Ka Nupepa Kuokoa, Volume LXIII, Number 34, 21 August 1924 — Page 5

NUPEPA KUOKOA, HONOLULU, T. H POAHA, AUGATE 21, 1924 ELIMA


UA OI AE NA MAKA- AINANA AMERIKA MALOKO O HAWAII I kulike me ka hoike a ka papa ola i hoomakaukau ai no ka nui o ka heluna kanaka maloko o Hawaii mamuli o ke kauoha a ke Kiaaina, ma ka la 30 aku Ia o Iune i hala o keia makahiki he 307,000 ka helu-na nui o na kanaka o na lahui like ole e noho nei ma Hawaii nei, mailoko ae o keia huina he 173,365 mau makaainana Amerika a 118,199 mau lahui e, aole i komo pu iloko o ka heluna o na makaainana Amerika na kanaka o ka oihana kaua aina ame moana, elike me ka hoakaka maloko o ka hoike papahelu a ka papa ola o ka hoolahaia ana ao ma ke akea ma ka Poalima o ka pule aku la i hala. Ma ka hoike papahelu i hanaia e ke aupuni federala i ka 1920, ua ikeia he 152,206 mau makaaina na Amerika a he 103,706 mau lahui e. O keia ka manawa, mua loa iloko o na makahiki lehulehu i hala i hoomakaukauia ai i papahelu kanaka no Hawaii nei i hookaawaleia ma na papa na kanaka e noho ana ma na mokupuni ma ke ano he mau makaainana, a pela me na lahui e, he hana i hookoia ae e ka papa ola mamuli o ke kauoha a ke Kia-aina ia hana i keia makahiki. O ka heluna o na makaainana maloko o ke teritore, elike me ko lakou lahui ma ka hanau ana o ia keia malalo nei: Na Amerika, Pelekane, Kelemania ame Kukini, 18,436; Pukiki, 23,000; Poto Riko, 6347; Paniolo, 1080, Pa-ke, 12,689; Hawaii, 21,271; Kepani, 66,647; Korea 2720; na hapa-haole-a pela aku, 13,134; na hapa Pake a pela aku, 7816; na lahui e ae 135. No na lahui e e noho nei ina Hawaii i lilo ole mau makaainana Amerika oia keia malalo nei: Na Amerika, Pelekane Kelemania Rukini, 300; Pukiki, 3701; Poto. Ri-ko, aole; Paniolo, 859; Pake, 11-833; na Pilipino, (he mau makaainana Amerika lakou); na Hawaii, aole; na Kanini, 58,721; Korea, 3097 Hapa-haole, aole; hapa Pake a hapa e ae, aole; na lahui e ae he 80. O kekahi moa and nui i ikeia maloko o ka hoike helukanaka ke emi mau aku nei ka lahui. Hawaii. Ma ka helukanaka i hanaia e ke aupuni federala i ka 1920, na ikeia he 23-723 mau Hawaii koko piha maloko o ke teritore, a ma keia mau huahelu hope he 21,271, he 2452 ka emi iloko o na makahiki eha. O kekahi mea ano nui ke pii ma-huahua mau ae nei na hapa Hawaii; ka helukanaka a ka aupuni federala o ka 1920, o ka huina o na hapa Hawaii maloko o ke teritore ma ka la 30 o Iune he 11,072, ma keia ma-kahiki iho la he 13,134. Na hapa-Pake i ka 1920, he 6955, i keia makahiki, he 7816. O ka heluna nui o na makaainana ke huiia me na lahui e ae, he 291-564 ma ka la 30 o Iune o ka 1920, aole i komo pu me na koa o na oihana kaua, i keia helu ana o ka huina nui o na kanaka mai na ma-kaainana a na koa he, 307,100; i ka 1923 i hala, he 298,600 ka huina nui ma ka la 30 o Iune. E HOOUNA AE NA KU- MUKULA I KO LAKOU MAU PALAPALA O na kumukula e hoouna ole ae ana i ko lakou mau palapala hoike no ka maikai o ko lakou mau ola kino mahope aku o na la he iwaka- lua-kumamakahi mahope iho o ke komo hou ana o na kula aupuni aole e loaa aku ana ia lakou ko Iakou ukuhana no ka lua o ka mahina elike me kekahi olelo hooholo i hoo- holoia e na hoa o ka papa ola ma ka lakou halawai o ka noho au ama ke kakahiaka o ka Poakolu aka la i hala, o ka poe wale no e hoo- una ae ana i ka Iakou mau palapala hoike no ko lakou mau ola ke ukuia ae ana mahope iho nae, o ka nana ana o na hoa o ka papa ola ia