Ka Nupepa Kuokoa, Volume LXIII, Number 37, 11 September 1924 — Hopuia Kekahi Haole no Kana Kikoo Apuka Hoopuka Oia i na Kikoo Dala me ke Dala Ole Maloko o ka Banako NUI KA POE ANA I APUHI AI MAANEI He Lunanui Kela Haole no Kekahi Hui i Kukuluia ma Honolulu Nei [ARTICLE]

Hopuia Kekahi Haole no Kana Kikoo Apuka

Hoopuka Oia i na Kikoo Dala me ke Dala Ole Maloko o ka Banako

NUI KA POE ANA I APUHI AI MAANEI

He Lunanui Kela Haole no Kekahi Hui i Kukuluia ma Honolulu Nei

No ka hoopuka ana i kekahi mau kikoo dala apuka ekolu, i paa ae ai o Erik Jacobsen, ka peresidena a lunanui o ka hui James & Jacobsen, Ltd., i ka hopuia ma ka Poaha aku la i hala, a hoopaaia ae oia maloko o ka halewai. O na kikoo dalā i hoopukaia e Mr. Jacobsen, 110 ke kikoo ana iloko o ka FirBt National Bank o Hawaii, hookahi no ka huina o $145.50, nra ka inoa o ka hokele Brookland, o ke alanui Vitoria, he uku no kona nolio ana ame ka ai ana ma kela hokele, a he elua mau kikoo, no ka huina o $25 ame $20 ia Harry Walker; ka ona o ka Halekuai Walker'a Gift Shop, ma ke alanui Hokele. Ma ka hoakaka a ka Makaikiu John N. Mclntosh, ua hiki aku ka huina,o na dala i kikooia e Jacobsen, ma ke ano apuhi, mai ka la 28 mai nei o ka mahina aku la o Augate i hala, ahiki i kona hopuia ana ma kahi o ka ehiku haneri dala, oiai nae aole ana dala i hoahu ai maloko o kekahi o na banako 0 Honolulu nei. ] Iloko koke aku nei no o ka yna- 1 hina o lulai, i kukuluia ae ai ka hui i noho lunanui ia e Mr. Jacobsen, ma ke ano he akena, no na hui lehulehu ma Loj Angeles,' a komo lkoko' no iloko o ka pilikia, no ka. nele o keia haole i ke dala, e hiki ai ke ukuia ae kana mau kikoo dala i hoopuka ai, i kekahi poe lehulehu. Ma ka oleloia, he haole keia i noho mua iloko o ka oihana koa, a ua paa mua no oia i ke hopuia, 1 kona wa e noho koa ana, mamuli no o ka hoopuka. ana i na kikoo dala apuka, eia nae, no ka ukuia ana o kela mau kikoo e kona makuahine pela, iho la i kaawale aku ai ka pilikia mai iaia aku. He mau makua waiwai ka ko keia haole aia ma Denemaka, a o kona makualiine ka mea nana i hoopakele mau ae iaia, mai na pilikia mai, ma ka uku ana i na kikoo dala apuka ana i hoopuka ai. No ka uku ana aku ka i na huina dala o kela mau kikoo ana i hoopuka ai, i ka poe lehulehu ma keia kulanakauliale, ua hoakaka no kona kauoha ana aku i kona ma-. kuahine, e hoouna mai i ka huina o hookahi kaukani dala, aole nae i loaa mai kela mau dala, paa e iho la oia i ka hopuia.