Ka Nupepa Kuokoa, Volume LXIII, Number 42, 16 October 1924 — KAKOO KA LOIO KUHINA I NA KAHUWAIWAI O KAMEHAMEHA [ARTICLE]

KAKOO KA LOIO KUHINA I NA KAHUWAIWAI O KAMEHAMEHA

Ma ka ninau, i waihoia aku imua o ke keena o ka loio kuliina, e pili ana i kahi o ka hoike a ka Loio Charles Davis, e olelo ana, no ka pololei ole o na kahuwaiwai 'o na Kula Kamehameha, ma ka ae wale ana no i na keiki Hawaii a hāpaHawaii paha e komo maloko o kela mau kula; ua waiho ae ka Hope Loio Kuhina Charles B. Dwight, i ka manao kanawai o ke keena o ka loio kuhina, ma ka paina. awakea a ke Kalapu Hoeueu o na Hawaii, ma ka Poalima aku nei i hala, e kakoo ana i na liana a na kahuwaiwai o kela mau kula, a e ku-e ana hoi i ka hoike a ka Loio Dav4s. Ma ka manao kanawai o ke keena 0 ka loio kuhina, e hoakaka ana ia, no ka meakaka loa o ka manao maoli, maloko o ka palapala kauoha hooilina a ke Kamaliiwahine Bern.'ce Pauahi Bishop, o ia no ke kukuluia aku o na kula no na keiki Hawaii wale no, aole na keiki o na. lahui e ae, oiai nae, ma ka manao o ka j Loio Davis, ua aeia na keiki o na lahui e ae, mawaho o na Hawaii, e komo maloko o na Kula Kamehameha. 0 kahi wale no maloko o ka palapala'hooilina, e haawi ana i ka mana i na kahuwaiwai, ma na mea pili i ka hookomo ana i na keiki 1 kela mau kula, o ia no ko lakou mau ano kupono, ua pili i na keiki Hawaii wale no, aole i na keiki o aa lahui okoa ae.