Ka Nupepa Kuokoa, Volume LXIII, Number 41, 9 ʻOkakopa 1924 — Page 6

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA, NA NUHOU KALAIAINA
ME NA NUHOU O KA MANAWA

AOAO NO NA MANAO PEPA
SOLOMON HANOHANO, LUNAHOOPONOPONO

NUPEPA KUOKOA, HONOLULU, T. H. POAHA, OKATOBA. 9, 1924.


	NU HOU KULOKO He aha hula Hawaii kahiko ame ka aha hulahula Enelani ke haawiia ana e ka Napua o Hawaii Club ma- loko o ka Holo Phoenix ma ka hora 7:45 o ka Poaono, Okatoba 11. Ma o keia pepa la ke haawi aku nei o Mrs. Haaneo Atcherly i kana hoomaikai nui i ka poe apau i haawi i kola kou mau paloka me ke koho pa- loka wae moho i hala iho la nona. Ua hala ke Kiaaina Wallace R. Farrington no ka aina makua ma ka mokuahi Matsonia o ka Poalua nei ne ka imi ana i mau pono hou no Hawaii Teritore me ka ukuia o kona mau hoolilo kaahele apau e ke aupuni makua. STATEMENT OF OWNERSHIP MANAGEMENT, CIRCULATION Nupepa Kuokoa, Weekly. Editor, Solomon Hanohano. Business Manager, C. S. Crane. Publishers: The Advertiser Pub	lishing Co., Ltd. Owners: Stockholders holding 1 per cent or more of total amount of stock: L. A. Thurston, Honolulu. B. F. Dillingham Co., Honolulu C. S. Crane, Honolulu. Edward Dekum, Honolulu. K. H. Trent, Honolulu. H. S. Crane, Honolulu. G. L. Samson, Honolulu. Stella G. Pearson, Honolulu. D. F. Nott, Honolulu. R. U. Watson, Honolulu. Bondholders, Mortgages and other security holders: None. Average number of copies of each issue of this publication sold or dis- tirbuted, through the mails or other- wise, to paid subscribers, during the six months preceding the date of this statements, 4060. (Signed) Charles S. Crane, Business Manager, Sworn to and subscribed before me this 7th day of October, 1924. (Seal) G. A. SEYDE, Notary Public. My commission expires June 30, 1925.


