Ka Nupepa Kuokoa, Volume LXIII, Number 32, 7 August 1924 — E LAWEIA NA KEEHINA MAKAALA I KA POE OLOHANI [ARTICLE]

E LAWEIA NA KEEHINA MAKAALA I KA POE OLOHANI

Mamuli o na hana a na Pilipino olohani o ha mahiko ma Kona. liawaii. o ia ka hoopilikia ana aku i ka poe o lakou e huli hoi hou ana i na mahiko e hana ai, pela ka lawelaweia ana o kekahi hana hoeha, maluna o na kanaka o ke aupuni, elike me ia i hoikeia aku ai ma ka meahou, maloko nei o keia pepa: ua lawa kela hoailona 110 ka oihana makai o ke Kalana o Hawaii, e lawe ae ai i na makaala ana no ka hoomalu ana nku i ka poe olohani. Ke kn makaukau mau nei na makai i hoonohoia aku ma na mahiko ma Oahu nei. ma kahi o ka lakou hana, pela me na ona o na mahiko, no ke ala mai o kekahi pilikia mai na Pilīpino olohani mai; a hoea mai nae i keia manawa, aole he mau hoailona no ka lioalaia mai o kekahi pilikia. O ka mea oiaio maoli, ua loaa ka ike i na Pilipino olohani, he mea makehewa ko lakou hoao ana mai, e lawelawe i kekahi o na hana i īke mau ia iwaena o ka poe olohani, no ka hookoia o ko lakou mau makemake; a ma kekalii olelo okoa ana ae hoi, aia ka maka'u ame ka weliweli iloko o lakou, no ke kikoo aku o aa lima kakauha o ke kanawai maluna o lakou, a hahao aku maloko o na halepaahao; e hooiia ae ai ko lakou pilikia, a e hoonele mau ia aku ai k6 lakou mau inanaolana, no ka maliuia aku o ka lakou mau kumu koi, i kekahi la, e na ona o na mahiko. Aole no nae i nele ka ikeia aku o na manao maikai ole iloko o na Pilipino olohani, no ko lakou mau hoa lahui, e hoomau mai nei no i ka noho hana ana ma na mahiko, 110 keia kumu. i hawi ae ai ka Makai Nui Trask i ke kauoha aole e malama hou i ana halawai akea ma Aala Paka. Ua ike maoli ia ka hoalaia ana mai o na manao maikai ole iwaena o kekai puulu o na Pilipinp, ma na halawai akea i malamaia ma Aala Paka, e ole wale no ka makaala mau o ka oihana makai. pela iho la i pau wale ai kela piiikia; a i wahi e hoea hou ole mai ai kela pilikia, he oi aku "ka pono, o ke kinai ana i ke ahi. i ka wa uuku. mamua o ka hookuukuu wale ana aku, ahiki i ka nui loa ana e lilo ai i hana nui me ka paakiki, ke kinai ana aku. Ke kaumaha loa nei keia pepa i ka hana a na hoa o ka papa .o na lunakiai, ma ka lokahi ole ana e ukuia na limahana o ke kulanakauale ma ka Poalua iho nei, mamuli o ke koho ku-e ana ona lunakiai Demokarata i na lunakiai Repubalika. O ka pilikia ma keia ninau ukuhana o na limahana, e kau aku ana no na ahewa ana maluna o kahi i'o e pono ai e ahewaia; hookahi nae mea hiki ole ke alo ae. o ia no ka ili ana aku o na haawe ko'iko'i o ke kaumaha maluna o na linialiana, no na hemahema ["hanaia e na hoa o ka papa lunakiai.