Ka Nupepa Kuokoa, Volume LXIII, Number 37, 11 September 1924 — HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino. [ARTICLE]

HE MOOLELO No Ke Kaikamahine O Ka Pouli A i Ole Ka Iliohae Iloko o ka Aahu Huluhipa ame na Alahele o ka Poe Ino.

"He kohu ole maoli ko kakou kamailio ana no kela moolelo, oiai no nae o keia kekahi o na mea ano ole loa ma ka honua nei," i hooho ae ai o Mine. "O keia kekahi o na moolelo kaao, he moolelo i hakuia e kekahi o na kanaka kakau kaulana o Sepania." MOKUNA IX. "No ka hoopau ana i ko kakou pohihihi no keia moolelo, e olelo ae kakou he kaao wale no ia," i komo mai ai o Kaloke ma, ka hoike ana i kona manao. "He nani nae ia, ua lohe ae la kakou i kekahi hapa o kela moolelo, ke makemake nei au e lohe. aku ike koena. He keu aku maoli kou noeau ma ke kamailio j moolelo ana e Mr. Kuaina, a ua hele au a hialaai loa e ake ana e hoomau hou mai oe i ke kamailio ana aku i ke koena i koe o kau moolelo. "Owai hoi ia mea hialaai ole ke noonoo iho, no kekahi wa-j hine, i ke kaahele mau, ma na wahi like ole o ka honua nei, no ka maka'u i kana kane, ahiki i ko laua hui ana ma kekahi wahi, 0 ka pau ae la no ia o ka huhu o kana kane a hoopakeleia ke ola o kela wahine. Nolaila e oluolu oe e Mr. Kuaina e hoomau aku i ke kamailio ana mai i kau moolelo? Heaha ka hana a kela wahine i hoalaia mai ai ka manao inaina iloko o kana kane?" i "Ke ole au e kuhihewa, o ia no ka huli ana o kela wahine iloko o na pakeke o ka lolewawae o kana kane, i ka manawa e hiamoe ana, a lawe i kana mau dala," i kamailio mai ai o Pilipo i me ka akaaka pu. "Aole o'u makemake i na olelo hoomaauea! Ke kokoke loa aku nei kakou i ka wa e hoi ai e hiamoe, a aole au e hoi ana e hiamoe, ahiki i ka lohe ana i ka moolelo piha o ka Momi o Bacelona, a i ole Wahine e Kakali Ana." "Lawe mai i supa na'u!" i kahamaha mai ai o Kenerala Rudena, iaia i ike aku ai ika wahine malama hale. "E wiki, ua hele au a pololi loa!" "E noho malie olua e Mr. Kakona ame papa. Aole he ai «upa o ka Wahine e Kakali Ana, hookahi wale no ana mea nana, o kona okiia mai, a o kana kane ka mea nana e oki. E nolio hamau na mea apau, a e lioomau mai oe e Mr. Kuaina i ke kamailio ana i kau moolelo." "Elike me ke kanaka i liia iluna o ka amaua likanaka," i pane hou mai ai ke kenerala ma ke ano hoomaewa. Ua lawa keia mau kamailio ana a'u e Kuini, nolaila e noho hamau loa na mea apau, a e hoomau aku oe e Mr. Kuaina i ke kamailio ana 1 kau moolelo, e kamailio aku ma ka hoikeike ana i na hiona ku i ka weliweli apau, a o ka makou ka hoolohe aku." "Heaha auanei ka'u mea hou iho e hana ai, o ka hooko wale aku no i keia leo kono, aole anei pela e Miss Rudena?" i alawa hou aku ai ka Matado nana ana ia Mine, me ka minoaka ma kona mau papalina. "He mau makahiki lehulehu ae nei i hala, e noho ana kekahi wahine u'i. he wahine opiopio keia me ka punihei i na mea nani oka honua,nei. Ua kapaia aku oia ka Momi o Bacelonia, mamuli o ka u'i ame ka nohea o kona helehelena u'i. Nui na kanaka opio u'i, me ko lakou mau kulana