Ka Nupepa Kuokoa, Volume LXIII, Number 38, 18 September 1924 — HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino. [ARTICLE]

HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino.

"Heaha ua hana la?" i ninau aku ai o Kaloke. "Eia ua hana nei, ua hooili aku kela kane mare i ka hana na kana wahine e hooko, o ia ka haawi ana i ka laaumake i ka ipo ana i aloha ai, a ma ia ano, ua komo pu aku ka Momi o Eaeelona, ma ke kokua ana i kana kane, i wahi e loaa mai ai kekahi waiwai ia laua." Ma kela wahi o ka hoakaka ana aku o Toda Matado i kana moolelo, ua loheia aku la ke pa-hu ana mai o kekahi mea, eia ka he pahu meakanu, no ka mea ua hooku'i aku la ka wawae o Mine i u?t pahu nei, iaia i haalele iho ai i kona noho, no ka hele a kau ka weli, i ka moolelo a Matado e noke mai ana i ke kamailio, oiai nona ponoi iho no kela moolelo ame Matado, aole no kekahi mea e aku. MOKUNA X. "Auwe no ka hoi e!" i hooho ae ai o Min€ me ka noke pu ana ae i ka akaaka, me ka huli ana aku o ka poe apau maloko o kela rumi, no kahi o ka pahu meakanu e waiho mai ana iluna 0 ka papahele. "He keu aku ka hoi ka minamina i keia pa-hu pua, eia la ua naha, nou e Mr. Kuaina ka hewa, i kou kamailio mai i kau moolelo hoopihoihoi noonoo. O i hoolohe aku nei au i kau moolelo me ka maikai, ahiki i ko'u piha ana me na manao pihoihoi, i kau a mea o ka piha me ka weliweli, pehea la oe i hoike mai ai i kekahi moolelo o keia ano, imua o makou, ua ike no oe, aole e hiki i na wahine, ke hoomanawanui iho i ko lakou mau manao pihoihoi, i na mea o keia ano." "Aole paha no'u ka hewa, aka no ka mea nana i haku i ka moolelo, a mai hookau mai oe i na ahewa ana maluna o'u e Miss Rudena," wahi a Matado, me ka minoaka ana iho, me ka hoopinana pu ana ae 1 kona mau poohiwi iluna. "Ina he mau ahewa ana kekahi e hookau aku oe ia mea ma!una o ke kanaka nana i hana i ka moolelo, aole maluna o'u. E hoakaka wale ae ana no au imua o Kaloke nei, i ka noeau o ka hooplu pono ana aku a ke kanaka Palani, i kela moolelo ma kana hanakeaka, ma ka hookomo ana iho i na hana ku 1 ka weliweli, no ka hoohauoli ana i ka manao o ka poe makaikai, ma kela moolelo o ka Wahine e Kakali Ana." "O ke kanaka nana i hookomo i na hana hooweliweli ma ka pau ana o kela moolelo, oia kekahi o na kanāka ino lapuwale loa, me he mea la, ua maa oia i na hanā a ke diabolo i liiki ai iaia ke lawe mai i na hana ku i ka ek*6ka, e hoihoi ole ia ai e kekahi wahine ke hoolohe aku," wahi a Mine, me ka hooialau wale ana iho no, ma ka ohi ana i na apaapana o ka ipu pua i nahaha. "O kekahi keaka o keia ano, nā ke kanaka wale no i hele kona noonoo a piha me na hana lapuwale. Aole loa e aponoia ke keaka o kela ano, e āla mai anā na manao ku-e o ka lehulehu ke ike i kekahi o na hiona ku i ka weliweli, i oi aku manma o ka mea hiki i kekahi kino kanaka ke hoomanawanui." "O ka mea kupaianaha aku paha ia, ma kahi o ke ala ana mai o na manao ku-e o ka lehulēhu, ua apono loa ia kela keaka; a ma na mea i hoikeia mai ia'u, ua ku'i aku ke kaulana o kela kanaka Palani, ma na wahi apau o ka honua nei, no ka noeau 0 kona imi ana i kekahi hopena maikai loa no ka moolelo, a ua apono pu ia hoi ka hoopa'i i hookauia aku maluna o ka Momi o Eaeelona." "Pehea nae kou manao e Mr. Kuainā, o