Ka Nupepa Kuokoa, Volume LXIII, Number 42, 16 October 1924 — HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino. [ARTICLE]

HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino.

MOKUNA XIII. Ma ke kakaliiaka o kekahi la ae, hakalia no a ala ae o Kaloke mai kona hiamoe ana, a iaia e hoomakaukau ana iho, ku ana no o Kike, ka wahine Paele lawelawe mawaho o kona rumi moe, a hoomaka mai la e kamailio no kana mau mea i ike ai ma ka po aku mamua. "Ea, aole o'u makemake iki e lohe i kena mau olelo au e Kite," i paa aku ai o Kaloke. "Aole o'u maleemake e lohe hou i na olelo o kena ano mai ia oe mai, a ina au e lohe ana mai kekahi poe okoa aku, no kou kamailio ana aku ia lakou i na mea au e hoike mai nei ia'u alaila e kauoha ana au ia oe, e ku a hele mailoko aku o keia home, aole e hehi hou kou mau wawae maluna o kona mau papahele. "Owai la ka mea hiki ke manaoio aku i kau mau olelo e Kite? Ma ko'u manao maoli, ua opulepuleia kou noonoo, i hoopuka mai a i oe i na mea hikl ole ke hilinaiia." "Aole au i opulepule e Miss Kaloke, o ka'u mau mea apau i kamailio mua aku nei ia oe, he mau mea ia a ko'u mau maka ! ike pono ai. Ua ike pono au i ka puka ana mai o Mr. Kuaina mailoko mai o ka rumi o Miss Mine, ma ka hora umi-kuma-malua o ka po nei; ua lohe pono au i ke kapa ana aku o Mr. Kuaina ia Mine, ka momi o Bacelona, pela hoi o Mine i kapa mai ai ia Kuaina o Matado. O keia ka mea oiaio loa a'u e hoike aku nei ia oe, aole loa au i moeuhane a i olalau paha ka noonoo, elike me kau i kapa mai nei." "Ina aole kau mau hana maikai, kou ano oluolu, me ka makaala mau no ko'u pono, iloko o ka manawa loihi o kou noho hana ana mai malalo o'u; ina ua kipaku koke ia oe e a'u i keia manawa ano, me ka hoohakalia hou ole iho. Aole he oiaio iki iloko o kau mau mea e haanui mai nei e Kite, a ua manaoio maoli no au he mea hakuepa wale iho no kena nau, no kou makemake paha e oi ae kou punahele imua o kuu alo." "Ua kuhihewa loa kena mau manao ou e kuu haku. No ka nui o kuu aloha ia oe, a no ko'u makee i kou pono wale no, pela au i konoia mai ai e hakilo i na ano o keia mau mea komohewa o ka hoea ana mai nei, a ua loaa i'o ia'u ka ike, ke hooikaika nei kela mau mea, e lilo aku kou mau waiwai apau ma ke ano kolohe. "Ua ike no oe e Miss Kaloke, ua holo aku na waiwai apau 0 Kenerala Rudena maluna o kana kaikamahine hiapo, a nele loa oe ma na ano apau; no keia kumu i hakilo pono loa ai au ia Miss Mine, ina he kaikamahine i'o oia na Kenerala Rudena; aka ma ka'u mau mea i ike ai, a i lohe pono ai ma ka po nei, akahi no a hoopauia ae ko'u pohihihi, aohe kela he kaikamahine ponoi na kou makuakane, a i ole he kaikuaana paha nou, oia kekahi o na wahine komohewa i makemake wale no e hoonele mai ia oe i na waiwai o kou makuakane. "E manao ana au la ma ko'u kamailio ana aku ia oe i keia mau mea, he kumu ia nou e komo pu mai ai me a'u ma ka hakilo pono ana i ke ano o kela wahine, o ke kukahala-ke iho la ka kau mea e haawi mai ai, me ka noke okoa mai i ka nuku." "Mai hana hou aku oe elike me kau i hana mai ai /i keia kakahiaka, he opiopio loa oe, me ka maopopo ole, i ke ano nui o kau mau olelo i kamailio mai nei ia'u; pela hoi na hooikaika ana i wahi e hoi hou mai ai ko'u mau waiwai. Ke mahalo aku nei no au ia oe e Kike, no ka nui o kou makee no ko'u pono, eia nae o na hooikaika ana apau i wahi e hoi hou