Ka Nupepa Kuokoa, Volume LXIII, Number 28, 10 July 1924 — KU MAOLI I KA MANAONAO. [ARTICLE]

KU MAOLI I KA MANAONAO.

Aole i ikeia ka pelapela ame ke kupon'o ole o kekahi mau lialeaina ma keia kulanakauhale, ahiki i ka nana pono ia ana e ka hope o ke komisina nana meaai o ke teritore, iloko nkn la o na la i hala. no keia kumu he mea ano maikai ole ir.aoli keia, i ka nana aku, oiai maloko o kela mau haleaina e ai nei. kekahi heluna nui o na limahana i ko lakou aina awakea. i keTa ame keia Ja, apau ka pule. Xo ka hoopakele ana i ka lehulehu, mai ko lakou ai ana i na meaai kupono ole, he mea pono, e lawe ae ko kakou papa ola, a o ka poe paha i kuleana maluna o na haleaina, i na keehina. e loaa maoli ai ke kulana maemae i na haleaina o ka oi loa aku. ma na wahi e waihoia ai na meaai. Ma ka hoomaopopo o keia pepa, ua haawiia aku na laikini e lea papa ola, t na ona o na haleaina, malalo o ke kulana i aponoia, no ka maemae o kela mau wahi, ina pela, alaila e pono no e lawe mau ia na kulana makaala apau, ma ka aoao 0 na luna oihana i kuleana maoli i na haleaina. O ka- hele ole aku o kekahi mea e nana i na haleaina, he leumu ia e hoopalaleha ai na ona o kela mau hale, ma ka hoomaemae mau ana i na wahi e waihoia ai o na meaai, a i ole, makaala paha i ke ano o ka lakou mau meaai e kuai ai; ina nae elike me keia keehina e hanaia nei, ke hoomauia aku ia 1 kela ame keia manawa, he mea oiaio loa, « pau ana na manao hopohopo, no ke kapuluia o na meaai. ■ Ma ka aha'i ana aku Ia o ka papa himeni o Haili, i ka helu ekahi. o ka hookuku himeni, i malamaia mai mai nei ma Hilo, o ka hoea ana mai" ia, i ka hooukaiā ana o kekahi paonioni hahana iwaena o na alakai himeni, ame na puukani, iloko o o na *ekalesia Hawaii o ka Hoomana Hoole Pope apuni keia Teritore. He mea hookahaha i ka manao, ka aha'i mau ana 0 kela papa himeni, i ka helu ekahi iloko o na makahiki neepaa ekolu. ma keia ano iho la nae .e'maopopo ai ia kakou o ka makaukau ame ke akamai o ke alakai ana o ka alihikaua i kona puali koa, 6 ke alahele wale no ia e loaa mau āi ka lanakila. He hana maikai keia i hoalaia e na ekalesia Haw-aii, mai filo ka loaa ole ana-o ka lanakila i kekahi mau papa himeni, 1 kumu e hoemiia mai ai na manaolana, aka e hoomahuahua aku ika ikaika hana, a'e hooi ae ika makaukau. aia no he la r hoea mai ana, e papahiia ana ia mau hooikaika ana, me ka lanakkila. +++. Mamulī o ka hahana maoli o ka wae ana i moho Peresklena na ka aoao £)emokarata, ma ka ahaelele Demokarata lahui o .Amerika, no kekahi mau ls lehulehu. ka mea i ike mua ole ia ma ka moolelo o ke aupuni o Amen'ka Huipuia, ua kukuniia aku na manao'uilani, iloko o kekahi pohai, e lanakila maluna

o kekahi; i ka nana akn, ina e oili mai ana kekahi moho, mai"waena mai o na moho apau e aumeume mai la e loaa ka hanohano o kona waeia, aole ana no hoi e nele, ka nui o kona mau N enemi, iloko o kona aoao kalaiaina iho.

Eia o William M. Keolanui o Hilo mamua, ame Charles Bridges o keia kulanakauhale, ke komo kino nei īloko o na hana lawe aelike. Ke ku mai nei ka laua mau hana i lawelawe ai iloko o keia mau mahina pokole, i mau hoike oiaio no ka hiki ke hookauia aku na hilinai ana maluna o laua. O ka pololei āme ka hoopono ma na hana, o ka pohaku paepae iho la 110 ia no na oihana apau, e pii ae ai mai ke kulana nawaliwali aku a i ke kulana ikaika o ke ano kanaka-makua. a o ka mea oi aku. e kau mai ana ka hilinai ana a ka lehulehu maluua o ka laua oihana.