Ka Nupepa Kuokoa, Volume LXIII, Number 33, 14 August 1924 — Ku ka Elele W. P. Jarrett i ke Kahua Kalaiaina Kukala Oia ma ka Halawai Makaainana ma Hilo no Kona Holo Moho HE MAU MOHO HOU AE KEKAHI I OILI MAI Hooia o Frank. Woods no Kona Holo Moho Senatoa ma Keia Kau [ARTICLE]

Ku ka Elele W. P. Jarrett i ke Kahua Kalaiaina

Kukala Oia ma ka Halawai Makaainana ma Hilo no Kona Holo Moho

HE MAU MOHO HOU AE KEKAHI I OILI MAI

Hooia o Frank. Woods no Kona Holo Moho Senatoa ma Keia Kau

t kulike ai me kekahi meahou o ka hoikeia ana mai Hilo mai, he halawai makaainana ka i malamain maloko o Mooheau Paka, ma ka po 0 ka Poalinia aku nei l Dala, a ma kela halawai i hoakaka ac ai kekahi uiau alakai Demokarata no ka lilo 1 moho noloko o ka ahaolelo kuloko, ma keia kau, pela hoi me ka Elele Lahui Jarrett, i hoike ae ai, no kona liolo moho elele hou ma ka aoao Demokarata ma keia kau. Ma kahi o ka hookahi kaukani ka nui o ke anaina i hoea ae ma kela halawai, i noho hoomalu ia e Delbert E. Metzger. O ka Luuakanawai J. S. Ferry, ka mea mua loa i hoolauuaia mai, eo ka haiolelo ana; ua kalele nui oia i kana kamailio ana no na hana a ka Elele Lahui Jarrett i Wakinekona, me kona hoike pu ana aku imua o kela halawai, he moho oia e holo mai ana no ka hale o na lunamakaainana, ma ka aoao Demokarata, ma keia kau koho wae moho. 0 ka elua o na moho, i ku mai imua o kela anaina, a hoike ae i kona manao oia o J. F. Woods, me ka hooia ana mai, i na mea i kamailioia ae nona, o ia kona alualu ana aku i ke kulana scnatoa. X kinohi ka, aole ona makemake e holo. moho senatoa, aka 'l ka wa i hoikeia ae ai kona inoa e Mrs. Nawahi, aole ana mea e ae e hana aku ai, o ka hooko wale aku no i kela makemak«. 0 Mra. Nawahi kekahi mea haiolelo ma kela halawai, me kona mahalo no na hana a ka Elele Jarrett ma Wakinekona, a ma ka hopena 0 kana mau olelo, ua noi aku oia i na ana a ka lehuleliu, no ka haa,wi hou ana mai i na kakoo ana i ka Elele Laliui Jarrett. 0 ka Loio Irwin kekahi mea i konoia e haiolelo, a wahi ana, he kau koho keia e hoea mai ana, no ka lanakila holookoa o na molio a ka aoao Demokarata mai Main mai ahiki i Oahu nei, he makahiki hoi keia e ku ai ke kekake Demokarata maluna o kona mau wawae t hope, e holo ai ka elepani Kepubalika e pee iloko o ka ululaau me kona huelo mawaena o na wawae. 1 ka hoolauna ana mai hoi i ka Eiele Lahui Jarret,t, ua hoakal:a mai la ka Lunahoomalu -Metzger, ua oi aku na mea i loaa mai ma o ka Elele Jarrett la iloko o na makahiki elua wale no, mamua o kekahi elele lahui e ae ? iloko o na makahiki he iwakalua; o ke kumu mai wahi ana, mamuli ia o ka makaala o ka elele 1 na hana o ka lehulehu. Ua kalele nui ka Elele Lahui Jarrett i kana. kamailio ana, no kana mau hana ma Wakinekona. He oiaio wahi ana, ua komo aku o Kiaaina Farrington, ma ke kokua- ana, no ka holopono o ka Bila o na Pono o Hawaii nei, aka ftae o ka elele lahui, ka mea kuleana maoli ma ka hookomo ana aku i kela bila, ame ka hooikaika ana i wahi e hooholoia ai. Wahi ana, ua nele ka elele i ka mana koho maloko o ka ahaolelo lahui, aka nae, o ka mea hiki iaia ke hana, o ia no ka hui ana aku mo ka poe i loaa ke kuleana koho, no ka holomua o kana mau bila apau. Ona loina maloko o ka Bi.la 0 na Pono o Hawaii, wahi hou a ka Elele Jarrett, o na loina hou kahi no ia a ka aoao Demokarata. ' Ua hoikeike aku ka Elele Jarrett, 1 ka peni a ka Peresidena o Amerika i kakauinoa ai i ka Bila o Hawaii nei, me ka lilo o keia mahele o kana kamailio ana, i mea ohohia no ka lehulehu. No kekahi mau bila e pili ana ia Hawaii nei, e waiho mai la iloko o ka ahaolelo lahui, ua hooiaio aku ka Elele Jarret£ e hoi bou aku ana no oia i ke kāu pokole o ka ahaolelo, no ka hooikaika ana e lilo kela mau bila i kanawai. ' H. Ma keia la, e hooloheia ai ka hihia hoeha o ka Meia Wilaon, maloko o ka aha hoomalu, elike me ia i hoopaneeia mai ai ka Poaha mai o kela pule i hala a"ieia Poaha.