| | HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA
EPAIA. I ka hala ana o na pule ekolu ua loli ae la ka piva o Everete,
ua hoike mai la ke kauka ua kaahope aku na la kupilikii loa,
ua pau ka fiva iloko o ka lolo, aka nae, e hala ana no he ma-
nawa loihi mamua o ke ola loa ana ae o ka ma'i ame ka na-
waliwali o ua akemama o Everete.
I ka manawa i hiki ai ia Everete ke hoomaopopo mai i na
mea a pau ua hookaawale aku la o Geofere iaia iho mailoko
aku o ka rumi ma'i, mamuli o kona hoomaopopo iho o kona
noho mau ana aku mamua o Everete he mea hoomahuahua
hou aku ia i ke kaumaha ame ka ehaeha iloko o Everete me
ka hoomau aku i kona inaina; no hookahi pule hou ko Geofere
noho ana iho mahope o ko Everete oluolu iki ana ae, mamuli
o ke kaua no a na makua a i ka hala ana o ia pule haalele mai
la oia i ka Vue de l'Eau (ka inoa keia o ka home o ke konela),
no ka home o na Hunatere ka pahuhopu kahi a Gelade, kana
aloha e noho mai ana me ka hoomanao poina ole nona, me
ke akenui e ike maii i kona helehelena, a olu iho la kela he
wai kolalo.
Ma kela hoi ana ua lawe pu aku oia i ka ike i ka hui a kona
makuakane ame kona aloha hope, a pela hoi me ko Mrs. Me-
pelasona aloha, pela hoi me kekahi mau palapala e hoakaka an
no kekahi waiwai i ili mai maluna ona mai a Robaka De
mai i hoololiia mai e Mr. Mepelasona a iaia.
Mamua o ko Geofere hoi ana ua hanaia e lakou kekahi a
like, o ia hoi, aole e hoike iki ia aku i kekahi meahuna ia Ge-
lade ma ka mea e pili ana i kona mau makua, no Mrs. Mepe-
lasona nae ua nui kona uwe ma ka manawa i hoike mai ai
oia i kona ae aole e hoikeia aku ia Gelade kona makuahine
nana oia ame ka moolelo hoi o kona ola ana ame ke ola ana
o kona makuahine o ka wa i hala.
No ka pono ame ka hauoli o kana kaikamahine aole hiki
ka makuahine ke hoike aku i kona moolelo, ua apono loa o
i ka haawipio ana aku i kona mau manao aloha no ke kaika-
mahine i mea e loaa ai ia hauoli ia Gelade.
Ma ka manawa i hoikeia aku ai ia Mrs. Mepelasona o na ha-
na epa a hoopunipuni ino a Everete i hana ai, ame kona pa-
kele ana mai ke karaima ino mai ana i hana ai ua noi mai la
oia me ka haahaa loa ia Geofere no kana huikala ana aku ia
. Everete no ka hewa ana i hana ai, a ua huikala aku no o Geo-
fere me ka manao aloha me ka olelo pu mai o ka makuahine
e mihi walania loa iho ana o Everete no ia hewa ino ana i hana
ai i ka manawa e hoi hou mai ai kona mau noonoo maikai me
ia ina aole ma ke ano aloha hoahanau alaila ma ke ano he
mau hoaloha.
He hoi ana aku kela a Geofere me ka hauoli loa.
