Ka Nupepa Kuokoa, Volume LXIII, Number 46, 13 Nowemapa 1924 — Page 2
| | ||||||||||||||||||||||
| | ELUA NUPEPA KUOKOA, HONOLULU, T. H., POAHA, NOVEMABA 13. 1924. | |||||||||||||||||||||
| | ||||||||||||||||||||||
| | AKAHI NO A LOKAHI KA WAI ME KA AILA Ma ka halawai a ka papa o na lunakiai kulanakauhale o ka noho ana ma ka Poalima aku la i hala aohe ooloku i ala ae mawaena o na hoa e like me ia i ikeia i na halawai mamua aku nei, ua lokahi na hoa o ka papa no ka Lewis T. Abshire hana pono e hana aku ai i mea e loaa ai kona ukuhana no ka hana ana i lawelawe ai ma ke ano he lunanana kukulu hale no ke au-puni kulanakauhale mai ka la 2 mai o Ianuari oia hoi e pono ia Abshire e waiho ae i kana noi imua o ka ahaolelo kuloko a noho mai i mea e loaa mai ai kona uku, e like me ka Abshire o ka hoike ana ae ma ka Poalima aku la i hala. Ma ko Abshire aoao nae he kanalua kona no,ka hooholo mai o ka ahaolelo e uku iaia, aohe no hoi ona makemake a waiho aa i kana koi imua o ka ahahookolokolo oiai aole ona manao he hana pono ia na ke kanaka hana e koi aku ai i kona hakuhana e uku mai iaia. Mahope o ko ka aha kiekie hooholo ana ma ka la 1 o Mei ua ku i ke kanawai ko Abshire hookohuia ana, ma ka nana ola i ke kue a ka hapanui a na hoa Repubalika o ka papa, ua kauia nae kona ukuhana ma ka hookahi dala o ka makahiki. Ma ka la 16 o Sepatemaba ua hoomahuahua kou ia ae kona ukuhana a ka papa i ka $4800 no ka makahiki a mahope aku he bila kikoo dala no $3200 he uku no ka manawa i hala a he bila kikoo dala hou no $400 no ka mahina o Sepatemaba, o ia mau bila kikoo a elua e hukiia mai ka waihona kula kuikawa mai, oia ka i aponoia e ka papa. Ma ka manao kanawai i waihoia ae a ka Loio kulanakauhale Heen ua aoia ae ka Meia Wilson aole e kakau i kona inoa maluna o na bila kikoo elua, no ka mea he hana kue kanawai ia oiai o ka waihona dala i hoakaka mapoopoia aole i komo pu ma ia waihona he ukuhana kekahi. I mea e hiki ai ke kakauinoaia na bila kakoo hookahi ana hana pono i manao oia ai ka hookomo ae i ke* kahi palapala noi no kekahi palapala kauoha mai ka aha mai e kauoha ana i ka meia e kakau i kona inoa maluna o na bila kikoo dala, oiai ua hoole ka meia i ke kakau aua i kona inoa mahope o ka loaa ana ae o ka manao kanawai o ka loio kulanakauhale Heen, k pela pu hoi ia James Bicknell, ka Lunahooia no kona olelo ana aole oia e kakau ana i kona inoa. O ka puuku kulanakauhale Conk-ling pu kekahi ana i manao ai e hookomo ae i kekahi palapala noi i ka aha e hoopuka mai i kekahi kauoha i mea e hiki ai ke ukuia ae ma te dala na bila kikoo. HE HIKI I NA KALAINA KE KO- KUA WAHI A CONKLING No ka pokole ma ka waihona o ka puuku teritore o ka huina o $6000 i makemakeia e ka Puuku Henry C. Hapai i dala e hiki ai ke paiiai na buke ame na palapala hoike auhau a mau palapala panihakahaka e ae no ka hoohanaia aku i keia makahiki ae no ka ohi ana mai i na dala au-hau aneane i ka $11,000,000, ola ka ka Puuku kulanakauhale D. L. Conkling o ka hoike ana ae ua hiki i na kalana ke kokua iaia ia huina. He $2000 i makaukau ma ka waihona i hiki e loaa i ka Puuku Hapaia i hiki ke hoohana koke ia aku, o ke