| | i ko ka lede makemake o ia hele ana aku, a i ka hoike ana aku
e ka lede i kana mea i makemake ai kii aku la a lawe mai la
i kekahi buke (City Directory) alakai a waiho mai la mamua
o ka lede.
I ka waiho ana mai i ka buke no ka ka lede nana ana hoi hou
aku la oia a ma kahi o ko pakaukau kakau a noho iho la, me
ka leha mau mai o kana nana ana i ka lede, a iaia e nana mai
ana ua haupu ae la oia no kekahi mea, aka oiai he keonimana
oia i aoia me na loina maikai o ka hoolauna ana, aole oia i
hoike mai i kona ano puiwa a kahaha paha, elike me kana i ike
ai i kekahi poe i ka manawa e ike mai ai i kekahi helehelena i
kamaaina mua iaia.
I ke keonimana e noho mai ana mahope o ke pakaukau aia
oia ma kahi e hiki ai iaia ke ike pono mai i ka helehelena o
a wahine, me kopa hoohuoi ole ia aku e hakilo mai ana oia
i ke ano o ka wahine.
Ua huli ae la ka wahine ma kahi o na huapalapala e hoomaka
ana me ke "D" maloko o ka buke, aole i ike mai ke keonimana
ia manawa oia kahi a ka wahine e huli ana no kekahi inoa, eia
iho a mahope, a no kekahi manawa nae ka wahine o ka huli
ana no ka inoa ana i makemake ai aohe loaa. .
Mahope o ko ka wahine huli ana ae i kekahi mau aoao, a ua
palua a pakolu no hoi kana nana kaholo ana, aohe no he loaa
iki o kana inoa i makemake ai, a no ia loaa ole ua hoopilikia loa
ia kona noonoo, elike me ka ke keonimana mea e ike mai ana.
I ka loaa ole ana, ku iho la ka wahine a namunamu liilii iho
la, me he mea la e olelo iho ana iaia iho no koha hooluhi wale
ia ana i ka huli aohe nae he loaa o ka inoa ana i makemake ai,
alaila, lalau iho la i kana buke pakeke, a mailoko ae o ia buke
i wehe ae ai oia i kekahi apana pepa e kau ana o ka inoa ana
i makemake ai e huli maloko o ka buke.
"Aohe ka inoa maloko o keia buke," wahi ana a ke keoni-
mana o ka lohe ana mai. No kekahi manawa kona hamau ana,
a ia manawa hele mai la ke keonimana mai kahi mai ana o ka
noho ana mahope o ke pakaukau kakau, a i ke ku ana mai ma-
mua o ka lede i mai la :
"la'u anei oe i kamailio ae nei?"
Puiwa ae la ka lede no keia ninau a ke keonimana a nana-
ae la iluna, me ka naholo ae la o ka ula ohelohelo ma kona mau
papalina no nei ninau a ke keonimana, a pane aku la:
"Ke ike ole nei au la i ko'u kamailio ana aku nei ia oe, ua
lohe hewa paha oe. a i ole he noonoo honua wale iho no paha
iloko ou ua kamailio aku nei au."
"O, ina pela e huikala mai oe i ko'u olohewa." wahi a ke
kauka, me kona kunou haahaa ana mai, me ka emi pu ana
aku ihope no ka hoi hou ana aku ma kana wahi mua i noho ai.
I ka ike ana aku o ka lede i kona kuemi hope ana aku, ani
aku Ia ka lima iaia e ku iho me k ai pu ana aku:
"I huli iho nei hoi au no kekahi inoa a'u i makemake ai e
ike oia o -Auguseto Demona, aohe nae i luaa iho nei ia'u ma-
loko nei." me ke kaholo hou ana iho o kana nana ana maluna
o ka buke.
Ahe! No kekahi kanaka nona kahi noho au i makemake
ai e loaa maloko o keia kulanakauhale ea?" wahi a ke keoni-
mana.
"Ae hoi: manao mai nei au e loaa ana la hoi kona inoa ma-
loko o keia buke, eia nae, o ka'u hoi ia o ka noke aua iho nei
i ka huli a huli hou no ekolu manawa, aohe loaa iki ia'u," i
pane aku ai ka lede.
Huki aku la ke kauka i ka buke a kokoke iaia, alaila kaholo
iho la kana nana ana ma kahi o ke "D" o na inoa.
"Aohe io no ka inoa ma keia buke," wahi a ke kauka o ka
pane ana aku mahope iho i kona manawa i aea ae ai iluna a
nana pono mai la i ka wahine e ku aku ana mamua ona.
Keehi ino iho la ka lede i kona wawae iluna o ka papahele
no ka loaa ole ana o ka inoa o ke kanaka ana i makemake ai e
ike. a pane mai la:
"Ua hoohoka loa ia mai la au no ka loaa ole ana."
"Ua maopopo no anei ia oe ka loaa ana o kona inoa pololei a
aole oe i kuhihewa?" i ninau aku ai ke. kauka?
"Ae ; ua maopopo loa ia'u a e ike iho no hoi oe la nou iho."
a panee mai la i ka pepa manuia o ke kauka, ka apana pepa e
kau ana o ka inoa o Auguseto Demona.