mai ai na mea i kailiia mai ia'u aku, he manaolana poho ia; nolaila aole o'u makemake e lawe mai oe i na moolelo o keia ano e hoike ia'u. "Elike me ia a'u i kamailio mua aku nei, ina e lohe mai ana au mai kekahi poe mai, ua kamailio aku oe ia lakou, i na mea au e hoike mai nei imua o'u, e kipaku no au ia oe mai Pinelana aku nei. Pehea ka nui o kou hoowaliawaha a hoihoi ole ia Mine e hoopianao mau iho oe i keia mea oiaio, he kaikuaana oia no'u, aole loa au i makemake e lohe aku i na olelo e hoinoino ana iaia mai kekahi poe mai. "E hele oe e Kite ma kau mau hana, a mai hoao e kamailio wale aku i ka poe okoa i keia moolelo oiaio ole, o huikala ole aku auanei au ia oe." Me na kaina wawae kaumāha, me na manaolana poho, a me ke kino hoi i piha i ka haalulu, i oili aku ai o Kite mailoko aku o ka rumi o Kaloke, me ka namunamu liilii ana iho: "Aia ka hoi a ike au me kuu mau maka ponoi, a lohe pono ! na olelo i kamailioia mawaena o kela mau mea, aole nae he manaoio mai o Kaloke i ka'u mau olelo. Ua hiki nae e hooi loa aku ana au i ka'u hakilo ana i ka laua mau hana ma keia hope aku, me ko'u hoike ole ae i kekahi poe. Aole au i ike 1 ko Kaloke paakiki maoli elike me keia kakahiaka, iloko ka hoi o ko'u noke mau aku i ke kamailio iaia no ka'u mau mea i ike ai, aohe wahi mea a maliu mai." Ma kela haalele ana mai hoi a ka wahine Paele ia Kaloke, hoomau aku la oia i ka hoomakaukau ana iaia iho, me he mea la. aole he wahi noonoo iki iloko ona no na olelo a Kite i kamailio aku ai e pili ana ia Mine ame Mr. Kuaina. "He keu aku a ka hupo o kela wahine, me ka hoomaopop© ole i ke ko'iko'i o kana mau mea i kamailio mai nei ia'u. Me he mea la, ua kuhihewa loa oia i ka rumi a Mr. Kuaina i puka mai ai iwaho, o ka rumi kela o Mine, a i ole ma ka hihia moeuhane paha oia i ike ai, aole ma kē kino maoli. "Hookahi nae mea a'u e hauoli loa nei, o ia kona hele mua ana mai e ike ia'u i keia kakahiaka, a lohe pono i ko'u manao, mamua o kona kamailio ana aku i ka nui o na Paele o iakou, e lilo ai i mea hoohilahila i na malihini. Aole ana e nele ka manaoio mai o kekahi poi i ka moolelo a keia wahine Paele, oiai nae, he mau hora kakaikahi wale no ko Mr. Kuaina noho ana maloko o keia home, a he mea hoi oia i kamaaina loa ia Mine. "Ina no ka lohe aku o kuu makuakane i keia moolelo, aole ana oia e hoohakalia ma ke kipaku ana ia Kite mailoko aku o kona home; ua laki nae, owau hookahi wale no ka i lohe i na mea ana i kamailio mai nei, a e noho hamau loa ana au, me ka hoike ole ae imua o kekahi mea okoa aku." Ua hooko i'o o Kaloke, i kela-mau olelo ana o ka hoakaka ana ae, eia nae iloko o na la mahope mai, iaia i nana aku ai i ke ano o ke ola ana ame\ana mau J hana, i loaa iho ai iaia ka manao mihi, no kuj£le mau gna no ko Mme pono 4 me ka

papa ikaika ana aku ia Kite, aole e hakilo hou elike me kana i hana ai ma ka po mamua aku. f O kela leka a ua o Kaloke i kakau ai ma ka po mamua aku na ke Kanikela 'Paniolo, ua hoounaia aku la ia, a no na la eono mahope mai, aole he loaa mai o ka pane, me palaka loa no kela leka, mamuli o ka lilo o kona noonoo ma kekahi mau mea lehulehu. No na pule elua mahope mai, e hoopipili mau aku ana o Matado ia Kaloke, ma na wahi apau a kela kaikamahine e hele ai, a e noho ai paha, aia ua o Matado malaila kahi i noho pu ai, a i ole hele pu ai paha, me ka noke ana aku i ke kamailio no ke