Ua hooiaio mua aku ka makuakane ia Gelade he manawa
loihi mamua aku o keia ua kaawale loa oia mai ka berita
mare mai i epaia ai oia e Everete, aohe ana hopohopo hou
ana iho i koe he wahine oia i hoopaaia ma ke kanawai o ka
mare me Everete, o kela hana kolohe i hanaia ai ma kela po
e mareia ai oia me Goefere aohe i lilo i mea mana ma ke ka- nawai. I ka maopopo ana ia Gelade o keia ua like kona hauoli ia
manawa me kona mau la mamua aku, me he mea la, aohe
mea hookaumaha hou i koe iloko o kona naau ma ko Geofere
manawa i hoi aku ai a oiai nae aohe i loaa iaia ka ikaika elike
me ko na la mamua aku, no ka mea ua lilo oia he kaikamahine
ma'i mamuli o ka hookaumahaia ana o kona noonoo, a he
hiki wale no hoi ia haawina ano e ona ke nanaia aku ma kona helehelena. He mau la kakaikahi wale no mahope mai o ko Geofere hoi ana ae, ua poloaiia aku la ke kahunapule a Mr. Hunatere i aloha ai ame kana wahine e hele mai a e paina pu me lakou ma kekahi papaaina i hoomakaukauia me na meaai ono, a i ka hoaumoe ana iho o ia ahiahi, i ka manawa hoi i pau loa aku ai na kauwa i ka hoi maloko o ko lakou mau rumi, a ua pau mua aku no hoi i ka hoakakaia i ke kahunapule mamua o ko laua hiki ana mai, ua ku like ae la o Geofere ame Gelade
maloko o ka rumi hookipa a hoohuiia ae la laua i hookahi ma ka mare, o ka poe wale no i maopopo, i ka moolelo o ko Gelade hana epaia ana ka i maopopo ole ua mau no kela ma- nao kuhihewa me lakou o kela mareia ana o Gelade maloko o ka halepule mamua he mare oiaio no ia lakou, aole nae. Aohe mea hookahi i hookahahaia aku no ka hoopaneeia ana
o ka Geofere ma huakai i Europa ahiki ia kau mehana, ua
manaoio no lakou o ke kumu o ka hoopanee ana no ka mea
he manawa ino ia o ka hooilo, no ka mea, o ka holo ana ma-
luna o ka moana iloko o na la ino he mea kau mau ia ia o
ka weli a o kekahi kumu i manaoia ai no ka manao ana paha o na makua e holo pu ina e hoopanee ana na keiki i ko laua holo ahiki i ke kupulau, ka manawa malie Ma na la waena o ka mahina o Mei i holo aku ai o Gelade ma no Europa a he manawa malie loa no hoi ia o ka moana He makahiki holookoa ko laua o ka hoohala ana ma na aina e he makahiki i hoopiha mau ia ai laua me ka hauoli, he hau- oli hoi i ka poe kakaikahi wale no i loaa ai ia mea, a i ka hala ana o ia manawa ua hoi hou ae la laua i Burukeline, a malaila o Mr. ame Mrs. Geofere Dela Mepelasona i kukulu ae ai i home ponoi no laua ma ke alanui Kalinekona, aole no i mamao loa mai ka home aku o na makua. I ka loli ana o ko Geofere ano hui pu me ka ike a maopopo i kona mau makua, he mea maalahi loa ia e hoakaka ae ai, a oiai e kamailio mau ana no kekahi poe no ka like loa o ko Geofere helehelena ma ko Everete me he mea la he koko like no ke holo ana iloko o ko laua mau aakoko, eia nae, aohe i loaa ka ike maopopo ia lakou, o keia iho la ka manawa i ahu- wale ae ai a pololei ke koho wale ana a lilo i mea oiaio. He moolelo kamahao, loa ko Geofere; i kona wa e kamalii loa ana ua eha oia a ua laweia aku e ke kane a ke kahu hanai wahine ona iloko o kona wa ona, a nalowale ma ia hope mai, a no ia kumu i pouli ai ko Geofere noonoo me ka maopopo ole iaia o kona mau makua ponoi ahiki iho la i nei manawa akahi no a loaa ka ike maopopo iaia, ua ike aku i ka helehelena o kona