oe pu anei kekahi 1 aponō i ka hopena o kela moolelo?" wahi a Mine me ka leo malie."Heaha auanei ka waiwai o ko'u manao ke hoakaka ae, aole ia he mea e loli ae ai o ka hopena o kela keaka i aponoia e ka lehulehu?" wahi a Matado me ka noke pu ana ae i ka akaaka. "O ka mea i hanaia, ua hookoia aku ia mea ka holopono loa e Miss Rudena. Ua hoomauia ka hoikeikeia ana o kela keaka, a ua konoia aku kela wahine lapuwale a Matado e hana i na mea apanu i kauohaia *aku ai oia, me ka nui o ka pa'ipa'i o ka lehulehu ma kela wahi hope loa o ke keaka." "Heaha auanei ka mea a kela wahine, i hana ai, e kau aku ai kekahi hoopa'i ino loa maluna ona?" wahi hou a Minē, me ka leo e hoike okoa mai ana i ka piha me ka ehaeha, ma ka haka pono loa ana mai o kana nana ana maluna o Matado. "Ke ae aku nei au, ua hana hewa. i'o aku kela wahine i kana kane, aka nae ua oi kela loa aku ke ko'iko'i o ka hoopa'i i kauia aku maluna ona, mamua o ka hewa i hanaia eia. O e Mr. Kuina, pehea no la hoi kela kanaka hanakeaka i lawe ole | mai ai i kekahi hopena e aku no kana moolelo. Nokeaha la ke kumu i hana ole ai kela kanaka i kana moolelo, e mihi aku ai ka wahine no kana hewa i hana ai, kela hewa o ka wahine ake hanohano a waiwai, ka mea nana i kono aku iaia, e lawelawe i kekahi hana ku i ka hilahila; ka mea nana i hoopoho i kona mau manaolana ame kana mau moeuhane?" "Xo keaha no hoi ke kumu i hoopau ole ai kela kane i kona manao inaina no kana wahine, a hookomo iho ma ia makalua i aloha hou, e hana ana no ka pono ame ke ola o kela wahine. Pehea no hoi kela kane i ae ole aku ai i kana wahine e huikala aku i kona hewa, ma ke koi hou ana aku iaia, e noho laua ma ke ano maikai, me ka hoopuniia e ko laua mau aloha pakahi, no ke koena aku i koe o ko laua mau la o ke ola ana?" "Ke ike la o Matado aole no kekahi mea okoa aku ka Mine e noke mai la i ke kamailio, aka nona ponoi iho no, oiai o laua wale no iwaena o ka poe apau maloko o kela.keena, ka i maopopo i ka moolelo e pili ana. i ka Momi o Bacelona, a ke uwalo mai la o Mine e loaa aku ke alohaia nona, me ka waiho ana mai i kekahi maunu hoowalewale imua ona. Aole o Matado i pane koke mai no keia mau ninau a Mine-ke ike la nae oia i ka nui o ka ehaeha o ua wahine nei, a ke olioli loa la oia no ia mea, a elike me kekahi popoki e paani ana me ka iole, a mahope ai aku iaia, pela iho la o Matado i makemakeai e hooloihi aku i ka hoehaeha ana ia Mine, nolaila noho hamr.u loa oia, e paheleia aku ai ko Mine noonoo, ua lilo kona noho malie me ka pāne ole aku, i kumu nona e kuhihewa mai a*. ua punihei aku keia, i kana maunu, e lou ai ka lehelehe i ka makau. "He oi ae kela o ka hopena oi loa aku o ka maikai," i hoomau hou mai ai no'o Mine i kaiia kamailio ana, aia hoi na manaolana iloko ona, me ka lamalama ana ae o kona xnau