pahele ana i ka noonoo o Kaloke. Ua lilo kela hoopipili mau aku, ame ke kamailio aku o Matado, i mea hoihoi ole na Kaloke, o kana mea nae e ha'oha'o loa la, o ia no ka'ulu mahiehie o ka helehelena o kona makuakane, ke ike mai ia Matado me ia; a iloko no hoi o kela manawa hookahi, ua hoomamao loa o Pilipo iaia iho mai ia Kaloke aku. Ma kekahi po nae, oiai ua o Kaloke ame Pilipo e noho kokoolua aila mawaho o ka lanai o ka hale, a no ka hiki ole i ua kaikamahine nei, ke uumi iho i kona mau manao hoowahawaha no Matado, kamailio okoa mai la oia ia Pilipo i ka i ana mai: "Aneane e hiki hou ole ih6 ia'u ke hoomanawanui, no ka hoopilipili mau mai o kela kanaka ia'u, a ua ku ole no hoi kana mau olelo ke kamailio mai i ka hoihoi. Ina penei iho la kana mau hana ia'u, no kekahi mau la .hou aku, e kono okoa ia mai ana au, e hoike aku iaia, i ka~ nui o ko'u hoowahawaha nona." "Ea, he mea maikai ole maoli ka hoi keia!" i pane aku ai 0 Pilipo ma kē ano hoolalau. "E kuhihewa ana ka hoi au, ua lilo la i mea hoohauoli aku i kou manao, ka hui mau ana me kela keonimana." "Ua hele au a piha i ka hoowahawaha iaia, Iloko o ,ko'u hoike aku imua ona, no ko'ti makemake ole i kona hoopipili mai ia'u, aole nae ia he kumu nona e hoomamao aku ai." "Malia paha aia kekahi mau kumu ano nui loa a kela kanaka i manao ai e pili mau mai me oe? Ua maopopo no ia oe e Kaloke, ina e haulehia kekahi mea i ke aloha, aole oia e nana mai ana i ke kipakuia aku, malia pela keia kanafca i nana ole mai ai i kou nanakee aku iaia. Ke ole au e kuhihewa, aia kekahi manao nui iloko o Pilipo, no ke noi ana mai ia oe i wahine nana." "Ina e hoao ana kela kanaka e noi mai ia'u e mare aku iaia, e ku okoa ana au iluna, a hele mailoko aku o ka rumi, me ka hoolohe ole i kakehi huaolelo mai iaia mai, aka i wahi nae e hoohilahila ole ia aku ai kela kanaka, ke noi aku nei au ia oe e Mr. Kakona, e hoike mua aku oe iaia, i ko'u manao, i loaa mua aku ka ike iaia, aole he wahi lihi iki iloko o'u nona." "Alaila aole loa anei he wahi lihi makemake iloko ou no kela kanaka e Miss Kaloke?" "Aole o'u hoihoi iki iaia, elike me ko'u ike mau aku i kona mau maka, pela ka pii mahuahua ae o ko'u hoowahawaha, a ua hookahaha loa ia mai ko'u manao no ke kumu o kou makemake ana iaia, a lawe mai i hoaloha nou." "E hoomanao o'e e Miss Kaloke, oia ko'u haku, nolaila aole au i ike i kekahi kumu kupono ma ko'u aoao e hoowahawaha aku ai iaia. Ke noho hana nei au malalo ona, a ua noho aie a'u i kona lokomaikai no keia kulana a'u e paa nei." "Owau no kekahi kaikamahine ilihune, aka nae aole no ko T tt ike iho i ko'u nele, a hoopilimeaai wale aku malalo o kekahi mea, a'u nb i ike ai i kona kupono ole e lilo i hoaloha no'u." "Aole anei ou manao e Miss Kaloke, mamuli o kou kulana nele, he kumu maikai loa ia nou e mare aku ai ia Pilipo Kuaina, a e lilo i wahine waiwai ma keia mua aku?" "Ua lohe mua no oe i ko'u manao, pela e lilo ka hanohano, ka waiwai ame ke dala, i kumu no'u e haawi aku ai ia'u iho i wahine na kekahi kanaka, ke ole e haulehia au i ke aloha iaia. Aole e lilo ka waiwai o Pilipo Kuaina i kumu no'u e mare aku ai me ia, aole loa." "Ke hoomanao i'o nei au i kou kamailio ana mai pela e Miss Kaloke, aka nae, aole au i ike i kona mau ano maikai ole, nana i hookomo mai i ka manao hoowahawaha iloko ou nona. Ma ko'u kamaaina iaia, oia kekahi o na kanaka