O keia apana pepa a ka wahine o ka haawi ana ae i ke kau-
ka he pepa hoolauna ia na ka mea nona ka inoa e kau aua
maluna o ka pepa i ka mea ana i makemake ai e hui a kamailio
pu no ke kahiko loa o ia wahi pepa ua lena a aneane e nalo-
*.vale ka inoa a no ka lawelawe mau ia, a na Auguseto Demo-
na ponoi i kakau i kona inoa me ka inika maluna o ia apana
pepa.
"La maopopo no nae paha ia oe eia ko hoaloha maloko o
Pokekona nei kahi i noho ai?" i ninau hou mai ai ke kauka,
me kona mau maka e nana pono mai ana i ka helehelena o ka
wahine.
"O ko lakou wahi mua keia i noho ai; he mau makahiki
lehulehu ae nei i hala ko'u kipa mua ana mai ia kulanakauhale,
a me he mea la, ua nee hou aku lakou no kekahi wahi okoa, no
ka mea, ina eia lakou maloko o Bokekona e paa ana ka inoa o
Auguseto maloko o keia buke alakai o ke kulanakauhale."
"O Mr. ame Mrs. Demona anei na mea au i haawi aku ai
i ko kaikamahine na laua e malama, e Mrs. Masetona?"
Me ka leo oluolu ame ke aheahe loa o na huaolelo kela ni-
nau ana mai a ke kauka i ka wahine eia nae, ua like ia mau
huaolelo me kekahi popo uwila i lele mai la a pa i ka puuwai
o ka lede a puiwa ae la oia, oiai no pia, e ku mai ana mawaho
mai o ke pakaukau kuai loihi o ka halekuai laau a ke kauka.
Haalulu ae la ke kino o ka wahine, me ka loli loa ae la o
kona helehelena a haikea like me ka helehelena o ka mea
make, a no kekahi manawa, i ka nana aku a ke kauka, aneane
Ioa oia e hina iho ilalo me ka maule.
A hala kekahi manawa loaa hou ae Ia paha ka ikaika iaia ala :
ila, pane mai :
"E ke keonimana!" me ka nana pono ana mai i ke kauka.
"Ae, e ka madame i keaha la?" i ninau aku ai ke kauka.
"Aole maopopo ia'u la o kau mea i olelo mai nei."
"Aohe io uo oe i maopopo la? Alaila e kamailio hou aku
anei au i mea nou e hoomaopopo mai ai?"
"Ua kuhihewa loa oe e ke keonimana," wahi a ka lede, aka
nae, ia manawa nana pono mai la oia i na maka o ke kauka
ne he mea la, e noonoo ana ua ike mua paha oia i nei kanaka
ma kekahi wahi a aole paha.
''Aole Ioa au i kuhihewa ia oe, o oe no o Mrs. Masetona, ka
wahine a'u i hoohanau ai i ke keiki, — owau kekahi o na ka-
naka kakaikahi ma keia ao i hiki ole ke hoopoina i ka helehele-
na ame ka inoa o ka mea a'u e halawai ai. E Mrs Masetona,
ma ka mea oiaio aole oe i poina ia Kauka Tuna, ke kauka i ma-
lama ai ia oe maloko o ka hale ma kekahi po huihui loa o ka hooilo o ka 1887." MOKUNA XXXI— Ka Hoomanao no ka wa i Hala. * | He mea oiaio o ke Kauka Kamaki Tuna no keia aka mamuli o ka loihi loa o na la i hala hope, oiai he iwakalua a oi aku makahiki, na loli loa ae koiia helehelena ua aoo mai, a ua kuakea loa no hoi kona oho. . Aole oia wale kona loli, ua kukulu oia i kona umiumi a ua puhuluhulu kona auwae i nei manawa me ka alualu mai o na papalina, a he mau maka aniani ke kau ana ma kona mau maka, he mea kupono e kokua mai ai i na maka o ka poe hapopo, a mamuli o keia mau hiohiona hou i loli loa ae mai ka Mrs. Masetona manawa i ike mua ai, ua kupono io no ke pahaohao ana a kekahi mea. He umi makahiki mamua aku ka waiho ana o Kauka Tuna i ka oihana kauka a i nei manawa oia ponoi ka ona o ka halekuai laau ana e hookele ana ia manawa a e ku ana ma ke ala nui Wakinekona i hoike mua ia ae nei "Ua kuhihewa loa oe e Kauka Tuna, ina o ia kau inoa, aole o Mrs. Masetona ko'u inoa." "Ua maopopo no ia ia'u aole o Mrs. Masetona kou inoa, he inoa hoohunahuna ia ia oe," i pane aku ai kp kauka, mahope o kona nana pono ana mai i ka hiohiona o ka wahine; "eia nae, o oe no ka wahine a'u i lapaau ai ma kela hale ma ka la ame ka makahiki a'u i hoike aku nei ia oe. Ke ike aku nei au ua loli iki ae kou helehelena i nei manawa, eia nae, iloko o ia loli ou ua hiki loa no nae ia'u ke ike a ke koho pololei aku ia oe, aole Ioa e hiki e poina ia u ka helehelena o kekahi mea a'u i ike mua ma kela ame keia wahi a'u o halawai aku ai." Ua naholo ae la ka ula ma ka helehelena o