MANAOIA AOLE I MAKE O IRA SPARKS Ke hoomanao nei no ko Hono- lulu nei poe no. Ira Sparks, kela ha- ole o ka holo mahuka ana mai no Honolulu ei, mamuli o ke komo ana maloko o kekahi pahu, a i noho hana ai ma keia kulanakauhale no kekahi mau mahina, alaila holo aku no Manila maluna o kona waapa, ma kana huakai no ka aina hemo- lele. Ma ka manawa a kela haole o ka haalele ana mai ia Honolulu nei, ma- luna o kona waapa, ua nui ka poe i manao, e poino ana oia ma ka moana, aka nae i ka hala ana o kekahi mau mahina, me ka lohe ole ia o kekahi mau mea e pili ana iaia ua hoea mai la he hoike mai Manila mai, no ka pae ana aku o kona waa- pa no kela wahi, me ka palekana. He nuhou hoohauoli kela, i na hoaloha lehulehu o Sparks ma koia kuianakauhale. Mahope o ka hoo- hala ana i kekahi manawa ina Ma- nila, ua hoomau hou aku la oia i ka holo ana ma kana huakai au- moana, a mai kela manawa mai, aole he mea i lohe hou ia nona, a ua manaoia na halawai oia me ka make ma ka moana, no ka mea ua ikeia kona waapa ua nahaha ma ka mokupuni Mindanao. Aole he mea i noonoo hou ia aku no Sparks mahope mai o ka loaa aua o kela waapa, koe wale no ka ma- nao ana o na mea apau, na make oia i ka moana, a ua pau i ka aiia e ka mano. Maloko nae o ka nupepa Chronicle o Kapalakiko, o ka la 18 aku nei o ka mahina o Sepatemaba, i hoikeia ae ai kekahi meahou, no ka loaa ana aku o kekahi pupupu hale ma ka mokupuni Mindanao, i haaleleia nae, aohe mea noho maloko olaila, a ma na hoailona apau i hoomao- popoia, ho hale kela 5 hanaia e Sparks, aole na kekahi poe e ae. O kona wahi nae i hele aku ai, a i ole i nalowale ai paha, ua ala mai na mango kohokoho wale, ma- lia ua nalowale oia iloko o ka ulu- laau a i ole aia ,oia iwaena o na kanaka o kela mokupuni, kahi i hoike ai i kana misiona ha'i eua- nelio. HE HOOMAIKAI NUI I NA MA- NA KOHO O KA APANA ELIMA I o'u mau hoa makaainana o ka Apana Elima, Aloha oukou: — Ma- muli o ka heluna baloka kiekie loa a oukou i haawi mai ai ia'u, ma ke koho baloka, wae moho o ka Poaono aku la i hala, ka mea nana i hapai ae ia'u, ma ke poo o ka paa baloka Repubalika, ma ke ano owau ke- kahi o ka oukou mau moho, no keia kau koho baloka laula ae ma ka la 4 o Novemaba e hoea mui ana, uo ka hale o na lunamakaainana, ke pahola aku noi au i ka'u hoomai- kai palena ole imua o oukou apau, ka poe i haawi mai i ko lakou mau baloka no'u, a i hooikaika hoi, e loaa ia'u ka lanakila maluna o ke kahua kaua kalaiaina. 0 na kakoo a oukou i haawi mai ai ia'u ma ke koho baloka wae moho aku la i hala, ke lana nei kuu ma- nao, ua hookahuaia ia, malana o ka moolelo o ka'u mau hana maloko o ko kakou ahaolelo kuloko, uo nu kau a'u i noho ai he hoa no ka hale o na lunamakaainana ame ka aha senate; me ia hilinai mau a oukou i hookau mai ai maluna o'u, pela no au e upu aku nei, no ka oukou mau kakoo, no keia k nu koho baloka ae e hoea mai ana. Me ka manaolana mau no ko ka- kou aha'i hou i ka lanakila ma ka pahu baloka no keia koho baloka ae o Novemaba, ke nonoi hou aku nei no au i ka oukou mau kokua ana me na manao lokahi; a e oluolu hoi oukou apau, e lawe aku i ka'u hoomaikai kiekie palena ole, mai- loko aku o kuu puuwai, no na mea a oukou i hana mai ai no'u, a na ko kakou Makua ma ka lani, e haa- wi mai i na hoomaikai oi ae mailuna mai. Owau iho no ka oukou kauwa hoolohe, S. P. CORREA, (Pilipo) LOAA HE TINI DALA MA KUAU MAUI Mr. Lunahooponopono, no'u kou we- lina pumehana: — E oluolu mai kou ahonui e uwila ae ma kahi