Ka Nupepa Kuokoa, Volume LXIV, Number 10, 5 March 1925 — HOOKU'I HE KAA OTOMOBILE ME KE KAA UWILA. [ARTICLE]

HOOKU'I HE KAA OTOMOBILE ME KE KAA UWILA.

Ma ka apua wale no ka pakele ana o Miss Qertrude Piutti, o ke alanui Clarke, mai ka make mai, ma ka manawa o ke kaa otomobile ana e holo ana i hooku'iia mai ai e ke kaa uwila a kauoia mai no. 15 kapuai ka mamao, aneane loa oia e kiolaia mailuna aku o ka noho o ke kaa, elike me ka hoike a ka Makai Joseph Kaleohano o ka hoike ana ae.. E holo ana o Miss Piutti maluna o lee alanui Nuuanu no ka Pali o Nuuanu aneane ma ka hora 2:30 o ka auwina la Poakahi nei, iaia i hoohuli ae ai i kona kaa oto i ka aoao hema o ke alanōi ma ke alanui Laimi i kaawale ae ai kona kaa mai kekahi kaa oto āe e ku ana ma ka aoao o ke alanui, o ka manawa like no hoi ia o ke kaa e ku ana ma kona aoao i peki mai al. E holo mai ana ke kaa uwila o ke alanui Nuuanu mauka mai ia manawa a ola! ko Miss Piutti kaa e holo aku ana ua hooku'iia mai la ke kaa otomobile a kauoia mai no 15 kapuai mamua o ka paa ana o ke kaa uwila. 0 Mrs. B. M. Chung o ke alanui Cedar k& mea nona k® kaa e ku ana i peki mai ai a aneane e hooku'i me ke kaa o Miss PiuUi a o ke kumn hoi i hooku'iia mai ai o ko Miss Pi«tti « ke kaa uwila Helu 33, elike m« ka hoik* a ka Makai Kaleohano.