mau palapala hoike a aponoia e lakou. Ma ka rula a ka papa ola o ke kau ana e kakauinoaia na palapala hoike ola kino o kela ame keia ku- mukula e kekahi kauka, a e hoike ana maloko o ia palapala ua nanaia ka moa nona ka palapala hoike a ikeia aohe ma'i kuluma a ma'ilele o ke kumukula nona ia palapala huke i kakauinoaia eia kauka. Ma ka makahiki aku la i hala, ua haawi aku ka ka papa ola he manawa nui i oi aku mamua o ka 21 mau Ia, aka nae, no keia makahiki ua hooholo ka papa e hoohaiki mai i 21 la. "O na kumukaia ke kupono loa e kaawale loa mai na ma'i leie mai mamua o kekahi poe e ae.'' elike me ka ka Peresidena o ka Papa Ola Teritore o ka hoike ana ae. Ma ka makahiki aku la ka i hala he ekolu mau kumukula hoouna ae i ka lakou mau palapala hoike no ko lakou mau ola kino i ka Papa Ola a i ikeia na loaa i ka ma' akepau, aka nae, maloko o ka lakou mau palapala hoike no ko lakou mau palapala hoike no ko lakou mau ola kino a i kakauinoaia e kekehi mau kauka he maikai ko lakou mau ola kino. He elua mau kumukula i hoikeike ae i ko Iaua mau palapala hoike ma ka manawa o ko laua nanaia ana aa loaa Iaua i ka ma'i trachoma. Ua kaha kokeia laua me ka hoo- hakalia ole a ua hookuuia aku laua e a'o kula, a mamua o ka pau ana	UA HAALELE MAI . KO MAKOU MAMA ALOHA, MRS. KEALOHAPAU- OLE KAIAHELE. Mr. Lunahooponopono, Aloha oe:— E oluolu mai kou ahonui e uwila ae ma kahi kaawale o ka kaua hi- wahiwa, ka Nupepa Kuokoa; No ko makou makuahine i aloha noi ia, Mrs. Kealohapauolenaiwiokamakua Kalahele. Ua haalele mai oia ia makou ka- na poe keiki ame na moopuna e paiauma aku mahope nei; ma keia wahi i ko ai ke olelo a ka Buke Nui o ia hoi e hoi ka lepo i ka lepo, a o ka uhane me ka mea nana i haoa. Olelo aku Ia no hoi o Iesu i kana poe haumana, e hoi ae tu mamua e hoomakaukau i wahi no oukou e noho ai, a iaa aole pela mahea la oukou e noho ai. He wahi nani kona ma kela ao a pela i kupono ai keia mele: He maha mao no na luhi nei, He hale alii o maha mau ai He hale lesepi a gula maemae, A Iesu i kukulu ai nou, He pa omaomao apuni, He puka hamama i wehe ai, He nani na alanui nou e komo ai, Nou no a no'u nei, Aia ilaila o Iesu, Ke kakali nei i na haipule, E komo mai i ka home maluna ae. He mama haipule ko makou, a he lala no ka Hui Manawalea o na La Hope Nei o Waihee, Maui. He wahine heahea, oluolu, waipahe, ma na ano apau. Ma ka la 26 o Iulai, i pauaho mai ai oia i keia ola ana; a ua hanauia ko makou makuahine i ka la 14 o Mei; 1874, mai ka puhaka mai o kona mau makua Robert Po- ina Uu ame Elizabeth Hamanalau Uu, a o na la apau o ka hanu ana o ko makou mama i na ea hu'ihu'i o keia ola honua ana, he kanalima ia makahiki me elua mahina ame na la keu he 12. Aloha wale kahi a ko makou ma- tia e noho ai, aloha wale hoi kahi ana e hele ai, aloha wale o Eleile ia wai kaulana o ka aina. Pau kona hoopulu ana i ke kino o ko makou mama a pau hoi ka auau hou ana o ko makou mama ma kona mau kahawai. Ia oe e Kapuna, ia wai puai i ka ili o ke kai, pau. kou hoopulu hou ana i ke kino o ko makou mama, ua haalele a na haalele loa mai ia kakou apau. Ia oe e mama Hoopii, pau kou ike hou ana ia mama, ua haalele mai, a ua hele, a ua hele pu aku me ko- na kaikunane i hala mua aku ma- mua. Aloha wale, aloha wale o Kaupakulua kahi a ko makou ma- m6-1-fiD4oh -cmfw shrd et rod ma e noho ai me kona kaikunane. Ua kii mai la no ka mea kuleana i ka Uhane, a lawe aku la. Ia oe, e ka makani Kokelolio