koena aku nae o $6000, i hiki ai a ukuia na hoolilo a pau no ke pai ana i na buke auhau ua hiki ole iaia e ike i ke alahele e loaa mai ai ia naa dala, a ua lilo i mea hoouluhua i kona noonoo. Aole e hiki e loaa mai ka waihona mai o na ulia o ke aupuni, e like me ia a ka Lunahooia o ke teritore Treadway o ka hoike ana ae, oiai ua pau i ka hooliloa, ai ole ua maheleheleia no ka hooliloia aku. "Oiai ha mea makemake nua ia e na kalana ka hana e ka ohi aua mai i na dala auhau o keia makahiki ae, he manaoio ko'u e ae oluolu mai ana no lakou e kokua i keia pilikia o ke teritore, "wahi a Conkling o ka hoike ana ae. Ua hoopauia keia pilikia o ka Puuku teritore, e pau ana na buke auhau i ke paiia a pela me na pala-pala hoike auhau ame na palapala paihakaha, mamuli o ka hooholo ana o ka Loio Kuhina ma ka Poalima aku la, e haawiia ae i ka Puuku Hapai i $5000 mai ka waihona ae o na poina ulia, i hookaawaleia ae ai mamua no ke keena o ka loio kuhina. | | O KA HOOKU'I O KA HALAWAI ELUA LAUA Mr. Lunahooponopono o ke Kuokoa, ka mea iaia ka hookele ana o ka moku Hawaii, e hookau pono aua i ka ihu o ka moku i ka hoku hookelewaa, a nona ke olelo ae, o Hawaii imi loa iho la no ia. Ma ka a. m. o keia Poaono, Novemaba 1 i awaiauluia ae ai kekahi opio o ka iwakiani o ka eheu manu, me kekahi opio kane o ka ua poaihale o Kahaluu, lihi o Kaalaea, o ke ko'a mokumoku o ua Heeia ekolu o na Koolau elua, : ma ia minuke i materemonioia ae ai ma Laie imua o ke kahuna mare, a hoomalo pono ia ae la kela kaula lino hili kaakolu o keia au holomua a holo ihope e kulana nei. Wahi a Adamu i olelo maopopo mai ai, oia nei no ka iwi o kuu iwi, ame ka i'o o kuu i'o, o ka mea a ke Akua i hoopili ai, mai noho ke kanaka a hoohemo ae. Ma ia a. m. no i hoi like aku ai ka paamare ame na makua ponoi o na aoao a elua ma ka Makoni, Kahuku Lewa ka paina, ma ka home o na makua o ka wahine, oiai ua nui hewahewa na kuhinia i hoomakaukauia, a oo no paha ke kulana, oiai he luna hoohana nui ka papa no na kia loloa o ke kelekalapa hoolele leo i ka lewa. Ilaila pu mai no na makua o ka kane ame ka ohana, elua hapa la amo hookahi po Sabati, a ao ao ka pau pono ana o na mea i hoomakaukauia, a huli hoi aku la ka kela Koolaupoko. E hoopili pu ia no na hoopomaikai i na la o na opio, a e malama pono i ko kauoha a ke Akua, i waiho mai ai i Kana mau kauoha paa. Ke haawi pu aku nei ka mea kakau i ua hoomaikai ana i na makua ponoi o na aono a elua; me ka Lunahooponopono ame na lima paahana pu o ia keena pa'i ka'u mau hoomaikai hope. Owou iho no, J. K. KAHUKU AINA LEWA. Ma ka mokuahi Manoa, e haalele iho ai i keia kulanakauhale no Kapalakiko, ma ka Poakolu o keia pie ae, Nov. 19, e kau aku ai ka Elele W. P. Jarrett, ma kona alahele no ka ahaolelo lahui ma Wakinekona. Laukanaka ke kulanakauhale nei ma ka Poalua aku la i hala, no ka hoomanao ana i ka la hoopau kaua ma Honolulu nei. | | ||||||||||||||||||
| |
