| | | | | | | | | | maopopo oia i keia manawa ua kiaiia me ka malu Ioa ka mea
e pili ana i kona hanau ana, i ole e ike wale ia ae, a oia mea
huna heaha la ia, a heaha la ke kumu o ka hunakele loa ia
ana?
He pule mahope iho o ka hoi ana ae o ka ohana Hunatere
i Burukeline ua hoi la okoa mai la o Mr. Hunatere mai kona
keenahana mai, he hana i maa mau ole iaia ka hana pela, a i
ka loaa ana mai o Geofere huki aku la iaia aloko o kona keena
kakau a papani mai la i ka puka mahope o laua, a i ka'u noho
like ani aho ilalo i mai la:
"E Geofere, kuu keiki, i keia kau wela iho la ua nui kau
mea i kamailio mai ai no ka hana, makemake loa oe e hele
aku e hana, a e huli aku hoi au i hana nau, pehea kou manao
no ke komo koke aku i kekahi oihana i keia manawa"
He mea hou keia i ko Geofere noonoo, oiai ua piha kona
noonoo i na mea e ae, a no keia ninau ua pii koke ae la ka
ula ma kona mau papalina, a hala paha he minuke o ka noo-
noo ana pane aku la:
"Ua maikai ia i kuu manao. Aohe o'u nana pehea la ke
kokoke o ka manawa e hoomaka aku ai au e hana, o ko'u
komo koke wale no oia ka maikai loa i kuu manao. Ua mao-
popo ia oe kuu makemake i ka hana no kekahi manawa aku
nei i hala a ua hoike aku au ia manao o'u ia oe mamua, o kau
nae i pane mai ai, e hele mua ka au e makaikai i ke ao ma-
mua o ko'u noho ana a hana. Ua ike oe me ka hoohewahewa
ole i ka nui o ko'u mau la o ka lilo ana he kanaka opio palau-
alelo, a ke manao nei au u alawa loa ka noho palaualelo ana,
o ka hana koke aku ka pono."
"He kanaka opio palaualelo! Aole maikai o kela inoa i
kuu noonoo. E Geofere, ke makemake nei au e ike heaha la
kou manao no ia mea he hana? Ina ua hana oe me ka ika-
ika maloko o ke kula iloko o na makahiki eha i hala aole anei
ia he hana? A, ina he hana nui koikoi ia aole anei he mea
pono e haawiia kekahi manawa nou e hoomaha ai ma ka hele
ana e makaikai i ke ao?"
"O, pela no, aka, eia no ko'u manao ua lawa loa ka mana-
wa o ko'u noho ana a kaukai aku i ko'u pono, nau e malama
mai, pela au i makemake ai e loaa koke i hana na'u, i hoomama-
ia ae ai kekahi kaumaha mai kou hokua ae, a e hiki ai hoi
ia'u ke kokua aku ia oe ma kekahi mau mea," wahi a Geofere
i pane aku ai.
"E kuu keiki, aole e oi aku ana ko'u eha ma kekahi ano ma-
mua o kena mau olelo au i hoopuka mai la. Ua ukuia mai au
a oi aku mamua o kakini manawa no ka. maikai au i hana mai
ai no'u, a i hoike aku au ia oe ano, ua haaheo nui kuu naau
nou, a ua olelo iho au iloko o'u ua waiwai ko'u hoolilo ana
nou, no ka mea ua ukuia mai au, aole me ke dala e oe, aka
ma o ka piha la o kuu naau i ka hauoli," i pane mai ai ka
makuakane, me ka hoahewa no keia mau olelo aku la a ke
keiki,
"E Anakala Augusto, o ko'u aie he koikoi loa ia, he aie hiki
ole ia'u ke hookaa, aka nae. aole e pio ana ka hoomaikai ame
ka mahalo ana o ko'u uhane ia oe no ka nui o kou lokomaikai.
No ka mea e pili ana i keia mea au i hoakaka mai nei heaha
ana ia hana?"
