Ka Nupepa Kuokoa, Volume LXIII, Number 50, 11 December 1924 — HAAWI KA HALEWILI O HAWI I KEKAHI MAU EKA I KAHUA NO NA MOKUEA [ARTICLE]

HAAWI KA HALEWILI O HAWI I KEKAHI MAU EKA I KAHUA NO NA MOKUEA

E hoakaka ana kekahi lono o ka ]oaa ana ae i ka Advertiser no ka hookaawale ana ae o John H. Hinel, ka luna nui o ka Halewili ame ka Hui Mahiko O Hawi, i kekahi apana aneane he umi eka aina no kekahi kahua no na mokuea e kuu iho ai ma Kohala, ma kekahi wahi ma kekahi aoao mai o ka halenoho o John H. Hind. k Ma ka Poakolu o ka pule aku la i hala he ekolu ka mau mokuea i hoea aku i ka paka o ka aina holoholona o Parker m& Waimea, a mamuli o ka lokomaikai o Mr. Carter ua hoounaia mai la ia mau mokuea i Hawi, Kohala, a ma ka hora 3 o ka auwina la ka hoea ana mai a hoomaka ka nana ana i na kahu elua i manaoia ai i kahua no ka wae ana i kahi kupono, a mahope o ka nana ana i waeia ai ke kahua i makemakeia. 0 kela wahi i waeia īnai la e na aliikoa o ka oihana lele i ka lewa o kahi mua loa ana ia e kuu iho ai o na mokuea mahope o ka haalelo ana iho ia Maui, a ua lilo ka ka loaa ana o kela kahua i mea hoomaha ae i na manao pihoihoi o na kanaka e lele ana maluna o na mokuea, mahope o ko lakou lelo ana maluna mai o ke kai o Alenuihaha ke kowa ►mawaena o na makupuni. Oke gasoline ka ame na mea hemahema e ae apau e pili ana i na mokuea ua hiki ke loaa mai i na mokuea a pau, oiai aohe ka he mamao loa mai ka hale hoahu ukana a mai ke keena hana mai. E lilo ana kela kahua i wahi hooiaio no ka loaa koke aku o na ekeleka ma na wahi apuni ka mokupuni, ma ka manawa e hoomakaia aku ai ka lawe ana i na ekeleka ma ka lewa ma nei mua aku. O na eka i haawiia mai la e ka Hawi Mill & Plantation he aina maikai i paa i ke ko, aka no keia hana nae, ua lilo : mai la i kahua hoolulu no na mokuea.