Ka Nupepa Kuokoa, Volume LXIII, Number 50, 11 December 1924 — Page 4

EHA NUPEPA KUOKOA. HONOLULU. T. H., POAHA, DEKEMABA 11. 1924.


	HAINA NANE Mr. Lunahooponopono o ka Nupepa Kuokoa, Solomon Hanohano; Aloha Karsimaka a Hapenuia kaua: — Oluolu hou mai no oe i ka oneki o ke Kuokoa, i kahua heihei no mi nei, malia hoi, o ka hana ana aku keia piha pono na ku'ineki o ua ie opala au, ia iho keia: Ke olelo nei ka nane a ke keiki kiamanu o ka uka i Olaa, he manu hulu melemele kana, he ono ke poo ahiki i ka puapua, he panapana no nae hoi ka hi 'u o ka Laikuela, nui maoli no ka ono o nei manu au, ua hiki laki no! Eia mai. Ke pala ka lau o ke kalo e memele ana ia, a pa ka makani e panapana auanei ua lau kalo Ia he ono ke kino o kelo, he ono ka ha o ke kalo, he ono no hoi ka puakalo e memele ana, a he ono no hoi ka luau ka i'a iwi ole a Kamehameha, i hanaua ai a nui, pau ae la na ono o ua manu nei a kaua la e ke kanaka makua hoopapa o Kauai! A mo ke ki la make, make loa, mai kuhi mai oukou i ka imu e a mai nei no ka puaa, no ka ilio, no ke kekake, a no ha'i aku, aole no oukou no, no ka hewa ae no o ka waha o ke kanaka makua hoopapa, pau oe ia'u i kaluaia i ka imu, a pela iho la i lilo ai ke kalo Ka-i hoi o Ewa i manu na ke keiki nao ua 'u o na pali hauliuli o ke Koolau. Ea, mino aku la paha oe i ke aho pawalu o Paukeaho, ka pulupulu ahi hoi o ka la makani, e kukuni, aku la i ke kua o ka Ohi 'a o Moeawakea. Auhea mai no oe e balala, ke hala oe i kuu kipuka kaula ili Moroko, malia hoi i ke kaula puluniu popopo alehe aama aku a ke keiki o na Pali Kapu o Keoua uwese lale oe! 0 ka'u hookolo iho la no ia mahope o ko mana, ina aole aku la i pau na puapua i ka unuunuia, a makole oe i ke kai o Hana huli pu i ke kai o Muolea. Kou no a mau, J. W. K. KAKELAMALUIKALEO, Keiki o ka Peni Hulu Kamelo. Mokumoku mai la. ke aho pawalu o Paukeaho, he popopo, ua heo aku la no ka manu a ke keiki o Kahuku, uoho mai i ka nahele, he iwi maka- polena ka hoa e kohu ai. Aole e loaa ka manu kupua a ke eueu o na Pali Hauliuli o ke Koolau i na mea- ulu, aole no i na meakolo ame na mealele, aka aia iloko o ka hamumu o ke aheahe malie, aia i ke aniani liilii o Tubelina, ka hoa haihai olelo	o ke ano ahiahi. Aole e paa ka ma- nu ia oe me ka puluniu pahele aama, aka me ke aho lina a na keiki o lapana guru hanahana. Hoao hou ia mai! — L. H. O ka hoopii e kue ana ia L. J Hovington, ka mea nona ke kaa oto mobile i hookui ai ia Annie Pakupu ma ke kakahiaka Sabati ma ke kihi o na alanui Moiwahine ame Hema me he mea la aole e hookomoia ae ana i ka aha, mamuli o ka Kamau- oha, ke kapena o na kaa otomobile hoike, he hookui ana kela i hiki ole no ia Hovington ke hoalo ae. Ma ke kakahiaka Poalua nei ka nohc ana o ka aha neiniele a ke koronero e ninaninau no keia hihia. O ka poe noi laikini kalaiwa kaa o Leilehua mai e koiia ana lakou e nininauia ma kela ame keia Poakolu ka la kuikawa a ka Makainui Trask i hookaawale ai no lakou, elike me ka ka Makainui Trask o ka hoike aua ae ma ka Poakahi nei. 0 na noi no kekahi manawa i hoakakaia no ka ninaninau ana ua hiki no ia ke hanaia ma ke keena makai o ka oihana koa, wahi ana. HOOLAHA KUAI O KA HOOLI MALIMA AUPUNI. Ma keia ke haawiia aku nei ka hoolaha akea ma ka hora 10:00 a m., Poakahi, Ianuari o, 1925, ma ka puka mamua o ka Hale Kapitala Honolulu, T. H., malaila e kuai hoo lilo ia aku ai ma ke kudala akea ka mea koho kiekie loa malalo o na manao o ka Pauku 73 o ke Kanawai Kumu o Hawaii na Pauku 348 ame 380 et seq. o na Kanawai Hoopono pono Hou ia o Hawaii o 1915 ame ke Kanawai 143 o na Kanawai Aha olelo o 1917, na Hoolimalima Laula o na aina Aupuni mahope ae nei: 1. Grant Kula 28, Apana 6, ma loko o ka aina o Kaloaloa, Ka lihi-uka, Kona, Oahu, nona ka iliaina o 55 eka, oi aku a em mai paha; manawa o ka hoo limalima, 21 makahiki ma Ianuari 5, 1925 aku; uku hoolimalima haahaa, $20.00 o ka ma-kahiki, e uku mua ia ma ka ma kahiki. 2. Koena aina Aupuni ma Aiea Ewa, Oahu malalo aku o ka pono alahele o ka Oahu Rail way and Land Company a ma waena o ka L. C. A. 7344 ia Ka lani no Kalohi ame ka Palena o Aiea-Kalauao, nona ka iliaina o 60/100 eka, oi aku a emi ma palia; manawa o ka hoolimalima, 10 makahiki mai Ianuari 5 1925 aku; uku hoolimalina haa haa, $25.00 o ka makahiki, uku mua ia ma ka makahiki. E kaa na hoolimalima e hooliloia aku ana malalo o na kumu aelike apau ame na kulana o na Hoolima- lima Laula Aupuni i hoopukaia e k Keena o ke Komisina o na Aina Au

