Ka Nupepa Kuokoa, Volume LXIII, Number 26, 26 June 1924 — KA PILIKIA MA KA HANA HOOPULAPULA. [ARTICLE]

KA PILIKIA MA KA HANA HOOPULAPULA.

Mailoko mai o na leo mahalo. e olowalu ana no ka holoniua O ka hana hoopulapula ma na aina o Molokai ; kela mau aina, a ra ohana Hawaii kakaikahi e noho mai la. no ka hooikaika ana i ko lakou mau pono; i oili pu mai ai na leo kupina'i, no Va hookomoia ana aku o ke Komisina o na Home Hawaii iloko 0 ka hia, ma o na hoolilo nui hewahewa, a kupono ole, i hanaia e ka Lunanui Lvman, ke kanaka i hoonohoia aku, no ka makaala ana i na hana hoopulapula ma kela mokupuni. O ka holomua o ka hana hoopulapula i ka lahui Hawaii. he ninau ia i makee nui ia, aole wale no e na Hawaii ponoi iho, aka e kekahi mau lahui e ae, i lilo he mau hoaloha no na Hawaii; a i ka oili ana ae o kekahi mau hana i lawelaweia, ma ke ano e hoemiia mai ai ka holomua i makemakeia aku ai, o kekahi ia o na hopena a kakou apau e kaumaha ai, a he hana tna ka aoao o ke Komisina o na Home Hawaii, ka imi ana aku. i na alahele e hoopauia ae ai ka pilikia. Ua hoohala ke Kakauolelo R. M. Duncan, a luna mana hooo ke komisina he mau la ma Molokai, e huli ana a e imi aoa. i ke kulana o na hana i lawelaweia malaila, a mamuli o kana mau hoike, o ka waiho ana ae imua o ka papa, ma ka pule aku nei i hala, i lokahi ai ka manao o n,a lala o ka papa 1 hoea ae ma ia halawai, no ka hoea ana mai i ka pau ana o ko ka Lunanui Lvman waiwai, e hoomau aku i ka noho hana hou ana ma ke ano he lunanui. Ma na loina naauao ma na lawelawe hana ana apau, e loaa i ka Lunanui Lyman he manawa kupono, nona e kupale ai iaīa iho. a e waiho ae ai i na hoakaka ma kekahi mau hana, i "hoahewaia aku ai oia; a mai ka hopena mai auanei o ka hoololie ana i na aoao a elua, e haawiia mai ai he olelo hooholo, i mea na ka lehulehu e haawi aku ai i na mahalo ana, ke hookahuaia maluna o na mea oiaio, aole o ka hooili wale aku i na ahewa ana. me ka huli mua ole i ka oiaio. Ina no ka hiki ke hooiaioia, ka hoohana ana aku o ka Lunanui Lvman i kona mana, a oi aku mamua o ke kuleana i haawiia aku iaia e ke Komisina o na Home Hawaii; me ka lilo o ia hana. i kumu hoopilikia mai i ke komisina, a i ka poe hoopulapula, alaila he mau kumu kupono loa ia. no ke kaili ana ae i ke kulana ana e paa ana, a haawi aku i kekahi kanaka okoa aku. i kanaka e hooikaika ana ma na ano apau, e hoopakele ae i ke komisina, mai na hoolilo kupono ole mai, a e imi ana hoi, % na alahele apau e hoopakele ae ai i ke komisina, mai na hoolilo kupono ole mai. a e imi ana hoi, i na alahele apau i ikeia ka holomua o ka hana hoopulapula.