hanohano, i noi aku iaia e lilo mai i wahine na kekahi o lakou, a ua kui'o maoli no ka manao o kekahi poe, eia nae, aole hookahi o kela poe kanaka ana i maliu aku ai i ka lakou mau uwalo ana mai imua ona." "Heaha iho la hoi ke kumu?" i kahamaha jnai ai o Kal«ke. "Eia no ke kumu, he wahine kela i makemake i ka waiwai, ka hanohano ame ke kulana, ua lilo kona wahine ui a huapala, i mea nona e moeuhane mau ai, e hoea mai he la e hoea mai ai kekahi keikialii, a lawe aku iaia i wahine nana maloko o kona halealii, a ilaila oia e noho ai me ka lawelawe ole i kekahi mau hana, aka o ke komo wale no i na lole nani, na lako hoonani gula, ahiki i kona make ana. "Ua ku'i aku ke kaulana o ka u'i o kela wahine apuni o Sepania, ahiki i ka lohe ana o kekahi kanaka opio, iaia e hoomakakau ana no kana huakai makaikai i Bacelona, a hooholo iho la oia i kona manao, e hele aku e ike i kela wahine u'i, no ka oiaio, o na mea i hookaulanaia ae no kona huapala. "Ua hui kino i'o kela kanaka me ka Momt o Bace\ona, a ua haulehia oia i ke aloha me kela wahine, elike me ka nui ae ona kanaka i hoea aku imua o ua wahine nei. Ua ike no kela kanaka opio, aole ona waiwai, aole ka hanohano me ia, koe •\vale no na dala maloko o kona pakeke, aole nae ia he kumu nona e haawipio ai i kona makemake, e lilo mai kela wahine nana. "Aole au e hooloihi loa ana i ka'u moolelo, aka eia no ka mea oiaio. I wahi e lilo mai ai ka Momi o Bacelona i wahine mare na kela kanaka opio, kahiko iho la oia iaia iho, me kekahi paalole nani, aia hoi na komo daimana e anapa ana ma kona mau manamanalima, a e hulali ana hoi na pihi daimana ma ke alo 0 kona palule, ua hoea aku la oia imua o ua wahine nei. "Elike me ke ano mau o na kanaka kolohe apau, i piha me ka maalea, hoike aku la oia imua o kela wahine, he keikialii oia no Italia, me ka nui o kona waiwai ame ke dala, a e hele kaapuni ana oia i ka honua, no ka makaikai ana, ahiki wale no 1 kona hoea kino ana aku i Sepania. "Na kela mau olelo hoonuinui oiaio ole, a hui pu iho no hoi me ka u'i o ka helehelena o kela kanaka, ke kilakiia o kona oiwi kino ame ka hiehie o kona kulana, ua manaoio mai la ua wahine nei i kela mau olelo, a komo pu iho la no hoi ka manaoio iloko o ka opio, no ke aloha ana mai o kela wahine iaia." "O kela kekahi o na kanaka hupo maoli!" i pane mai ai o Pilipo. "Malia paha ua hupo i'o oia, pehea nae e hiki ai ke alo ae, I ka hana a ke aloha wela e hana mao ole ana iloko o kona puuwai. Ua hele ke aloha o kela kanaka opio a nui maoli, na ia aloha i alai ae i na mea apau, hookahi wale no noonoo nui iloko ona, o ia kona noho aku iloko o ka hauoli, no ka hookoia ana o ka iini a kona puuwai. "Ua ike no kela kanaka, e loaa pono ana kana mau hana hoopunipuni, me ia ike no nae, o ka manaolana iloko ona, ina e hiki ana iaia ke hoikeike aku i na hana apau, e loaa ai ke aloha oiaio iloko o kela wahine, alaila e huikala mai ana no oia i kekahi la no kela hana hoopunipuni ino loa, a o ko laua noho aku no ia me ka maika| ame ke aloha o kekahi i kekahi.

