Ka Nupepa Kuokoa, Volume LXIII, Number 33, 14 August 1924 — HOPUIA NO KE PUHI WAIONA [ARTICLE]

HOPUIA NO KE PUHI WAIONA

He eha mau wahi i komoia aku e ka Akena Hookapu Waiona J. K, Cockett o Kauai, ma ka hapa hopo o ka mahina aku nei o lulai, i hala, a o ka hopena i ikeia, o ia no ka paa ana ae he elua mau Pake, ame elua mau Poto Hiko i ka hopuia. He Poto Biko no Eleele, a nona hoi ka inoa o Adof Galaraza ka mea mua loa o ka hopuia ana e Cockett, me ka loaa ana aku he okolehao, he kanaha galani o ka ra ma i hoawaawaia ame ka ipuhao puhi waiona malalo o kona malu. Ua waiho ae kela Poto Eiko lie elua haneri bela dala no kona hoo* kuuia aku ahiki i ka hooloheia ana 0 kona hihia, maloko o ka aha hookolokolo o Koloa, eia nae ua haaleleia kela bela, Ma Omao, ka elua o na Poto Eileo 1 hopuia ai me ka loaa ana aku hookahi galani okolehao me ka ipuhao puhi waiona malalo o kona malu. Ua haalele pu keia Poto Hiko i kona bela o elua haneri dala, i ka wa i hooloheia ai kona hihia, imua o ka aha hookolokolo o Koloa. Ma kahi hoi o na limahana ma ka mahiko o Mcßiyde i hopuia ae ai h& Pake o Ah Kum ka inoa, me ka loaa ana aku he umi omole okolehao malalo o kona malu. Ua haalele oia i ka bela o hookahi haneri dala i kauia mai maluna ona. He Pake lawai'a no Niumalu, ka eha o ka poe i hopuia e ka Akena Cockett, hookahi omole okolehao i loaa aku malalo o kona a oia pu kekahi i haalele i kona bela o hookahi haneri dala. Ma na hoike i waihoia ae o ka, Akena Cockett aia ka ma Kauai ka wiaake kapilipili kahi i hele iaula ai; he Kepani ka mea nana e hoo.'ilo ana i kela waiona, ma ka elima dala o ka omole hookahi. Wahi a Cockett o kela waiona i ikeia he wi9ake, o ka okolehao no ia i hookomoiu me kekahi mea e ae, nana i hoolilo i ka wai oloko o ka omole a like loa me ka wisake.