kaawale o ke Kuokoa, ke Kilohana Pookela o ka Lahui Hawaii, no kela mau hua e kau ae Ia maluna. Maloko o ka aina o Hokoana ma- kua, ma Kuau, Maui, nona paha ua eka 16, oi aku a emi mai paha, i lilo i ka Paia Sugar Plantation Co., i keia manawa, i loaa aku ai i kekahi mau Kepani hookahekahe wai ko, kekahi tini dala i hiki aku ka wai- waiio i ka $200 a oi. O ke ano o kela mau dala i loaa ai i keia mau Kepani hana o ua ma- hiko nei, o ia no kela dala kihikihi o kela au kahiko o kakou, o ia hoi, hookahi kihikihi he $10.00 ia. No- laila, he 5 mau kihikihi, ua like no ia me $50.00 ka waiwaiio o ke dala kihikihi. Ma ka paluaia ana o na mau eka aina nei i kela mau hebedoma aku nei, aole i ike ka poe liana oluna o kela mau palau i keia tini dala, oiai, ua popopo ke tini mamuli o ke ka- hiko loa o ka waiho ana o kela tini iloko o ka lepo. Ma ka lohe mai o kou mea e ka- kau nei i keia itamu maloko o na kolamu o ke Kuokoa, na Manuel Mitchell, makuakane o Jos. M. Mit- chell o Hamakuapoko, Maui, kela mau dala i huna iloko o ka lepo, oiai oia e noho ana me ka wahine me Oniula ia manawa Oiai, o kela au ano hupo no o na kanaka Hawaii ia manawa, ia Waawaaikinaaupo ma; oloko iho la o ka lepo ka banako o ia au ; aole hoi elike me keia au naauao o kakou, ua loaa kahi e malamaia ai ka kakou mau kenikeni, o Maui Bank ma Paia, me Baldwin Bank ma Kahului, aole he hopohopo ana. Ua pili loa keia apana aina o Ho- koana makua i make, a i lilo i ka hui mahiko o Paia i keia manawa me ko'u wahi e noho nei me ka aina o ka'u wahine. Nolaila, ke a'o aku nei kou mea e kakau nei i keia itamu, ia kakou na kanaka Hawaii, mai hupo elike ae la mo kela ke ano, e laa ka pomaikai o kela mau Kepani la, i kela mau dala au i luhi ai no ha'i ka pomai- kai. Ma ka la -3, 25 o Sepatemaba nei i loaa ai kela mau dala kihikihi i kela mau Kepani. O keia wahine a Manuel Mitchell oia o Oniula i make, aia no malina o keia aina kahi i kanuia ai. Me ka Iana o ko'u manao e aho- nui mai ana no de e Mr. Lunahoo- ponopono, no ka uwila ana ae i keia itamu. Me na keiki oniu hua uwila ko'u farewell nui loa. Kou oiaio Ioa, O. KNOX. PONIAULANI. Paia, Maui, Sept. 30, 1924,	Nuhou Kuloko Ma ka la 22 o keia mahina, e hoomaka aku ai na moho Repuba- lika, o ka Mokupuni o Oahu nei, e malama i na halawai kalaiaina ma ua wahi like ole, elike me ia e hoo- lala ia mai nei e na alakai kalaiaina. Mahope iho o ka hoohala ana i ke- kahi mau mahina ma Amerika, i huli hoi mai ai ka Lunakanawai Kie- kie E. C. Peters ame kana aliiwahi- ne ma ka mokuahi Matsonia o ka Poalua iho nei. No ka make ana o na keiki Ke- pani liilii malalo ae nei o Puuloa, mamuli o ka hooku'iia ana e ke kaa otomobile, i paa ae ai o D. White he koa, i ka hopuia malalo o ke kumu hoopii he laweola. Ma kahi o ka eha haneri me ka- nahiku-kumamakahi dala ame kana- lima-kumamalima keneka, a D. L. Conkling i hoolilo ai, no kona mau hoolilo o ka holo ana he moho elele lahui, wahi ana, akahi no oia a ike pono, i ka hahana o ka hana ka- laiaina. No ka loaa ole o kahi kaawale o ka nupepa, pela i hoopaneeia ai ka hoopuka ana aku i kekahi mau pa- lapala a na makamaka a keia pule ae. No ka loaa ana aku o ka ike, i ke ano o na mea e hoikeia nei, no ke kulana ola kino o na makai, e waiho ae ana na lala o ke komisina ia lakou iho malalo o ka nanaia mai o ko lakou kulana ola kino maikai. Mamuli o nia kumu hoohalahala e ku-e ana i ka Makai Smith, e hoo- loheia aku ana kona hihia e ke ko- misina makai ma keia