KONOIA KA LEHULEHU

Dr. Emma & C. R. Moon,

D. D., Ph. D.

Halawai akea na Sabati anau ame Poakolu 7:30. Ano hou Ioa o ka Hoola ana ma ka Mana Akua ame ka Hoike Uhane. Lawe mai i ka ma'i.

Pili i na ano apau o ke ola ana. Paneia na ninau apau ma ka leka $2. Haawiia na haawina. Na hora 10 a 5, 6 a 7:30.

2506 Kuhio Ave. Kelepona 79774.
6608—6 mns.________________

Nupepa Kuokoa

No ka makahiki (one year)... .$2.50

O na Dala ame na Hoolaha apau-
e hoouna pololei mai i ka ADVER-
TISER PUBLISHING CO., LTD.,
wale no, P. O. Box 3110, Honolulu,
T. H.

217 Alanui Moi, ma Waikiki o ke Alanui Alakea; ka Nupepa Advertiser.

Entered at the Post Office at Honolulu, T. H., as Second Class Mat-

ter.

SOLOMON HANOHANO, Luna-
hooponopono.

CHARLES S. CRANE, Luna Nui.
E KUAI I KOU MAU

PONO HALE

ma ka

Hawaii Furniture
Co.

Helu 469 Alanui Moi
kokoke i ke kihi o ke Alanui

Liliha
He oluolu na kukai olelo ana.

puni.

E kaa keia kuai hoolilo malalo o keia kulana mahope ae nei:

a. K uku ka poe e lilo ai, ma ka
haule aua o ka hamare, i ka
uku hoolimalima o ka makahiki
mua, hui pu me na hoolilo apau
o ka hoolaha aua ame na kaki
e ae apau e pili ana me ka hoo-
makaukau ana i na hoolimalima
i oleloia.

No na hoakaka aku i koe e ninau ae ma ke Keena o ke Komisina o na Aina Aupuni. Hale Kapitala, Hono-lulu, kahi o ke kii palapala aina o na aina e hoolimalimaia aku ana ame ke ano o ka Hoolimalima Laula

Aupuni e waiho nei a e ikeia ai.
Hanaia ma Honolulu maloko o ke
Keena o ke Komisina o na Aina Au-
puni, i keia la 2 o Dekemaba, A. D.
1924.