luaui makuakane a ua hoopauia ae hoi kona pohihihi, ka ninau koikoi ana i makemake mau ai e hoakakaia mai iaia, a nui ai hoi kana hana no ka hele ana e huli. Ma kekahi kau haulelau mai, mahope o ka hoi ana ae o Geo- fere ma mai Europa ae, ua holo mai la ke Konela Mepelasona ame kana wahine e ike i na keiki, a ia hui ana ae he mea ka- | haha loa na laua ka loli ana o ko laua mau keiki, o ke keiki kane a ke konela ke kane a ke kaikamahine a Mrs. Mepelasona, he mau keiki hanohano a i hoopiha aku hoi i ko laua nau puuwai pakahi me ka hauoli. I ka manawa i kaiia aku ai o Gelade imua o Mrs. Mepelasona, kona makuahine, hopu mai Ia oia iaia a paa aku la iloko o kona mau lima, a honi iho U me ka helelei o na waimaka nunui a me ka leo uwe i kamailio iho ai, E kuu mea aloha, ke manaoio nei au e lilo ana kaua i mau hoaloha oiaio mai nei manawa, aku, a oiai aole o Geofere ka'u keiki ponoi, aka nae, ke makemake nei au e nana aku me ke aloha ia olua a elua ma ke ano o olua a elua ka'u mau keiki." "Pela n okuu manao, e aloha aku au aau ia oe me ka oiaio oa oiai nae he makuahine okoa no ka mea nana au hanai a i malama hoi me ke aloha oiaio ahiki i kuu nui ana." wahi a Gelade o ka pane ana iho me ka helelei pu o kona mau waimaka. A ua ike ia ka oiaio o ia mau olelo a Gelade. Mai kela manawa mai o ka hui mua ana o Gelade me kona makuahine ponoi, Mrs. Mepelasona, ua pilipaa loa kona naau me ia, a elike me ka loihi o ko lakou noho pu ana mai ia manawa mai pela ka ulu mau aku o ke aloha iloko pakahi o laua, a i ka manawa i hanau mai ai o Gelade i kekahi mau kaikamahine mahoe, ua kapa iho la oia i ka inoa o kekahi o Alika a o kekahi o Etela, ka inoa o kona makuahine ponoi nana mai oia. "No na makuahine a elua o kaua," i pane ae ai o Gelade i ke kane me ka hoihoi o na maka," o ia hoi paha ka inoa o ko kaua mau makuahine i keia ao." No ke Konela, ua haaheo loa oia no ka ike aku i ke kulana o ke keikikane a Annie Dela he kanaka ui a hanohano eia nae wahi ana, aole e loaa ana ka hauoli piha iaia ahiki i kona ike ana aku ua loaa ka noho aloha a kuikahi ana mawaena o na keikikane ana elua. Ua manaolana nae oia e lawe mat ana no ke au o ka manawa ia hopena i upuia, no ka mea ua ike aku oia i ko Everete hoehaeha nui ia no kana hana lapuwale haahaa loa i hana mai ai i kona hoahanau, ame kana hoopunipuni ino ana hoi ia Gelade o Geofere oia ma kela po i mareia ai laua, a ua lilo ia hana kolohe kiekie loa ana i hana ai i mea hoohaahaa iho i kona mau ano haakei apau, ame kona hoike ana ae i ka mea oiaio no ka hewa ana i hana ai imua o Gelade a nonoi ae la no kona huikala ia aku, no ka hewa ana i hana aku ai iaia ame kana kane. He manawa loihi no keia loaa ole ana o ke kuikahi a noho aloha ana mawaena o keia mau keiki ua hala ekolu makahiki keia noho hoomakae ana o ka manawa wale no i loaa ai keia noho aloha ana mawaena o keia mau keiki, ma ka manawa i make ai o ko laua makuakane, ekolu makahiki mahope iho o ko laua mare ana. Mahope iho o ka make ana aku o ka makuakane a hoomaopopoia hoi ka palapala hooilina a ka makuakane i hana ai, ia manawa i kauoha mai ai oia i kana mau keiki e akoakoa ak, mahai o kona moe make a kukakuka pu iho la me laua e pili ana no kona waiwai ana i hana ai no laua. Ua hoole loa o