ka wahine, a mahope loli ae la a keokeo o ia no oe o ke lole keokeo i hoopiliia aku ma kona mau papalina; ilalo wale no kona mau maka no ka nana pono aku o ke kauka, a ke haalulu la hoi kona mau lehelehe no ka lelele o ka oili a i ole no ka piha loa paha i ka hilahila, a hala kekahi mau minuke i mai la: "Poina ole no ka hoi ia oe, a ikaika maoli no kou noonoo ma ka hoomanao ana," wahi ana. "Aole no e oi aku ana ko'u hoomanao mamua o kou, e ka madame, ina i liilii loa ko'u loli elike me kou. Ua lokoino loa no hoi ka manawa ia'u, pela ko'u ike, no ka hololi hikiwawe loa ana ae i ko'u "hiohiona. Ke ike aku nei au aole hookahi o kou mau lauoho i o mai ka hina, o ia mau no. ka uliuli a nupanupa, o ka aiai o kou helehelena oia mau no aole i halili ae aole no hoi i alua mai, o ia mau no ka u'i o kou helehelena elike no me ko kela la a kaua i halawai ai. "Auhea oe, e hukala mai oe ia'u, no ko'u hikiwawe loa ma ka hoike ana aku nei ia oe no na mea i hanaia o ka wa i hala, au no e poina ole ala iloko o kou noonoo, aka hookahi no ku-mu, a o ia keia, ua lilo no hoi kela poino pohihihi a kamahao loa ou i mea nui, iloko o ko'u noonoo ia hoi kela pilikia ou a'u i kokua ai ia oe a'u no hoi i hoike mua aku nei, no ia kumu i hiki ole iho ai ia'u e uumi mai ka hoolauna hou ana ia kaua.'' "Heaha ka manao nui?" wahi a ka wahine o ka ninau ana mai. "Aohe hiki ia'u ke hoike aku he kumu nui kekahi iloko o ko'u noonoo no ko'u hoike ana aku nei ia oe, malia paha no ko'u manao ana iho nei ua pololei no ka'u mea i manao ai, aka nae, aole kekahi oia mea maanei a i ole ma o; ina ua make make lua oe e loaa ke keonimana i lawe ai a hookama i ko kaikamahine, malia e hiki aua no ia'u ke kokua aku ia ue ma kekahi ano, o ia hoi, ina e hoike mai ana oe i na kumu o kou lilili ana iaia, ke manao au he hana hiki no ia ia'u." Moike mai la ka wahine i kona ano hikilele no keia olelo aku la a ke kauka a ninau mai la: "Ua ike no nae oe ia kanaka ia Auguseto Demona?" Akaaka iki iho la ke kauka a i aku la : "E ka madame maikai, e manao iho ana anei oe o kela keonimana i lawe ai i kaikamahine ua emi iho kona makaala malalo o kou ma ia hoololi ana i ke keiki? Ua ikeia oe o Mrs Masetona, aka ua hoike mai oe me ka hunahuna ole lie inoa hunahuna ia nou. O kou manao nui o ia no ka loaa ana o kekahi home maikai no ko kaikamahine e noho ai, a i ka loaa ana ua nalowale aku la oe me ka maopopo ole o kou wahi ; hele aku ai, i mea e hiki ole ai i na mea na laua i lawe i ko kaikamahine ke maopopo i kou inoa mahope mai, no ka mea aole oe i hoike aku i kou inoa oiaio ia laua. "Nolaila ua manao anei oe he hana ia ma ka aoao hookahi wale no a e loaa mai iloko o kou lima ka mana ame na pomaikai apau, a iwa e huna mau ana oe i kou inoa oiaio manao anei oe e hoike mai ana kela mau makua hookama o ko kaikamahine i ko Iaua mau inoa oiaio?" Ia manawa ua pii ae la ka ula ma ko Ms. Masetona mau papalina, o ia kona inoa a kakou e hapa aku ai iaia i nei ma-nawa; he inoa okoa no nae kona, ua huna o keia ka hewa ana i hana ai. "Alaiia o Demona aole anei ia o ka inoa oiaio o kela mau mea?" wahi a ka wahine me ka nui o ka hanu, "Aole ia o ko laua Inoa oiaio, e ka madame; ''Owai la ka ko laua inoa oiaio?'' Aole i pane koke aku ke kauka i ka haina no ka ninau a ka wahine a hala kekahi minuke alaila i aku la: "E Mrs. Masetona, e noi aku ana au ia oe e hoi mai kaua iloko nei, maloeloe loa hoi oe i ke ku iluna; komo mai iloko o kuu keena a e noho iho ilalo ; o kahi kupono loa ia no kaua e kamailio ai me ka oluolu a he wahi hoi e lohe a e hoohaunaele ole ia mai e ka poe e komo mai ana." Naka iki ae Ia ko Mrs. Masetona kino, oiai nae he la pumehana loa hoi ia aohe huihui. O ke kumu aohe ona makemake e kamailio hou ia ka mea i kanuia a nalowale loa i hala loa, ua lilo keia ikeia ana aku ona e ke kauka i mea hoehaeha i kona noonoo, aka nae, no kona makemake e ike a e lohe aku