o Waikapu, kahi hoi o ko makou ma- kuahine i hanau ai, pau kou. pa hou ana ma na papalina o ko makou mama. E ka makani Kilioopu o Waihee, pau kou pa hoa ana ma na papalina nohea o ko makou mama, ua hele a ua nalowale loa. Aloha wale no ke kualono, o Ma- kamakaole, kahi o ko makou mama e hele ai i ka lawai'a opae palupalu o ko makou mama makou mau ka- hawai a pau hoi kou hoopulu hou ana i ke kino o ko makou mama. Aloha wale no hoi ka makeke o Wailuku; kahi a ko makou mama e kuai ai i kana mau puuolo opae. Ke hoomaikai palena ole ae nei makou i na hoaloha ame na maka- maka i hui pu mai me makou ma keia haawina luuluu; a pela no hoi makou e hoomaikai ao nei i ka Ma- kua Lani, ka mea nana i hana na mea apau, a o makou iho no makua, a nou ko makou hoomaikai pale- na ole e Solo. Hanohano. JOHN P. KONOHIA, MRS. T. K. M. NICHOLAS, CHAS. I. KALAHELE, MR & MRS. J. KAHALE, MR. & MRS. A. U. MAHELENA MR & MRS. M. M. Aiona, MISS E. K. KALAHELE, MAS. J. K. K. KALAHELE, MAS. L. K, NICHOLAS o ka manawa kula ua ola loa ko-Iaua ma'i. Wahi hou a ke Kauka Trotter o ka hoike ana ae hookahi kauka ka i hoike aku iaia no ka hoole loa ana o kekahi kumukula malihini aole e weheia ka lole omua, o kona umauma no ka nanaia ana aku e ke kauka. I keia makahiki, elike me ka ma-nao o ka papa ola, aohe mau hui kala a hookuu wale ana aku i na kumukula me ko lakou nana ole ia a o na kumukula a pau i nanaia a i hoikeia ae e na kaukai maloko o na palapala hoike ola kino koi lakou kaawale loa mai na ano ma'i like ole mai, o lakou ko aeia, aku e a'o kula mahope o aa la he 21, mahope o ke komo hou ana o na kula. Ma kaala ka papa ola ma kana mahele hana no ka pono o ka lehulehu. WAKINEKONA, Aug. 14.— Ua kelekalapaia mai e ka Ahahui Ke'a Ulaula ianei i keia la $100,000 kana haawi no ke kokua ana aku i ka poe i poino i ka waihalana ma Kina ma kekahi manawa aku nei i aala	HE KANIKAU NO KO MAUA PAPA HELELOA. Mr. Solomon Hanohano, Aloha oe: — E oluolu mai oe, ina he wahi kaawale o kau hiwahiwa, i wahi keena no ka maua puolo waimaka, i ike mai ai na kini makamaka, o ko maua papa heleloa, nana hoi ia e aha'i aku i ka lohe ahiki aku ia Hawaii nui, moku o Keawe, ame Maui nui o Kama, Kauai o Manokalanipo ame Oahu ka aina kupa o ko maua papa heleloa. Ma ke kakahiaka Lapule Iulai 27, 1924, ma ka hora 10:15, ua kipa mai la ka anela o ka make a lawe aku la i ka hanu ola, o ko maua papa aloha Mr. Adam Kealakai, Sr., ma ka home o ko maua Aunty Mrs. Julia Kalakiela, ma Jack Lane, Nuuanu; ua oluolu i ke Akua no ka mea, Nana no i haawi mai, a Nana no lawe aku. Ua hanauia ko maua papa aloha; ma Kawananakoa, Maemae, Hono-lulu, Oahu i ka mahina o Maraki 19, 1867, mai ka puhaka mai o Lapuwale Kealakai (k); ame Panaewa Kealakai (w), a ua piha iaia na makahiki he 57, 4 mahina, ame 8 la, o kona hanu ana i na ea inea o keia ola ana. Ua hoonaauaoia ko maua papa aloha ma ke kula o Maemae, ame lee Kula Alii o Kehehuna. I ka makahiki 1892, na hoohuia ko maua papa aloha ame ko maua mama aloha Mary Kahakukaalani-kailikapu Kalaukoa, iloko o ka berita maemae o ka mare ma Kawananakoa, Maemae, e ka Makua Rev. Gulick, mailoko mai o ko laua pu-haka, ua puka mai he eono mau keiki, make aku eha, a koe mai maua na keiki he elua, me na moo-puna elua. Ua noho hanaia e ko maua papa me na ohana o. Mr. Hoffman, F. A. Schaefer, Judge F. A. Judd, Mr. Burbank, ame Consul Geo. Rodick, ma ke ano he mea kalaiwa kaa; a mahope o kona