| | LOAA HE HOME I KA BEPE I LAWEIA AKU A HAALELE Ua loaa ha home no kekahi bepe, he keikikane Kepani ui a nui puipui o ka laweia ana aku me ka ike ole ia a waiho ma ka lanai mamua o ka kale e Mr. ame Mrs. T. Koji, he mau Kepani e noho ana mahope aku o ka halekuai o Yorita ma ke kihi o na alanui Horn ame Kula ma ka po Poaha o kela pule aku la i hala. He bepe ia i laweia aku ahiki ia hale ma ke ano Kupanaha a i manao mua ole ia hoi e kela ohana Koji. Ma ka po Poaha ua hoi aku la O Mr. ama Mrs. T. Koji e hiamoe, aohe a laua keiki, a me he mea la o ka wahine nana ia bepe i manaka i ka hanai ame ka luhi o ka malama ana, a i ole he keiki paha i loaa iaia ma ke ano kolohe, ua hooholo oia i kona manao pela iho la e kaawale aku ai ka bepe mai iaia aku, e lawe oia a waiho i ka bepe ma ka puka o kekahi home, a i ka manawa e ala mai ai o na nona ia hale, malia o aloha iho laua ia bepe, a kaa aku na Iaua ka hanai ana a loaa pu hoi i home no ia bepe. Nolaila, me ia manao, oiai na Koji a hiamoe ana o ka manawa ia o ka makuahine aloha ole i lawe aku ai i kana kamaiki a waiho iho la maluna o ka lanai a hele aku la me ka ike ole ia mai e kekahi maka. Ma ke kakahiaka Poalima ae ia ala ana mai o na Koji e waiho uku ana he bebe, ua wahiia no a paa me ka lole huluhulu hoopumehana a e hiamoe ana no; malia paha ua noke wale ia bepe i ka uwe i kekahi manawa mamua aku, eia nae, aole i hoalaia aku ko laua hiamoe ahiki i ko laua ana mai. Ua hoopahaohaoia laua me ka ninau ana nawai la ia bepe, a no ka maopopo ole ia laua no ka laua mea e hana ai, o ko laua lawe mai la no i» iaia i ka halewai. Ma ka hora 5:30 o ka auinala o ka Poalima aku Ia i hala ko laua hiki ana ae a hoike ae la i ka laua mea i loaa i na makai. Aohe wahi o ka halewai e malamaia ai ia bepe, nolaila ua noia mai la laua e hoihoi no ia bepe i ko laua hale ahiki i ka hooholo ana o ka aha hookolokolo o na opio i kana mea pono e hana ai no ia bepe. Ua makemake loa ka na Koji e lawe a e hookamaia bepe na laua ina no ka ae o ka aha, a i ole ina e ike ana ka aha o na opio he mau kahu hanai kupono laua no ke kamaiki a puolo haule wale i ka lai o Lele. NA KAWOWO LAAU NO KA HA- AWI WALE MA KA LA KANU LAAU O ka Poaono o keia pule ae, ka la 21 o Novemaba, ka la kanu laau, o ka poe apau e makemake ana i mau kawowo ua hiki ke loaa aku ia mau kawowo ke waiho ae i ke noi i kahi kanu laau o ke aupuni ma ka leka a i ole ma ka hele kino ana ae mamua o ka la 19 o Novemaba. Ma ka la 20 a i ole 21 e kii ae ai. O kela wau kawowo laau haawi wale a ke aupuni no ka mokupuni wale iho no o Oahu nei. He 24 mau kawowo kumulaau e loaa wai ana i kela ame keia mea noi. O na kawowo kumulaau apau e loaa mai ana he mau laau hoonani a hoomalumalu wale no, o ka Ohia Rose wale no ke kumulaau hua. No ka mokupuni o Hawaii mai kahi hookawowo laau ma Hilo e loaa aku ai malalo o ka malama ana a L. W. Bryan, a no na mokupuni o Molokai ame kahi hookawowo laau aku ma Haiku malalo o ka malama ana a James Lindsay, a no ka Mokupuni o Kauai mai kahi hookawowo laau ae ma Kalaheo malalo o ka ma-lama ana a Joe. Rita Jr. e loaa ai. | | ||||||||||||||||||