"A eia ua makemake mai ka kui a'u e noho hana nei e holo
au i Europa," i hoomaka mai ai o Mr. Hunatere e hoakaka,"
no ka nana ana aku i kekahi mau hana a ka hui ma Europa,
he mau hana i lawelaweia a i lilo ai hoi i mea hookupikipiki-o
i ko makau mau noonoo no kekahi manawa i hala ; no'u iho he
kanaka makani au i ka holo moana, he ma'i wale a no ia pili-
kia ua kau ko'u weli i ka manawa i noiia mai ai au e holo, o ka pilikia nui Ioa hoi aohe kanaka kupono e ae i hiki ke holo, nia ko'u hakahaka, a ina e hiki ole ana e loaa kekahi kanaka ma ko'u wahi, ua manao au e aho paha ka hoomanawanui ana ma kekahi ano. "No ka mea e pili ana i kela hana ua hiki i kela ame keia kanaka me ka noonoo maikai a naauao ke lawelawe, o ka mea ano nui wale no o ka hoopono, a o ka puni ole aku i na hoaoia maihe lehulehu, nolaila, mahope o kuu noonoo ana ua hooholo au o oe ka mea kupono e holo, e Geofere, ina nae e ae maikai ana oe. E hoomaka kou lawelawe ana i ka hana ame ka hoomaka ana o kou ukuhana i kou manawa e hooholo ai i kou ae a hoike mai ia'u ia hooholo ana ou." "Ea, e Anakala Auguseto, he hana hoopuiwa a hookaawale koke maoli ka hoi ha keia ia kakou iloko o ka manawa pokole i noonoo mua ole ia." "Ae, aka. ina no kou ae maikai mai e lilo ana kela huakai i mea maikai loa nou ka holo ana aku ma kela huakai au moana." wahi a ka anakala. "Ua hoopiha loa ia mai la ko'u naau me k ahauoli no ka holo aku i Europa, a o ka oi aku maluna o na mea e ae apau no ka loaa ana mai la o ka'u hana, ina nae e ike iho ana oe ua lawa ka makaukau ia'u e hiki ke lawelawe aku ia hana," i pane aku ai o Geofere me ka hoihoi. "I keia kau wela iho la ua nui ka'u mau mea o ka noonoo ana me ka hoao e loaa kekahi hana na'u e hana aku ai, i keia manawa akahi no a loaa me ko'u luhi ole i ka hele aku e hanu ma o a maanei no ka hana." "Ua loaa kau hana e koiia mai ai kau hooikaika ana i mea e holopono ai mamua o ka pau ana o ia hana ia oe i ka hana ia," i pane mai ai ka anakala me ka helehelena minoaka, "a i hai aku au ia oe i nei manawa, ua hoomaha loa ia mai la me ka helehelena no kou ae maikai ana mai la e holo i Europa a e lawelawe i kela hana no ka hui. "O ka mea kaohi wale no ia oe ihope nei oia ko Kelade ku-e mai i kou holo ma keia kelepa hikiwawe loa me ka noonoo mua ole ia a holopono kekahi mea e ae, a o kekahi no kou loihi loa e hele ai, no ka mea, e hala ana paha ma kahi o ka eono mahina ia oe ma keia huakai au mamua o ka pau ana e ka hana i makemakeia ia oe e hana malaila." Kulou iho la ko Geofere poo ilalo no keia hoakaka mai la a ka anakala, a no ka mea, iloko o ka ulu mahiehie ka hoi o kona noonoo no ka holo aku i Europa, he holo ana ana i kuke nui ai mamua o keia ka hookoia aria o ia makemake, a hui pu no hoi me ka loaa ana o kana hana, aole oia i noonoo iki no hoo kahi minuke he holo ana ia ana e hookaawaleia ai oia ma kana aloha aku no ka manawa loihi, a ua ike pu iho oia ia manawa aole loa o Gelade e apono ana i kona holo me kona ku-e ikaika ole mai. "He mea oiaio loa ia au i hoakaka mai nei," a hoopau koke iho la i kana kamailio ana. "Aole e nele ana ko Gelade ku-e mai me kona mana a pau," i pane mai ai o Mr. Hunatere me ke kilo loa mai i ka helehelena o ke keiki. Aohe pane koke aku o Geofere, e kula ana oia, iaia iho i loaa ka noonoo maikai e pane aku ai no ka hana i haawiia mai la Ua manaoio oia aohe pono ma kona aoao e hoole aku a i ka manawa gula maikai loa i haawiia mai la iaia. "Pehea la, o ka'u ia i nalu iho la," wahi a ka anakala o ka pane ana mai, "ina e hoike ia aku ana ia Gelade e holo pu no olua; no kekahi mau manawa mamua aku nei e kaniuhu mau ana oia no ka holo ole e makaikai i Europa a o keia ka mana wa maikai loa nona e holo pu ai me oe." Hina pono aku la ko Geofere kino ihope o ka noho, a nana mai la me ka nanaina kahaha i ka anakala a pane mai la: O, e Anakala Auguseto, ua maopopo ia oe aole pono iki ia | maua ke holo pu, he mea maikai ole loa ia e nanaia mai ai,
koe wale no keia, ina e ae mai ana o Anate Alika e ukali pu ia
maua, a manao au oia ka mea maikai loa e hanaia, aka, o kou
olelo mai o maua wale no ke holo la ka, ua ike oe i ka hopena,
e nui mai ana ke keia."