waiho ana i keia kulana hana, ua hoi aku oia ma ka hana alanui, no na makahiki ho loihi. I ka makahiki 1920, ua hoho hana aku oia ma ke Kula o Maemae, a ma ia hana oia i noho ai, ahiki i kona kaa ma'i ana, a moku iho la ke kaula gula, no-ha iho la ke kiaiia kala, hanini iho la ka pakeke wai o Kulanihakoi. Auwe ko maua makuakane heleloa e; Ko maua makuakane i ka Ua Kukalahale o ke kaona, ame ka pohu la 'i o' Kanekina, i ka uluwehiwehi i na pua, ua pau kou ike hou ana i kona maalo ae, auwe ko maua makuakane heleloa, u ko maua makuakane i ka Ua Popokapa o Nuuanu, e aha'i ana i kahi puolo ma ke kua ka malu, ua pau kou hoopulu hou ana i kona ili, auwe ko maua makuakane aloha e! Ko maua papa hoomanawanui i na inea o keia ola honua ana, auwe ka mea ehaeha o ka nanu ke noonoo ae, ko maua makuakane i ka Ia'i o Kawananakoa, kalii hoi a ka nui ohana i noho ai, ame kana mau keiki, aloha wale ia mau wahi a makou e noho ai, aloha ka makani apaapaa i Kohala, ia wahi a kakou e noho ai, ua pau kou hoopa hou ana i kona ili. Aloha ka wai huihui o Waipuna-lau, ia wai hu'ihu'i i ka ili ke pa mai, ua pau kou hoopa hou ana i kona ili, ko maua makuakane i ka Ia'i o Mahukona, aloha wale ia wahi au e hele ai, ua pau kou ike hou ana iaia, ko maua papa i ka la'i o Kalihi ia home aloha a kakou e noho ai, ua pau kou ike hou ana i kona mau paia aloha. Ke hoomaikai ae nei maua i ka Makua Lani, a Nana no e malama mai ia, maua na keiki makua ole ame ka oliana no apau, Nana e hoomama mai i na luuluu mai ia maua ame ka ohana na makamaka na hoaloha. Ke haawi pu aku nei ka ohana apau o ka mea i hala, i ka hoomaikai i na hooloha ame na makamaka i haawi mai ka lakou mau makana pua, no ko maua makuakane helelo, a nou e Solomon Hanohano ka welina pau ole o ka hoomaikai, amo na keiki oniuhua o kou papapa'i. O maua no na keiki i hooneleia i ka makua, ADAM KUAI AKAI, JR. MRS KEAEALAINA K. LEE, ka Ohana. HOOPIIIA KA LUNAKIAI DRUMMOND O MAUI I kulike ai me kekahi meahou o ka hoounaia ana mai i Honolulu nei, mai Wailuku, Maui mai, ma ka la 5 iho nei o keia mahina, ua hoo- pukaia ao he palapala hopu e ku Loio Kalana E, R. Bevins, e ku-e ana i ka Lunakiai Drummond, ao ke ki ana i kekahi mau ekake, mu- waena o ke kanakolu ame ke kana ha, ma Kaupo, Maui. Mawaho ae o ka Lunakiai Drum- mond, o kana keiki pu kekahi i ko- mo iloko o kela hihia, oia o Fred ame kekahi keiki paniolo pipi, e noho hana ana malalo o Drummond Ua hoopaneeia mai nae ko lakou hihia, ahiki i ka la 15 o keia mahina ma ke noi a ka Lunakiai Drummond imua o ka aha a ka Lunakanawai D. K. Wailehua, ma ka. Poalima, ka la 1 o Augate nei, i ka wa i laweia ae ai ka hihia iloko o ka aha apana o Hana. Ua hoohikiia ka palapala hopu e J . Ahulii, kekahi o na kamaaina ka hiko o Kaupo, ka ona hoi o kekahi mau ekake i oleloia ae, he nini kumamakolu, i kiia i ka pii a make e ka Lunakiai Drummond ame koua mau hoa. Aole he mau kumu i hoikeia, ae uo ke kiia ana o kela, mau ekake e ka Lunakiai Drummond, koe wale no kona noi ana aku i ka aha e hoopaneeia ka hihia no elua pule, hiki ai iaia ke kauoha mai no ke kahi loio o Honolulu nei no ke ku pale ana iaia ame kona mau hoa. Mamuli o ka make ana o kela mau ekake lehulehu, i kulike ai me kela meahou, me he mea la, o ala mai ana he mau. hoopii koipoho, ma ka aoao o na ona no lakou na ekake i make.	