mua iho. He halawai ka ke Kalapu Demo- karata, Mahele 11, Apana 5, i keia Sabati, Oct. 12, hora 2 p. m., ma ka Halekula Kaiulani. HE HOALOHALOHA NO MRS. LONO KAHAKAUILA. Ko hele liilii aku nei kakou mao, aohe kaula nana e paa mai ia ka- kou maanei. Pela no i ko ai kana olelo, o ia hoi: Heaha ko oukou ola? He mahu no ia i pu-a ae, a nalo aku. O Lono Kahakauila i hala aku la, he makuahine ia i hooloaaia ke kulana maemae, hoopono, a Kristi- ano iloko o keia ola honua ana, a moe aku la. Ma ke kakahiaka poniponi o ka la 24, o Sept. A. D. 1924, i haalele mai ai oia i keia ola ana, a hele koliana aku la oia ma kana huakai hele, a waiho iho la i ka ohana, ka lehulehu na hoaloha ame na maka- maka apau, e u aku nona, ma keia noao o ka muliwai eleele o ka make. He hoahanau oia no ka ekalesia Hoole Pope o Keanae, a he hauma- na Kula Sabati, a he Iala no hoi MO ka Ahahui C. E., a he puuku no hoi no ka ekalesia i kekahi ma- nawa i halu, a mamuli o ka nui o na pilikia kino, i kau iho maluna ona, pela oia i ike ole ia ai iloko o na hana a kona Haku aloha, a nona makou e u nei, me na manao kaumaha, a hoi aku la ka lepo i ka lepo, elike me ia i kinohi; na mea lehu iloko o na mea lehu, o i ka uhane, e hoi aku ia me ke Akua E hoomaikaiia ka inoa o Iehova ke Akua, no ka mea, Nana no i hana, a Nana no i lawe aku. Nolaila o hooholoia: Ma o ko ma kou mau komite la, ke komo pu aku nei makou na hoahanau o ka Ekalesia, na haumana Kala Sabati, na lala ame na hoa o ka Ahahui C. E. Me oukou apau ka ohana o ka mea i hala aku mao, e u pu me oukou iloko o ka noho kanikau ana. Ke pule nei makou, e hoolanaia ko oukou mau manao kaumaha, a o kakou pu apau, a Nana no e holoi ae i ko kakou mau waimaka o ka ehaeha iloko o ke aloha o ko kakou Haku o Iesu Kristo, a no ka mea, no kakou ka olelo hoolana a no ka kakou mau keiki. E hoounaia i hookahi kope o ka olelo hoalohaloha i ka Nupepa Kuo- koa. O makou iho no me na waimaka o ke aloha, Komite Ekalesia— 8. K. KAAILUA, Komite Kula Sabati:— MRS. NELLIE PAHIA, Komite C. E.:— MRS. A. KALOHELANI, Keanae, Maui	IKE MAKA I KA NANI O KA IPUKA GULA (Hoomauia mai.) Hele i ka Pule O kela maa no i ka hele i ka pule ma Honolulu nei, a hui pu no hoi me ka lilo o ke Sabati, i la ano nui iaia, i ke ao ana ae ma kekahi la mai, he Sabati ia la, hoomakaukau iho la oia no ka hele ana i ka pule. He hana pohihihi no ma kana ao- ao, ka hele ana aku no kekahi hale- pule, oiai aia oia iloko o ka naele ame ka hiliipe'a o Kapalakiko, aka nae iaia e ku ana ma kekahi alanui ma kela kakahiaka, ike aku la oia i kekahi mau keiki liilii elua e hele ana i ka pule, a na laua i alakai aku iaia a komo iloko o kekahi halepule. He mea ano hou iaia, ka ike aku i na hana maloko o kela halepule, a mahope o ka hookuu ana o ka pule, i hoi aku ai no kona hokele. O ka mea ano nui ma keia hoi ana aku, e noho mai ana kekahi mau hoaloha, e kakali iaia, no ka lawe ana oku no ko lakou mau home. Holo no Oakland O keia mau hoaloha oia o Arthur Corder o Oakland ame kona ohana, oia ka wahine ame ka laua mau- keiki, ame Rebecca Norton o Berk- ley, he kaikamahine Hawaii keia nola ae nei o Ewa, i mare nae i ke kane haole, a o Berkley ko laua wahi. Hiki pono ole iho la ke hooholo, i ka mea pono e hana ai, oiai ua hoea like kela mau makamaka i ka manawa hookahi, no ka lawe ana aku iaia;, aka nae mahope o na kukakuka maikai ana, hooholo iho la lakou, e hele oia me Arthur Corder no Oakland, a e kau pu o Rebecca Norton me lakou