Nee ae ia o Mr. Hunatere i ka akaaka a pane mai la :
"Ma ko'u manao he hana hiki loa ia ke hanaia me ko'u hoo-
nele ole ia i ka'u wahine a pela me, ka'u kaikamahine. Pehea
la kou manao, ina e hele pu aku ana o Gelade me oe ma ke
ano o Mrs. Geofere Dela Hunatere oia?" MOKUNA XXXII— Ka Hoolala Ana no ka Mare. Ia laua e kamailio ana hoea mai Ia ke kauwa a ku ma ka
puka a e aneane aha oia e komo mai iloko o ka rumi no ka
hoike ana mai i kekahi mea hou hoolele hauli, aka i kona ike
ana mai i na helehelena hoihoi o na kanaka elua e noho aku
ana, emi malie hou aku la oia ihope me kona ike ole ia aku.
"Ea, e anakala, o kou manaoio maoli no anei ia e lilo o Ge-
lade i wahine na'u?" wahi a Geofere o ka hooho ana ae.
"A na keaha no la hoi auanei e lilo ole ai oia i wahine nau?
O kau no hoi ia o ka upu ana, o ka lilo o Gelade i wahine nau
ma kekahi manawa e. hooholoia ana," wahi o ka pane a ka
anakala.
"Ae, ua manaolana no au pela, aka, e Anakala, pehea e hiki
ai ia'u ke mare koke aku iaia me kou ike paka mai no i ko'u
nele i nei manawa e hiki ole ai ke malama i ka wahine. He
hana hiki, ia mahope aku o ka loaa ana o ka'u hana a hookuo-
noono iho ka noho ana."
Akaaka mai la ka anakala a i mai la: "Ua poina koke iho la
no ka paha oe, e uku aku ana hoi ka hui ia oe i kekahi uku mai-
kai loa, me kou mau lilo kaahele pu na ka hui e uku ana,
ina e holo i'o ana oe i Europa no ka nana ana aku i ka makou
hana.
"E Kaawale aka ana oe no kekahi mau mahina lehulehu, a
ua ike au e hoehaeha loa ia ana ko Gelade noonoo no ia kaa-
wale loihi ou. No keia kumuhana ua haawi au i ka'u noonoo
nui ana maluna o keia mea a na loihi no hoi ka maua kamailio
pu ana, me mama no keia mare kokeia ae o olua, a ua maikai
loa ia mea i kona manao.
"No Gelade ua nui kona makemake e hele makaikai aku i na
aina e, a ina nei no ka hoikeia aku iaia o keia hoio o olua e, hau-
oli loa ana oia o maua pu kekahi i hooholo e pono oia e holo ma-
kaikai i na aina e, o ka pilikia aole hookahi o maua i a e holo
maluna o ka moana, no ka maka'u, i ka ma'i no ia kumu maua
i noonoo a i hooholo ai o ka mea maikai loa e hanaia no ka-
kou apau o ia ko olua mare, a e hoouna aku ia olua a i ka
aina e ko olua mahina meli e hoohalaia ai. Pehea la ia i kou
noonoo?