"Malalo no o na hana maalea a kela kanaka opio, me ke kamailio ana aku, aole laua e liiki ke mareia imua o ke akea, 0 ala mai auanei na ku-e ana mai ke aupuni mai o Italia a mai kona ohana mai, hooholo iho laJaua e mareia ma ke ano malu I loa, a ma kekahi po, ua holo mahuka aku la laua no kekahi wahi kaavvale o ke kulanakauhale, a maloko o kekahi luakini 1 ka mauna, i hooliloia ai laua i kane a i wahine. "No na mahina ekolu ka noho pu ana o kela mau mea, ma ke ano malu loa, i ka po wale 110 e hoi aku ai ke kane imua 0 kana wahine, me ka ike ole ia mai e na kanaka ma kela wahi, a e hui ana no hoi laua i ke ao, me ka loaa ole o na manao hoohuoi iloko o ka lehulehu, no ko laua mareia ana. "I ka manawa i manao ai kela kanaka, ua aloha i'o aku ka Momi o Bacelona iaia me kona puuwai apau, akahi no oia :i hoike okoa mai i kana hana apuhi, me ka uwalo ana aku imua e kela wahine, e lilo oia i mea kokua mai, ma.ka hoolilo ana iaia, i kanaka maikai, i kanaka e haaheo ai kekahi wahine nona." "Auwe no ka hoi e! Ua hoomahuahuaia ae ka hupo o kela kanaka, ma ka hua'i ana ae i kona ano oiaio," i pane hou mai ai o Pilipo. "Aole aku la no hoi e nele ka uwe kuwo o kela wahine e Mr. Kuaina," i pane mai ai o Kaloke, "me ka noke ana mai iaia 1 ka nuku ame ka hoopuka i na oleloino.'' "He okoa paha ka uwe, a he okoa ke kuwo! Ua noke mai la kela wahine i ka hoopuka i na olelo hailiili kuamuamu e hiki ole ai i na pepeiao ke hoolohe aku, me ka nonoi okoa ana ae i na diabolo haukae apau o ka po, e hookau niai i kekahi hoopa'i ikaika loa maluna o kela kane, e hiki hou ole ai i. ua kane nei ana ke ike i ka malamalama o ka la. Mamuli o kela mau ano o ua wahine nei, ua hiki hou ole iho la i kana kane ke hoomanawanui iho, a ike maoli aku la oia me kona mau maka a elua, ma kahi o kela wahine oluolu, me na minoaka ma na papalina i na minuke mamua aku, eia ka he moonahesa oia iloko o ke koloka o ka hookamani. "He mau minuke helu wale akif 110 i hala, he.mau huaolelo waipahe ka mea e pua'i mai ana mai kona waha mai, o ia no oe o ka waiu ame ka hone, e hoike okoa mai ana i ka nui o kona aloha, a ina e kaawale aku ana ua kane nei ana mai iaia mai, aole e hiki iaia ke ola hou aku; ma keia manawa nae o kona ike ana iho ua hoopunipuni aku oia, ua loli hikiwawe loa ae kela ano oluolu ona, ahiki i kona lilo ana i wahine hehena. "O ka hopena mawaena o kela wahine ame kana kane, ua hiki ia oukou ke koho mai, no ka mea o ke awawa mawaena 0 ke aloha ame ka hoowahawaha, he ololi ia. Mai kela manawa mai, i make loa ai kela aloha o ke kane no kela wahine, a mailoko mai o ka o kela aloha, i oili ae ai ka inaina ame ke ino, i like aku me na ano i loaa i ua wahine nei. "Ma ka manawa a kela kane e hele mau aku ana e ike i ka Momi o Bacelona, ma ke ano he keikialii oia 110 Italia iloko o ke kulana hoonalonalo, ua kapa oia i kona inoa o Toda Matado; aka iloko nae o keia manawa o ka ulu ana mai o ka paio hahana mawaena o ka wahine ame kana kane, akahi no oia a hoike aku i ka mea oiaio loa, o Toda maoli no kona inoa pololei, a he hoa oia no kekahi puulu o na kanaka powa e noho ana ma na mauna o Sepania, a i kauia ka weli e ke aupuni, a maluna o kela poe kanaka powa, i kauia ai kekahi uku makana e ke aupuni, nQ ka hopu ana ia lakou a paa. "Mawaho ae o kela uku makana i haawiia e ke aupuni, ua paku'iia aku he kauoha hou, e lukuia kela puulu o na kanaka powa, mai na kane ka lakou mau wahine ame na keiki ; ahiki i ke koe ole ana hookahi o 'akou ma ka honua