maluna o ke kaa hookahi. Holo me kela mau makamaka no Oakland, me kona ike ana aku i na mea nani he nui. Aia ma Berk- ley kekahi kula i ku ai, o ia. ka University o Kaleponi. He kahua nui ko kela kula i ku ai, me na hale nunui, a aia pu malaila ke- kahi wahi akea i hanaia no na ana- ina hoohauoli o kela ame keia ano. Mai Oakland aku ko lakou hoIo ana a hoea no Berkley, waiho ia Rebecca Norton ilaila, a huli hoi hou mai Ia no ka home o keia mau makamaka. Ma ko laua home i hookipaia aku ai oia, me kekahi mau malihini e ae e noho pu ana me ia ma ka hokele hookahi ma Kapalakiko, a i holo pu aku ai no hoi mai Hono- lulu aku nei. Ilaila i koiia mai ai keia e hoakaka aku i ka moolelo o ka hookahuliia ana o ke aupuni o ka. Moiwahine Liliuokalani, a oiai ua ike pono oia i kela hana hookahuli apuni, he hana maalahi loa nana ka hooko ana aku i kela leo noi, me ka hoopihaia o kela mau hoalo- ha ona, me ka hauoli, no ko lakou lohe pono ana i na mea oiaio. Holo no Los Angeles Ma ke ahiahi o kela Ia huli hoi hou aku la no ka hokele me koua mau hoa, a ma ke kakahiaka ana ae o kekahi la mai, liuliu hooma- kaukau iho la no kona alahele no Los Angeles. Mamua nae o kona haalele ana iho ma kela huakai, hoouna mua ia mai la he kelekalapa e Mr. Buck i kekahi hoaloha ona, o Mr. Levy ka inoa, no ka makaala ana mai iaia, i ka wa e ku aku ai kekahi kaaahi i ka hale hoolulu. He oiaio, i ka wa i ku aku ai o ke kaaahi i Los Angeles o ka mea mua loa i halawai mai me ia, oia no o Mr. Lew. aolo keia haole i ike mua iaia, aka ma ka hoomaopopo ana mai paha i kona ano, pela i pololei ai kana hele ana mai e hui me ia, a hoihoi aku la no ke Clark Hotel. Halawai me Mr. Cooke Hoaumoe maloko o ka hokele ma kela po, a i ke kakahiaka ana ae ma kekahi la mai, kani ana ke kelepona, eia ka mai ia Mr. Cooke mai, ia hope kakauolelo o ka papa kalepa o Los Angeles, e noi mai ana iaia nei, no kona makemake e hui a kamailio pu laua. Hoomakaukau iho la iaia iho. no ka halawai aku me kela kanaka ko'iko'i o kona iho aku la no ia no ka papahele ekahi, a mahamaha ka halawai ana me kela kanaka, me kona hoike ana mai. no ko ia nei hele e ike ia Mr. Frank Wiggins, ke kakauolelo o ka papa kalepa, aohe hoole ana aku i ke kono, a waiho aku la na na kamaaina e lawe aku iaia. Halawai pu iho la m* Mrs. Pau- line Steele o Honolulu nei, ka mea e noho ana ma ka buro o na mali- hini makaikai, ma kela kulanakau- hale, a loaa iho la ke kamaaina kupono, nana e lawe aku e hoo- launa roe ke Kakauolelo Wiggins. Hooleiia me ka Lei Ua loaa mua ka ike ia Mrs. Pau- line Steele no kona hoea ana aku i Los Angeles, me ka hoolala ana i ke- kahi hana hoohiwahiwa no ka hoo- hanohano ana mai iaia, me ka mao- popo mua ole nae iaia nei kela mau hana. Ua lawe i'o ia aku la oia no ke keena o ke Kakauolelo Wiggins, a ma kona manawa i hoolaunaia aku ai, o ka wa ia a Mrs. Steele, i hoolei mai ai he lei pancies ma- lana o kona papale, pela hoi me ka lei ilima pepa ma kona a-i, he bana i hookahaha nui ia mai ai kona noo- noo. Maikai kela launa ana me ke Kakauolelo Wiggins, oia kekahi o na kanaka oluolu loa wahi ana, me ka olelo okoa ana umi, he malihini ka Lunakanawai Hookano na ka pa- pa kalepa o Los Angeles elike me ka loihi ana e noho ai ma kela kulaua- kauhale, a ua makaukau hoi kela ahahui, e hana mai i na mea apau e pono ai oia, ke hoike aku ia lakou i kona mau makemake. Makaikai no Hollywood Ma kekahi la ae, kii mai la o Mr. Levy iaia e hele makaikai no Holly wood, he