"He mea oiaio e kaawale aku ana ka maiia kaikamahine mai a maua aku aole oia wale, aka o oe pu kekahi, o ko olua holo
koke aku i Europa o ia ka, hikiwawe o ko olua hoi hou mai."
"Aohe mea e ae i hiki ke haawi mai ia'u i ka hauoli kiekie
loa mamua o ka hooiaio ana mai o ka'u mea i manaolana
ai ma keia ano iho la o ka haawi ia ana mai la i manao mua
ia, aka nae, ua hooholo au i kuu manao aole e koi aku i ka
hookoia mai o ka Gelade hoohiki e mare me a'u ahiki i ka loaa
ana he home no'u e noho ai a he kulana haha hoi ka'u e hana,
aku ai me ka paa mau, i hiki ai ia'u ke hoolako aku ia Gelade
i na manawa apau," wahi a ka Geofere pane me ka ula ma
kona mau papalina.
O, he noonoo hawawa loa ia ou!" i pane mai ai ka anakala
Hunatere.
"Aole, aole ia he noonoo hawawa ma kekahi ano," wahi hou
a ka anakala," o kekahi ia o na noonoo naauao kiekie loa, aka
nae, ma kekahi ano ke manao nei au he hana naauao io nau
ke kakali ana.ahiki i kou hookuonoono ana a onipaa iho ma ke-
kahi kulana hana, elike me kau i olelo mai nei.
"Aka, he mea pono i kekahi e holo i Euopa a e lawelawe i ka
hana no ka hui. Aohe o'u makemake e holo ua hoike aku
nei au ia oe i ke kumu, a aole no hoi he kanaka e ae o ka
hui e hiki aria ke hookuuia e holo, he poe paa wale no apau
oa i ka hana, no ia kumu i hooholo ai maua e hopuna i ke-
kahi kanaka kaawale ma ko'u wahi.
. "Mawaho ae o keia ua nanaia mai au e kekahi poe ma ke
ano he kanaka waiwai, oiai nae aohe i like aku ko'u waiwai
me ko ka ohana Wanalafila, o na waiwai apau loa i loaa ia'u
i keia la e holo aku ana a pau loa ia Gelade i kekahi la koe
kekahi hapa uuku a'u i hookaawale ai nau, elike me ka'u i
hooholo" ai, a he mea pono ia Gelade e ohi i ka pomaikai o ia
mau waiwai a'u i hoowale ai nona i nei manawa. .
"He. makemake: au e. ike aku oia i kela aupuni kahiko, ia
Europa ; o kona hemo koke ana mai nei no ia mai ke kula mai,
a o keia ka manawa maikai loa nona e hoohauoli ai. iaia iho;
ua maopopo loa ia'u i nei manawa ina no kou kaawale hoo-
kahi aku i ka aina e e lilo ana ia i mea hoehaeha nui i kona
noonoo, no ia kumu au i makemake ai ia olua e hele pu, i ole
e lilo ke kaawale ana o kekahi i mea hoehaeha i ka naau o ke-
kahi.
"Ke maopopo pu nei no hoi ia'u e loaa ana. he manawa
hauoli like no olua, nolaila mamua o ka hala ana o kekahi
manawa ma nei mua aku, ke makemake nei au e hipuu muaia
olua me ke kaula kaakolu kaamola ole o ka mare, i mea e pono
like ai na aoao elua, i hele ia o olua ea, aohe mea e hoi hope,
mai ai ka noonoo, a; i ka aina malihini aku olua e hoohauoli
ai i ko olua mahina meli elike me ke kulike i ke pana ana a
ko olua mau puuwai pakahi."
Ia Geofere e noho mai ana hoolohe i nei mau olelo aku la a.
pau a ka anakala ke pana kapalili wale la no kona puuwai
no kona hanu nui ame kana uhu.