maka. "Ea*, heaha no hoi ke kumu i hana ole ia ai tlik« me ka'u i hoakaka ae nei, i wahi e hoea mai ai kela keaka i kekahi o na hopena maikai loa?" "He ninau pohihihi loa kau i waiho mal Ia na'u e pane aku," wahi a Matado me kela minoaka mau no ma kona maii papalina. "He hopena _maikai i'o no kau i hoakaka mai nei no kela keaka, eia nae heaha ka waiwai o ke kamailio ana no ia mea i keia manawa, ua hanini aku la ka waiu, he meā makehewa wale no ka uwe ana aku mahope nei. Oka mea i hanaia, ua pau ia e Miss Rudena. O ke kanaka nana i hoolala i ka hopena o kela keaka, ua holopono loa kana mau hana apau, a oiai aole au i ike i kekahi mea hou ae e hiki ai ke hoololiia kela hopena, o ka hana pono wale no ma ko kakou aoao, o ka hoopoina i keia moolelo, a nana aku ana i moolelo hou." Ke ike mai la o Mine i ke poho o kona mau manaolana, no ka loaa o ka huikalaia aku o kana mea i hana mai ai maluna 0 Matado, aka ua paa loa ka manao o kela kanaka, e auamo oia 1 na hopena awahia o ka hewa ana i hana ai, a na kela ike oloko ona, i hoolilo aku iaia i wahine ehaeha loa, me ka pahola ana ae o ka haikea ma kona mau papalina, o ia no oe o kekahi mea i loohia i kekahi ma'i ikaika loa. "Ea he keu aku a ka mea kupaianaha maoli!" i hooho ae ai o Kaloke me ka hoopinana ana ae i kona mau poohiwi iluna "He moolelo wale no keia a Mr. Kuaina i hoike ma! nei imua 0 kakou, ma ka'u nana aku nae ia oe e Mine, ua kui'o maoli kou ano, me he mea la, aia iloko ou, kekahi noonoo nui no ka Momi o Bacelona." Nanakee mai la o Mine ia Kaloke, aia hoi ka lili ame ka huwa iloko ona kahi i nohoalii ai, a elike me ke ano o na wahine, i makemake ole e haawipio wale aku malalo o kekahi mea, pane mai la oia i ka 1 ana mai: "Ke manao nei au, aole i kupono kau mau olslo e Kaloke Rudena i kamailio mai nei no'u. Ua hoike mua aku nei au 1 ko'u manaoio ole, he moolelo oiaio ka moolelo o ka wahine i kapaia ka Momi o Bacelona, no Jcela manaoio ole, pela au i ku-e aku ai i ka hapa hope o kela moolelo." "He mea oiaio no kena au e krfhiailio mai la e Mine," i pane aku ai o Kaloke. "Ina he wahine maoli kela ka Momi 0 Bacelona, aole ana e nele kou ike iaia, a kamailio pu no paha me ia, no ka mea ma ka'u e hoomanao nei, uā noho mua oe ma Bacelona, a mailaila oe i holo mai ai no Amenka nei." "He mea oiaio no kena au e kamialio mai la e Kaloke, aka nae aole o ko'u noho ana ma Bacelona, he kumu iho la ia no'u e kamaaina ai i kela wahine, no ka mea he nui wale na kanaka 1 noho pu i kahi hookahi, me ke kamaaina ole aku o kekahi i kekahi," alaila noke okoa ae la ua o Mine i ka akaaka, oiai nae ka inaina wela ame ka lili e nohoalii la iloko o kona uhane. "O ka moolelo no ka Momi o Bacelona, he moolelo kahiko loa ia mai ko'u mau kupuna mai, a no na kenekulia elua ka nee mau ana mai o kela moolelo mai kekahi hanauna a i kekahi, nolaila aole loa au i lihi launa aku ma kahi o ka ike ame ka maopopo ana no kela wahine." "Malia paha o kena ka mea pololei, aka nae ina he oiaio wale no kau mau mea apau i kamailio mua mai nei ia'u, he keu aku o Hateo Paeli a ke kanaka kupaianaha maoli." "Owai keia Mateo Padi au e olelo mai nei?" wahi a Mine me ka nui ana iho o kona hanu. "Owai kela kanaka?" He keu aku maoli o ka mea kupaianaha i kou ninau mai ia'u no kela kanaka, oiai he Paniolo oe, a ma Bacelona kou wahi i noho ai, na'u e ninau aku ia oe, na ka mea aole i noh.o mua ma Bacelona. "He mau mahina ae nei i hala, ike iho la au maloko o kekahi nupepa e hoakaka ana no ka hopupio ia ana o kekahi poe makaikai honua, e na kanaka powa Paniolo, me ko lakou paaia ana, no ka ukuia aku i na dala nunui, i wahi no lakou e hookuu hou ia mai ai. Ua hiki i kekahi o kela poe malihini, ke uku aku i na