wahi keia he ehiku mile ka mamao mai Los Angeles aku, o Mrs. Pauline Steele kekahi ma keia huakai makaikai. Elike no me ke ano mau o na ma- ka kuaaina, ka hi-o ke hoed aku no na wahi malihini, pela iho la ko- na ano, ke ninau wale la no oia i kona mau kamaaina, i na inoa o kela ame keia wahi, ua paa ka inoa o kekahi mau wahi a ua paa ole kekahi, i kau a mea o ka pohihihi. Aia ma Hollywood kahi noho o ka poe hana kiionioni, nani na hale a nunui no hoi, a ike aku la oia i ke ano o ka hanaia ana o na kii onioni, he ku maoli no i ka noeau. (Aole i pau.) AHAHUI KULA SABATI ME HOO- IKAIKA KRISTIANO O KA MO KUPUNI O KAUAI E noho mai ana na Ahahui i oleloia, ma ka Poalima la 17, 1924, o Okatoba nei, ma ka luakini Hawaii o Waimea ma Waimea, i ka hora 1:30 a ma ka hora 3 p. m. Ke kauohaia aku nei na Kahu Kula me na Peresidena C. E. e hoo- una koke ae i na hoike Papahelu i ke Kakauleta J. Mahiai Kaneakua, a pela pu i na hoike Kihapai a na Elele, elike me ia i hooholoia e na Ahahui, i oleloia, a mawaho ae o keia, e hele makaukau mai na Elele o na Ahahui i oleloia me ke dala no na hoike Elele. Ua hooholoia:— I ka manawa e heluhelu ai na Kahu Kula me na Peresidena i ka lakou man hoiko Papahelu imua o ka Aha, e heluhelu- ia ma ke poo ame ka inoa o ia Kula Sabati, a C. E., a e heluhelu holo- okoaia na hoike Elele. Owau no, ABBIE KAAUWAI Kakauolelo o na Ahahui elua mo- kupuni o Kauai. Kapaa, Oct. 7, 1924. Hookahi wale no hoopii a ka papa kiure kiekie teritore o ka hoihoi ana ae i ka aha kaapuni ma ka Poa- ua nei oia ka hihia a ke aupuni e kue ana ia George Mansbridge, ke kieki a ka haole i loaa aku ai ma Kalihi ua make iloko o ke kapu wai- wai auau, no ka hewa pepehikanaka ma ke degere ekahi. Ke houpuupuia mai nei ke emi loa iho o ka wai malalo o ka iliwai i maamu ia maloko o na luawai aniani i ike ole ia ka Iua me ia iloko o ka moolelo, elike me ia a ka enekinia Larrison o ka hoike ana ae. Aneane e piha ka 500 lala o ka ahahui Na Kaikamahine Oiwi o Ha. wali i noho poo ia e Mrs. Frank J. Woods. 100 Iala i hookomoia ae ia ahahui ma ka halawai o ka noho ana ma ka po Poalua nei maloko o ka Holo Phoenix.	Nuhou Kuwaho WAKINEKONA, Oct, 2.— E kaa aua malalo o ka hoomalu ana a na Demokarata ka hale o na. lunamakai ainana ame ke senate ma ka mana- wa e wehe ai ka Ahaolelo 69, ia wanana mua ia ae ia e ka Lunamaka- ainana William A. Olfield, Demo- karata o Arkansas maloko o kaua haiolelo maanei ma ka po neu OAKLAND, Oct. 5. Mua mao ka- naka i make a ho eha i hoehaia i keia auwina la ma ka manawa i hoo- ku'i aku ai ke kaa otomobile i ka pou kelepona. DENVER, Oct. 5.— Ewalu mau kanaka i make a ke umi-kumamaka- hi i hoehaia ma na ulia kaa otomo- bile apuni ka mokuaina i keia la. WALNUTRIDGE, Ark, Oct. 5.— Eha poe o kekahi oliana hookahi i make ma kahi kokoke mai ianei ma keia kakahiaka ma ka manawa o ke kaaahi i hooku'i mai ai a na- haha ke kaa oto a lakou e kau aoa. TAMPICO, Oct. 2.—Lehulehu wale na kanaka hana olohani i nake ma ka manawa o ka ulu ana o kekuhi hakaka mawaena o na kanaka olo- hani ame na koa e kiai ana i ka waiwai o ka Hui Aila Mexican Gulf Oil Company. No kekahi ma- nawa aku nei i hala ka hoomauia ana o ka olohani a ua kaheaia he olohani laula ma kela a ma keia wahi. Elima haneri o na kanaka olohani o ka hui aila i hoao mai e keakea i ka hooiliia ana aku o ka aila maluna o na moku ma ia ma- nawa o na koa i ki aku ai i ka lakou mau pu. O na alakai o ka poe olohani ua paa ae i ka hopuia.