C. T. BAILEY, '
Komisina o na Aina Aupuni.
6637—Dec, 4, 11.

MY PAST
MISTAKES

PER
STRAUCH

When a man looks back at his past mistakes he feels like kicking himself for a goal. Well what's gone is in the landlord's pocket. Act now on our rent-buys-your-home plan.

Kooke St., Kalihi—Lot 70X80, Close to King, $50. down and $30. per month.

Kahai St., Kalihi—Lot 50X100,
$25. down and $15. per month.

Alohea Ave., Kaimuki—Lot, 63X 100, $20. down and $10. per month. Frances St, Kapahulu—Lot 50X 100, $20. down and $10. per month.

Punchbowl St., Town—2 bedroom house, $500. down and $40. per month.

Maunalei St., Kaimuki—2 bedroom house, Good sea view,—Terms.

WE CAN SUPPLY YOUR NEEDS
IN ANY PART OF TOWN, COME
IN AND SEE US.

P. E. R. STRAUCH

The Home Builder

75 S. King St. PHONE 1043

T. O. MURATA

FURNITURE STORE
(Na noho hoolimalima me lako pa

maanei.)

Na Lako Hale Hou me Kahiko
Hoolimalima me Kuai Hoolilo.
715 Alanui Hema, Honolulu, T. H.
Kelepona 1695.