oiaio maloko o kona puuwai, e haaheo ai ka wahine e lawe mai ana iaia i kane nana." "Ua oi loa aku ko'u makemake e mare i kekahi kanaka haahaa, mamua o ka mare ana aku me Pilipo, me ko'u nana ole 1 kona mau waiwai." "Alaila e ae ana anei oe e mare mai me a'u?" me ka hopu okoa ana mai o Pilipo i kekahi lima o Kaloke, a nana mai la hoi ma kona mau maka, no ka hakilo ana, ina e maliuia aku ana kana noi." "Aole e hiki ia'u ke haawi koke aku i ka'u pane e Mr. KaKakona no ka ua kukohana loa keia kumuhana au i hoala mai la, iloko o ka manawa a'u i noonoo mua ole ai." "Ke ike aku la au i ka pololei o kena mau hoakaka au e Miss Kaloke, aole i'o keia he wahi kupono, no kou haawi ana mai i ka ae," wahi a Pilipo, rtte ke kaomi malie ana iho i ka lima o Kaloke ana e paa la. Aole i'o au e hoouluhua hou aku ana ia oe ma keia wahi, no ka mea aia wale no a puliki mai au ia oe ilokp o kon poli, o ka wa maikai loa ia au e haawi mai ai i kou ae." "Pehea i maop'opo ai ia oe, e ae aku ana au i kau noi?" "N®ka mea na kou helehelena i hoike okoa mai, aia iloko o kou ke aloha kahi i lolii ai; a mamua o kou hoopuka aiia mai i hookahi, huaolelo no ke apono ana i ka'u noi, ua heluhelu mua aku au i na mea apau iloko ou, me he buke hamama la. "Ua hele no anei oe iloko o ka hale meakanu i keia ahiahi? Ua ike au i ka popohe o na pua rose, nolaila hele ae kaui maloko o kela hale, i hookuku aku ai au ina paha ua oi ae ka ; nani o kela mau mua rose, mamua o ka ula ohelohelo ma kou mau papalina." O ka pane a Kaloke no keia mau olelo hookaau a Pilipo, o ia no ka eoke ana ae i ka akaaka o ke ano hooha'i, me kona ku okoa ana ae iluna, a hopu mai la i ka lima o Pilipo, a hele I aku la ke kuikuilima pu ana no ka hale e waiho ana o na pahu I rose ame na meakanu e aē. O na mea i hanaia maloko o kela Ihale, hiki ole aku la i ka meakakau moolelo ke ike, aka nae he hana ia i kuleana wale ai no o Miss Kaloke ame Pilipo Kuaina. O ka mea oiaio nae e kuu makamaka heluhelu, aole i like mai ka nani o na pua rose, me ka ula ohelohelo o na papalina 0 Miss Kaioke, a ia laua i oili hou mai ai iwaho, ua hele na papalina o ua kaikamahine nei a l2<malama, o ia no oe o ka hua ohi'a pala haama o ka uka. 1 "Aole au e hoi hou aku ana noloko o ka rumi hookipa i keia ahiahi, aka e olelo aku oe ia papa, ua hoihoi pololei loa aku nei no au noloko o ko'u ?umi. No na mea i hooholoia mawaena o kaua i keia po, mai hoike e aku oe i kuu makuakane ahiki i ka la apopo, no ka mea ua makemake au, owau pu kekahi me kou manawa e noi akU ai ia& e lilo au i wahine mare

nau. Owau wale no ka i kamaaina ina ano apatl o kuu makuakane, a ua ike au i ka nui o kona mahalo ia oe, no kou mau ano maikai he nui; aka nae, Hookahi wale no kumu nui o kona makemake ana ia'u e mare me Pilipo, no ka waiwai o kela kanaka; he mea hiki no nae ia ke hoolōliia/ ina na'u c kam«i--110 aku imua ona." "Alaila ua paa loa no anei kou manao e mare mai ia'u, iloko--0 ko'u kulana nele a ilihune?" "Ua paa kuu manao e marē aktt ia oe, 'me ka nana ole ae 1 kou kulana." "Heaha ke kumu nui o kou manao ana.pēla?" "Hookahi no kumu nui, ua haulj»hia kahiko au ? ke aloha ia oe. O kuu aloha ia oe, ua oi ae ia mamua oke gula ame ka waiwai, aka e hoopau ko kaua kamailio ana, ke lohe nei au i ka hele mai o kekahi mea." Hakalia no a pau mau olelo a Kaloke i kamailio mai ai, kulou mai la oia