Ka Nupepa Kuokoa, Volume LXIII, Number 28, 10 July 1924 — HOONANEA NO KA MANAWA. [ARTICLE]

HOONANEA NO KA MANAWA.

MOOLELO NO LONOKAMAKAHIKI KE ALII KAE'AE'A AOHE LUA MA KA HOOPAPA, AME KE KAUA. MOKUNA VII (Kakauia e Z, P. K. Kawaikaumaiikamakaokaopua) (Hoomauia mai.) Mahope iho o keia manawa, olelo aku la o Lonoikamakahiki ia Kaikilani: "He nani ia ua puni ae nei Oahu

nei ia kaua, noho oe o kaua; eia la he aina oluolu, he kanaka iki, kanaka nui." I aku la o Kaikilani. "Ua pono ia, aka, e hoi kaua e hooponopono ia Hawaii a pono, aiaila, hoi hou mai ia Oahu nei; aia na'lii o Hawaii la ua kipi, ua hao ae la na'lii apau ia oe, o ko hiki no i Hawaii o ka hoouka no ia o ko kaua, pania mai la no e na knaaka [kanaka] mai Anaehoomalu a ka lae o Kauhola." No keia olelo ana aku a Kaikilani pela, hoolale koko ae la o Lonoikamakahiki i na waa, a holo aku la lakou. Ma keia holo ana a Lonoikamakahiki, aole nae i holo aku ma Kohala, aka, mawaho loa no ahiki i Kealakekua. Ia hiki ana aku o Lonoikamakahiki ma, ua pau mai la na alii o Kona apau, ame. na kanaka i Kohala; no ke kali no ia Lonoikamakahiki o ka puka aku no ma Koliala, o ka luku no. Aka, ia Lonoikamakahiki i hiki aku ai, hoouna aku la oia i elele 1 Kau, e kii ia Pupuakea, e h«lo mai e halawai me kona, kaikuaana (Lonoikamakahiki) i kuka ai laua no ka luku aku i na'lii kipi o Hawaii. I ka hiki ana mai o Pupuakoa, kuka ae la laua a holo, alaila, hoounaia aku la ka elele e Pupuakēa, e kii aku i na kanaka apau e holo lakou no ke kaua; no ka mea, o Kau o ia wale no ka okana i koe aolo i kipi, no ka mea, malaila no o Pupuakea kahi i noho ai, mahopo iho o ko Lonoikamakahiki holo ana i Oahu. A lohie ae la na kanaka, alaila, hele mai la lakou mauka o Kau a mauka o Kona, a o ka luna hoi i hoounaia, hiki mai la oia ma Kealak«kuai ma kahi o noho ana o Lonoikainakahiki laua me Pupuakea. Mahope iho o keia lohe ana, ua hala ae na kanaka mauka, alaila, hele aku la o Lonoikamakahiki laua me Pupuakea, a halawai. aku la me na kanaka i Puuanahulu, a malaila kahi i hoonoho ai o ke kaua. Aka nae ia manawa, ike mai la ka aoao kipi i kai o Anaehoomalu i ka ula o ke a Puuanahulu i na kanaka, he mea haohao nae ia i na. kipi. Manao nae kekahi poe kipi, he kaua; a ma ka manao hoi o kekahi poe, he poe kanaka no no lakou (na kipi), no ka mea, ua manaioia, aia no o Lonoikamakahiki i Oahu, no ka mea hoi, aohe poe na lakou i olelo uku, ua puka ae o Lonoikamakahiki i Kealakekua. • Ma keia la a na kipi e haohao la, a ma ia po iho, iho aku o Lonoikamakahiki me kona kaikaina me Pupuakea, ame na kanaka apau i makaukau no ka hoouka kaua. I kela po, i na kanaka i iho aku ai mai Puuanahulu aku, ia manawa, manao ao la na kipi he kaua keia, no ka mea, aia ma ka lima o na kanaka, na lama (he mau ihoiho kukui) e a ana mai mua a hope o ka huakai kaua a Lonoikamakahiki. Nolaila, hoomakaukau ae la na kipi i ke kaua, a hoouna aku la iluna e hai aku i na kanaka ame na.'lii o ka aoao kipi: (Aole i pau.)