai ka lilo ana i wahine na kekahi o na kanaka opio maikai loa? Ke manao nei au e lilo ana keia hoole ana o kona makuakane i meahuna iloko o ko'u ola ana ahiki i ka waha o ka lua kupapa'u. "Pehea nae na hooikaika ana a kuu kaikunane e loaa kekahi kane kupono na kana kaikamahine ma keia mua aku, ke kanalua loa nei au, no ka loaa o kekahi mea elike me ko Aka Valena ano. Ma ka'u mau mea i lohe mai ai, mai ka manawa i huli hoi hou mai ai o Aka Valena ahiki i keia wa, ua emi mai ke kino o kela kanaka opio, a ua hele mai hoi kona helehelena a hohoma. "Ma na mea a Mrs. Bola i kamailio mai ai ia'u, he anaina hoohauoli kekahi i malamaia ae e Mrs. Valena ma kona home ma ke Karisimaka aku nei, me ka nui o na kaikamahine huapala i hoea ae ma kela anaina, aohe nae wahi mea a mihimihi aku o Aka i kekahi o lakou. "Ua hooikaika no hoi kona makuahine e lilo mai kekahi o kela mau kaikamahine huapala i wahine na kana keiki, aole nae he hooloheia aku o kana mau mea i makemake ai. Ke lana nei nae ko'u manao, e loli ana no ka ulia laki mahope o Aka Valena ma keia mua aku, a mare oia me Kinia; no ka mea o ka iini nui iloko o'u, o ia no ka ike aku ia Kinia, o mare ana me kana aloha mua." Ma keia noho pu ana o Mrs. Pilina me Lahela Dane no ka manawa loihi, aole no i loaa ka hoihoi piha ia Mrs Pilina no Lahela, o kona kumu hoohalahala no kela wahine, o ia kona hele ole i ka pule, pela hoi ka heluhelu ole i ka Baibala a i ole pule paha i kona wa e hoi ai e hiamoe i ka po. Ma ka ninau pono ana aku nae a Mrs. Pilina i kekahi la, i na kumu hoihoi ole o kela wahine e hele i ka pule; i loaa aku - ai ka ike iaia, eia ka no ka ukali mau o ka nele ame ka hune a Lahela, pela oia i makemake ole ai e hana aku i kekahi mea pili i ka hoomana ana i ke Akua. "Aole loa au e hoomana i kekahi Akua, i hoopomaikai mai kekahi poe Ana i hana ai, me ka waiwai, ka hauoli ame ka hanohano, a haawi mai hoi i ka nele, ka ilihune ame ka pilikia maluna o kekahi poe," i pane okoa aku ai o Lahela Dane imua o Mrs. Pilina, me ka lilo o na hoakaka mai ia Mrs. Pilina aku, mea hoolohe ole ia mai o kela wahine, a i ole ia hoololi ae paha i kona mau manao mua. "He hana hoopau manawa wale no nou, e Mrs. Pilina ke kamailio ana mai ia'u i kena mau mea, oiai ua lohe mua no au i kekahi poe e kamailio ana i kena mea hookahi, me ka liki ole ia'u ke manaoio aku ia mau olelo." Ma keia papa olelo ana, i loaa aku ai ka ike ia Mrs. Pilina, ka manao maoli o Lahela Dane, aia wale no a loaa i kela wahine kekahi huina dala mahuahua, pela hoi ka hookoia o kana mau mea apau e makemake ai, alaila ia wa oia o ike iho ai ka waiwai ame ka pomaikai o ka hele ana i ka pule, a i ole i ka hoomana ana paha i ke Akua. • Ma kekahi la nae, oiai ua o Lahela Dane e nana ana iwaho o ka puka aniani, mamua o ka hale, ike aku la oia i ka maalo ana ae o Aka Valena maluna o kona kaa holohau, me kona makuahine, a na ko laua mau koloka huluhulu e komo ana i hoike mai, i ka nui o ko laua mau waiwai, ame ko laua kulana hanohano. "Ea, owai hoi kela kanaka opio ame kona makuahine waiwai, i hala aku la maluna o ke kaa holohau?" i ninau aku ai a o Lahela ia Mrs. Pilina. "O ke kanaka opio au i ike aku nei, o ke kane ia i manaoia i na Kinia, eia nae ua hoole loa o Evalena Ka, i ka lilo ana ku o kana kaikamahine i kane na kela opio," i hoakaka aku ai o Mrs. Pilina. "He keu i'o aku maoli a ke kanaka naaupo, o ka ae ole ana ka makemake o kana kaikamahine, ina aia