Ka Nupepa Kuokoa, Volume LXIII, Number 45, 6 November 1924 — KA HOPENA O KE KOHO ELELE [ARTICLE]

KA HOPENA O KE KOHO ELELE

Ma ka Poalua nei i hoea mai ai kakou i ka hopena o ka paio lealaiaina hahana, i hooukaia iloko o na pule aku la i hala, me k«i hoike ana oka hapanui o mana koho o keia Teritore, i ko lakou makemake, no ka poe, na lakou e lawelawe mai i na hooponopono ahaolelo, no keia mau makahiki elua e nee aku nei. Ma ka koho hou ia ana o kā Elele Lahui \V. P, Jarrett, i elele na kakou i ka ahaolelo lahui, Uā hoike mai na mana koho, i ko lakou oi ae o ka makemake iaia mamua o Phiiip L. Rice; nolaila aole a kakou mea i koe e hana āku ai, koe wale no ka nana ana aku i kana hana no ko kakou pono, iloko o na makahiki elua e hoea mai ana. O na paio l)ahana mawaena o na aoao kalaiaina, a mawaena 0 ka hoa kanaka i ka ho'akanaka, e hoopoina aku kakou ia māu mea, mahope iho o ka hala ana aku ia o ke koho haloka; no ka mea ma ke kolio ana a ka hapanui, malaila kakou i maopopo ai, 1 ko lakon makemake, aole hoi i ka makemakē o ka hapa uuku. Aole i nele k hoalaia ana mai o na m'ānao kahaha iloko o na alakai kalaiaina kuloko, no ka hopena o keia koho haloka, he mea mau no nae ia ma na hana apau, aka nae, me nā ike i loaa mai ma keia koho haloka aku ia i hala; e loaa auanei na makaukau apau, no ka hoouka kalaiaina e hoea mai ana ma keia mua aku.