dala nui hewahewa i koiia mai e na kanaka powa, aka o ka poe i nele i ke dala ame na hoaloha, ua pau loa lakou i ka pepehiia a make. ! "No ka poe nae ī hookuuia mai, he mau moolelo ku i ka we- | liweli ka lakou i hoike ae imua o ko lakou mau ohana, no ke ke ano o na hana ku i ka hoomainoino i hookauia aku maluna 0 ka poe i pepehiia; ma ka hope loa o kela moolelo, e hoike ana ia, no ke kau ana o ke aupuni i kekahi uku makana kiekie, no ka ukuia aku i ka poe e hopu ana a paa o Mateo Padi, ke poo o kela puulu o ka poe powa. 1 "Mamuli o kela moolelo a'u oka heluhelu ana, ke olelo ae nei au, he keu aku o M%teo Padi o ke kanaka aiwaiwa, no ka mea ke ola mai nei no oia ahiki i keia la, a ke ku nei no ka puulu o ka poe powa, a ua komo ma keia moolelo ka Momi o Bacelona, oiai nae, he okoa loa kau mea o ke kamailio ana mai nei ia'u, moolelo kela no na kenekulia elua ae nei i hala." Aole e hiki ia Mine ke pane mai, no kona ike, i ka loaa pono 0 kona ano hoopunipuni, auhee aku la kona mau noonoo maikai apau mai iaia aku, a nohoalii iho la ka inaina ame liuhu, hookahi wale no mea nui ana e noonoo la, o ia ka lele ana mai maluna o kela kaikamahine, a haehae ae iaia, me he apana pepa la, eia nae mamua o kona hooko ana aku ia hana, ua kaa e mai la ma ka aoao o Matado ke kamailio ana: "Auhea oe e kuu Miss .Kaloke, mamuli o kau mea i kamai--110 mua mai nei, ua hiki ole ia'u ke kaohi iho i ka'u mau mea 1 manao ai he pololei, o ia ka naaupo o ka poe apau e manaoio ana, i na moolelo i hoopukaia ae maloko o na nupepa, no ka mea he mau moolelo oiaio kekahi, a he-mau moolelo oiaio ole kekahi. Ma ka'u mea e homanao nei, ua paa o Padi, ke alakai o ka poe powa, i ka hopuia iloko o ko'u mau la kamalii, a ua make oia, maluna o ka amana likanaka. "Ke hoomanao nei au, i ko'u heluhelu ana i kekahi moolelo, oiai he umi wale no o'u makahiki iloko o kela manawa, no ka 111 ana aku o ka noho poo ana o kela puulu o ka poe powa, mai kekahi hanauna aku a i kekahi, o ia hoi, i ka make ana 0 ka makuakane, e holo aku no kona kulana i kana keiki, pela iho la ka holo mau ana o kela kulana ahiki i ka mamo hope loa, mai ka ohana pololei mai. "Ke manaoio nei au, o ka mea naha i kakau a i hoopuka 1 ka moolelo au o ka heluhelu ana, ua huikau kona noonoo, a ua kuhihewa loa oia, o ka Mateo Padi e ola mai nei, o ke kanaka hookahi no ia e noho ana no ka poe powa, he ekolu makahiki ae nei i hala." Luliuli ae la ke poo o Kaloke, me ka maopopo ole iaia, o kona noho hamau ana no kekahi manawa pokole, akahi no oia a pane aku: "Aohe a'u mea e ae e kamailio aku ai i kēia manawa, oiai aole i loaa ia'u na mea oiaio loa," wahi a Kaloke me ka huli ana ae nae imua o Mr. Kakona, a o Pilipo oiaio hoi, a i aku la: "Pehea la kou manao maoli no keia mea?" "Ea, no'u ihō, ua like no ko'u pohihihi me kou," wahi ana me ka noke pu ana ae i ka akaaka, "malia paha ua pololei o Mr. Kuaina i hoak'aka mai nei. Ua ieaahele nui oia maloko o Sepania, a ua nui maoli no kana mau mea i ike ai, a i k)he ai paha; ma ko'u manao nae liwi kp. kakgli