| | NA MARE Joseph H. Kuohao ia Annie Kaimiiokia Nov. 1. Rain no Taea ia Christina Keahiolalo Nov. 3. P. Delaquite ia Celilio Valentine Nov. 3. Francis W. Keanu ia Dorothy K. Jones Nov. 4. J. L. Kennedy ia C. M. Blair Nov. 4. G. Worthington ia Mary Napapa Nov. 5. Frank McMillan ia Abbie Kanana Nov. 5. Jomes L. Nahinu ia Lydia Ulii Nov. 7. Na HANAU Na Isaac L. Adams ame Minnie Kauahikaua he kaikamahine Oct. 24. Na Geo. Gregorio Rosario ame Helen Allen he kaikamahine Nov. 3. Na Joseph Leialoha Ai ame Ellen he kaikamahine Nov. 4. Na J. Rasmussen ame Pauline Paris he keikikane Nov. 5. Na Shea Chan ame Louise Puaa he kaikamahine Nov. 6. Na John Kapana ama Miriama Maele he kaikamahine Nov. 8. Na Lei Waiwaiole ame Becky Peter he keikikane Nov. 8. HE HOOMAIKAI NUI Ke haawi aku nei au i ka hoo-maikai nui loa, i o'u mau kaikuahine o ka Ahahui Poola, no kela makana hiwahiwa a oukou i haawi mai ai ia'u ma ka lima o ko oukou komite, me ke aloha kui'o mailoko lilo loa mai o ko oukou mau puuwai pakahi i piha me ke aloha oiaio. Nolaila maluna ae o na mea apau. ke pule nei au i ke Akua, ka Mea Nona ka lani ame ka honua, Nana no e ninini mai i na pomaikai he nui mailuna nui a e hoopiha i ko oukou mau waihona waiwai a piha a hu; o kela ka'u noi ma ka inoa o Iesu Kristo, ko kakou Kalahala o ala ai, amene. Me oe o Mr. Lunahooponopono ko'u mahalo nui. Owau iho no mo ke aloha, G. B. KANEAPUA. 450 Cooke St., Honolulu, Nov. 12. 1024. | | ||||||||||||||||||||
| | 1 p. m., i wehe hamama ia mai ai kahi o M. E. Silva, no ka hele ana o na makamaka, na hoaloha ame ka ohana e ike i kona helehelena no ka manawa hope loa, pela hoi ka hoohanini ana i na waimaka o ke aloha, walohia wale! Ke hoomanao ae au i kahi a maua i noho ai, he mea e ke aloha iloko o kona mau la e ola ana, e noho hookahi mau ana oia ma ko maua home, iloko o ka pilikia, oiai hoi au e hele ana e huli i na pono o keia kino, no keia ola honua ana, no ka mea aia ko maua ola i ka ihu o ka moku, lihaliha wale! Ua hanauia kuu wahine aloha mai ka puhaka mai o Mrs. Kahalelauniu ame Mrs. Polapola, kona papa ma Moanalua, Oahu nei, i ka la 11 o Maraki, 1869, nolaila, ua piha iaia na makahiki he 55 me na mahina keu o ka hanu ana i na ea o keia ao. Ua hoohuiia maua iloko o ka berita o ka mare e ka Makua Rev. H. H. Pareka, ma kona home ma Puunui, i Mei 21, 1918, nolaila ua piha ka eono makahiki a oi o ko maua malama ana i ka maomao o ka berita mare. Iloko o ko maua ola ana aole he mau paee, a paonioni ana, aka ua nohoia me ke aloha iloko o 13 makahiki a oi, oiai he mau kane. mua aku no kana, na laua na keiki ame na moopuna e ola nei, ua hala mua laua ma kela ao, owau hoi koe i muliwaa. He wahine aloha ka'u i ko'u ohana, e hookipa ana i na mea apau e hiki ana imua o kona alo, he mea nui kana mau keiki iaia, pela no kona mau kaikoeke; ua pau kona maalo hou ana imua o ko lakou alo, ua hala ua nalo no ka wa mau loa, minamina wale! Kuu wahine mai ke kai nehe mai i ka iliili o Kalia e, aloha ia wahi a kaua 4 hele ai. Kuuwahine mai ke awa la'i o Ke^o, aloha no ia wahi a kaua e hele ai. Kuu wahine mai ka ulu kiawe o Kaakaukukui, aloha ia wahi a kaua i noho ai, moe aku kaua hoolono o ka leo o ke kai, Aloha wale! Aloha ke kai o Kahala, hala aku la oe ka hoa pili, auwe ka minamina pau ole ia oe a! Ko haawi aku nei ..u. i ko'u mahalo nui i o'u mau kaikuahine o ka Hui Poola no