Ka Nupepa Kuokoa, Volume LXIII, Number 25, 19 June 1924 — MAKE HE KEIKI OPIO ME KA HIKIWAWE [ARTICLE]
MAKE HE KEIKI OPIO ME KA HIKIWAWE
Maloko o ka halema'i o na poino ulia, ma ka hapalua o ka hora ehiku o ke kakahiaka, o ka Poaha aku nei i hala, i ikeia ai, ua haalele mai ke ola i ke kino, o kekahi keiki opio nona ka inoa o Daniel Ah Soon Sung, a nona hoi na makahiki he umi-kumamaono. 'He manawa pokole wale no mamua aku o ka make ana o kela keiki, e paani ana no oia ma kona home, eia nae mahope mai, ua loaa aku la kona kino e -waiho ana maluna o kona moe, i na makua, a hoihoi awiwi ia ae no ka halema'i o na poino ulia. Ma ka nanaia ana, aole he maa hoailona, e maopopo iho ai, ua loua kela keiki i kekahi ulia, a ma ka manao o Kauka Aver, o ka halema 'i o na poino ulia, ua halawai kela opio me kona hopena, mamuli o ka ma'i puuwai. —