Geofere i ka hoopaaia o kona moa maloko o ka palapala kauoha, o kahi waiwai wale no ana i makemake ai e hooiliia mai maluna ona o ia kona hoomanao aloha nona no ka makuakane, aole ona makemake i kekahi waiwai e hoo- iliia mai nona. "No keaha kou hoole loa mai i keia?" wahi a Everete o ka ninau ana ae, a nana ae la i kona hoahanau me ke kahaha ame ka hoohuoi pu. "O oe hoi ke keikane hiapo a kuu makua- kane, a ma ia ano he kuleana kou i ka hapa o kona waiwai." "Ua maopopo ia mea ia'u, aka aole no o'u makemake ia waiwai, a e manaoio mai oe i keia olelo a'u," i pane aku ai o Geofere. "Ua nui lawa loa ka waiwai ia'u elike iho la no me ia aka nae aole hiki ia'u ke hoike aku ia oe. Pehea la ka nui o ia pomaikai, a i ok waiwai hooilina paha aole ia i oi aku mamua o ka inoa e hiki ana ia'u ke koi aku ma ke kanawai mai ka makuakane mai o kaua. O kela inoa maemae i loaa ia'u mai ka makuakane mai o kaua ua lawa ia waiwai hooilina no'u, aole loa au e ae aku ana e lawe mai kekahi hapa o ka waiwai, nou ia apau loa me kou noonoo ole mai no'u kekahi hapa o ia waiwai." Ku malie iho la o Everete me ka piha noonoo a me ka eke-mu ole mai, no kekahi mau minuke lehulehu. Alaila me ke-kahi manao maopopo i hooikaikaia ae la iloko ona nana mai la ia Geofere ma na maka a i mai la "Ua maopopo ia'u, ina nei no kou makemake ia mau waiwai apau aohe o'u wahi kuleana iki, a ma ia ano no hoi e lilo ana au i kanaka makilo. Nau i hoakaka mai la a loaa iho la ia'u keia manaoio, aohe ma keia hana wale no, hookahi kanaka alunu a makee waiwai ole iloko o keia ao, o ua kanaka la oia no oe. Ina aole ou konakona ia'u, e ae oluolu mai ana anei oe e lilo au i hoaloha nou mai keia manawa aku?" Ua haawi mai la oia i kona lima akau no ke. a oha ana ia manawa ana o ke kamailio ana ae, eia nae, ua hiki loa ke ikeia aku ka haalulu o kona lima ia manawa, me ka nananakea loa o kona helehelena me he kanaka make la, a he hana maa-lahi ole no hoi na ua keiki hookano la o na mokuaina o ka Hema ka hoike ana ae i ka mea oiaio ame kana noi ana ae e hoaloha laua. Ua hopu mai la no o Geofere i kona lima me k. pumehana, a he helehelena hauoli hoi ma kona helehelena ia manawa, no kona ike ana iho i ka hoohaahaa ana o ke keiki pikanana o ka hema malalo ona a pane aku la "Aole kou lilo wale no i hoaloha no'u e Everete, aka o oe-no kuu kaikaina ma ka inoa a ma ka oiaio, a e ike hoi kaua ia kaua iho aole i keia manawa wale no, aka i na ma nawa apau ma keia mua aku; o na manao hoomauhala a hoo-maau paha iloko ou no'u, e hoopau loa oe e pono ai, a e hoo-piha iho oe ia wahi i hakahaka o kou puuwai me ke aloha hoa hanau oiaio." Ma keia ike ana iho la o laua i hoopoina loa ia aku ai na mea pono ole o ka wa i hala, a o ka hauoli ame ka noho aloha ana no ia mua aku ka mea i ike mau ia no laua ahiki i ko