KA HOPENA O KE KOHO BALOKA WAE MOHO

Ua hoea mai la kakou i ka maopopo ana o ka hopena o ke koho baloka wae moho, o ka Poaono aku la i hala, mamuli o ke ku ana ae o na moho ma ka aoao Repubalika, pela hoi na moho a ka aoao Demokarata, hookahi mea i koe e nana aku ai, owai ana la o keia poe moho, ke lanakila, ma ke koho baloka o ka la 4 o Novemaba ae nei e hoea mai ana.

O na kohokoho ana o na la aku la i hala, no na kulana ikaika a nawaliwali paha o na moho, i alualu iho nei no na kulana lehulehu, ua hoopauia na pohihihi, ma o na heluna baloka la i loaa i kela ame keia moho pakahi; ma ia mau hua-helu no auanei, e hiki ai ke ikeia aku, na moho e lanakila ana, elike me ia i ike mau ia ma na wanana a na loea kalaiaina.

O ka paio no ke kulana elele lahui, ma ka aoao Repubalika, mawaena o Philip L, Rice ame David L. Conkling, he paio ia i hookahuaia maluna o ke kulana keonimana ame ke kanaka makua; ua kapaeia na hoinoino pili kino, ame na ano kalaiaina i kamaaina, iwaena o ka wa hooikaika baloka; nolaila i ke kaa ana o ka lanakila ia Philip L, Rice, he lanakila ia. ma ke ano maemae, e hiki ole ai i ka moho i haule ke alo ae. mat ke komo pu ana aku e hooikaika oo ka lanakila o ka moho i waeia, ma ke koho baloka laula e hoea mai ana.

O ka heluna baloka kiekie loa i loaa i ka Elele W. P. Jarrett, ka moho elele lahui Demokarata, me ka hoa paio ole e ku-e ana iaia, he mea hookahaha mai ia i ka manao o na alakai kalaiaina; hookahi nae mea hiki ke ikeia aku, ua lele aku kekahi mahele nui o na Repubalika e koho iaia, a haalele i na moho e ko lakou aoao kalaiaina ponoi.

O na hooia no ka oiaio o keia ano o ke koho ana, o ia no o Hawaii Hikina, Hawaii Komohana ame Maui. Ma kela mau wahi, he kulana nawaliwali maoli ko ka aoao Demokarata, no ka nawaliwali, i hiki ole ai ke loaa he mau moho, no ka hoopiha ana i ka paa baloka holookoa, o ka mea kupaianaha nae i ikeia, o ia no ka lanakila ana o Jarrett maluna o kona mau hoa ma Hawaii, a hahani aku hoi oia malalo o Rice ma

Kauai.

Ma ke ano nui ke olelo ae, o ka paio mawaena o Philip L. Rice ame W. P. Jarrett, no ke kulana elele lahui, o kekahi ana ia o na paio hahana e hooukaia aku ana.

O na baloka i loaa ia Jarrett ame Rice, he mau baloka kela e loaa hou aku ana no ia laua pakahi, ma keia koho baloka ana aku, a o ka moho o laua e holo aku ai ka hapanui o na baloka i kohoia no Conkling, oia auanei ka moho e aha'i ana i ka lanakila.

I ka nana aku, he hana paakiki ia Rice ke kaili ana mai i ka hanohano o ke kulana elele lahui mai ia Jarrett mai, aka nae, ina e ku ana na Repubalika oiaio apau, mahope o ka moho o ko lakou aoao kalaiaina iho, e ike ana kakou i ka lanakila o ka moho Repubalika; ke kauka'i mai nei nae na Demokarata no ka lanakila o ka lakou moho, maluna o na Repubalika; pela i loaa ai ka lanakila ia W. P. Jarrett ma kela kau koho baloka aku nei i hala.

Maluna iho o ka aoao Repubalika ke ko'iko'i o ka hooikaika ana e loaa ka lanakila i ka moho Eiele Lahui Rice ma ka la 4 ae nei o Novemaba; no ka mea ke noho mana nei na Repubalika apuni ke Teritore, a maluna auanei o lakou na ahewa ia e pono ai. ke loaa hou ka lanakila ia Jarrett, iloko o ke kulana nawaliwali o ka aoao Demokarata.

E HELE KOKE AE E HOOPAA I NA INOA.

