Ka Nupepa Kuokoa, Volume LXIII, Number 33, 14 August 1924 — KA HOOPAUIA ANA O SAM ONEHA. [ARTICLE]

KA HOOPAUIA ANA O SAM ONEHA.

Ma ke awakea o ka Poakahi iho nei, i hoopauia aku ai o i>am Oneha, mai kona nolio hana ana no ke Kulanakauhale a Kalana o Honolulu nei, ma ke ano he kakauolelo poo noloko o ke keena o ka lunanana kukulu liale, me kekahi kumu maopopo ole, elike me ka hoakaka a ka Lunanana Kukulu Hale Lewis Abshire, ka mea nana i hoopau aku iaia. O keia iho la anei ka hopena o na ahewa a ka Lunakiai Hollinger, i.hookau aku ai maluna o £a Meia John H. \Vilson; a i ku'iia mai ai oia no ke leapa ana aku i ka meia, i ka hoopakele i ka ooe luuia karaima? Ina o keia i'o iho la ke kumu, alaila ua pololei ka Lunakiai Hollinger; aka ina ua hoopauia aku me kekahi kumu ole, alaila he kuleana nui ko Sam ©neha, no ke kupale ana j kona inoa maikai, e koi mai ai, i na hoakaka mai ka Lunanana Kukulu Hale Abshire aku, e lilo ai ia hoakaka, i mea e hoopauia ae ai na ao omamalu o na ahewaia mai iaia ae. Ma ka manawa i waihoia ak'u ai ka hoike no na hana o ke keena o ka lunanana kukulu hale, e ka hui hooia, i huli a i noii pono i kela mau hana, ina aia kekahi mau hana poholalo i lawelaweia, o ka manawa kupono loa ia e- kapaeia akū ai kekahi mea, i kau aku ai maluna ona ka hoohuoi ana, a e hoopauia aku oia, a i ole hoihoi hou ia ae paha ma kona kulana, elike me na mea e ikela ae ana, no kona pili i ka hewa a hewa o'e pahaHe oiaio, o ka mana hookohu ame ka mana hoopau, ua loaa ia i na poo o na keena lehulehu o ke Kulanakauha'e a Kalana o Honolulu nei; ina mamuli'mai o kekahi hewa i hoopauia aku a: o Sam Oneha e ka lunanana kukulu hale, a no kona hewa ole paha, ua hoalaia niai na manao hoohuoi iloko o ka lehulehu. no ka hoopaneenee wale ana o Mr. Abshire i kela hoopau ana. aia kekahi mea uana i hookonokono aku iaia, e hookaawale koke aku ia Sam Oneha mai ka noho hana hou ana maloko o kona keena, ka hana hiki ole nae iaia ke hooko, he mau mahina ae nei i hala. O ka hewa a hewa ole o kekahi limahana, e noho hana ana maloko o ke kulanakauhale o Honolulu nei, ke makemake nei ka lehulehu o na mana koho e ike i na mea oiaio, a e uku keln ame Keia elike me kana mea i hana ai.