Ka Nupepa Kuokoa, Volume LXIII, Number 34, 21 ʻAukake 1924 — UA MAKEMAKEIA NA OLELO NOEAU HAWAII. [ARTICLE]

UA MAKEMAKEIA NA OLELO NOEAU HAWAII.

O ka hana e pili ana i ka ohi ana mai i na olelo noeau, na nane t *me na olelo hookaau naauao aka lahui Hawaii i hana mau la e ka Hale Hoahil o na mea kahiko Bishop Museum malalo t> ke alakai ana a Henry P. Judd ke hookokoke aku nei i ka hopena oia hana. Mamuli oka hana a hui pu ana mai o na hoaloha Hawaii mai Hawaii a Kauai i loaa ae ai aneane hookahi kaukani o keia mau olelo kahiko i hoounaia ae a ua manaoia he nui hou aku o na nane, na olelo noeau a mau olelo hookāau naauao a na Hawaii aole i loaa ae, aneane e lawa na mea i loaa mai no ka hana ana i buke no ka hoolaha na ma keia kumuhana. He mea maopopo loa he lehulehu hou aku no o na kanaka Hawaii aole i loaa'aku he noi no ka hoouna ana ae i keia mau olelo kahiko naauao a na Ilawaii; ina pela, e oi aku ana ka hauoli o ka Ilale Hoahu o na mea kahiko e lawe mai i kekahi mau mea o ia ano no ka houluulu a malama ana maloko o ka Bishop Museum no ka pomaikai o na haiiauna O ka waiwai o ka hoolaha ana aia ke kaukai ana aku maluna 0 ka holopono o ka hoopaanaauia ana ma o ka poloiei o ka ijnuhiia ana. Ina he makemake na Hawaii e lilo keia hana i mea kokua nui i na hanauna hou e oili mai nei, a e mau aku ai hoi Uo lakou malamaia ana, oiai ka lahui Hawaii ke emi mau aku nei a ke aneane aku nei e nalowale ka olelo Hawaii kumU, rio ka mea o ka olelo Enelani ka olelo e a'o nui ia nei ma na kula 1 keia mau la, a ua hoohemahema loa ia ka huli ikaika ana i ka olelo Hawaii kumu, o keia mau olelo naauao a na Hawaii e nele loa ana ke kamailioia e na hanauna, hou nolaila i makemakeia ai na olelo noeau, na nane ame na olelo hookaau a mau olelo naauao e ae e hoounaiā ae ia Henry P. Judd no ka malamaia maloko o ka Bishop Museum. Ua manaoia e hoopukaia mai ana ia mau mea maloko o kekahi buke liilii ma na la mua o ka 1925. He nui a lehulelui na mea .kahiko a na Hawaii ame na lahui ae i ohiia mai na aina e mai e ahu mai nei maloko o ka Bishop Museum i keia la no ka pomaikai o Ha mea apau i makemake e ike ia mau mea a e hele ae ana e makaikai ia mau mea, he mau mea kekahi maloko o ia hale e ahu mai nei a na hanauna hou o keia la i ike ole ai a e pono ai ia lakou e hele ae e ike a e ninau ae no ke kumu o ia mau mea i hanaia ai ame ko lakou waiwai. —I