laua hopena, a o ka hookoia ana hoi ia o ka makemake o ke konela. Hoomanao ae la o Geofere i ka nane a Samesona i nane aku ai i ka poe Pilisetia i manao inaina mau ai iaia, Mailoko mai o ka mea e ai ana i loaa ai ka meaai, a mailoko mai o ka mea ikaika i loaa mai ai ka momona." He manawa pokole ma ia hope mai, a oiai hoi o Miss Lorina ke aikane punahele onaona a Gelade e hoole mau aku ana i na kane apau i hele mai e noi iaia i wahine, ua hoohuiia ae la oia me Everete, a ua lilo hoi he hakuwahine no ka Vue de l'Eau ka home o na Mepelasona, a malaila oia i noho aku ai me ka hauoli iwaena o kekahi pohai o ka poe koikoi o ia mokuaina me ka noho haku ana maluna o na kauwa lehulehu a he Hoku hoi iwaena o ka poe koikoi o ia mokuaina. No na manawa lehulehu kona holo ana ae e ike i kona hoaloha o na Ia kamalii, Mrs. Geofere Dela Mepelasona, a pela no hoi me Gelade he mau pule lehulehu kana i hoohala ai ma ko Mrs. Mepelasona horne ma ka hema, a no ko laua makuahine hoi, Mrs. Mepelasona, ua hoohauoliia aku kona mau la | He Moolelo Hooniua Puuwai
NO
KA UI NOHEA GELADIOLA Ka Ipo Aloha a na Mea Aloha Elua MOKUNA I. "Ilalo lilo o kekahi lua lanahu
Malalo loa o ka lepo
E eli ana i na daimana lepo
A puni ka makahiki !" Ia Toma Gerina, he kanaka opio ui. he hoa opio a he lunahoohana hoi na ka Hui Eli Lanahu Lehai, e hele ana me ka awiwi, a e himeni liilii ana i na lalani mele maluna ae la, me kona makemake e hoea koke aku i kona keena hana, i ole ai e pa mau mai ka makani ikaika iaia me ka huihui, me he kuikele la e houhou mai ana i ka ili ma keia kakahiaka anu loa o ka mahina o Ikuwa, a o ke ana anu hoi he umi degere malalo o ka Ole, a e haule mau mai ana ka hau me ka ikaika, elike me ka ikaika o ke puhiia ana mai e ka makani, a he mea hiki pono ole iaia ka ike ana aku i kekahi mea he i-a wale no ka mamao mamua aku ona. aohe no hoi he wahi kaa hookahi e ikeia aku ana i ka manawa i makemake loa ia ai elike iho la me keia. Mai lilo paha oia i mea oolea a laau i ka ua mea o ka ika ika o ke anu, wahi ana iaia iho, ina aole kahi Ieka hooipoipo e moelolii ana iloko o kona poli ma kahi kokoke loa i kona puuwai, a i kakauia me ka lima o kekahi kaikamahine huapala ana i anoi nui ai, a i na manawa a pau a kona puuwai e pan ae ai, e oni mau ae ana ia wahi leka ma kahi pumehana lo o kona kino. a na ia wahi leka i hoaa ae i ka manao a nan ole ia ae la ke anu iniki o ka hooilo. "He oi aku ana keia a ka po anu loa, ke pa nei ka makani me ka hele pu mai me ka hau," wahi ana iaia iho. "aka nae me ko'u nana ole ae ia ino e hele aku ana no au i kela anaina hookipa i keia ahiahi no ka mea ua wela mai la loko i ke ahi a ke aloha'', alaila himeni malie ae la oia i keia mau lalani: "Ahi wela mai nei loko,
I ka hana a ke aloha,
Ke lalawe nei i kuu kino,
Konikoni lua i ka puuwai. "Ke manaolana nei au, me ka nana aku i na kokua ana mai na Lani mai, aole no hoi paha ka makuahine maka oolea ona e ahewa ana ke hookau mai iaia iluna o ke kaa like me makou "E hooikaika ana au ma kekahi ano e loaa ia'u i mau minuke kakaikahi e kamailio pu ai me Geladiola, ke hiki, me ko'u nana ole aku i ka hopena o ia kamailio pu ana me ia Iloko o ka manawa e hulahula nui ana e hoolala aku ai au ko'u manao imua ona, koe wale no ina e ike ana au he ma nawa maikai hou aku ana no kekahi e loaa ana ia'u e kamailio pu ai m a ia e pane mai ana o Geladiola, 'ae' i ka'u noi, ua maopopo ia'u e ae mai ana oia i ka'u noi, a ke ae maikai ma ka hoi la oia nona ka'u hoomaikai !" Aneane loa o Toma e poina no kekahi minuke i ka hui . ka makani e pa mai ana, no ka lilo loa o kona noonoo i Manua a iaia i hoomanao ae ai he hakaka kana ia manawa me Keanu ame Kiaimakani, na kanaka lima palanehe loa