	kona lima no ka papa ana mai ia laua. Ua anehe ae o Mrs. Hunatere e eu a e ku ae iluna mai kona noho ae, aka nae i ka ike ana mai i ka lima o ke kauka, haule hou iho la oia ma kona wahi ma ka aoao o ka uluna o Gelade, a i ke kane hoi i ku ae ai a hele malie loa aku la me ka naau hauoli mai ka rumi aku. E na makamaka heluhelu, e waiho iki kakou ia lakou nei no ka manawa, a e hoi hou ae ka kakou nana ana ihope i ka hora ka manawa a ka paamare i hoomaka ai ka hele ana mai ka hale aku no ka halepule. E like me ia i hoikeia ae nei mamua, ua haalele iho o Geofere i ka hale he manawa liilii mamua aku o ka holo ana a kekahi poe e aku no ka halepule, no kona makemake e kamailio liilii mua me ke kahunapule mamua o ka mare ana. laia i makaukau ai no ka holo aole i komo iki iloko o kona noonoo he hana epa ino loa ke hanaia mai ana nona; me ka palaka a nanea wale no ia hele ana aku ana, me kona hoohuoi ole ae he kaalio okoa ka i paniia mai ma kahi o ke kaalio ana i kauoha ai no ke kii ana mai iaia a lawe aku i ka halepule ; o ke kaa i hoounaia mai ai me ka hikiwawe loa ua kauoha muaia aku e kii ae i kekahi ohua a lawe aku i ka hale hoolulu kaaahi, e hoea mai ana he kaaahi laweleka kuikawa ia ahiahi. Me ka haili ole ae he hana epa kekahi o ia kokoe wale ona (Geofere) a kau aku la iluna o ke kaalio, a no ka lilo loa o kona noonoo no ka mea e pili ana no ko laua mare, a no ko laua holo koke aku hoi i Bokekona aole oia i nana aku ia mua no kahi a ke kalaiwa e lawe ana iaia, ahiki i kona ike ana iho i ke kuupau maoli o na lio e kauo ana i ke kaa i ka holonui, a ia nana ana aku ana iwaho maloko aku o na puka aniani e pani ana ma na aoao o ke kaa, ua ike aku la oia he wahi okoa loa ko ke kaa e holo ana; aohe ona ike aku i ke kuku mai o na hale, aohe no hoi he poe holo mai maluna o ia alanui mehameha loa. Ua molehulehu loa iho la kela manawa, aka nae, ua lawa no ka malamalama o na kukui ma na alanui e hiki ai. no iaia ke hoomaopopo iho he ma* mile lehulehu kona mamao mai kahi mai ana i makemake ai e hele aku. Hoao aku la oia e wehe mai i ka puka aniani ma kona aoao aohe nae he hemo mai. Hoao ae la oia i kekahi puka aniani; oia like ana no ka paa. Kuikui aku la oia ma ke alo o ke kaa me ka manao e lohe mai ana la hoi ke kalaiwa, o ke poha wale no o ka huipa kana mea o ka lohe ana aku he pane no kana mea o ke kuikui ana aku, no ka mea ua lohe mai la no ke kalaiwa i kana kuikui aku. Ua kahea okoa aku la oia me ka leo nui me ke kauoha aku la i ke kalaiwa e ku iho ke kaa, eia nae, ua hoomahuahua loa ia aku la ka holo a na lio. No ke poho o ka manaolana no ka hoea ae i ka halepule i ka manawa i hooholoia, hina mai la oia ihope o ka noho, a peku aku la me kona wawae i kekahi o na puka aniani o ke kaa a uwala liilii. I ka lohe ana mai o ke kalaiwa i ka nahaha o ke aniani, hoemi mai la oia i ka holo o na lio, alaila ninau aku la: "E ke kalaiwa, e lawe ana oe ia'u ihea? He makemake au e hele i ka halepule Pilimota a eia nae oe ke lawe nei ia'u i kekahi wahi i mamao loa mailaila mai, heaha kou manao ma keia hana ana au, a nawai i kauoha ia oe e hana e like me keia?" "O! i ka halepule Pilimota ka kau wahi i makemake ai ea!" i pane mai ai ke kanaka me ka leo ano mihi i ka Geofere lohe aku, he hana akamai no nae ia a ke kalaiwa, no ka mea, ua maopopo no iaia ka hana i kauohaia mai ai iaia, a me he mea la ma ka pahe a ke kanaka he halepule okoa kahi ana i kau- ohaia mai ai e lawe ia Geofere, a ua hookahahaia oia no kona ike ana i kona kuhihewa. Aole o Geofere i hoohuoi iki he hana epa keia iaia, ua mana- oio aku la oia i ka ke kanaka mea o ka hoike ana mai la, aka nae ua piha loa oia i ka huhu no keia hoopauakaia ana ona. Ua makemake loa oia e ike a e kamailio pu me ke kahuna- pule mamua o ko laua mare ana, aka nae, ke ike iho la no