paha i kekahi mea e pili ana no kana kaikamahine nolaila ua hiki ole iaia ke hoole mai i ke noi a ke kauka, o kona hahai mai la no ia mahope ahiki i ko laua komo ana mai iloko o, kekahi wahi rumi uuku i hoonaniia me ke kupono loa ma ke ano he rumi kukakuka no ke kauka ame ka poe e hele aku ana e ike iaia, ma ka aoao mahope loa o ka halekuai laau. I kona komo ana aku iloko panee mai la ke kauka Tuna kekahi noho paipai pulu, alaila noho iho la no hoi ma kekahi aoao mai o ka rumi. "He mea hookahaha nui aku paha ia oe kou ike ana ma i ko'u ano o ka liolio ana i nei manawa elike, me ia au e ike iho la," wahi a ke kauka o ka hoakaka ana mai ma ka hoomaka ana o ko laua kukaiolelo ana." Hookahi no kumu; ma kekahi mau makahiki i kaahope aku nei ua emi mai ka ikaika o ko'u kino no ka nui loa o ka hana, ua lehulehu ka poe ma' a ua haawi mau aku au i ko'u manawa ma ka hele ana aku e lapaau ia poe ma'i, a i ko'u ike ana i ka hiki ole hou aku ia'u ke hoomau i ka lawelawe ana ia hana no ka nawaliwali mai ua haalele aku au, aka nae ke hoomau nei no au i ka lapaau ana i ka poe e hele kino mai ana i ko'u keena nei." He kunou wale aku no ka ka wahine pane no keia mau olele a ke kauka no ka mea, aohe makemake e lohe aku i ka mo olelo o ke Kauka Tuna, a he ike wale ia mai no nae ia mau ano no ke ano ohaoha ole aku. (Aole i pau.) | NA MEAHOU O HAWAII MOKU
O KEAWE. Solomon Hanohano, Aloha nui ka-
ua: — E oluolu mai kou, ahonui e hoo-
komo iho i keia mau meahou ouo
o ka Euanelio nani o Iesu, ka Hoola
o ke ao; i lohe ai na pepeiao, a i
ike ai na maka ame na kuli, i ka
hai euanelio kaahele o keia Paeaina,
oia no o Rev. Moses M. Kahiapo.
Kohala Church— Aug. 17, 1924. Ua
kipa mai ke Komite Kaahele Hai
Euanelio me makou ma keia Sabati
a iaia ka awai o ka Ekalesia o Ka-
Iahikiola. He nani na mea i haiia
mat ma keia Sabati. Anaina he 43.
Hui pu me ke Kahu Rev. Kamau.
Kahu o keia Ekalesia, ame ua ma-
nao paipai i luia mai no ke ola o na
Uhane.
Keolanui Chapel, Auwina la, hora 4:30, Malamala he anaina haipule
hoeueu e ke Komite. Ke anaina i hiki mai he 45. Ua hui pu mai na kumukula na alakai o na Ahahui C, E. Sr ame Jr., a pela pu me na makua ame ua keiki. He muu olelo paipai i paipai nui ia e nu makua, Mr. McDougall, Thos. K. Pa, Robert Na ipo, Mrs. Lily Kapoo ame na himeni mai na pokii mai. Ua bapetizoia he 3 bebe e ke Ko-mite Hoeueu, Rev. Moses M. Kahiapo, mahope iho o ka pau ana o na hana. Eia na hana o keia mau C. E. ke oni nei nomua. Kokoiki Chapel.— Hora 7:30 p. m. Malamaia he halawai haipule hoeueu ma keia ahiahi no ka pono o nu haipule. Maikai ua hana i lawelaweia me ka. hauoli o na hoapaahana apau. Hui pu me na alakai o keia C. E. anaina he 14. Mahukona Aug. 19, 1924,— Mala-maia he halawi haipule hoeueu ma ka home o na hoahanau haipule. Maikai na luina i lawelaweia no ke ola iloko o ka Euanelio, anaina he 11 . Honomakau Home, Aug. 20, 1924. —Malamaia he halawai haipule ma ka home oia Makua Hanohano Mahelona. Ke anaina o keia po he 42. Ua hui pu mai na hoahanau o kekahi muu hoomana e ae. Ua haiia ka euanelio, ma ka home. He 35 ka nui o na moopuna o keia home. I ka pau ana o na hana. Ua panaiia mai he mau meaai o ia no ka ice cream ame na meaono me ka hauoli o na mea apau, a pela pu me na himeni social mai keia mau ohana mai a hookuuia ae la na hana me ka hauoli. Waimea, Hawaii. Aug. 23, 1924. — He 5 la i malamaia ai na hana o ka aha o Hawaii nei, a puu i ka Poakolu, Aug. 28, 1924. Ua malamaia na halawai haipule Sunrise meeting e ke Komite Hoeueu, Moses M. Kahiapo, ame ke Kahu Henry K. Poepoe. Ua paa pono ka manawa o na hana hoeueu i malamaia. Ua hui pu. mai nu kumukula ame na hoapaahana a hoeueu pu i na Iiniia no ka holomua o ko Kristo aupuni. O ke kumuhana o $1300.00. Ua holopono loa keia kumuhana iloko o na C. E., o ka mokupuni o Hawaii Ua pau i ka maheleheleia. Nui na elele C. E., ame na peresidena i hiki mai i