OLELO HOALOHALOHA NA KA EKALESIA, KE KULA SABATI, AME KA AHAHUI C. E. O KAAHU- MANU, NO KA MAKUA- HINE, MRS. HELEN KA- MAIOPILI, I HALA AKU LA. He oiaio ka ke Kaula Isaia i olelo mai ai. "O na kino ola apau, ua, like me ka mauu, o kona nani, me ca pua o ke kula e maloo ana km mauu, a e mae ana ka pua; aka, o ka olelo a ko kakou Akua, e mau oa aku ana no ia." Nolaila, ua hala aku la oia ma k» alahele o ka manaolana, hauoli ma o malana, a waiho iho la i kana mau hana maikai i hana'i iwaena o makou, i kiahoomanao na makoli e poina ole ai. A oiai, ma kona ano ame kona kulana iwaena o makou, ame na poe e ae apau, he makuahine oluolu loa ma ka launa m ana, he eleu he hookipa, he ma-kaala ma kona mau hana apau ma ka home. A pela pu hoi ma na hana o ka uhane ma ka launa ana, o ia koi, iwaena o na makamaka ame na hoaloha, ua launa aku oia ma ke kino me lakou, me na olelo oluolu, ame ko haipule ana, a iwaena hoi o na hoahanau, ua launa aku ma ka manao ame na hana haipule pu. O ka makuahine aloha i hala he kakoo ikaika oia no ka hana a kana kane e noho u nei, ke Kahu o keia Ekalesia, Rev. Samuel K. Kamaiopili, iloko o na mahina he umi (10) i hala. A oiai-O na hoailona poo-kela iloko o ka makuahine aloha i hala, oia hoi, he haipule, he kuoo, he paulele, a he hilinai, ame ka oluolu loa i na hana maikai apau a kona Haku Aloha, iloko o ka Eka-lesia, ke Kula Sabati ame ka Aha-hui. A ua noho mau aku oia ma na kapuai aloha o kona Haku, e hoolohe mau aku i koua leo, a eia ka he leo o hea mai ana. "Ku a naue i ke Kanaana hou Naue ae, naue ae Hiki koke no i kahakai ma-o A e maha me Iesu." A i mea hoi e hooluolu mai al i. ko makou mau naau ehaeha ame ka luuluu, no ko makou makuahine aloha i hala aku, nolaila ke hooholo nei makou; E oluolu mai oe e ka Mea Mana Loa, a o ka puuhonua hoi o na poe luuluu, ehaeha, a kau- maha, e noho ana iloko o na u luu- luu o keia ola ana, e hoololi ae in mau haawina, i mele oli na ma- kou ao ka wa pauole ma o lesu Kristo la. Amene. O makou no kona mau hoapaa- hana, MARY WAIWAIOLE, MRS. G. E. AKIU, MRS. MARY BAL, CHAS. WILCOX, MOSES P. WAIWAIOLE, Komite Ekalesia, Kula Sabati ame ka Ahahui C. E., o Kaahumanu, Wailuku, Maui. Wailuku, Maui, Aug. 11, 1924. NA MEA HOU O KA EKA- LESIA MA KIHEI. Mr. Solomon Hanohano, Aloha kaua:— Ma ka la 10 o keia mahina i malamaia ai he Hoike Kula Sa-bati ma ke ahiahi Poaono i malamaia ai he ahamele." Ua malamaia ka hana hoike o ka la e ke Kahu Kula Sabati Nui Miss H. Kukahiko, malaila pu ae ka Mea Hanohano Hon. J. W. Kalua; me kana ewa, me na malihini i hui pu mai na papa Kula Sabati i hui pu mai, Keawalai, Wailuku; a me Kihei mamua o na hana Kula Sabati i malama muaia ai ka ahaaina berena, 6 poe i bapetizoia a hooliloia a "mau hoahanau hookahi bebe moopuna no a ke komite o keia mau ekalesia. I ka pau ana o ke alakai ana o na hana hoike i alakai ia e ke Kahu haawiia ke komite kahu. Na hana lulu dala $47.00 i ka po he $31.00 halawai mawaho o ke kahua, $45.00 huina, $82.25 ua haawi mai ka mea hanohano i na manao paipai me na olelo a'o a hoomaikai nui i na keiki i na haawina a me na himeni hoolaa ina luna nui, halawai mawaho-o ke kahua o na hana C. E., a ua halawai pu iho la me ia mau kupa aloha o ka aina o Kapoi Kamapuaa, Papalimu kai opiho, me wana, elua i ka lio mea ole ke alu ka ihona pali ia Mine kuu lio holo a hookuu na hana me ka maikai. Me ke aloha i ka makamaka hoomanawanui, nou ka hoomaikai nui a haule mai na lani me koa mau hoa paahana pu no ka papapa'i. REV. J. S. POEPOE, Augate 12, 1924.