ana e ike maka aku ana, hoomau aku la no kana hele ana imua me ka awiwi, a puhiia ae la kona papale a lele ana i kahi e a o kona mau wawae i kahi e. "E na Lani Lokomaikai! Heaha la hoi keia mea?" wahi ana i nui ae ai ka leo me ke kahaha, i ka manawa o kona mau lima i pa aku ai i kekahi mea i like loa me ke kino kanaka. Lalau iho la oia a huki ae la a hoomaka iho la ke kauo ana. laia i alawa aku ai imua ike aku Ia oia eia ka ua kokoke loa oia i kekahi halekuai laau. Iloko o ka manawa pokole loa ua hoea aku o Toma ia hale, me ka hoomau no i ke kauo ana i kana ukana kaumaha iloko o kona mau lima wikani, me he kanikoo mamuli o ka lehulehu o na moopuna imua o kona alo, a no kekahi mau makahiki lehulehu kona ola ana me ka hauole ma ia hope mai. Mahope koke mai o keia manawa ua waiho aku la o Mr Hunatere i kana hana me ka hui ana i noho hana aku ai no na makahiki he kanaha a oi aku, a mamuli mai o kona ano elemakule, mahope koke iho no o ka hoi ana mai o Geofere ma mai Europa mai, a ua hoonohoia aku la o Geofere ma kona hakahaka, a elike no me ka holomua o na hana a ia hui i ko Mr. Hunatere manawa e hookele ana, pela no a oi aku i ko Geofere manawa i noho hana aku ai. Ma ia noho ana aku e hana ua ikeia ko Geofere makaukau ma ka hookele ana i ka hana, aole oia wale, ua hooemiia mai na hoolilo waiwai ole a ua hoomahuahua mau ia aku na po-maikai, a i ka hala ana o kekahi manawa loihi ma ia hope mai ua lilo oia kekahi o na hoahui o ia hui. Ua kupaa a ua hooko pono hoi o Gelade i kana olelo hoohiki imua o ke kahunapule a imua o ke Akua ma kona manawa mareia ai, i wahine oia na ke kane hookahi a na ka make hookaawale ia laua. Ua mahele like oia i kona manawa me na hana o ka home a me na hana mawaho aku, o ia hoi na hana kokua i ka poe nawaliwali, hoolana ana aku i ka naau o ka poe i hooluuluuia o ia na wahine kane-make, a me na keiki makua ole; no keia poe i hoonui aku ai oia i kona manawa ame kana mau kokua ma na meaai a ma ke dala pu a maloko o na hale o ka poe ili-hune kana wahi mikiala mau a pela hoi. ka poe nawaliwali. I kekahi manawa o ka la e komo ana oia maloko o na hale-ma'i no ka ike ana aku i ka poe ma'i, a no ka lawe ana aku i kekahi mau pua a mau mea e ae ana e ike ana he mau mea hoolana aku ia i na noonoo o ka poe ma'i, a iloko o ia mau manawa a pali ana e komo aku ai ua haawi mau aku oia i na i olelo hoolana, me ka hoikeike pu aku i ka aoao malamalama o kona ola ana. he hana hoi ana i hooholo ai e hoahu ana oia i mau waiwai nona iloko o ka puuwai o na hoakanaka i oi aku ka makamae mamua o ke gula ame ke dala. O keia mau lalani pokole ekolu malalo nei ka mea paanaau loa iaia a e himeni mau ana oia ke hoomanao ae i kekahi ma- nawa:
"O mea lulu i ka anoano maikai he oiaio e ohi ana oia; Elike me ke kahiko aku o ka makahiki pela ka oi aku o kona waiwai, ' . A o na one hope loa o ke ola ana oia kona mau one gula." (KA HOPENA.) | mea la o ke kino kanaka ana e hapai ana he wahi puolo mama
wale no elike me kekahi bebe.
I ko laua hoea ana aku iloko o ka halekuai laau ua haawi
mai la ke kanaka e noho ana iloko i kekahi mau laau no ka
hoopakele ana ae i ke ola o ka wahine opio, a o ka mea mua
oa a na maka o ka wahine opio o ka ike ana mai oia no O
Toma Gerina, ka kaua koa wiwo ole.