nei. "No ke aloha o Toda i kela wahine, ua hoike okoa aku oia i kona manao, ina ua aloha i'o mai oia iaia me ka puuwai oiaio, alaila e haalele no oia i ka noho poo ana no ka puulu o na kanaka powa, me ka nana ole i kana hoohiki i hana ai, a e kokua aku ua wahine nei iaia, ma ke ola ana aku, ma ke ano pololei, me ka hooikaika ana e loaa he inoa hanohano nona, he inoa e haaheo ai kela wahine. Me ka hookamani ole, i hoike pu aku ai oia, oiai ua lilo kela wahine, 1 wahine mare nana, oia pu kekahi i kaa aku malalo o ke aka 0 ka make ke ikeia ae kona mareia ana ia Toda Matado, e kiia ana oia i ka pu, elike me ka make ana o na ilio mekala ole. "Me kela mau hoakaka imua o ka Momi o Bacelona, i akaaka aku ai o Toda Matado ma ke ano pahenehene, a haalele aku la i ua wahine nei, iloko o ka weliweli ame ke kauinaha. "No na pule elua mahope mai, aole i ike hou o Matado i kela wahine, aka i kekahi la, hoea mai la kekahi elele imua ona, me ka lawe ana mai i kekahi leka mai ka Līomi mai o Eaeelona, e hoakaka mai ana no kona makemake e ike iaia, ma kekahi wahi o ka mauna, a malaila laua e kukakuka pu ai no na mea e pili ana i ko laua noho ana ma ia hope aku. "Maloko o kela leka o ka hoounaia ana aku, e ka Momi o Bacelona, e hoakaka aku ana ua wahine nei, no kona mihi ana me ka walania loa i kana mea i hana mai āi, a hoakaka pu mai la no kona aloha i'o ana iaia; a oiai ua mare pono ia laua ma na kanawai o ka aina, ua paa loa kona manao e hoi mai a noho pti nie ia ma na inauna, a hui pu aku me ka puulu o na kanaka powa." "Malia paha he hana maalea wale no kela na ka Momi o Baselona, i wahi e poino ai kana kane?" i ninau mai ai o Kaloke. "O ka mea oiaio maoli no ia, ua hiki loa i kekahi keiki uuku ke ike aku i ka manao o kela \vahine. O ka manao maoli o kela wahine i kinohi, e huli hoi hou aku ana o Toda Matado imua ona, mamuli o ka nui o ke aloha o kela kane iaia, nolaila aole ona wahi kanalua iki, no ko laua halawai hou ma kahi ana 1 1 hoikeike aku ai maloko o kana leka. "Ua oi aku nae ko Matado ike ame ka naauao, mamua o ka wahine i noonoo ai, no ka mea ma kahi o kona hooko ana mai elike me ka manao maloko o ka leka, ua hoaahu iho la oia 1 kona paalole maluna o kekahi o na kauwa lawelawe a hoouna mai la no kahi i hoakakaia ai nona ame kana wahine e hui ai. He oiaio, ma ka hora umi o ka po, ka manawa i hoikeia maloko o ka leka, ua hoea aku la kela kauwa, a hui pu me ua wahine lokoino nei, a o keia iho na huaolelo mua loa ana i ieamailio mai ai: " 'O oe mai la ka ia e kuu aloha, 5 me ka nee ana mai imua rio ka hui pu ana me ke kauwa, a mamua o ka hiki ana i ke kauwa ke pane aku i hookahi huaolelo, ua ki mai la oia i kana pu panapana, a ku ka poka ma ka puuwai ; a oiai kela kauwa e wili ana i ka eha iluna o ka honua, ua haawi ae la ua wahine nei i kekahi hoailona, a iloko o ka imo ana a ka maka, i hoopuni koke ia ae ai ke kauwa poino, e na koa o ke aupuni. "1 ka laweia ana mai o ke kukui a hoomalamalama maluna 0 ka helehelena o ke kauwa ike koke iho la ka Momi o Bacelona 1 kona kuhihewa, aole kela o Toda Matado, a no kona maka'u a piha i ka weliweli, o hoike ae auanei kela kauwa i ka mea oiaio loa e pili ana iaia, e kau mai ai na ahewa ana maluna ena, no kona pahele ana i kekahi kanaka hewa ole, iloko o ka umii o ka make, o kona kulou aku la no ia imua, aia no kela pu panapana ke paa la iloko o kona lima, o ke ki aku la no ia ma ke poo, a na kela poka hope, i kaili ae i ke ola mailoko mai o ke kauwa." "Auwe no ka hoi ka weliweli o na hana a kela wahine aloha