MAKEMAKEIA.

Mau. Agena kalewa i na Papaio Kapu "Humuia" i Hanaia a ku-pono i ka mea e komo ana. Aohe nana ma ka makaukau hana. Nui ka makemakeia ma na halehana, na halekaa otomobile, na keena hana a ma na wahi apau. LOAA WALE KOU PAPALE KAPU. E kakau koke mai i mau ana hoikeike. THE TAYLOR CAP MANUFACTURES, Dept. C, Cincinnati, Ohio. 6621—Aug. 14, 21.

HOOLAHA A KE KOMISINA PA-

LEKA AINA

Aina o Maluawai, Kalihi.

Mamuli o ka waihoia ana mai o kekahi palapala noi i ka mea nona ka inoa malalo iho nei e na Kahu-waiwai malalo o ke Kauoha a Ber-nice Pauahi Bishop no ka hoopono-pono ana i na palena o ka aina o Maluawai, i koiia mai he hapa no ki Ili o Waiaula, L. C. A. 7713, Apana 37, ia V. Kamamalu, a e waiho nei maloko o Kalihi, Kulanakauhale Kalana o Honolulu, Teritore o Hawaii, ma keia ke haawiia aku nei ka hoolaha i na ona apau o na aina e pili pu mai ana ame ka poe kuleana apau, e malamaia ana he hoo-lohe ana no ka hooponoponoia o na palena o ka aina i hoikeia ae noi maluna, ma ke keena halawai o ka Papa Komisina Awa, maloko o ka Hale Kapitala, ma ka la 2 o Sepatemaba, 1924, ma ka hora 10 a. m.

Eia ke kii palapala aina ame na
hoakaka o na palena o ka aina i ole-
loia elike me ia i koiia mai e ka poe
noi ke waiho nei ma kahi o na pala-
pala, a e ikeia no ma ke keena o ke
Komisina o na Aina Aupuni.
A. C. ALEXANDER,
Komisina o na Palena Aina no ka
Apana Hookolokolo Kaapuni
Ekahi;

Honolulu, Augate 6, 1924.

Robertson & Castle, Na loio no

ka poe noi.
6620—Aug. 7, 14, 21, 28.

HOOMANAO LA HANAU,

Mr. Lunahooponopono; Welina nui kaua:—E oluolu mai kou ahonui e uwila ae ma kahi kaawale o ka kaua ahailono mama, ka Nupepa Kuokoa, no kela mau hua e kau keha-keha ae la maluna.

Ma ka Ja 8 o Augate 1924, piha ai ka makahiki i o Miss Katherine Irma Kuulei Hoomalu.

Ua hanauia o Miss Katherine Irma Kuulai Hoomalu, mailoko mai o kona mau makua, Mr. Jno. H. Hoomalu, ame Mrs. Lydia Bento Hoomalu, ma ka hora 7 o ka Ia 8 o Aug. 1923 ma Paia, Maui.

