Ka Nupepa Kuokoa, Volume LXIII, Number 46, 13 November 1924 — EHA MAKAHIKI KA HOOPAI PAAHAO O KA POE HOOHAUNAELE [ARTICLE]

EHA MAKAHIKI KA HOOPAI PAAHAO O KA POE HOOHAUNAELE

- He kanalima-kumamaono o na Pilipino hoohaunaele he kanahiku-ku-mamalua ma Hanapepe i ahewaia e ke kiure o ka aha kaapunl elima ma ka po o ka Poalima aku la i hala, mahope o ka paio ana a na loio no •eono hora, a he umikumamaono poe i hookuuia. ,Ho eha mau Pilipino i ae mamua i ko lakou hewa, o ka piha ana ia o ke kanaono o na Pilipino olahuni hoohaunaele i hoahewaia mai la. He kanalima-kumamawalu o ka poe i ahewaia he eha makahiki ka hoopai paahao, a he elua, oia na alakai o kela poe, o Lorenzo Alcoreon ame Evaristo Acebes, he eha ma--kahiki ame umikuniamakahi mahina ko laua hoopai. O kela poe Pilipino he kanaono ka nui i hoopaiia ai ua hoounaia mai i Honolulu nei ma ka mokuahi Kilauea no hoomaka hana i ko lakou mau hoopai. O na Pilipino he umikumamaono i ikeia e ka aha aole i pili ka htswa ia lakou i hooiaia ae ai e kekahi kanaka o ia poe pu kekahi i akoakoa pu ae ma kahi o ke karaima i hania, ua hooholo ke kiure e hookuu ia la-' kou no ka lawa ole o na oleloike e kakoo ana n'o ko lakou ahewaia, e like me ko"hoakaka a ka Advertiser > oiai ka Buro mai o Kauai.