oia ma kana uwaki ua hala hope loa ka hora no ka mare ana, a eia oia i kahi mamao loa i nei manawa e laweia nei e ke kalaiwa kolohe e hooko ana i ka makemake o ka mea nana oia i kauoha mai e hana pela. "Aohe ou manawa e hoopau wale ai maanei," i kuhea hou ae ai oia i ke kalaiwa. "Ke hopohopo loa nei au no ko'u haule hope mamuli o kau hoolalau ana ia'u, e like iho la me keia; e lawe koke aku oe ia'u i kela halepule i nei manawa me ka hoo- hakalia hou ole iho, e like me ka hiki ia oe." "Ua pono ia, e ke keonimana," i pane iho ai ke kalaiwa, a hoohuiliia ae la ke kaa ma kekahi kihi alanui, a he poha ana o ka huipa ka Geofere o ka lohe ana aku a kuupau aku la na lio i ka holo kainepu. Ma ka manawa a Geofere i hele mai ai aohe oia i lawe pu mai i kuka hoopumehano nona, aohe ona manao e lawe pu mai no ka mea, noonoo iho la no hoi oia he mea waiwai ole no ia e lawe pu mai ai, no ka mea he malie maikai ia ahiahi, a o kekahi e paa ana no hoi oia iloko o ke kaa i pakuia na aoao a paa me ke aniani e komo ole mai ai ka makani. Aka nae i keia manawa ua komo mai la ka makani huihui na ka puka aniani ana o ka wawahi ana aku a ike iho la oia i kona haukeke no ka huihui loa o ka makani o ka po e pa mai ana me he kui la e houhou mai ana i ka ili. Ke hoomau la na lio i ka holo a e oi mau "aku no hoi ka ma- ma holo i kela ame keia manawa, a ua liu loa no ia wahi o ka hoIo ana aku, mamua o ka hiki ana ia Geofere ke ike iho he wahi okoa loa wale no ia a ke kalaiwa e lawe la iaia, a iaia i huli mai a nana ihope ua mamao loa na kukui o ke kulanakauhale ihope a aia oia i kuaaina loa e laweia ala. Kulo i aku la oia imua a kuhea aku la i ke kalaiwa e ku iho ke kaa a ua huhewa kana wahi e lawe ana iaia. O keia no ka Everete Mepelasona hana hoohoka i hoolala ai, i mea e mamao loa ai o Geofere i kahi e a oia ke mareia me Gelade, e like me ia au, e ka makamaka heluhelu o ka ike mua ana ae nei. Ma keia manawa hope a Geofere o ke kahea ana ae i ke ka- laiwa aohe paneia mai, o ke pohapoha wale no o ka huipa i ke kikala o na lio, ame ka halulu o na kapuai wawae lio maluna o ke alanui kana mea lohe ae. Ia manawa, no ka manawa mua loa, akahi no a ulu ae kekahi haupu iloko ona ua onaia ke kalaiwa. Ua kuhea ae la a kuhea nou; ua kauoha ae la no kekahi mau manawa lehulehu, ua hoo- puka ae la i kekahi mau huaolelo e makau iho la hoi ke kala- iwa a hoopaa iho i ka holo o ke kaa, oia niau hana nae ana a pau o ka noke ana ae aohe hua i loaa, hookahi wale no ana mea i ike iho oia no ka hoomahuahua mau aku o ke kalaiwa i ka huipa ana i na lio a oi loa aku la ka holo. Ma keia manawa ke ike iho la o Geofere ua mamao Ioa ke kaa mai ke kulanakauhale mai, a aia oia ia manawa ma ka hu'a owaho loa o ke kulanakauhale o Nu Ioka, no ka mea, iaia e nana aku ana ma kela ame keia aoao o ke alanui, he kakaikahi wale no na wahi hale e kuku mai ana ma o a maanei, alaila mihi iho la oia no ke poho wale o kona manaolana. Ke nalu la oloko ona, heaha ana la ka ke anaina e noonoo iho ai ke hoea ae lakou i ka halepule a ike aohe oia malaila? Heaha ana la ka Gelade mea e noonoo iho ana? Heaha ana la ka na malihini he mau haneri e olelo iho ai i ko lakou manawa e fle a j&* ai aole e mare ana? Aole ana anei e noonoo iho ana no ka hoopoho waleia ana o ko lakou manawa ame ko lakou manaolana? Heaha ana la ka hopena o keia hana hoohoka? He kanaka pupule anei ke kalaiwa ana i ke kaa a i ole he kanaka ona anei oia a e lawe aku ana iaia i kona wahi e make air Ua uni a lehulehu kana mau mea o ka noonoo ana a manawa, koe nae, ka loaa o ka haina pololei, a no ka uluku loa aneane e nele loa oia i ka mana e hiki ai ke kokua iaia iho. Ua kuhea ae la, a uwa, a kahea me ka leo nui ahiki i ka ha ana o kona leo, aohe nae he wahi pane i loaa iho no ia hana	hoopau leo ana. Kiei aku la