Aohe mea; iki okeia mau mea i kamailioia aku la iaia i komo
iloko o kona noonoo ; he mea oiaio ua loaa iaia ka ehaeha no
kona kaawale loihi aku ina no kona holo io nei i Europa; ua
loaa pu iaia he manao e hala ana he manawa loihi e kakali
aku ai mamua o kona nonoi ana aku ia Gelade e lilo i wahine
mare nana, i nei manawa nae o.na mea akeakea apau mamua o
kona alahele ua hookaawaleia ae, a he alanui laumania e hiki
ai ke pii aku a kau i kaupaku o koha mau manaolana, ka i wai-
hoia maila mamua ona.
"E; Geofere," wahi a ka anakala o ka hoomaka ana mai, no
kona ike ana, mai i ka noho; mumule loa o ke keiki oiai oia e
hakilo mau mai ana i ko ke keiki helehelena i na manawa apau ;
"heaha ka mea kaumaha, e waiho la iloko o kou noonoo i nei
manawa? Mumule maoli oe me ke kuoo i ka'u nana aku me
he, mea. la e hoolala ana oe iloko iho ou e hookaawale i ka
olua pili aloha me Gelade, ma kalii hoi o ka haawi aku o kekahi
i kekahi i ka hauoli piha ame ke aloha oiaio.
Aea ae la ko Geofere mau maka iluna a nana aku la me ka
hulili o na maka a pane aku la: .(Aole i pau.) | | | | | | | | | | | | | | | HE MAU MANAO HOALOHALO-
HA NO KUU LEI ALOHA MRS.
EMMA LAHELAKAAKAUA-
LIILANI SILVA HOOKANO. (Hoomauia Mai.) Owau ame kuu hoahanau Mrs. Ku-
kahiko ame na hoaloha oia wahi,
ka haalele like ana i ka rumi i ha-
naia ai ia mau hanu hoomainoino.
Owau pu no me kuu lei iluna o ke
kaa hookahi mahope mai kona ana-
kala me kekahi o na moopuna, na
keiki a kuu Lei i haalele iho la ma-
hope nei.
Ua haalele iho la makou ia Ka-
alaea a huli mai hoi no Honolulu nei,
ahiki i Kaneohe, ku iho la ko ma-
kou kaa no ke kakali ana a loaa
mai ka pepa mai ka akena haawi
pepa o ka poe make, oiai, nae ia'u
e ku ana, ua holo ae la ke kaa o
Harata aia iluna olaila kekahi o
ka'u mau kaikamahine ame ka laua
kane ame na moopuna i hakalia no
a loaa ka pepa o ka oni mai la no
ia o ko makou kaa, auwe ke aloha
i kahi a kuu lei e noho ai.
Aloha ka leo i ka hea mai, e ma-
ma, olelo mai nei o Lui aole au e
hele hou aku ana i kou hale, e ma-
ma he oiaio, aole au i manao pela
iho la e hanaia ai, aloha e ka ua
Poaihale o Kahaluu, nole oe e ike
hou ana ia Emma Lahela Kaakau-
aliilani, ua nalo pau ka ike ana
iaia i na kau a kau.
Ahiki makou i ka nuku o Nuuanu
pau ka ike hou ana 5 ke Koolau
huli mai la makou no Honolulu nei,
i ka hiki ana aku i kahi, a ka poe
e hana ana i ke alanui o Kahuai-
lanawai ka inoa o ia wahi, malaila
ku iho la ke kaa a pela me na kaa
mahope mai. Hapalua hora ia kali
ana a loaa mai la ka hoailona mai
ka luna mai e hoike mai ana no ko
makou holo aku a haalele iho la ia
wahi.
Hiki makou i kahi o Silva i ka ha-
palua hora elima, 3 hoihoi loa ia aku
i ka rumi waiho o ka poe make,
ua noho hou iho la au e kali a hoi
mai na keiki a Silva a hui iho la
me laua a maopopo ka manawa e
hemo ai, ua noi hou aku au ina e
hiki ia'u ke hele hou e ike i kuu
kaikamahine, ua ae mai laua me
ka manao maikai.
Ua ike like iho la me na kumu-
kula a na keiki, kuu mau moopuna
ame ka anakala o lakou wale, no
ka poe i ukali mai mahope o ka
huakai o kuu lei mai Koolau mai,
aole hookahi o ka ohana o ke kane
i hele pu mai, a pela no hoi i ka la
i laweia ai a hoomoeia ma Kalihi.