Ma ke koho baloka o ka Poaono aku nei i liaia, nui wale na mana koho i hoea, ae no ke koho ana i ko lakou mau -baloka, i ike ole i ko lakou mau inoa maloko o ka papainoa o ka poe koho baloka, no lakou ka ke Kuokoa e hoeueu aku nei, e hele koke ae e hoopaa i na inoa iloko o keia mau la, i wehe hama-maia ai na buke hoopaainoa a na kakauolelo kalana.

O ka poe hoi i hoopaa mua ole i ko lakou mau inoa, o lakou kekahi e paipai pu ia aku nei, e hele ae «o na keena o na kakauolelo kalana, i hiki ai ia lakou ke koho i na moho, ma ke koho baloka o Novemaba ae nei.

O na pilikia apau i ikeia ma kekahi mau mahele koho, o ka Poaeno i hala, he mau la keia no ka hooponopono ana ae ia mau pilikia, no ka hoomaalahi ana ke hoea mai i keia koho baloka ae.

Ina he mau hoololiloli kekahi no kahi e koho ai, he hana hiki ia ke hooponoponoia, iloko o keia mau la, mamua o ke pa'iia ana aku o ka papainoa o na mana koho baloka no na mahele koho lehulehu.

O ka makaala mau ka lanakila, o ka hoopalaleha me ka hoohemahema i keia pono, he mihi a he hoka ka mea mahope aku.

Mamuli o ke kaa ana o ka lanakila o ka paio no na moho senatoa o Hawaii, ma ka aoao Repubalika ia Russell ame Akina, i hoea mai ai i ka loaa ana o ka olelo hooholo kaulike maluna o ka ninau "Aelike Keonimana," ka ninau i kukuluia mai ai imua, ma ka mauawa i hui ae ai o Hind ame Kawaha ma-kekahi aoao, a o Russell ame Akina ma kekahi aoao, e alualu ana no ko lakou waeia i moho senatoa ma ka Poaono aku la i hala. Na na mana koho baloka ponoi o Hawaii Hikina ame Hawaii Komohana i pane i ka haina no kela ninau, ma ke koho ana i hookahi moho senatoa no Hawaii Hikina, a i hookahi hoi moho no Hawaii Komohana, he ano kaulike keia ma ka

wae ana; a ma kekahi olelo ana ae paha, ma ka oi aku o ke ohohiaia o na moho, malaila ka lanakila, aole ma kekahi ano e oe.

He elua mau moho wahine e holo mai ana no ka hale o na lunamakaainana i keia mahina ae, hookahi no Kauai, ma ka aoao Repubalika, a hookahi no Maui ma ka aoao Demokarata. Ma ka nana aku, e kuleana ana ka moho wahine o Kauai i kekahi noho oloko o ka hale o na lunamakaainana, ina pela i'o, alaila e kaa ana ia Kauai ka helu ekahi, ma ka hoouna ana i ka lunamakaainana wahine mua loa iloko o ka ahaolelo.

Ua lilo ke koho baloka o ka Poaono aku la i hala, i mea a'o mai i kekahi mau moho lehulehu, e hiki ole ai ke hoopoina no keia mua aku. Aia a wela ko kakou manamanalima i ke ahi, alaila ike kakou, he mea pilikia ka ke hookomo ka lima iloko olaila, pela hoi ka ike ana i ka nui o ka luhi ame na hoolilo, ke holo moho no kekahi kulana oihana.


	HOOLAHA AHA MOKUPUNI O OAHU, HOOMANA NAAUAO O HAWAII. E malamaia aua ka aha Mokupuni o Oahu elike me ka maamau ma Ke Alaula o ka Malamalama, Koula, Honolulu, ma ka la 16 o Oct., hora 7:00 p. m. Ke kauohaia aku nei na lala apau i kuleana ma ia aha, me ka makaukau i na hoike, a pela aku, i kulike me na kauoha a na kanawai ame rula. A. J. BRIGHT, Pres. H. N. O. H. 6629— Oct. 9.	HE HOOMAIKAI. I na Mana Koho o ka Apana Eha: — E oluolu e lawe aku i ka'u mau hoomaikai palena ole no ka heluna baloka nui a oukou i haawi mai ai ia'u ma ka la koho baloka i hala aku la, a pela pu koi ia oukou e o'u mau hoaloha o ka Apana Elima no ka oukou mau hana hooikaika no ko'u pono. Me ka haahaa, JOS. M. KEANU,