Ua ninau ae la ka wahine i kekahi ninau la oia i hiki mai
ai iloko o ia hale, a o ia ka Toma o ka pane ana iho, "ua loaa
a oe i ke anu ikaika loa a ua maule, a i kuu hele ana mai nei
ike iho la ia oe e waiho ana, a he hana aloha ole hoi i ka
hoakanaka a nanamaka wale iho no ke lawe ole mai ia ianei,
pela iho la au i hapai mai nei ia oe ahiki i keia hale. Ua hoea
mai au i ka manawa kupono loa e hoopakeleia ae ai kou ola
mai ka make mai i maopopo loa.
Ona e oluolu mai ana oe e hoike mai ia'u i kou wahi e noho
nei, na'u ia hana ma ko'u aoao o ka nana aku i mea nou e hoea
aku ai i kou home me ka palekana, a mai manao iho nae oe
a wahi hana liilii ma ko'u aoao he aie nui ia nou, aole; o kaua
hoakanaka no keia."
No ka maikai loa o nei mau hoakaka aku la a Toma ua ika
iho la ke kaikamahine i kona pilikia, a e ole ka lokomaikai o
keia kanaka opio i pili ole iaia pakele ai kona ola, nolaila haa-
wi mai la oia i ka mahalo ia Toma, he wahi uku uuku loa ana
i noonoo iho at aole i lawa no ka Toma hana maikai loa i
hana iho la nona.
No ka Toma noi ua hoakaka ae la ke kaikamahine i ka inoa
o ke alanui ame ka helu o kona pa-hale me ka leo oluolu a
kamahao loa i ka Toma hoolohe aku, me ka naka pu o ke kai-
kamahine ia manawa oiai aole i haalele ke anu iaia, a ke haa-
lulu la no hoi kona kina apau.
I ka manawa a ke kaikamahine i hoike mai ai i ka inoa o
ke alanui ame ka hale ike koke iho la o Toma he hale hoo-
limalima ia ana e noho ana na ka anakala ona. O ka ninau
pohihihi loa ia ia Toma ia manawa pehea ana la e loaa ai iaia
kekahi kaalio nana e hoihoi aku i ke kaikamahine ulia poino
i kona hale, eia nae, wahi ana mahope iho, na ke Akua no
paha i kena mai i kekahi kalaiwa e holo mai no ia wahi, a hoo-
ho ae la oia i kona laki no ia holo mai o ke kaalio a ku ana
mawaho o ka puka o ka halekuai laau, iaia i oili aku ai mano-
no ka hele ana e kii i kaa.
I ke kaikamahine i hoao ae ai e ku iluna ua hehee hou iho
la oia a waiho ana iluna o ka papahele, a no ia ike ana iho o
Toma i ka nawaliwali o ke kaikamahine, o kona hopu iho la
no ia a hapai ae k a kaialupe aku la iaia ahiki i ke kau ana
aku iluna o ke kaa.
"O, lokomaikai wale no ka hoi oe ia'u, e ke kanaka opio
wahi a ke kaikamahine o ka pane ana mai. "Ke ike ole nei
au pehea la au e haawi aku ai i ka hoomaikai ia oe, o i au iho
«la au i mau huaolelo kupono a aohe loaa, no ka mea, o Ka
hana maikai a aloha hoakanaka au i hana mai ai nou ua kela
oa aku ia mamua o na huaolelo."
"O e kuu lede opio maikai, mai noonoo iki oe he aie ke-
kahi ou ia'u, ua kauohaia mai au e ko kakou Haku, 'Elike me
. kau e makemake ai i na kanaka e hana mai ia oe, pela pu hoi
oe e hana aku ai ia lakou.'" Ua manao no au e kahea aku i
kaa no'u e holo aku ai, a loaa e iho la nae hoi oe iau. Mai hoo-
kaumaha i kou noonoo. Ua kau aku la oe a pehea ua oluolu
maikai anei kou noho ana?" wahi a Toma o ka ninau ana
aku, oiai oia e uhi mai ana i ka aahu hoopumehana o ke kaa
maluna o ke kaikamahine e naka wale ana no ia manawa me
ka uliuli o kona mau lehelehe a e palulu ana no hoi i na lima
a mamua o ka umauma.