Aloha wale kuu lei. kuu lehulehu
hoi o ka noho ana o Wailau, ua pau
ka lohe hou ana aku i ka leo, ua
pau no hoi ka ike ana iaia i ka
hele mai i ko'u hale.
Ua hanania kuu kaikamahine ma
Kapaia Kauai, i ka la 4 o Dec. ma-
kahiki. 1895, a make i ka la 4 o
Maraki makahiki 1924, ua piha iaia
he kanakolu makahiki mo ekolu ma-
hina, a na ka Mikahala i lawe mai
ia'u ame kuu nui keiki ame kuu
lei i haalele mai la ia'u nei kona
manini Mrs. Emma K. Fern.
E Kauai e, ua pau kou ike hou
ana ia Emma, a pela me oe e ka
Ieie, ua pau kou ike hou ana ia
Emma i ke kau iho maluna o kou
mau ale hanupanupa, auwe kuu lei
e aloha ia wahi a kuu lei e holoholo
ai!
E Maunalua e,.. ua ike ae nei paha
on i kuu lei ia Emma, ua hele aku
la paha mauka o Kamilokapu e ike
i kahi ana i holoholo ai, aloha kahi
a kuu lei i noho ai me kuu hanau-
mua, Mr. G. Kalauohe, ua hele mua
aku oia.
E Ihiihilauakea anae Kawaihoa,
aole olua e ike hou ana ia Emma i ka
holoholo ae ma na aekai ou e Mau-
nalua, a pela me oe e Kuliouou, aole
oe e ike hou ana iaia i ka holo-
holo ae ma na aekai aloha o kuu
aina hanau.
Eia au kona mama ke uwe ae nei
kahi a kuu lei i noho ai me kuu
man; kaikuaana, oia e Mr. ame Mrs.
Makea, Paao ame Mr. ame Mrs. Ma-
hinalau.
Wailupe kalii a kuu lei i hele ai
e huli i ka naauao, aloha kahi a kuu
lei e noho ai ma Wailau, aloha ia
wahi a kakou e noho ai i ka olu
kohaihai o ka makani o ke Koolau,
a lalau e in mai la e ka lima o ke
kanaka i ike ole ia mea he aloha,
ua mainoino ke kino, na manao-
nao no hoi ka hana nana i hoopo-
kole i kona mau la o ke ola ana
ame kona hanu ana i na en hui-
hui o keia ola honua ana, a iloko o
ka nanea me ka manao ole he pili-
kia kekahi e kau mai ana maluna
o kuu kaikamahine, i lalau mai ai
na lima menemene ole o Lui Hoo
kono, a lawe ae la i ka hanu ola
o kuu kaikamahine oia o Emma La-
hela Kaakaualiilani Silva Hookano
a waiho iho la i ke kino puanuanu
na'u na kona makuahine nei e ki-
lohi aku iaia, ame ka'u mau keiki
ame kou inau hoaloha e ike hope
iaia:
Auwe kuu minamina e! Eia ka
koia kii ana mai i kuu lei i wa-
hine nana i mea. hoomainoino nana
ina no hoi i lohe mua ia ke ano e
Lui ina aole e make kuu lei, eia
ka ua maa no oia i ka hana hoo-
weliweli i kana wahine mua, a i
ka'u hoi mainoino, aole hookahi oha-
na 6 Lui i hele mai e ike i kuu lei
i kona mau hora hope ahiki i kona
laweia ana aku o kona kino, a hoo-
moe pu ia me kona luaui makua-
kane, Antony Silva, ame kuu lei kuu
milimili e.
Aloha kahi a kuu lei i noho ai
ma Hawaii me kana kane Mr. Jos
Kawaha, aloha e ka ua Kanilehua
o Hilo e, aole oe e ike hou ana i
kuu milimili. Aole oe e hoopulu
hou i na papalina aloha o kuu Lei.
Aloha ka home o kuu mau pulu-
na i Pahala, Kau, kahi a kuu kai
kamahine i noho pu ai me kana mea
aloha he kane oia o Jos. Kawaha
i haalele mua mai i keia ola ana.
