Ka Nupepa Kuokoa, Volume LXIII, Number 45, 6 November 1924 — KA NINAU KAHUA HALEKULA AUPNI [ARTICLE]

KA NINAU KAHUA HALEKULA AUPNI

Ua ala ae he pilikia mawaena o ka Meia John H. Wilsoa, ame na hoa o ka papa lunakiai o ke Kulanakauhale a Kalāna o Honolulu nei, e pili ana i ke kahua halekula mawaho ae nei o ke alanui o Kapahulu, ahiki i ka hoea ana aku o kelā like ole iloko o ka aha hookolokolo. 0 ke kuleana o ka papa o.na lui?akiai ma keia ninau, o ia no ko lakou nana ana, a koho ana i kekahi kahua kupono; no ka halekula e kukuluia aku ai; a o ke kuleana hoi o ka meia, o ia no ke kakauinoa ana aku maluna o na kikoo dala, no ka uku ana ae i ke kumukuai o ke kahua i makemakeia ai i wahi no ka halekula e ku ai. Ma ka manao kanawai o ka loio kuhina maluna o keia ninau, o ka papa lunakiai ke kuleana holookoa, i haawiia. e ke kanawai e koho ai, a e hooholo ai i kekahi kahua halekula; ina no aole i apono ka meia, ame ke poo~o ka oihana hoonaauao, aole o laua kuleana e ku-e aku ai i ka mea e hooholoia ana e ka papa; ina he mau ku-e ana kekahi ma ko laua aoao, e lilo ana ia mau ku-e ana i mea ole, koe wa?le no a hookahuaia nialuna o na kumu maikai loa, o ia ka maiia'e o na lunakiai maluna o ko lakou mana a ke kanawai i haawi mai ai. 1 ka nana aku ua hoala mai ka Meia Wilson, i kana mau ku-e ana i ka aina a na lunakiai i koho ai, malalo o na kumu kupono a maikai; aka nae, ina aia ka mana koho a kuai me ka papa o na lunakiai, alaila o ka hana pono wale no ma kona aoao. o ia ke kakauinoa aku maluna o ke kikoo dala, no ke kumukuai o ka aina i makemakeia e lilo mai i ke aupuni, ina ua apono ole oia i kela wahi. Ina ua hemahema ke kanawai ma keia wahi, o ia ka haawi holookoa ana i ka mana i ka papa o na lunakiai, maluna o ka ninau kahua halekula, aole no na lunakiai kela hewa, aka e lilo nae keia pilikia, i kumu e waiho aku ai i na hoololi kanawai iloko o ko kakou ahaolelo e noho mai ana, e hoomaopopo pono ana i na mana o ka papa ame ko ka meia a lunanui paha o ka oihana hoonaauao, maluna o na kahua. halekula, i wahi c ala ole niai ai he pilikia ma keia mua aku, elike me keia i ikeia īloko o keia mau la. • —