oia iwaho ma ka aoao o ke kaa ma kahi o ka puka aniani nahaha e like me ka hiki iaia, no ka nana ana ae iluna o ke kanaka e noho ana iloko o ka pahu o ke kalaiwa, o ke aka wale no nae o ke kanaka opu lokoino kana o ka ka ike lihi ana ae me he mea la he kii pohaku ka oni ole, koe wale no ka oni o kona lima i ka wili i ka huipa. Aole o Geofere i aa e lele mailuna aku o ke kaa, no ka mea ua maopopo iaia ina oia e hoao ana e lele he make loa kona hopena a i oe hakihaki paha kona mau a'u a i ole haki kona ai, no ka mea, ke kuupau la na lio i ka holo, oiai nae, he ikaika loa ka manao hoowalewale iloko ona e hana aku pela; o ke- kahi kumu ana i noonoo iho ai e hiki ole ai iaia ke hana pela ua paa oia i ka pakuia ma na aoao a pau, aohe no hoi he wahi e hiki ai iaia ke pinana aku ahiki i kahi o ke kalaiwa e noho mai ana; no keia hiki ole iaia ke hana aku i kekahi mea nona e pakele ai, noho pu wale iho la no me ke kakali aku no ka hopena o ka mea e hanaia mai ana nona. No kona maluhilui a no ka haukeke no hoi i ka makani huihui o ka po e pa mai ana, onoonou aku la oia i ke kukini ma ka hakahaka o ka puka aniani nahaha ana o ka peku ana aku iloko o kona wa ulupuni i ka inaina, alaila lapee iho la ma kekahi kihi o ka noho, a haawi i aku la iaia he pio na ka ho- pena o na mea e hanaia mai ana nona, no ka pono paha a no kona make aku paha. No ekolu mau hora loihi a uiha kona noho ana me ia ano a e laweia ala hoi e na lio e holo la me he pupule la maluna o ke alanui, me ka maopopo ole iaia o kona wahi e laweia aku ana. I ka manawa hope loa, ua loaa ae la no hoi kahi maha iki i kona noonoo, ku iho la ke kaa, a nana a ku la oia iwaho ma ka puka aniani o ke kaa aohe maopopo iaia ka hiohiona o ka aina, o kahi hea la ia i ku iho la ke kaa, aohe ana hale e ike aku ana, o kona wehe koke mai la no ia i ke pani o ka puka a oili aku la a ku ana iluna o ka lepo, a i kona huli ana ae me ka piha loa i ka huhu e kamailio i ke kalaiwa ninau ae la i ka manao o kona lawe ana mai iaia a hoolele ia wahi, a nawai i kauoha iaia e lawe mai iaia ahiki a wahi? Ua piha oia i ka inaina a ua nui kana mau olelo o ke kamai- lio ana aku i ke kalaiwa, eia nae, me he mea la he kii mabala ke kalaiwa i kana nana aku, no ka mea, aohe ona oni ae, aohe no hoi he puka leo mai, o ia noho wale mai no nana iaia me ka pane ole mai i kekahi haina no ka Geofere mau ninau lehu- lehu o ka ui ana aku. • Ma ka Geofere noonoo iho me he mea la ua aoao wale ia ke kalaiwa a pela iho la oia e hana mai ai iaia. I ka ike ana o ke kalaiwa ua maha iki na lio o ka hoohuli ae la no ia a hoomaka aku la ka holo ana ma ke alanui no ana i kalaiwa mai ai i na lio, me ka haaleleia iho la o kana pio e ku malaila iwaenakonu o ke alanui ma kela wahi mehameha loa, me ka ike ole ia aku o kekahi hale hookahi e ku mai ana ma kekahi wahi kokoke mai. Oiai o Geofere e ku ana ua hoopohihihiia kona noonoo no ke- kahi mau minuke no kana mea e hana aku ai, a ma ke alahele la oia e huli ai a hele, aole hiki iaia ke ike aia la oia ihea ia manawa, hookahi wale no mea i maopopopo iaia he mau mile lehulehu kona mamao mai ke kulanakauhale mai o Burukeline. Hookahi mea hoopilikia loa iaia oia ke anu no ka lawa ole i ka aahu kupono e hoopumehana iho ai iaia, a e hoopakeleia ae hoi oia mai na makahi huihui mai o ka po e pa mai ana me he kui la e houhou mai ana i kona mau papalina, a ua ike oia ina no kona ku mau iho malaila e nui loa ana kona anu, o kona hele aku me ka mama me ka oni mau o kona kino oia wale no ka mea nana e hoopumehana iaia. Ma keia manao hoomaka aku laweia e hele me ka mama a ua hala paha he umi-kumamalima minuke iaia o ia hele ana aku pela, ua hauoli ae la kona noonoo i kona ike ana iho e moe ana ke alanuihao ma ke alanui, nolaila, aole e nele ana ka holo mai o ke kaaahi maluna o