imua no ka honi ana ia Pilipo, a kaha aku la hele, ma kekahi aoao o ka hale, e komo aku ai iloko, no ka hoi pololei loa ana noloko o kona rumi. He elua minuke mahope iho o kela hala ana aku o Kaloke, 0111 ana no o Kite, mamua o ke alo o Pilipo, aia hoi ka minoaka ma na papalina o ka wahine Paele. MOKUNA XIV, I kela hala āna' mai hoi o Kaloke, a no ka pih'a b Pillpo i ka olioli, komo mai la.oia iloko o ka hale no ka huli ana ia Matado, aole no ia he hana nui, ua loaa koke mai la no ua hoaloha nei ona, e noho ana maloko o ka rumi hookipa, a o ia kana ,o ke kamailio ana aku: "Ke manao nei an, ua lawa loa keia mau pule elua, no ko kaua hoao i ko kaua haawina laki; nolaila aole he hoohakalia hou ana aku i koe. E hele aku oe e hui pu me Kenerala Rudena maloko o ke keena heluhelu buke, a maloko olaila e noi aku ai oe no ka lima o kana kaikamahine. Aia hoi a ka la apopo, alaila hele aku au me ka paa pu ana aku ia Kaloke imua o kona makuakane, a hoao aku i ko'u laki. Ina owau ka ka makuakane e ae mai ana i kane na kana kaikamahine, alaila e wehe koke no au i ke koloka hoonalonalo mai ia'u aku, a ku aku imua o kona alo me ko'u ano oiaio loa." "Heaha la hoi, ina pela kou manao ea, aole a'u mau ku-e ana aku," wahi a Matado, me ka hooikaika ana e uumi i kona manao hoonaukiuki, a hoowahawaha no ke kanaka ana i makemake loa ai e hoolilo i pio nana. "E hooko i'o aku ana au elike me kau kauoha e kuu hoaloha; aka no ka hoike koke ana ae i kou ano oiaio, aole paha ia he hana maikai. Heaha no hoi ka hewa, ke hoomanawanui kaua ahiki i ka la e hookoia ai ka mare, alaila hoike ae i kou ano, he makana pookela loa kela mamua o na makana e ae, au e haawi aku ai na Miss Kaloke." "Aole he he manao pololei! Ua paa ka kaua aelike, e hoao kaua ia Miss Kaloke me keia mau ano o kaua, a ina ua koho mai oia ia'u, me kona ike no he kanaka ilihune au, ua lawa ia; no kona koho ana mai, aole mamuli o ka waiwai, aka no ke komohia ana o ke aloha iloko ona no'u, aole hoi i nana aku ia oe, me ka nui o kou mau waiwai. "E hoomanao pu iho oe, aole he mea maikai, ka hookamo ana aku i ke kenerala iloko o ke kulana kaumaha, no kona manao mai, owau kekahi kanaka ilihune loa; nolaila ma ka la apopo e ike ai oia i ko'u ano oiaio, aole au he kanaka ilihune, elike me kana i nana mai ai, aka owau no ke keiki a kona hoaloha kahiko." "Mamua o ka hoea ana mai o ka la apopo, a mamua.o ka hora au i koho ai, no ka hoike ana aku i ka meahuna imua o Kenerala Rudena, e make oe e pono ai," i namunamu liilii wale iho ai no o Matado, me ka aaki ana o kona ku'i. "He keu aku maoli no au a ke kanaka hawawa o ka hoopaneenee ana a hala kekahi manawa loihi, me ka hookau ole aku i ka make maluna o Pilipo; pehea hoi e hiki ai ke alo ae, i ka nui o ka'u mau hoolala ana,. i na alahele e kaawale aku ai o Kenerala Rudena ame Mine. Aohe nae he manawa hou aku e kakali ai, ua hoea mai ka hora, no ka hoonee ana i ka'u papahana imua." No ka hele ana aku e hui me Kenerala Rudena, a e noi aku i ka lima o Kaloke i wahine nana, ku ae la o Matado iluna, a hele aku la noloko o ke keena heluhelu buke, oiai hoi o Pilipo i haalele iho ai i kona noho, a hele aku la e hui pu me Mine, me ke koi ana aku e hele laua i ka holoholo maloko o ka hale o na meakanu, nolaila ua waiho malaelae ke alahele no Matado e kamailio ai me ke kenerala, me hoopilikia ole ia aku.