keia kau. Holopono ka hana a ke Komite Hoeueu o Hawaii oia o Jeremiah Ka-kaio; a pela pu me na peresidena nui o keia mokupuni. Nani na himeni hookuku o ka ahi-ahi Poaono, kekahi anaina piha keia, ua hiki aku ma kahi o 600 ka" nui o na kahaka i hiki mai. Na hana hoike Kula Sabati o ke Sabati ana ae, he $500.00 ka loaa lulu. Huina nui o na haumana he 791. Ka nui o na loaa o keia aha i hoikeia mai apau he $2000.00 Ke-kahi aha maikai loa keia; a ua makemake nui ia ke Komite Hoeueu Nui e hiki hou mai; ma ka aha e malamaia aku ana i keia makahiki ae ma, Laupahoehoe, Hawaii, i ke Kau o Aug. A. D. 1925. Ua malamaia ke anaina pule hoomanao o ka Makua Laina i make, oia makua iloko o ka pono o ke Akua aloha. Na ke Kahu o Haili i malama na olelo hooni Uhane, Rev. S L. Desha; me ka hauoli o na mea apau i keia hoomanao ana. Ke hoomaikai pu aku nei i ke Komite malama ola, ame ke Kahu Wm. Kalaiwaa, ame na hoahanau, no na hookipa aloha nui, me na mea e oluolu ai ke kino, aloha nui Nana no e hoomaikai mai; .Amene. Kawaihae Church, Aug. 29, 1924 , —Malamaia ka halawai haipule e ke Komite, a kukuluia he 2 Ahahui hou, o ia no o Kawaihae C. K. Sr , ame Jr., maika na hana i lawelaweia, a hoolaa pu ia na Buke Bai-hala o na Opio o Kawaihae, e ke Kahu. I ka pau ana o na hana, he paina i malamaia e ka mea Hanohano, Kukona, ia keiki kamaaina o ia | ma ka home o ka peresidena C. E., he puaa nui momona, oa ai a lawa i na mea maikai i hanaiia mai me na hoapaahana. Hoomaikai a nui iana makua o keia aina na ke Akua e kokua mui ia kakou apau. Ke anaina, he 37. Kalaoa, Kona; Hawaii, Aug. 31, 1924. — Ua malamaia nu hana hoolaa o keia luakini hou nani kukilakila, e ku nei. I ko Kahu Rev. J. Up-church ame ke Komite Hoeueu Nui o ka Paeaina o na C. E. Rev. Moses M. Kahiapo, Himeni wehe 173 H. A. N. 1-2-3. Pule pokole, Rev. J. Upchurch. Himeni— O that will be Glory. Mai na kumukula mai, Francis Akana Leader. Heluhelu Baibala. Kinohi, 28:16 22. Rev. Moses Kahiapo. Himeni Duet, Mrs. A. Kahiapo ame Mrs. Lily Kapoo. No Kristo na mea apau. Hoike a ke Komite Kukulu hale, Rev. J. Upchurch ame ka inoa o keia luakini hou, Mauna Ziona. Himeni hou, 47, H. A.N. 1-3. Lulu dala. Himeni hou. Open the Gates of Prayer, Francis Akana leader. Na olelo kike ke kahu me na hoahanau. Pule hoolaa, Rev. Moses M. Kahi-apo. Himeni hoolaa, 115 H. A. N. 1-2-1. Haiolelo, Rev. Moses M. Kahi-apo, Mat 16:18-19. ke Poolelo. Himeni hookuu, Mother's Prayer. Pule hookuu, Rev. J. Upchurch. O keia kekahi o na haiolelo waiwai loa mai ka makua Mr. Kahiapo mai, no ka mea, ua hoopaia na mea apau e ka Uhane. Malamaia ka ahaaina berena e ke Kahu, Rev. J. Upchurch, ko ka berena ia Mr. Kahiapo, ko. ke pa waina. He 8 hoahanau hou i hookomoia iloko o ka ekalesia ame 4 bebe i bapetizoia. I ka pau ana o na hana, ua malamaia he paina uo na mea apau ma ka halekula e pili kokoke mai ana no. Ua ai ua mea apau a hookuuia me ka hauoli no na hana o ka la. Anaina i hiki mai, he 86. Helani Church. Auwina la hora 2:30. Malamaia ka halawai hai-pule e ke Komite Hoeueu ma keia auwina la. Ke anaina i hiki mai, he 46. Maikai na hana, i lawelaweia. Ua hui pu me na hoa paahana ame na. makua ame na keiki iloko o ka hauoli o ko Iesu Aupuni. Kailua Church, Ahiahi hora 7:30 a. 9:00. Uu lawai haipule no na mea apau, na himeni mai na kumukula mai; maikai ke anaina haipule me na manao i paipaiia mai ke Komite mai. Eia no keia mau C. E. ke hoo-mau nei i na hana o ko Kristo au-puni. Anaina i hiki mai, 47. 