Ka Nupepa Kuokoa, Volume LXIII, Number 28, 10 July 1924 — MAKE HE KEIKI UUKU MA KA ULIA KAA [ARTICLE]

MAKE HE KEIKI UUKU MA KA ULIA KAA

Ma Waimea, Kauai, ma ke Sabati, ka la 30 o ka mahiua aku la i hala, i hooku'iia aku ai he keiki Kepani uuku, nona na makahiki ekolu, a nona hoi ka inoa o Tetsuro Arase, e ke kaa otoinobile, e hookeleia ana e George Wright, a no ke kukonukonu loa; o ka poino i loaa i ke keiki Kepani uuku, ua make oia ma k;x auwina la o kela Sabati. ' I kulike ai me na hoakaka a na hoike, i ike maka i ke ano o ka loaa ana o kela poino, e ku ana ka kela keiki uuku ma ( ke alanui, a e holo mai ana hoi o George Wright ma ia alanui hookahi no, me kona ike mua ole mai palia i ke keiki Kepani, ahiki i ke kokoke loa ana, nolaila ua hiki ole iaia ke hoohuli ae i ka holo ana o kona kaa otomobile, no kekalii wahi okoa, Mahope ilTo o ka loaa ana o kn poino i ke keiki Kepani, ua hoihoiia aku oia noloko o ka halema'i ma Waimea; me ka lawelaweia ana o na hana apau e hoopakeleia ae ai kona ola, ua lilo nae ia mau hooikaika ana i mea 'waiwai ole, no ka mea ua i/iki ole i ka ike anie ko akamai o na kauka, ke kaohi mai i ke ola. Ma ka noho ana o ke kiure koronelo, ma ka Poakahi mai, e ninaninai> a e liuli pono i na kumu' o kela make ana, i hoopuka ae ai lakou i ka olelo hooholo, ua make kela keiki Kepani, mamuli o ka holo uui a hooponopono ole o GeoTgc Wright, i kona kaa otomobile. — He elua mau kauoha kanawai a ka Loio Kalana Heen e hoomakaukau mai nei, no ana ae imua o ka papa o na lunakiai, no ka hooholo ana mai, hookahi e kukulu ana i kofnsiina no ke keena noi hana, a o ka lua, no ke koho baloka o ka lehulehu, maluna o kekahi waihona dala, no ke 'paipu lawe meaino.