Ka Nupepa Kuokoa, Volume LXIII, Number 33, 14 August 1924 — Hoopauia ka Halawai a Na Pilipino Olohani E Ole ka Eleu o ka Oihana Makai Pela i Ala Ole ae ai Kekahi Haunaele ma Aala Paka ma ke Sabati i Hala [ARTICLE]

Hoopauia ka Halawai a Na Pilipino Olohani

E Ole ka Eleu o ka Oihana Makai Pela i Ala Ole ae ai Kekahi Haunaele ma Aala Paka ma ke Sabati i Hala

E ole ka piha eleu ame ka makaala o ka oihana makai o Honolulu nei, pela iho la i ala ole mai ai kekahi haunaele nui malalo ae nei o Aala Paka, ma ka auwina la o l;e Sabati i hala, i ka manawa i malamaia ae ai he halawai a ka poe olohani, me ka hoopauia ana o kela halawai, mamuli o ke kauoha a ka Hakai Nui Trask. Ua ala mai no nae ke okaikai ma kela halawai, ma ka mannnu a. Henry K. Andrews, kekahi lala o ka hui uniona, a lala hoi oloko 0 ka oihana makai i hoopauia, e haiolelo mai ana, me ke ku-e ana 1 ka Makai Nui Trask, no ka hiki ol« ke papa aku iaia. No kana mau olelo pili kino i ka Makai Nui Trask, ua papa okoa ia aku oia e noho malie, aole nae he hooloheia mai, a ia wa i noke aku ai ke anaina i ka huro, me ka neonee loa ana aku a kokoke i kahi haiolelo. Xo ka hooko ana nae i k« kauoha, * hoopau i ka haiolelo ana, i pii okoa aku ai na makai noluna o kani haiolelo, a kipaku aku la ia Mr. AndrewB, me ke komo pu ana mai 0 kekahi mau alakai, ma ka hoomalielie ana i na manao pioloke o ka poe olohani, ahiki i Ka maali'.i ana. Ma ka pule mamua aku, he kauoha ka i haawiia ae e ka Makai Nui Trask, e papa ana i ka malamaia h« halawai akea e ka poe olohani, mamuli o kona manao, e ili mai ana kekahi haunaele ma ke!a halawai, aka nae, ua palēia ae ia a malama aku la ka poe olohani, he halawai, ma ka auwina la o kela Sabati. TTa hoea kioo ae ka Makai Xui Trask ma ka halawai o kela Sabati, a hui pu me na alakai olohani, nie ke kauoha ana aku ia lakou, aole e malama i ka halawai, me ka ae ana o ka poe olohani, e hoopanee 1 ka halawai, me ka hoike āna aku o Pablo Manlapit, imua-o ke anaina, ro ia mea. Ma kela wahi nae, i noi mai ai 0 Henry J. Andrewg, e aeia aku oia * hoakaka mai no na mea e pili ana 1 na hoolala ana no ka Lā o na Limahana; ua ae aku ka Makai Nui Trask i kana noi, me ke kauohaia ana aku nae. e kamailio wale no oia maluna o na mea e pili ana i kela la. Ala kahi na« o kona kamailio wale ana no ma na mea e pili an% i na hoolala ana no ka la o na limahana, ua ku-e mai la oia i ka Makai Nui Trask, ma ke kamailio ana mai, aole loa he kuleana o ka makai nui * papa aku ai iaia i ke kamailio ana maluoa o kekahi mea. "Ua ukuia keia paka me na dala auhau a na kanaka o keia kulanakauhale," wahi ana. "No keaha ke kumu « papaia ai kakou, 'i ka

ana i keia paka! Ua koho au ia Mr. Trask i makai nui, aka | ke kaumaha loa nei nae au no ia j mea i keia wa, a ke manao nei au, o ka hapanui no kekahi o oukou.' > Ua papaia aku Ia pia e na makai, e hoihoi ae i kana kamailio ana maiuna o kana kuniuhana mua i makemake ai e kamailio mai, ia wa i hoomaka hou mai ai oia e kamailio: "Ua hiki ia'u ke kamailio elike me ka loihi a'u e makemake ai," i kukala ae ai o Andrews, me ka hoo mau ana mai i kona ku-e ana i ku makai nui, ahiki i ke kauoha oko;i ana aku o Trask iaia e nolio malie, 0 kipaku okoa ia aku auhnei oia. Aole he hoolohe mai o Andrews i kela kauoha, ia wa i pii aku ai ke Kakiana Makaikiu Ross, noluna o kahi haiolelo, x a koi aku la iaia e haalele i kela wahi, a i ka manav/a 1 hoole aku ai o Andrews ia kauoha, ua hukiia aku la oia mai kahi haiolelo aku, o ka wa ia i uwa ae ai ka aha kanaka, me ka holo ana aku o na makai noluna o kahi haiolelo. Mahope iho o kela uluao'a liilii, i hui pu ae ai ka Makai Nui Trask me kekahi mau alakai olohani, a ma ka lakou kukakuka ana, i hooia aku ai ka Makai Nui Trask, no kona a« i ka malamaia o na halawai akea, ina nae e kamailio ole ia na mea e ala mai ai kekahi haunaele a uluao'a, aka ina aole e hoolohuia kajia kauoha, alaila e papa ana oin, i na halawai akea a ka poe olohani.