0 ka hooaumoe ana ma kahi no ia o ke Kahu. A he paina ahiahi ma ka home o ke keiki a kakou. Francis Akana, mahalo a nui i na kamaaina, ame ke Kahu maikai, aloha pili aloha hui pu i na hana maikai o kona aupuni. Ua lilo o Mrs A. Kahiapo ame Lily Kapoo keia mau makuahine i mea kokua nui ma ka himeni kaahele. Napoopoo. Church, Sept. 1, 1924 Hora 4.00-7.00, Hui me keia mau makua Rev. Edward Kahele me Mrs Edward Kahele. Ua malamaia ka halawai haipule ma ka home o ke kahu. Ke anaina i hiki mai 32. Ua hui mai na haipule apau. Nu: ka hauoli o na hoapaahana me ka manao alakai i haiia mai e ke kau wa a ke Akua. Aole i pau ka momona aka nae ua pokole ka ma nawa; aka nae o na mea maikai apau, ka hookipa ana mai, ame hui ana, ua maikai na mea apau; me ke aloha. Kealia uka, Kona. Hora 8:00 p. m., a 9:30 p. m. Malamaia na hana me ka hauoli o na mea apau. Ua hui pu mai ke Kahu Rev. Jno. Keala. Ko anaina o keia po he 66. Nui na opio (k) ame na opio (w). Ma keia kihapai. Nui pu ka ohohia o na opio i ka haiolelo a ke komite hoeueu. He mau himeni mai na opio mai. Ua haiia ka olelo a ko Akua me ka hauoli o na mea apau. Kekahi kihapai maikai keia, me ka manaolana e lilo keia kihapai i kihapai holomua loa ma keia mua aku, a ua holomua pu na hana C. E. ma keia apana. O ka Makua Thos. Haae ke alakai nui o na hana ma keia apana. I ka pau aua o na liana; ua hoi aku la na kauwa a ke Akua ma ka home aloha o ka mea hanohano S. Lazaro. i kai o Hookena i kela po, a ma kona home i paina ai, a hoaumoe no kekahi la ae me ka hoomaikai nui i keia makua puuwai hamama o ke aloha me kana keiki, aloha. Na ke Akua e kokua mai ia olua. Poakahi Sept. 2, 1924. Huli hoi ke Komite Hoeueu no Waimea, hiki i Waimea hora 4:30 p. m. Malamaia he halawai haipule ma ka luakini o Imiola ma keia auwina la, ua hui mai na hoapaahana apau, ma ka luakini na luna nui o na C. E., na akoakoa mai. Ua paipai nui aku ke komite no ka pono o na C. E . ame ka hoala ana i na Uhane. Ke anaina i hiki mai, he 19. Kukuihaele Church, ahiahi hora 8:00, a pau 9:30. Malamaia na hana hoeueu ma keia kihapai. Ke anaina i hiki mai he 25. Halawai pu me ka kakou keiki, James Kamakaiwi ame kana aliiwahine. Nui ka hauoli i na hana i lawelaweia ma keia ahiahi. Ka paina ana ame ka hooaumoe ana ma ko laua home no ia. 'Maikai | ka hookipa aua, me aa hoapaahana,
a ke haawi pu aku; nei i na hoo-
maikai ana ia oukou apau.
Honokaa Club House, hora 11:30
Sept. 3, 1924. Paina awakea, hoo-
kipaia ia makua, lokomaikai Je-
remiah Zakaio, Komite Hoeueu o
Hawaii, makaikai liilii i ka nani o
Waipio, a pela pu ma na wahi pana
o ka aina. Huli hoi no Waimea a
hoaumoe ma ka Makua Kalaiwaa
ma keia ahiahi, a ma ke kakahiaka
Poaha nei, i haalele mai ai i ka nani
o Waimea, a hoa aku no ka nani
o Kohala.
Hiki ma ka home oia makua aloha,
Mr. ame Mrs. MacDougall i ka hora
10:00 a. m., o ka Poaha, He paina
i malamaia ma ko laua home ma
keia ahiahi, no ka moopuna e hoi
ana i ke kula. Ua hauoli i na mea
hou o ka aina o na mission kaahele
a pela pu me na mea i hoomakau-
kauia.
Owau ka. mea nana e kakau nei
keia inau manao hooni Uhane; o
kuu manaoio, he mea pono e nana
pono mai ka papa hooko o na C. E.,
i loaa ka hanohano nui i keia pae-
aina iloko o na C. E., apau o keia
paeaina, e lilo ke Komite Hoeueu
Nui o ka paeaina o kana hana walo
no ia, e kaahele ai apuni kelu pae-
aina aloha, a no ka mea, ua ikeia
ka waiwai nui ma kana hana kaa-
hele a ke komite hoeueu o na C. E.,
oia o Rev. Moses M. Kahiapo e nee
nei i keia mau la.
He kanaka i makaukau nui i ka
Hai Euanelio, i piha ka ipu me ka
mana o Kona Uhane, ma na ano
like ole apau. A, uu makemake nui
keia paeaina iaia, e hiki mai, i loihi
iki ka manawa, e hui ai, kuka like,
hana like, a hoala i na uhane i
nalowale, mai ka pouli mai o ka po.
Ua lilo keia hanohano nui i kau
iho maluna o ka Ahahui C. E. Nui
o ke T. H., a no ka mea, o keia
ka hua mua loa i ikeia iloko o ko
Hawaii Paeaina, ka lilo ana o ke-
kahi Hawaii i mea Hai Euanelio
iloko o keia paeaina aloha, nona ka
waiwaiio i hookumuia ke kohoia aku
i keia wa ma kahi o $25.000, iloko
o keia au e nee nei na C. E., ma
kona waihona i kukuluia i noho
poo ia e hoomaluia ana e Rev. Akai-
ko Akana peresidena nui o ka pae-
aina o na C. E., me kona papa kalia
waiwai i hoohuiia me ke aupuni
ame keia Komite Nui Hoeueu.