ole!" i hooho ae ai o Kaloke, me ke kau ana aku o ka lia maka'u maluna ona. "Ae, a e ike aku ana oukou i kana mau hana haahaa o ka epa ame ka lokoino. Mamua o ka hooko ana aku oka Momi, o Bacelona i kela karaima pepehikanaka, ua liele aku oia imua o iia poo o ke aupuni, ma ke ano maiu, a noike aku la o ke kanaka ana i makemake ai e kumakaia e make, he ipo aloha oia nana, aole hoi he kane i mareia, a o ua ipo la, he hoa oia noloko o ka puulu o na kanaka powa, a ua hoohiki paa kela kanaka, ina aole oia e mare aku ana iaia, alaila e pepehiia mai ana oia a ni:«ke. "Hoonuinui aku la oia i na poo o ke aupuni, no kona hele a piha i ka īnaka'u, a no ia maka'u i hooholo ai kona manao e hele aku e hui pu me ua ipo nei ana ma kela po ma kekahi wahi iuka o ka mauna; me kona hoohuoi nae, aia na kanaka powa, ke hoomakakiu mai la iaia, a ina aole e haawi aku ana ke aupuni i na kokua ana no kona palekana, aohe ana mea e ae e hana aku ai, o ka mare wale aku no me kela ipo aloha ana; a ina no kona hoao e pepehi aku i ua ipo nei a make, aole no ia he kumu nona e pakele ai, aka e paa mai ana oia i ka hopuia, e ka nui ae o na kanaka powa, a lawepioia aku malalo o ko lakou malu, e hookauia mai ai na hana hoomainoino maluna ona. "No ka hooiaio ana aku i kela moolelo hakuepa a ua wahine nei i hoakaka aku ai imūa o na poo o ke aupuni, waiho aku la oia i kekahi mau leka apuhi ma ke ano he mau lēka i hoounaia mai iaia e ke kanaka ana i makemake ai e kumakaia, me ka hooia ana aku maloko o kela mau leka, lie hoa ua kanaka nei no ka poe powa e noho ana ma na mauna. "Mainuli iho la o keia. hanā epa a hoopunipuni o ke ano haahaa !oa f ua hoea mai i ka hookoia ana o kona mau makemake., aole nae maluna o ke kanaka ana i lili makawelawela loa ai, aka maluna o ka mea liewa ole, elike me ia a oukou i lolie aku nei. He pinao ka Momi o Baceloifia, i hei ika upena, mamuli: o kona makemake ponoi iho, aka iaia nae i ike ai mahope mai aole i kupono kela upena i wahi nona e noho ai, elike me kana \ moeuhane mau ai, pela oe e Miss Kaloke e ike mai la, i kona hoao ana e haehae i na maka o ka upena, i wahi e loaa hou ai iaia ka noho lanakila ana. "Na ole ae la ka inaina o kela waliine, i ka make anāT aku o ka mea hewa ole, ame kana mau poka i ki aku ai i kela kauwa, komo pu aku la oia ma ke kokua ana i na koa o ke aupuni, ma ke puhi ana i ke kino i ke ahi, elike me na kino o na powa apau i paa i ka hopuia mamua aku, a lawe mai la i na dala makana a ke aupuni ma ke ano alunu a makee waiwai." "Heaha ka hopena o kela kane a ua wahine nei i makemake ai e make?" i ninau mai ai o Kaloke. "Aohe mea i lohe hou ia nona mahope mai. I ke ao ana ae n,ae ma kekahi kakahiaka mai, ua puka ae la maloko o na nupepa kekahi moolelo, no ka make ana o kekahi hoa o ka poe pow r a, i hoao e lawe me ka limaikaika i kekahi wahine opio, elike me ka hana mau -a kela puulu i na wahine opio mamua aku, aua kiia oia.a make, a puhiia kona kino i ke ahi. Ua hoike piha ia ka moolelo o kela hana maloko. o ka nupepa, me ka hunaia ana nae o na inoa o ka wahine ame.ke kane i makemake e aihue iaia; a i ka uhi ana mai o ka malu o ka po, ua nalowale aku la o Toda Matado mai kona mau hoa aku. "He keu no kela a ke kanaka hohewale!" i komo mai ai o Pilipo ma ka hoakaka ana i kona maiiao. "Malia paha ua ike kela kanaka, i ka piha maalea o ka wahine ana o ka mare ana, a ua maka'u o kau mai auanei ka make maluna ona, pela oia i holo mahuka ai i