iloko o kela kaikamahine ka manao aloha no ke kanaka opio. Malia paha he umu no ka mea i hoole ai o ka makuakane!" "Aohe wahi kumu kupono iki a'u i maopopo. Ina nei no a mare o Kinia me kela kanaka opio, oia kekahi o na kaikamahine laki loa, no ka mea ua lohe au, he miliona dala a ke kupunakane o kela opio, i waiho iho ai ma kona inoa ponoi, mawaho ae o na waiwai o kona makuahine." "Makemake aku la ka hoi au. e loaa mai kekahi mahele o ela mau dala ia'u," i namunamu wale iho ai no o Lahela Dane, me ka mau no o kona nana ana i ke kaa holohau, e holo la ma | kona alahele," i namunamu iho ai ka wahine malihini, me kona moeuhane mua ole nae, aia kekahi meahuna iaia kahi i ma lama ai, e makaukau loa ai o Aka Valena e uku mai i kela miliona dala, i wahi e loaa aku ai ka ike iaia no kekahi mea ano nui loa. MOKUNA XXII— Ke Au o ka Manawa. Ma keia wahi o keia moolelo, he mea pono ia kaua e ka ma kamaka heluhelu e hoawiwi aku, no ka halawai hou me Kinia ka mea nona keia moolelo. Ua haalele aku kaua iaia, e holo ana no Nu Ioka me kona makuakane ma ka po i hele ai oia e nana i ka ahamele a ka Madame Lahela, o keia kaua ike hope Ana iaia, no ka mea ua hala aku oia no Europa mahope mai me kona makuakane a i ka hala ana o na makahiki ekolu, akahi no kaua a ike hou iaia, nolaila e nee aku ana keia moolelo, ma keia wahi aku ma ka manawa a Kinia ame kona makuakane i kau mai ai maluna o ka mokuahi, no ke awa o Nu Ioka. Ma kekahi la kalae iloko o ka mahina o Iulai, aia hoi ma luha o ka oneki o kekahi mokuahi, e huli hoi ana no ke awa o Nu Ioka, he ekolu mau ohua. O ko lakou mau inoa, oia o Evalena Ka, o kana kaikamahine o Kinia ame Mrs. Lahela a i ike mau ia hoi ka Madame Lahela. Hookahi kamu o ke komo pu ana aku o ka Madame Lahela iloko o ka puulu o Evalena Ka, ame kana kaikamahine, ua loaa aku laua i ka Madame Lahela ma Europa he ekolu ma hina mamua aku, no ka mea e hoouna leka mau ana no o Kinia me kela wahine, ahiki i ke koi okoa ana «ai o Kinia i ka Madame Lahela e holo aku e loaa oia ma Europa, a i hookah ko laua kaahele like ana e makaikai ma na wahi ano nui o kela aina. Hookahi nae kumu i hiki ai i ka Madame Lahela ke hele makaikai no Europa, ua waiho aku oia i ka hui keaka, mahope o ka loaa ana o kekahi pomaikai nui iaia, a hui pu iho, me kela manao aloha iloko ona no Kinia, ua lawa ia no kona hooko ana aku i ke kauoha a kona hoaloha opio, a haalele na mea e ae mahope, haalele na hana hoopihoihoi noonoo, a haalele ho kona mau hoa oloko o ka hui keaka hookahi. Iloko o kela mau mahina o ke kaahele pu ana o Kinia me ka Madame Lahela, ua hooi loa ia ae ka pipili e ka naau o kekahi no kekahi, ahiki i ka pane okoa ana mai o Kinia i kekahi la: "Ua oi loa ae ko'u aloha ia oe, mamua e kekahi mea okoa ae ma keia ao." "Aole o oe hookahi wale no ka mea i loaa ia haawina he aloha, aka o kaua no a elua, o ko'u aloha nou e Kinia, ua like ia me ke aloha o ka makuahine no kana kaikamahine ponoi." I ka lohe ana aku o Kinia i kela mau olelo a ka Madame Lahela, akahi no a komo mai kekahi noonoo iloko ona malia he mea maikai ma kona aoao ka hooikaika ana aku, i wahi e hoohuiia ai kona makuakane me ka Madame Lahela, ma ia ano, e lilo i'o ai kela wahine i makuahine nona, no ka mea ua oi loa aku kona aloha iaia, mamua o kona aloha i kona makuakane ponoi. Aia no na manao mahalo iloko o Kinia no na ano maikai a kilakila o kona makuakane, aia nae me ia mau ano maikai he nui, aole he kumu