keia mooltlo a oiai ke kokoke loa aku nei kakou i na hora o ke aumoe, e noi aku ana au i kou oluolu e hookani hoii mai oe i ka piano no hookahi manawa i koe, alaila hoi aku kakou e hooluolu no keia koena po." "Ina oe e ae mai ana, o oe ka mea nana ē paa i ka buke mele, alaila e hooko aku no au i kau noi, oiai he hana nui no ka lolelole mau ana i na aoao o ka buke mele, ā 0 kekahi no hoi, e maokioki ana ke &no o ka hookani ana i ka piano, ke hala kekahi manawa ma ke pale ana i ka aoao i makemakeia e hookani aku," a mamua nae o ka pau ana o kana kamailio ana aku, ku e āe la o Pilipo iluna, me ka piha hauoli no kela kaa ana oia ka mea nana e paa i ka buke leo mele. Hikalia no a kau ka buke mele mamua o ka piano, o ka lioomaka aku ]a no ia o Kaloke e hookani, aole nae i loihl aku kana hookani ana, komo ana no o Mrs. Kodimera, a hoike mai la no kona makemake ia Kenerala Rudena, no ke kukakuka ana no ka rumi āna e hoomakaukau ai no Matado, ke komohewa. Ia hala ana aku hoi o Ken£rala Rudena, a koe. iho la o Matado me Mine, oiai hoi o Pilipo ame Kaloke ma kahi o ka piano, haalele aku la o Ma£ado i kona wahi e noho ana, a hele aku la a noho iho Ia ma ka aoao o Mine, a o ia ka Mine 0 ka pane ana mai me ka leo hawanawana: "He keu aku a ka mea weliweli, ma ka hooko ana aku, i ka hana au i manao ai na'u e Matado!" "E hamau, mai kamailio nui ae oe!" i pane aku ai no hoi o Matado, me ke kaomi ana iho i kekahi lima o Mine. "Eia kou mau rumi mahea o keia hale kahi i waiho ai? Ke makemake nei au e hoea aku noloko o kou mau rumi, no ko kaua kamailio ana maluna o kekahi mau mea ano nui a'u i hoolala ai no ko kaua pono." "Aia ko'u mau rumi ma ka aoao hikina loa, e ku pono la mamua mai o kou rumi, nolaila aole au hoaa ana no ko'u wahi e loaa ai ia oe. Auhea nae oe e Toda, ke makemake nei au, e hoopau loa oe i kou manao e hookikina mai ia'u e lawelawe 1 kekahi hana a'u e weliweli loa nei!" "E hoohamama iki oe i ka puka o kou rumi, i oili mai ai ka malamalama iwaho, e lalau ole ai ko'u hele ana aku e ike ia oe; a mai hoi koke oe e hiamoe, ahiki i ko'u hoea ana aku," wahi a Matado, me he mea la, aole oia i lohe aku i na olelo a Mine. "E kakali oe ia'u me ka hoomanawanui ina no ia e hele aku ana i kahi o ka pili o ke ao. E hoopau ko kaua kamailio ana, eia aku o Kenerala Rudena ke hoi mai la, o ka'u wale no ia oe, mai kamailio hou oe rkekahi mea e pili ana no keia kumuhanā ahiki i ko kaua hui hou ana." Oiai nae ua holopono loa na hoolala anā mawaena o Matado ame Mine, mamuli o ke kani o ka piano a lohe ole ia māi ka laua mau olelo, aole no nae i lilo ko Kaloke hookani ana i ka piano, i kumu, e hiki ole ai iaia amē Pilipo oiai ke papa olelo pu, no ka mea oiai na lima o Kaloke ē kaomi palanehe ana i nā papa ki o ka piano, kulou mai la o Pilipo imua, me kā ninau ana mai: "Pehea, aia anei iloko ou ka makemake no keia malihini hanohano o ke kipa ana mai nei?" wahi ana iaia i kulou mai ai imua, no ke pale ana ae i ka pepa o ka buke mele. "Aole o'u makemake iaia e Mr. Kakona, a mai ninau mai oē ia'u i ke kumu o ko'u makemake ole ana iaia, oiai he wahine wale iho no au, o ka pane a na wahine i kekahi manāWā, he lalau, malia o pahenehene mai oe ia'u. Aia kekahi mau ano lehuleliu maluna o kelā kanaka a'u i hoihoi ole ai. He kanaka u'i a kilakila oia, aole nae kela o ka u'i huapala ā'u i makemake ai. He eleele loā kona lauoho, pela me kona mau maka ame na umiumi, a he keu aku hoi a ke kēokeo o na niho. "E