Hakalia no a noho pono iho o Matado iluna o kona noho, a huli papu aku la hoi imua o .Kenw&la Rudena, ia wa oia i hoomāka aku ai e kamailio i na olelo e pahele ana i ka noonoo o ke kanerela. Ua hookahaha Joa ia aku nae ka manao o Matado, no kona ike ole aku i kekahi mau hoailona o ka hoihoi ailie ka hialaai ma ka aoao © Kenerala Rudena, aia no nae he mau kumu, no kela ano mumule o ua kenerala nei, a e ike aku an« no kaua mahope ae fiei. O ke kumu nui o kela noho kukule o ke kenerala> mamuli no ia o ke emi mau mai o kona hoihoi no Matado, i kela ame keia la, elike me ka loihi o ko lakou noho pu ana, me ka maopopo ole nae iaia o ke kumu oiaio; a o ka lua o ke kumu o kona noho haka-nu, mamuli no ia o kekahi meahuna ana i manao ai, he oi ae ka pono, e ike o Pilipo ame Kalok«, i kona kuleanā maoli o kela kaikamahine. / Oiai nae ua noho pouliuli o Matado i na kumu oiaio loa o ka haka-nu o Kenerala Rudena, hookahi hana pono ma kona aoao, o ia ka haanui aku i kona aloha amē ka makee no Kaloke, o kela wale no ka wahine hookahi ma ka honua hōlookoa ana i aloha ai, a ke hooko ole ia mai ka iini a kona puuwai, ua ahona kona make ana, mamua o ke ola hou ana aku, e hoopihaia me na manao kaumaha. No kekahi manawa loihi ka noho malie ana oke Kenerala e hoolohe i na olelo haanui a Matado no kona aloha ia Kaloke, alaila aea ae la kona poo iluna me ka pane ana mai: "Ina he moiwahine oia, aole o'u kanalua iki, no kou papahi aku ina mea apau au e kamailio mai nei ia'u maluna ona. Ina nae e loaa aku ana ka ike ia oe ma keia hope aku, he haahaa maoli ke kulana o keia kaikamahine, ua nele loa oia i ka inoa ame ke dala, aole ana anei, e mihi ana oe me ka walania loa o ka naau no kona lilo ana 1 wahine nau ?" "Pehea la oe i ninau mai ai ia'u e kuu kenerala maikai i keia mea ? Aole anei, ua kapae ae au i, kau kaikamahine hiapo, kou hooilina, mai ke koho ana iaia i wahine na'u, me nana ole ae i kbna wahine u'i ame ka nui o kona mau waiwai. Heaha ka'u makee wale aku ia mea he waiwai, oiai ua nui ka waiwai ia'u? Aole o ka waiwai ka'u nana aku ai, aole loa, aka no ko'u haulehia ana i ke aloha no Kaloke, pela wale no au e noi aku nei ia oe, e ae mai e lilo oia i wahine na'u. "Elike me kona kulana nele i keia la, pela no au e apo aku ai iaia, a puili mai iloko o kuu poli, he mōmi makamae na kuu puuwai, a he malamalama olino hoi no kuu uhane: ll lAeli i oul}