ka oukou mau hana hoohiwahiwa me na lei ilima e lahe ana maluna o kuu mea aloha, pela hoi ko oukou ku kiai ana i ke kino o ko oukou hoahanau i haalele mai i keia ola ana. Ke mahalo aku uei no hoi i ka poe apau no ka lakou makana pua o ke aloha, pela hoi me ka poe apau i hui pu mai me makou ka oliana iloko o ua hora o ka luuluu me ke kaumaha. Ke mahalo aku nei no hoi i kuu hoahanau, Su Kaaikaula, no kau mau himeni hoalohaloha maluna o ke kino o kuu mea aloha, Na ka Makuahine Mrs. Lepeka Kahele i haawi mai he mau olelo hoolana i ka poe apau e kuku ana ma ka aoao o kona kino wailua, a nana no i malama i ke auaina haipule ma kahi o M. E. Silva, no ka hoomakaukau ana no kana huakai hoolewa no kona home lua. Ma ka hora 4 p. m., i maneleia aku ai kona kino wailua no ka ilina o Kawaiahao, no ka hoomoe ana aku iaia no ka moe kau a moe hooilo. Na ka Makua Kaahea i haipule hoo-maikai, oiai ka lehulehu e kuku ana ma ka'e o ka lua; a ko ae la ka ka Buke Nui e hoike nei: E hoi ka lepo i ka lepo a o ka uhane e hoi no me ka Mea Nana i hana. E hoomaikaiia ka Makua ma ka lani, he malu ma ka honua nei, he aloha i kanaka. Ke mahalo hou aku nei i ka poe apau i komo mai iloko o ka huakai hoolewa. Me oe e Mr. Solomon Hanohano ame kou mau keiki hoonohohua ko'u mahalo nui. Owau iho no me ka naau luulu, G. B. KANEAPUA, 450 Cooke St., Honolulu, Nov. 8, 1924. He umi-kumamaono mau paahao i hookuuia ma ka Poaono aku Ia, mamuli o ke ka kakauinoa ana o ka Hope Kiaaina Raymond C. Brown, i ko lakou mau palapala hookuu pakahi. | |||||||||||||||||||||
| | HE HOALOHALOHA NO KUU WAHINE PONIELE KANEA- PUA Mr. Solomon Hanohano, Welina pu kaua:—E oluolu mai oe, ina he rumi kaawale kekahi o ka hiwahiwa a ka lahui, no ka'u puolo waimaka aloha e kau ae la maluna, a nana hoi ia e uwila ae ma na kihi eha o Hawaii aloha nei, i ike mai ai na kini makamaka, ka «hana e noho ana mai ka piliia ana a ka la ma Kumukahi, a ka welona a ka la i Lehua. O kuu wahine aloha, Mrs. Poniele Kaneapua ua hookoo mai Ia i ka pili a maua, ua huna ae la i na maka nalowale, aloha no! Ua loihi no ka hoomailo ana a ka ma'i maluna o kona kino, be wa no ka maikai, a he wa no ka ehaeha, pela iho Ia ke ano o ko mana noho ana me kuu wahine aloha a haalele wale mai la oia ia'u, walohia wale! Ma ka hora 3:30 o ka Poaha, Okatoba 2, o ka 1924, i haalele mai ai ka hanu ola iloko ona, a man palanehe aku la me ka ike ole ia, a koe hookahi iho Ia au, me na keiki a nana ame ka ohana e u aku nona ma keia ao inea. Ma ia kakahiaka no i laweia ai kona kino wailua no kahi o M. E. Silva no ka hoomaemae ana malalo o na hooponopono ana a ka Hui Kukoa me Manawale'a o na Poola Wahine, oiai he lala oia no ia aha-hui. Ma ka Poaono ae, Okatoba 4, hora | | ||||||||||||||||||||
| | ||||||||||||||||||||||
| | ||||||||||||||||||||||
| | ||||||||||||||||||||||
| | ||||||||||||||||||||||
| | ||||||||||||||||||||||
| | ||||||||||||||||||||||
| | apana mai o Paia ame Puunene, na home o Harry A. ame Frank F. Baldwin. Ma Paia he 3 ia 1 a ma Puunene, he oi iki aku maluna o 2 ia 1. i | | ||||||||||||||||||||
| | ||||||||||||||||||||||
| | ||||||||||||||||||||||