Mamuli o ka noonoo akahele ana o na makua na Iaua ke kamaiki, nolaila, ua malamaia ka paina luau nui ma ka la 9 nei o Aug. 1924. O ko makou Kahu Ekalesia Rev. Moses M. Kahiapo, ka mea nana i haawi ae i na leo hoomaikai i ka Makua Lani e pili ana no ka la hanau o ke kamaiki.

Ua nui na meaai i hoomakaukauia, o ia hoi oe, o ka puaa kaluakele me kona mau kuhinia. O ka opihi o« me kona mau kuhinia, ame ka uhu, ake bipi momona, ame ka io wana momona loa i awili pu ia mo na limu, ame kulolo, ame na meaono i hana mikioi ia e Mrs. Lily P. Ke-poo, no ka Ia hanau o kana moopuna wahine.

Malaila ae ka Mea Hanohano S. E. Kalania, ame ia keiki lalawai o Uli Makawao, Maui D. Maalo, Mrs. Henry P. Robinson, Geo. Copp, ame kekahi poe kuonoono e ae o Makawao, Maui.

O keia kekahi o na paina luau maluhia a'u i ike ai ma Paia Haui nei.

Ua ai na mea apau a lawa pono i na meaai i hoomakaukauia no ka mea nona ka la i hoomanaoia. Ua hoi na poe me na laulau puaa i hiki aku i ka 800, a oi.

Nolaila, me ka Iana o ko'u ma-nao, e ahonui mai ana no oe e Mr. Lunahooponopono no ka oniu ana aku i keia mau itamu maloko o na kolamu o kau wahaolelo hopo ole; me na keiki oniu hua linotype ko'u adieu nui loa ana. Kou Oiaio,

O. KNOX PONIAULANI,

Paia, Maui, Aug. 12, 1934.

HE ALOHA NO KUU KANE

ALOHA MR. JOHN W.

KEAHIAOKALANI.

Mr. Sol. Hanohano o ka Nupepa
kuokoa, ke Kilohana Pookela o ka
Lahui Hawaii, Aloha nui oe:—E ae
oluolu mai oe e ko makou kapena
ahonui ina he wahi rumi kaawale
ekahi no ka'u wahi puolo waimaka
kau ae la maluna, a na kou papa
uwila noi ia e hii aku i ka ukana
luuluu a ka puuwai, a nau hoi ia
hoike aku i ka la puka ma Kumu-
kahi a loaa mai ai kana wahine i ka
la ko welo i Lehua, i ike mai ai
ka ohana ame na hoaloha o kuu
kane, aloha.

Ua hookoo mai la i ka pili a maua ame ka maua mau hanai luuluu wale ke aloha e!,

Nahae aa kieke wai a ka ua i ka maka o ka Opua, ke hanini ae la. mauka o ka pili e i pili ia e maua ke anu me ke koekoe anu loko mao ele i ko aloha hiki mai ko aloha e uwe no au e!

Ae ua puanuanu ke kino na hala ka uhane o kuu, meaaloha.

Elua no mahina o kona ma'i ana, a komo i ka mahina o Iune la 12, haalele mai la oia ia'u i kana wahine ame ka maua mau leialoha, ame ka ohana, e paiauma i kona aloha mahope nei.

Ua hanauia kuu kane i ka mahina o Sepatemaba la 16, 1873, a ua piha kuu kane na makahiki he 50 ame na mahina 8 ame na la keu he 27 o kona hanu ana i na ea huihui o keia ola ana.

Nolaila ko ae. la ka olelo a ka buke nui, e hoi uo ka lepo i ka lepo, a o ka uhane hoi aku me Ia.

Ua noho maikai ia e maua aneane e piha na makahiki he 30 o ko maua noho aloha ana ma ka maikai aole maua i kaawale a haalele mai la oia ia'u i kana wahine me na leialoha a maua, oiai ka maua kaikamahine e uwe helu aku ana i kona papa alo-ha, oiai na lilo no oia he mea nui kono papa.

Ua piliia e maua apuni o Kauai. O ko'u onehanau ia noho aku maua ka hale o keu kaikuaana oia o Mrs. E. Mahikoa, aloha no ka noho ana o ia wahi me ka'u kane, aloha ka limu o Manuakepa, kahi a'u i pili ai me kuu kane aloha, na hala o Naue i ke kai, kahi a maua i pili ai, aloha ka wai o Kanaloa ame Kapalae, i hele ai au me kuu kane; aloha na pali o Kalalau, ia wahi a maua i pili ai mo kuu kane.