kapa mai ana paha oe ia'u i ka pupule, ke hoike aku au j i ka'u mea i manao ai no na kanaka niho aiai, he makemāke I wale no ko lakou e hookeke i na niho no ka mahaloia aku. Pehea ua ike no anei oe i na ilio nunui Nufaunalana i ka hookeke i ko lakou mau niho, ke ike mai i ke kanaka?" "Aole o'u manawa e nana ai i na ilio o kela ano." "Ina aole oe i ike ea, alaila aole aku la no hoi e nele kou ike i na ilio liilii, ika hookeke mau iko lakou mau niho. No na ilio Nufaunalana, aia iloko o lakou ke koa ame ka maka'u ole, ina e hele pu ana oe me kekahi ilio o kela ano, e hoauheeia aku ana ka maka'u ame ka hopohopo mai ia oe aku, no ka mea, i kou wa e haule ai iloko o ka wai, ua makaukau loa kela ilio e lele aku a hoopakele ae ia oe mai ka make mai, aka no na ilio liilii hookeke niho wale iho no, aole e hiki ia lakou ke hoopakele, aole mamuli mai o ka nele i ka ikaika, aka aole iloko o kela ano ilio, ka manao koa. "O ka mea nui loa i na ilio liilii, o ia ke aoaoa wale iho no, a nau no oe e kupaka mailoko ae o ka wai ahiki i kou kau ana i kula, a ke huhu aku oe i kekahi manawa, e ike auanei oe i ka hoomauhala o kela ilio, a iloko o kou nanea i ka hele, o kona wa ia e lele mai ai a nahu i kou mau wawae me ka ike ole ia. "Ma ko'u manao maoli ea, ua hoohalike au ia Pilipo Kuaina me kekahi ilio liilii, ka ikaika wale iho no ma ka hookeke niho, ake makemake loa nei au e makaalā oe nona. E akahele loa oe e Mr. Kakona, aole loa kela kanaka e hooko i kekahi hana, me kona noonoo mua ole no kekahi mea e pomaikai ai oia. Ina ua hoolilo mai oia iaia iho i hoaloha nou, alaila mai hoonaaupo ia oe iho, ma ka lilo ana i meapaahana malalo o ka rn ana o kela kanaka. "Malia paha he hana kilakila na kela kanaka ka hookau ana mai i kekahi kulana maluna ou, au paha e manao aku ai, no kou pono wale no kana e hana mai nei, i lohe nae oe i ko'u manao ea, aia kekahi mea ano nui loa iloko o kona poo e hana la, no ka hoea mai o kekahi la ma keia hope aku, e mihi ai oe me ka walania o ka naau, no kou kuhihewa i kona mau āno." "Ina o ke ano i'o ia o kela kanaka elilc«f me ia au e hoakaka mai nei, alaila e poho ana kona mau manāolana apau, a ma kahi o kona ohi i kekahi mau pomaikai, e hookomoia aku ana oia iloko oka pilikia ame ka poino. E nana mai oe ika like ole nui mawaena o maua. He kanaka au i nele me ke dala, a ina aole oia i lawe aku ia'u he hoaloha au nona, aole loa he maopopo iki o kahi e hoomoeia ai ko'u poo i ka po; aka nona, oia kekahi o na kanaka nui o ka waiwai." "Hele pela kona waiwai ame ke kulāna I" wahi a Mine me ka leo kuoo. "Aia he nui wāle o na mea oi ae oko lakou maikai, oka waiwai ame ke kulana ma ke ao nei. I kinohi, aole au i hoomaopopo i keia mea, aka i keia manawa, ua hoopaia ko'u mau manao pohihihl He mea maikai i'o ke loaa nui ke dala, ke kulana, ka hanohano ame na hoalohā, aka nae ina ua loaa mai ia mau mea apau me ka pololei o le, aole loa ia he mea e pomaikai ai, a e hauoli ai ka noho anal E huikala mai nae oe e Mr. Kakona no keia mau olelo ikaika loa a'u e kamailio aku nei. M Pahola ae la ka minoaka ma na papalina o Pilipo Kuaina, no kela mau hoakaka a Kaloke, me ka ninau ana aku: "Alaila aole anei ou noōnoo, ua lilo ka waiwai o Pilipo I mea ano wmlmT S iAmlm.Laānl ,