Ke haawi aku nei au i ka hoo-
maikai nui ia Mr. ame Mrs. Mcdou-
gall no ko laua haawi ana mai i ko
laua kaa otomobile i na kauwa a ke
Akua e kaahele ma na wahi apau; a
pola pu me na kamaaina i hookipa
mai i na kauwa. Na ko aloha o ke
Akua e hoopomaikai mai ia oukou
apau iloko o kona aloha nui.
ROBERT NAIPO,
Komite Kakau o na Meahou.
Kohala, Hawaii.
HAINA NANE. Mr. Solomon Hanohano, Lunahoo-
ponopono o ka Nupepa Kuokoa, Alo-
ha- kaua: — E oluolu mai i kauwahi
rumi kaawale o ka hiwahiwa a ka
lahui, no ka'u haina inoa o ka manu
nui momona hulu melemele a ke
keiki o Kahuku, e lele mau nei i ke
ao ame ka po o ka A. D. 1924.
Kia iho ka inoa o ua manu nui
melemele momona nei a Kahuku la
o "Ehako."
Aole o keia manu, "Ehako" B
kakou e ike mau nei i ka lele i kela
ame keia la, he ano keokeo hoi ia,
aka, o keia manu, he melemele o
in no ka auwaipa ame ka manako i
hoawaawaia iloko o ka pahu barela
i mea inu na ke kanaka, ke nana iho
kaua, he melemele kona ano.
Aole e loaa ka inoa o keia manu
"Ehako" i ka poe inu keonimana,
o ia hoi, hookahi wahi kiaha a elua
palia, aka, o ka inoa o keia manu
e loaa ana ia i kekahi o ka poe e
inu nui ana, hookahi galani a ba-
rela paha, a walaau ae la me ka leo
nui ke ahio iho, "Ehako". Ko
He inoa hoonalonalo keia inoa o
ka manu a Kahuku i ka poe inu
rama ole, aka, i ka poe i paulehia ia,
ano, ua hiki ke ike aku i ka manao
o ia olelo.
Ua mahelehele no ua boy nei o
Kahuku i ka manu ana. Penei:
He poo kona, kino, he mau eke-
keu, u-ha ame na wawae. He ano
kekahi i ke poo, he ono kekahi i na
ekekeu, kino, u-ha, a mau wawae
hoi. Eia hoi ka'u mahelehele ana
i mea e loaa ai ka makemake o ke
keiki hanai manu eepa a e pili pono
ai hoi ka la i Papaenaena.
Penei: Ke ana o ka wai ame ka
waina 4 gila 1 painai; 2 paina i
kuaka; 4 kuaka, 1 galani; 31 1/2 ga-
lani, 1 barela; 63 galani, 1 poo.
Ua hoakaka mua ae nei no au,
aolo e loaa ka inoa o ka manu
ana i ka poe inu keonimana, aka,
i ka poe o ka second class, o ia
hoi, hoonuu, pakela ai, ia lakou
e loaa ai.
Me ka lana o ka manao, ua puehu
liilii aku la na hulu o ka manu
hulu melemele, a ua keiki hanai ma-
nu eepa nei o Kahuku.
Me ke aloha a nui i ka Lunahoo-
ponopono o ke Kuokoa, kou mau
hoa paahana ame kuu mau hoa huli
o na mea pohihihi ame na hoa helu-
helu o ke Kuokoa.
Kou oiaio,
POHAKUOPELE, Aole i poutu ma la na hulu o | ka manu a olua, he o ia mau no ia
ko alo pali, o ke ku no a ka wa-
hine u'i, pali ka kua, mahina ke
alo. Hooni hou ia mai! — L. H. MA KE KAUOHA Kuahaua Koho Balota
Wae Moho. Owau, o J. Mahiai Kaneakua, Ka-
kauolelo o ke Kalana o Kauai, Te-
ritore o Hawaii, ke hooia aku nei
ma keia, na loaa pono ia'u ma
ka la 2 o Sepatemaba, M. H. 1924,
mai ka Mea Hanohano Raymond C.
Brown, Kakauolelo o Hawaii, he
kuahana akea no ke Koho Balota
Wae Moho, a i kulike ai me ke
kanawai, ke hoolaha aku nei au i ka
hapa o ua Kuahaua nei i pili mai i
ke Kalana o Kauai, Teritore o Ha-
waii, elike hoi mo keia malalo uei: KUAHAUA KOHO BALOTA
WAE MOHO. I kulike ai me ke kanawai, owau,
o Wallace K. Farrington, Kiaaina
o ke Teritore o Hawaii, ma keia
ko kukala aku nei, he koho balota
wae molio no ka wae ana i Elele
i ka Hale o na Lunamakaaina na o
ka Ahaolelo o na Mokuaina i Huiia
o Amerika, a no na Senatoa ame na
Lunamakaainana no ka Ahaolelo o
ke Teritore o Hawaii elike me ia
i hoakakaia mahope ae nei, ke ma-
lamaia ana ma ka Poaono, la 4
o Okatoba, M. H. 1924, apuni ke
Teritore, mawaena o na hora 8 ka-
kahiaka ame elima ahiahi. KA APANA SENATOA. O ka Apana Senatoa ame ka he-
luna o na moho Senatoa o waeia
ai e kela ame keia aoao kalaiaina
penei no ia:
Apana EHA-Na Mokupuni o
K u uai ame Niihau— Hookahi. KA APANA LUNAMAKAAINANA O ka Apana Lunamakaainana ame
ka heluna o na moho Lunamakaaina-
na e waeia ai e kela ame keia aoao
kalaiaina, penei no ia:
Iloko o ka Apana Eono — eha.