Aloha ia wahi a kuu lei M noho
ai, he mea nui oia, na kuu mau
puluna oia o Mr. ame Mrs. J. L. K.
Kawaha, o Kau, Pahala, a he home
hookipa i na malihini kaahele ke
hiki aku. he oluolu ka noho ana
he mau makua malama keiki.
Aloha kahi a kuu lei i noho ai
iuka o Olaa, me ia mau hoahanau
ou oia o Mr. ame Mrs. C. Warren
A pela pu me oe e Keaukaha, kahi
a kuu lei i noho ai me kuu mau
pokii, ua pau, ua nalo na maka, ua
hala aku la i ke ala hoi ole mai
aloha wale kuu lei ua hala!
Hoomanao ae la i kela mau wahi
lalani mele:
Ke kuaia mai la e ke kai ka hala
o Puna,
E halaoa ana me he kanaka la,
Lulumi iho la ke kai o Hilo e,
Hanuu ke kai iluna o Mokuola.
Ua ola ae nei loko i ko aloha e,
Auwe kuu lei e!
Aloha wale na ulu hapapa o Ka- | lapana,
O ka la hiki anuanu ma Kumukahi
Akahi ka mea aloha o kuu lei
heleloa,
Hookahi no mea nui o ke aloha,
Oia lehua paukuia me ka maile
o Panaewa,
Ua ewa ka helena a ka wahine
ua hala,
Hala ka ukana a ke aloha e,
Hele kunihi ka ua ma Leleiwi la,
Kokolo hele na hala o Pahoa e,
Auwe kuu lei e!
Aloha ia wahi a kuu lei i noho ai,
Kuu lei mai ke kawa lele o Piikea,
Mai ka wai lumiluma'i kanaka o
Wailuku,
A kaua i alo aku ai i na pali
kinikini o Hilo,
O ia mau pali anoano kanaka ole,
Aloha ia mau wahi a kuu lei i
hele ai,
Ua pau ko oukou ike hou ana iaia,
a pela me oe e Mooeheau paka,
kahi a kuu lei e noho ai e nana ai i
na lealea a ia wahi. Auwe kuu
minamina e!
Aloha ke kai o Alenoihaha ame
Pailolo e, ua pau ke olua hoopulu
hou ana i ke kino o kuu lei ua pau
o ka hope loa ia o kona ike ana
ia mau ale hanupanupa ou e Hawaii
aloha.
Aloha kuu kaikamahine mai ka
huikau o ke kaona e.
Ua pau kou ike hou ana iaia,
A pela pu me oe e Koolau,
Wela Koolau i ka ino a ke aloha,
He aina kaikua e noho ai,
Ua nahu a kikepa ia e ka manu,
Ka elele waha ana ole a ka ino,
Auwe kuu minamina pau ole e.
Aloha ia home a ia'u lei i noho
ai, ame kona mau kaikuaana ame
kona mau pokii, ame a'u pu me
kona makuahine ame kuu kaikuna-
ne i haalele mua mai ia'u oia o
Kelii Puhihale.
E Kealohi e ua pau kou ike hou
ana ia Emma Lahela Kaakau i ka
holoholo mai ma na aekai aloha ou
e Kealohi. Auwe kuu aloha e, a
nona paha Keia mau wahi laina
mele a ka poe haku mele.
I walea ka ua kanikoo o Heeia,
I ka ua poai lauawa o Moelana,
Aala kupukupu ka aka o Ahuli-
manu la,
Hoa na lima o ka makani Waika- loa. He Waikoloa ka makani anu kuu
lei,
Aloha wale ia wahi a kuu lei e
noho ai.
Pela me oe e Kaneohe i kaulana
ke kikowaena o ke Koolau, aole oe
e ike hou ana i kuu lei, auwe kuu
ehaeha ke hoomanao ae i na mea i
hanaia iho maluna o ke kino o kuu
lei.
Aloha na alanui kikeekee ou e
Nuuanu, kahi a kuu lei e holo mai
ai i ke kaona nei, a pela me oe
e Waipuhia, ame Waipuilani aole
olua e ike hou ana iaia.
