Ka Nupepa Kuokoa, Volume LXIII, Number 34, 21 August 1924 — NA KULA A'O HANALIMA IKE O KA WA HOOMAHA O NA KULA. [ARTICLE]

NA KULA A'O HANALIMA IKE O KA WA HOOMAHA O NA KULA.

Iloko o ka manawa hoomaha o na kula, o ke kau ua lehulehu na keikikane ame na kaikamahine i hele aku e hana maloko o na halehana halakahiki a maloko o kekahi mau halehana e ae o ke kulanakauhale, a i ka loaa ana o na da!a ia lakou no ka hana a lakou i hana ai, ua loaa ko lakou mau aahu a mau mea e ae a lakou e makemake ai, ka poe i uhaai ole i ka.lakou mau dala o ka luhi ana me ko lakou hou, o ka poe no i uhaai wale i ka lakou mau dala ua hahai mai ka olohe o Kamaomao ia lakou. Ua kokua nu ia na makua ma kekahi ano e na keiki i hoonakaulii a i malama i'ka lakOu mau dala o ka luhi ana, a i ka manawa e komo hou ai o na kula e loaa ana he mau buke kula hou i na keiki me na dala a lakou i hana ai. He hana naauao ma ka aoao o na makua ke a'o ana i ka lakou mau keiki e a'o iho i ka hoomakaulii a e hoao e hoahu dala liilii no ko lakou pono o mua aku, no.ka, mea, ke nana aku i na keiki o keia mau la, kekahi poe he nui ka hoouiui ame ka hoonui kaumaha i ka makua. Aole pela na keiki a na lahui e a kakou e ike aku nei, i ka maniwa'e loaa ai o ka lakou dala e hoihoi ae ana a na ka makua.e malama, o na mea a ke keiki e makemake ai o ia ka ka makua e haawi ae ai. O ka uhauha ame ka puni i na mea maikai ka ma'i nui o kekahi mau keiki i keia la e pono ai e omuoia oiai e opiopio ana, o hele loa aku a lilo i poe nele a ulu ae na manao kolohe e liana i na hana kolohe, aihue, powa a pela aku, i mea e loaa ai ka pomaikai loaa hewa. Xo na keiki hoi i keakeaia e ke kanawai aole e hana maloko 0 na halehana mamuli o ka lawa ole o ko lakou mau makahiki a ke ' anawai i ae ai, e hele auwana wale ma na pipa alanui e kolohe ai, a i ole e halawai ai paha me kekahi poino mauwale elike me kekahi mau keiki lehulehu i poino i na kaa otomobile, ua kukuluia ae he mau kula a'o hanalima ike maloko o kekahi mau apana, he mau kalapu no ka manawa hoomaha o na kula, a maloko o ia mau kula e a'oia mai ai na keikikane i ka hana 1 kupono ia lakou, a o na kaikamahine hoi i ka hana i kupDno ia lakou. Ua a'oia na kaikamahine i ka humuhumu, ka hana lihilihi a mau hana e ae, e laa ke nala moena a hana eke lauhala a pela hoi me ke kuke aha, he mau ike waiwai no na kaikamahine, a no na keikikane hoi ua a'oia aku lakou i ka mahiai ame ke kamana, a ma kekahi mau hana e ae i kupono i na keikikane. I ka manawa hoomaha nui o na kula aupuni e pau ana»ma ka la hope o Augate ua ikeia ka waiwai o ke a'oia ana o na keiki ika hana. Ma ka Poaha oka pule i hala aku la, ua hoikeikeia mai na mea apau a na keiki i hana ai maloko o ka hale lialawai o Kaukeano kahiko a ma ka Poalima mai i kuaiia ai na mea i hanaia e lakon, o ka hapalua o na loaa ua haawiia mai i na keiki. He mau makana pu kekahi i haawiia mai ia lakou, (i kekahi poe) me ka haawi pu ia o ka mahalo nui ia lakou e ke Kiaaina Wallaee R. Farrington a pela pu me ke Kahukula Nui Givens. O keia ke kula maika' a na makua e hoouna ae ai 1 r<a keiki 1 ka manawa hoomaha nui o na kula aupuni, i hoopaa mau ia na keiki ma kekahi mau hora o ka la maloko o ia mau kula me ka loaa pu lie manawa no lakou e paani ai mahope o ka pau ana o na hora kula. Elua pomaikai e loaa ana ina keiki maloko o keia mau kula, e loaa ana kekahi. ike hana' ia lakou, a o ka lua, e kaohiia ana lakou' mai ka hele auwana wale ana ma kela a ma keia wahi e komohia ole aku ai iloko o kekahi ulia, a i ole e hana ole aku ai i kekahi mau hana karaima. — O ka hana e pau ai o ka hakaka iloko o ka papa o na lunakiai kulanakauhale o ia no ka huli ana a maopopo na hewa i hanaia maloko o na keena oihana apau e na limahana, elike me ia e hanaia mai nei i keia mau la, alaila kaiehu aku i ka poe i ike maopopoia ka hawahawa o ka lima i ka waiwai-o ka lehulehu a hoonoho ae i poe hoopono a malama i ka waiwai o ka lehuIphu, ma ko lakou mau hakahaka.