nona e aloha aku ai i kela kanaka, ma-muli o kana mau hana hoohemahema iaia nei, iloko o kona mau la kamalii. Mawaho ae o kela hana hoohemahema, aia pu iloko o Kinia kekahi manao hoowahawaha no kona makuakane, no ka hui pu ana aku me Mrs. Valena a hooikaika e hookaawale iaia nei mai ia Aka Valena mai, no kekahi mau kumu kupono ole. Ma ka aoao hoi o Evalena Ka, aia na manao mahalo Hoko ona no kana kaikamahine, no ka wahine u'i a huapala, me ka hooko apa ma kona mau makemake apau, eia nae aole no ia he kumu e loaa ai iaia ka hauoli, oiai aole loa e hiki iaia ke hoopoina i kona mau manao ehaeha o ka wa i hala. Iloko hoi o ka noonoo o Kinia, iha nei no ka ae mai o kona makuakane e mare me ka Madame Lahela, alaila e hoohauoli like ia aha lakou a ekolu, no ka mea ke ike maoli iho la no oia, e lilo ana ka Madame Lahela, i mea hana e hoauhee aku i kona mau manao kaumaha, mamuli o ka pili mau ana aku me kela wahine, oiai hoi, ina e kaawale aku aha kela wahine, a koe iho oia nie kona makuakane, e komo mau ana na manao hoowahawaha iaia no kela kanaka, ka mea nana i omu'o ae i na manaolana ulumahiehie o kona mau la opio. Mai kela manawa mai, i hoolala ai ua o Kinia, no ka hoohui ana i kona makuakane me ka Madame Lahela, ina he mea liki ia i kona mana ke, hana eia nae, ua hiki Ioa no i kela mau mea elua ke ike mai i kona manao, a ua lilo kela hana a Kinia i mea hoohauoli aku i ko laua manao, aole no ka lokahi me na mea a ke kaikaahine i hoolala ai, aka ma ke ano, me he hana keaka la. Aia na manao mahalo iloko pakahi o Evalena Ka ame ka Madame Lahela, no laua iho, he manao, mahalo nae, i komo ole aku iloko o ko laua naau, e ku a hoohihi ai kekahi no kekahi, no ka mea ua haulehia like no laua a elua iloko o ke alpha iloko o ko laua mau la opio, ua auamo like no i na hepena ehaeha i ukali aku mahope o keia aloha nolaila aole loa he makalua i koe, e kupu hou ae ai ke aloha i make kahiko, he mau makahiki lehulehu i hala. No Kinia iho, ke pii ae la oia i ka wahine kanaka makua, he mau mahina kakaikahi wale no koe, alaila piha iaia na maka-hiki he iwakalua. Elike me ka mahuahua ae o kona mau. makahiki, pela no ka ulu ae o kona kino i ka wahine loihi, piha pono mai la no hoi kona mau papalina, a ke hao mai ua kaikamahine nei iaia a paihi, me na lole nani, he moiwahine ka hoa e kohu ai ke olelo ae. Ma na wahi apau a Kinia e hele ai, aia wale no maluna ona ka nana ana a ka lehulehu, a ua komohia maoli aku hoi na manao hoohihi, iloko o kekahi; poe kanaka opio nona, me ke noi okoa ana mai e lilo aku oia i wahine na kekahi o lakou ua hoole aku nae oia ia mau noi apau, no ke kumu, ua lilo kona aloha mua ia Aka Valena, a aole loa oia e aloha i ke-kahi mea okoa aku, mawaho o kana aloha mua loa. O ka mea kupaianaha nae, me kela mau no o ko Kinia aloha no Aka, ua hele oia a piha me na manao hoowahawaha no kela kanaka opio, no ke kupaa ole ana maluna o kela aloha o aua, aka maliu aku Ia i na koikoi ikaika ana mai a kona makuahine, e hoole i ka mare ana. mai iaia nei. Pehea ka nui o na wahi i kaaheleia e ua o Kinia pehea hoi ka nui o na hana hoopihoihoi noonoo ana i ike ai, aole loa oia hoopoina iki i na hoomanao ana no kela mau la hikimua loa, ka opuu ana ae o kona aloha no Aka Valena, ua kukuni paa a aku ia ma kona puuwai, aohe mea nana e holoi ae, o kamake wale no. " Ina i like aku ko Aka Valena. koa me ko'u, me ka maliu le aku i na hooikaika ana mai a kona makuahine e hookaa- | |