ia alanuihao ma kekahi manawa o ia po, o ka loaa no ia o kona alahele e hiki aku ai i kekahi hale hoolulu kaaahi a manaolana ka hoea koke aku i ka hale. Mahope o kona hookolo ana aku ma keia alanuihao hoea aku la oia i kekahi hale hoolulu kaaahi uuku, a loaa aku la ke- kahi kanaka helehelena makehiamoe i kana nana aku, he ka- naka hana kelekalapa, a he helehelena kahaha hoi ko ia ka- naka i kana ike aku no ka ike ana mai iaia me na aahu lahilahi kupono ole e hele ai i ka po me ka nui o ke anu ame ka huihui hoi o ka makani e pa mai ana. Ninau aku la oia i ua kanaka la no ka manawa o kekahi kaaahi e hoea mai ai no ka holo ana no Burukeline. a ua hoo- kahahaia iho la nae oia i ka manawa a ke kanaka i hoike mai ai he alanuihao kaaahi lala wale no kana e ike ana ia manawa, a aohe no hoi he kaaahi e hoea mai ana ia hale kaaahi a piha ka hora ma ia hope iho. He pane hoonaukiuki no keia iaia no. ka lohi loa o ka hoea ana mai a ke kaa, aka, e aho nae ia ma- mua hoi o kona noho malaila a ao paha ia po ; o ke kaaahi e hoea mai ana he kaaahi lawe ukana me hookahi wale no kaa ohua i hoohuiia mai — a e ku aku ana ia kaaahi i na hale ukana a pau no ka lawe ana i na ukana a no ka hoolele ana aku, a he hora a oi mamua o ka hoea ana aku o ia kaaahi i ke kaaahi o ka laina nui, kahi ana e kakali hou ai he hora hou mamua o ka holo pololei ana aku no Burukeline; ua nui keia mau kumu kaohi iaia aka e ao iho no nae oia i ka hoomanawanui e pono ai. Mamuli o keia mau kumu hoohakalia iaia ua maopopo iaia e hooulolohi loa ia ana kona hoea koke aku i ka hale mamua o ka hora aumoe, a ia manawa akahi no a "ulu ae kekahi hoohuoi iloko ona o ke kalaiwa ana i koho mua ai he kanaka ona aole oia i ona, aka ua hoolimalima ia oia e kekahi mea e lawe iaia no kela wahi mamao loa, a he hana hoi ia i hoolala muaia me ke akamai loa no ka hoohoka ana iaia i ole ai oia e hiki i ka hale- pule ma ka manawa e malamaia ai ko laua mare, a he hana hoopuhili hoi i ole oia e mare me Gelade. Aka, owai ka mea nana i hoolala i keia hana hoohoka ino loa. wahi ana iaia iho, a heaha ka manao nui o ka hoolala ana? Aole i loaa iki kekahi manao koho mua iloko ona o Everete Mepelasona, no kona hoa aumeume i ke aloha hookahi, ka mea nana keia hana i hoolala, o keia ka manawa i ulu ae ai ia ma- nao, aka nae, ua hoopau koke oia i ka noonoo ana nana keia hana ; he oiaio he kanaka hiki ole o Everete ke hilinaiia a ua hoowahawaha no hoi oia iaia, mamuli o kekahi mau kumu lehulehu, aka nae, aole oia i manaoio o Everete no ka mea 1 anna keia mau hana, me ka moeuhane ole iho no ka oi aku o ke ino o ka Everete mau hana epa i hana mai ai iaia, a o ke- kahi no hoi ua manaoio oia ua haalele mua mai no o Everete i ke kulanakauhale o Burukeline he pule a oi mamua aku, ma- muli o kona nalowale iloko o ia manawa, eia ka auanei ma kekahi wahi aku o Everete i noho ai a hoolala i kana mea e hana ai no keia hopena iho la. Ua nui kona anu ia manawa, a ua ike iho oia aole hiki iaia ke noho hou aku maluna o. ke alanui no ekolu hora hou me kona kuka hoopumehana ole, ai ole kekahi mea e ae e hoopaleia aku ai ke anu mai kona kino aku, aka nae, o ka ninau iloko ona ia i manawa ihea e loaa aku ai ia kapa hoopumehana, no ka mea eia pia ma kahi e hiki ole ai e loaa, aole hiki iaia ke pane nona iho i keia ninau, no ka mea ua olelo mai la ke kanaka e kiai ana i ka hale kaaahi aohe halekuai lole ma kekahi wahi kokoke mai malaila. Oiai oia e lala ana iaia ma kahi oke kapuahi maloko o ka rumi e noho ai na wahine kakali no ke kaaahi me ka haukeke no ka nui o ka huihui o ka makani o ka hooilo e pa kolonahe mai ana, komo ana no kekahi lede aoo nie kekahi eke- paalima nui na kona lima a ma kekahi lima he kuka hoopume- hana, ke ano a na wahine e komo ai i ka wa anu e like me ia ia manawa. (Aole i pau.)