pakele kona ola?" "Malia paha pela ka mea oiaio, aka nae pehea la ke ano Q holo mahuka ana, a ihea la oia i mahuka aku ai, ame kona liopena, aole he mea hookahi i maopopo nona mahope mai. "He leka kekahi i hoounaia mai e kana kane mare, maloko o ua leka nei, e hoakaka mai ana kela kane, aia mau ka make maluna ona i kela ame keia manawa mamuli o kona kumakaia ana, i kekahi o na hoa o ka poe powa, a e pana'i aku ana kona ola, no ke pani ana i ke ola o ka mea i make. Ua hiki loa iaia ke haawi ae i ke kauoha i kekahi o ka poe powa, o kona make no ia iloko o ka imo ana a ka maka, aka nae ua paa kana hoohiki, oia ponoi no ka mea nana e hookau mai i make maluna ona, a e kakali mau oia o kona hoea mai i kela ame keia la me ka weliweli, no ka hookau ana mai i kona hoopa'i, a o ua hoopa'i la, he oi aku kona ehaeha, imua o ns hoopa'i apau i noonooia e ke poo, a i hookoia aku e na lima c ke kanaka. "Nolaila i kulike ai me kela moolelo, eia no ua Momi noi c Bacelona ke noho nei me ke kakali ana i ka hoea mai o ua kahe nei ana, me ka nalu mau ana i ke ano o ka hoopa'i e hookauia mai ana maluna ona. O ka hoea ana mai la ia ika hopena o keia moolelo." "Pau e iho la ka hoi keia moolelo, me ka maopopo ole aku oka hopena," wahi a Kaloke oka pane ana mai. "He moolelo maikai loa keia na kekahi mea haku moolelo e hoopau pone aku ai, ma ka imi ana i na alahele e loaa ai ka hui hou ana o ke kane me kana wahine, ma ke ano maikai. Pehea la, ua hoao no nae paha kekahi mea, e kakau i ka hopena o keia mo« olelo ea?" "Ae, hookahi mea i hoao e haku i kana moolelo mai ka mua mai ahiki i ka hopena me ka maikai," i pane ae ai o Toda Matado. "Ua hookomo kekahi kanaka Palani hanakeaka he moolelo ma kekahi o kana keaka, me ke ku nae o ka hopena o kana moolelo i ka weliweli. "Ma ka hopena o ka moolelo a keia kanaka kaulana i hana ai, ua halawai liou ke kane me ka Momj o Bacelona ma ke ano ulia, oiai ua wahine nei, e noho ana iloko o ka hanohano ame ka waiwai, elike me kana i iini mau ai. Mamuli no o kela ano epa me ka hoopunipuni, i loaa aku ai kela kulana hanohano a waiwai i ka Momi o Becelona, ua poina iho la nae ia'u, ke ano o kana mea i hana ai, eia nae, mai keia epa mai ame ka hoopunipuni, i hoea aku ai oia i kona hopena. ( "Ua nui ka uwalo ana aku oua wahine nei imua o kana kane e hoopakele ae iaia, a e noho hou laua ma ke ano he wahine a he kane me ke aloha, aole nae ia he kumu no kela kane e maliu aku ai, no ka mea iloko o kona mau ano hookamani apau, aole i noho pouliuli kela kane, aka ua ike oia i ka mea oiaio loa, ua haulehia ua wahine nei i ke aloha, no ka manawa mua loa me kekahi kanaka opio u'i, he kanaka nae aohe walii lihi hoihoi iki iloko ona, no na lihilihi maka o ua Momi nei o Bacelona." "A ke ike aku la au, akahi no a loaa maoli ke aloha i ua wahine nei, elike me ke aloha o kana kane mare iaia," i hooho ae ai o Kaloke. "He keu i'o a ke akamai o r kela kanaka, i ka hoopau ana aku i ka moolelo me ka makaikai, aole anei, i noke mai kela kanaka i ka akaaka pahenehene, ahiki i ka ike okoa ana iho o ua wahine nei i kona mau ano lapuwale?" "Aole pela, aka penei: O kela kanaka i haulehia ai ka Momi 0 Bacelona i ke aloha kupouli, he pio oia no kekahi hana i hoolala mua ia e kana kane mare no ka hooili ana mai na kana wahine e pepehi aku iaia a make. Aole o Toda Matado i makemake, e hoopaumaele i koiia lima me ke koko hala ole o kekahi mea, aka pela iho la e hookoia ai kekahi mau hana elua 1 hoolala mua ia eia. {Agl« i pao.).