Aloha Waimea i ka wai kea, ia wahi a'u i pili ai me kuu kane, ame na lei a maua.

No'u iho he aloha no au i kuu kane, kuu hoapili o na wahi apau o keia aina, aloha wale na ko elili-ma o Halalii ame na ulu hua i ka hapapa, aloha no ia wahi i piliia ai e maua.

Keia ka lawa ke mahalo aku nei
au i na keiki limahei o kou keena
pa'i.
Owau iho no me ka oiaio,
MRS. A. KEAHIAOKALANI,

KEKAHI MAU MEAHOU
MAI HILO HAWAII MAI

Ma ka halawai a ka papa o na lunakiai o ka noho ana ma ka Poa-lima o ka pule aku nei i hala, ua hoopanee ia kino i ka haawi ana ae i ka huina dala pakui o $3000 a ka Makai Nui S. K. Pua o ke noi aoa ae, ohiki i ka hoi ana aku o ka makai nui i Hilo mai Hawaii Komohana ae, mamuli o kekahi mamo o ka huina dala a ka makai nui i noi ae ai malia le mau dala paha ia i makemakeia no ke kual ana i mau pu a i mau poka no ke kalana. O J. K. Butler, ka wahaolelo ma ka aoao o ka ahahui o ka pae mahiko, ka i hoike ae ka i ka papa o na lunakiai no kona makaukau e hoo lako ae i, kela kalana me na pu ame

na poka, ina no ka makemakeia o ia
mau mea ma kekahi manawa.

He kanawai e hooponopono ana ka hele ana o ua keiki maluna o na alanui aupuni ka i hooholoia e ka papa o na lunakiai ma ka heluhelu ekolu ana ma kekahi halawai a ka papa o ka noho ana ma keka-hi manawa koke aku la i hala, elike me ka hoike o ka loaa ana ae i ka Advertiser mai ka buro mai ma Hilo. Ma ia kanawai ua hookapu loa ia ke keiki malalo o ka eono makahiki mai ka pinai mau ana aku maluna o na alanui aupuni, koo wale no a hele pu me kekahi makua, kahu hanai a i ole kanaka oo e ae. He $5 ka hoopa'i i kauia a aole e oi aku maluna o ka $100, elike me ka manao o ka aha. Ua lilo ia i kanawai mana mahope iho o ka hala ana o na la he umi mai kona hooholoia ana mai.

HOOLAHA.

E noho ana ka halawai Makahiki o ka Aina Hui o Wainiha i ka Poaha, la. 4 o Sepatemaba, 1924, ma ka Halehui o Haena; ua, makemakeia na lala apau e hiki mai ma ia la.

Ma ke kauoha,

G. W. MAHIKOA,

Peresidena.

Kapaa, Kauai, Iulai 28, 1924.
6619—lulai; Aug 7,14, 21,

KONOIA KA LEMULEMU

Dr. Emma & C. R. Moon,
D. D., Ph. D.

Halawai akea na Sabati apau ame Poakolu 7:30. Ano hou loa o ka Hoola aoa ma ka Mana Akua ame ka Hoike Uhane. Lawe mai i ka ma'i.

Pili i na ano apau o ke ola ana. Paneia na ninau apau ma ka leka $2. Haawiia na haawina. Na hora 10 a 5, 6 a 7.30. 2506 Kuhio Ave. Kelepona 79774. 6608—6 mns.

HE MAU APANA AINA KUAI

$900—Lot 50x100 Kaimuki $25 down. $10 per month.

$1000—Lot 50x350 Palolo, $25 down, $10 per month. $1250—Lot 50x100 Democratic Ave., $25 down, $10 per month.

$1300—Lot 35x75 Thomas Tr., Ka-lihi, $25 down, $10 per month.

$1750—Lot 50x100 Waialae Road, between 6 and 7th Aves., easy terms. MAU HALE KUAI

$3000—Fort St, 2 bedroom house.

$3000—2 bedroom house Mahina St., practically new—on easy terms.

$3600—large house Notley St., lot 80x140 on terms.

$4000—Fort St., 2 bedroom house lot 2260 sq. ft., $500 down, $50 per month.

PAULO KALAUKA

(P. E. R. STRAUCH)

Alanui Moi. Helu 75, Mawaena o na

Alanui Papu ame Betela,

Tel. 1043