Na Apana Lunamakaainana, na
Mahele Koho ame na Wahi Koho,
penei no ia: APANA LUNAMAKAAINANA
EONO,— APANA SENATOA EHA.
Na Mokupuni o Kauai ame Niihau,
o laua i huiia ke Kalana o Kauai.
MAHELE EKAHI.— Ka Mokupu-
ni o Niihau. Wahi koho, ka hale-
kula o Niihau.
MAHELE ELUA.— O ka hapa o
ka Apana o Waimea, ma ka Mo-
kupuni o Kauai, ma ko komohana
aku o ka palena mawaena o na
mahiko o Kekaha ame Waimea ame
kekahi laina i hooloihiia aku e holo
ana ma ke ka'e komohana o ko
Awawa o Waimea ahiki i ka palena
hema o Na Pali. Wahi koho, ma
ka halekula o Kekaha.
MAHELE EKOLU.— O ka hapa o
ka Apana o Waimea, ma ka moku-
puni o Kauai, mawaena o ka Ma-
hele elua ame lalo o ke Awawa e
Mahinauli. Wahi koho, ma ka hale
hookolokolo o Waimea.
MAHELE EHA.— O ke koena aku
o ka Apana o Waimea. Wahi koho,
ma ka halekula o Makaweli.
MAHELE ELIMA.— O ka hapa o
ka Apana o Koloa ma ke komohana
aku o ka palena komohana o ka
aina o Koloa. Wahi koho, ma ka
Holo o Eleele, ma Eleele.
MAHELE EONO.— O ke koena
aku o ka Apana o Koloa. Wahi
koho, ma ka hate hookolokolo o
Koloa.
MAHELE EHIKU.— Ka Apana o
Lihue. Wahi koho, Ma ke keena
o ka Aha Hookolokolo Apana o
Lihue.
MAHELE EWALU.— O ka hapa o
ka Apana o Kawaihau e koino ana
mawaena o ka pae akau o ka Mu-
liwai Wailua ame kona nuku akau,
ame kekahi laina i hooloihiia mai ka
mea hope aku i hoea aku i ka palena
o Kawaihau Hanalei, alaila holo aku
ma ia palena i oleloia, ahiki i ka
hui ana me ka palena akau o Ka-
malomalo alaila ma ia palena i ole-
loia o Kamalomalo a hoea i Lae
Lipoa. Wahi koho, Hale hookolo-
kolo o Kapaa.
MAHELE EIWA— O ke koena aku
koe o ka Apana o Kawaihau. Wahi
koho, Halekula o Anahola.
MAHELE UMI— O ka hapa o ka
Apana o Hanalei ma ka hikina aku
o ke Kahakai o Kalihiwai. Wahi
koho, Halekula o Kilauea.
MAHELE UMI-KUMAMAKAHI.
— O ke koena aku i koe o ka Apana
Hanalei. Wahi koho, ula ka hale
hookolokolo o Waloli.
I HOIKE NO KEIA, ke kau nei
an i ko'u lima mo ka hoo-
pili pu ana mai i ke Sila
Nui o ke Teritore o Hawaii.
HANAIA . ma ke Kapitala, ma
Honolulu, ma keia la iwa-
kalua-kamamalima o Auga-
te i ka Makahiki e ko ka-
(Sila) kou Haku, hookahi tausani
eiwa haneri me iwakalua
kumamaha.
W. B. FARRINGTON,
Kiaaina o Hawaii.
Na ke Kiaaina:
RAYMOND C. BROWN,
Kakauolelo o ke Teritore o
Hawaii. I HOIKE NO KEIA , Ua kau au
i ko'u lima malalo iho nei
o keia a ua kauoha iho e
(Sila) hoopili po ia mai ke sila o
ke Kalana o Kauai, Teri-
tore o Hawaii. HANAIA MA KE Kahua Poo o
ke Kalana ma Lihue i keia
la 2 o Sepatemaba, M. H.
1924.
J. MAHIAI KANEAKUA,
Kakauolelo, Kalana o Kauai
6635— Sept. 11, 18, 25. KONOIA KA LEHULEHU Dr. Emma & C. R. Moon,
D. D., PK. D. Halawai akea na Sabati apau ame
Poakolu 7:30 Ano hou loa o ka
Hoola ana ma ka Mana Akua ame
ka Hoike Uhane. Lawe mai i ka
ma'i.
Pili i na ano apau o ke ola ana.
Paneia na ninau apau ma ka ieka
$2. Haawiia na haawina. Na hora
10 a 5, 6 a 1:30
2506 Kuhio Ave. Kelepona 79774.
6608—6 nina. | |