E ka ua Kukalahale e, ua ike
aku nei paha oe i kuu lei ia Emma,
ua hala aku la paha ma na kua-
lono ou e ka ua kuahine o Manoa,
ua pau ua nalo na maka.
E Kewalo e, ua ike mai nei paha
oe i kuu lei ia Emma, ua kama-
aina oe iaia a pela me oe e Kalia,
na haalele mai oia ia'u e auwe kuu
mea aloha e, ua pau ka ike ana
inia, aloha kahi a kuu lei i noho
ai me kana mea aloha i haalele mua
mai ai iaia ma ka pa kaa o Hustuce
kahi i noho mua ai a loaa mai eha
keiki a make aku hookahi koe mai
ekolu, a noho hou mo ke kane elua
loaa mai ekolu keiki, a make aku
ke kane elua, a me keia kane hoi
hookahi keiki, oia no ka bebe a
kuu lei e paa ana iloko o kona
mau lima i ka wa i pepehiia ai e
Lui Hookano, ka mea i ike ole ia
mea he aloha.
Ua haalele iho kuu lei i kana mau
mea aloha he keiki, o ia hoi ka'u
mau moopuna ehiku he mea nui no
na keiki i kuu lei.
E Kaimuki e, ke haohao mai nei
paha oe la ia Emma i ka hoi ole aku
e ike i ka home o kona mama nei.
Mrs. Emma K. Fern, ua pau kuu
ike hou ana aku i kuu lei kuu
lehulehu hoi.
E ka ua Lililehua o Palolo, e aole
oe e hoopulu hou ana i na papalina
o kuu mea aloha he kaikamahine
oia o Emma Lahela Kaakau, auwe
kuu lei e, ua nalo na maka o kuu
lei. Ua haalele mai oia ia'u i kona
Luaui makuahine ame kona kiakua-
ana ame kona kaikunane ame kona
mau kaikaina ka ohana ame na
hoaloha e u aku nei, me ka mina-
mina nui no kuu lei heleloa.
Maluna ae o na mea apau ke haa-
wi aku nei makou ka ohana i ka
hoomaikai nui i ka poe apau i komo
pu mai e kumakena no ka'u mea
aloha, a pela me na ohana, na ho-
aloha i haawi makana mai i na bo-ke
pua nani no ka hoohiwahiwa ana, a
pela pu me na hoaloha i hoouna mai
ai i pua no kuu lei, no oukou ka
hoomaikai nui loa. Na ke Akua e
kokua ia kakou apau a Nana no e
haawi mai i na pomaikai a Nana pu
no e hoomama mai i na luuluu ame
na kaumaha.
O makou no me ka luuluu,
MRS. EMMA K. FERN.
MRS. P. A. K. S. LACHANCE
SAMUEL SAPINO SILVA,
MRS. MARY K. S. SALES
MRS. VICTORIA K. S. ANO,
MRS. SARAH A. K. S. WOOD
MISS AGNES M. K. SILVA,
AOLE I POLOLEI KEIA ANA. Ia oe E Mr. Lunahooponopono;
Aloha kaua a nui loa:— E oluolu mai
oe i wahi rumi no'u ke loaa hoi
he wahi kowa kaawale o ka kaua
hiwahiwa ka Nupepa Kuokoa; no
kela wahi poomanao e kau ae la
maluna, o ia hoi keia: Aole i pololei
keia hana ana.
E ka poe e heluhelu iho ana i
keia mai Hawaii o Keawe, a hoea
aku i ka mokupuni Kaili la o Kauai
o Mano, e ike iho i ka mea i hanaia,
a'u e olelo ae nei aohe i pololei
keia, a penei no ia:
Ma ka Poaha, la 2 o Oct. nei,
make iho la kekahi wahine, oia o
Mrs. Kahau Apua, a oiai, he lala
oia no ka Hui Poola o na wahine,
a ua laweia aku kona kino no kahi
o Mr. Silva, a ma ka hora 1 o
ka auwina la Poaono i hemo mai
ai kona kino, no ka ike ana iho o
kona ohana, me ke ku kiai ana o na
lala hoahanau o ka hui iaia.
Mai kela manawa mai ahiki i ka | | | | | | | | | |