"O me ka mahalo, me ka mahalo a nui ia oe, ae, ua oluolu
loa au e noho nei," no ka pane ana ae i ka Toma ninau me
na waimaka ona e halo'ilo'i mai ana ma kona mau lihilihi
maka, a e nana pono mai ana hoi i na maka o kona hoopaa
kele.
No ka hoololi ana ae i ka noonoo o ka lede opio mai kona
noonoo nui ana no kona pilikia hoomaka aku la oia e kamailio
iaia ma ka mea e pili ana i kona home ame kona makuahine,
pehea la oia i aa ai e hele mai iwaho iloko o kela ino nui
i kela kakahiaka.
"Eia no ke kumu, o ka poe e makemake ana e hana i mea
e loaa mai ai ka ai aole hiki ke noho mau aku maloko o na
hale, he helo ka pono e huli hana i mea e loaa mai ai ka ai,
pela iho la au i aa ai e hele mai iloko o keia ino, e i auanei
he poe waiwai, he ilihune," wahi a ka wahine opio, me kahi
leo nawali a Toma i aneane iho ai e helelei kona mau waima-
ka i ke aloha.
"O ko'u hoihoi koke ana aku nei no ia i ka lole no kekahi
aha hulahula e komo ia ana i keia po. Ina i loaa mai nei ke
dala ia'u no ko'u uku o ka hana ana ia lole ina ua kau aku
nei au maluna o ke kaa a hoi aku i ka hale, a ina la aole hoi
au e halawai me ka poino au i ikemaka iho la, eia nae, ka mea
apiki aohe loaa he manawa no kela wahine nona ka lole o
hele mai ai e ike ia'u. E hoi hou aku ana au i kahi o kela
wahine mahope, a no ko'u waiwai ole a hoopau manawa walo
e kakali aku ai ua hoi mai la au."
"Hoi hou aku! Hu! He olelo mama loa ia e oleloia mai
ai, no ka hooko ana mai nae he ulolohi loa. O ka'u i nalu
iho la ina kela wahine nona ka lole au i hoihoi aku nei i hoo-
maopopo mai i kou kulana ilihune a e makemake loa ana hoi
e loaa koke mai kau dala o ka haawi mai i kau dala me ka
hoopanee ole a kahi wa aku.
Kupanaha maoli no ka noonoo o na kanaka, kekahi poe, aole
i pau loa. Ma kou kulana ola kino a'u e nana aku nei ke ma-
nao nei au aneane hiki ole ia oe ke hele hou aku no kela hala
au i hoihoi aku nei i ka lole hulahula, a ma ke ano o ka pa
ana a ka makani ame ka hele pu mai me ka hau aole o'u
manao e loaa ana ka malie maikai maloko o ekolu a eha ia
a oi aku no paha."
"Aohe hiki ia'u ke alo ae, ua koiia mai au e hoi aku no
ka mea he mea pono e loaa mai ia maua i dala, no ka me*
he la uku keia no ka hoolimalima o ka hale, a he mea pono
no hoi e loaa i laau a i mau. meaai na kuu makuahine ma'i.
Me ko Toma nana ole iho nona no ka hele koke aku i kana
hana ua lilo ka moolelo a ka wahine opio o ka hoike ana mai
la i mea kaumaha nona, a ninau koke aku la:
"Alaila, he kela lole ka paha kau hana ea, pela ka'u hoo-
lohe aku la i kau mau mea i hoakaka mai la?
"Aohe, he holo wale no au i ka humuhumu me ke kuikele
ame ka lopi, o ka lilo ana i kela lole ma ke ano he oihana ha-
nalima imi pomaikai ia, aole, he maamaalea nae au i ka hana
ana i na lole wahine a nani, a kulike hoi me ka makemake
o ka mea nona ka lole, elike me ia ana e kauoha a e hoakaka
mai i ke ano o ka hana ana, am ena lihilihi e kauia ai ma-
luna o ka lole.
(Aole i pau ) | |
