Ka Nupepa Kuokoa, Volume LXIII, Number 24, 12 June 1924 — KA AINA O KAAKAUKUKUI. [ARTICLE]

KA AINA O KAAKAUKUKUI.

Ke hoonioniia mai nei na mea e pili ana i ka aina aupuni o Kaakaukukui. nia Kewalo ae nei. kahi a kekahi heluna nui o ra Hawaii e noho mai nei, me ko lakou mau home, i kukulu ai. O ka noho ana o kekahi heluna nui o na Hawaii maluna o kela aina o ke aupuni, mamuli ia o ko lakou manao ponoi iho. me ke apono ole ia aku e na poo o ke aupuni, koe wale no ko lakou ku ana a hele mai kela wahi, i ka wa e makemakeia, ai, no na hana a ke aupuni i iini ai, e kukulu ae ma kela wahi. Ua hookahua kahiko ke aupuni, i kekahi wahi o Kewalo, no ke kapili ana aku i kekahi uwapo, no na waapa lawaVa o na Kepani e hoolulu ai, o ke kumu wale no o ka hoohakalia ia o ia hana, no ka makaukau ofe o ke (iala ma ka aoao o ke 1 aupuni. l*a loaa nae ke da!a i keia wa, mamuli o ke kuai hoolilo ia ana aku o na bona aie, nolaila e hoea mai ana i ka wa, e hookoia ai o kela manao mua. ' Mawaho ae o kela uwapo e kapiliia aku ana, aia iloko o ka! noonoo o na poo o ke aupuni, ka hoolilo ana aku ia Kaakaukukyi, malalo o ka hoolimalima, i kekahi mau hui kalepa; nolaila o ka mea maopopo loa i ka nana aku, e hoea mai-ana i ka manawa, e konoia ai na ohana Hawaii e noho mai nei ma kela wahi, e imi aku i wahi hou no lakou e noho ai. Ua ike maopopo no ka poe e noho nei ma Kaakaukukui i keia hopena e kau mai ana maluna o lakou i kekahi ; eia nae, kukulu no na hale, aole o na papa'ihale ae nei no kekahi manawa pokole, aka o na hale no, me he mea la, he kuleana maopopo ka noho ana malaila. Ua oili ae nei o Kiaaina Farrington iloko o na la aku la i hala, me kekahi manao, e hoolilo i kekahi hapa o Kaakaukukui. i paka no ka lehulehu, i wahi no ko Kewalo poe ame ko Kakaako e hoohauoli ai ia lakou iho, elike me na wahi he mau paka ko lakou i liookaawale ia; nolaila ua maopopo loa, e hoea mai ana i k'a la, a ke aupuni, e kikoo akii ai ia Kaakaukukui, e lilo ai i hana nui, a puikaika, ma ka aoao o ka poe e noho nei malaila, ke koi ana aku i ko lakou kuleana ma kekahi ano, no ko lakou noho ana maluna o ka aina o ke aupuni. Hookahi mea minamina i ka nana aku. elike me ka manao 0 ka Loio Kuhina Matthewman, o ia no ka lilo o na hale apau 1 kukuluia ma Kaakaukukui, i waiwai, no ke teritore, me ka hiki ole i kekahi mea ke koi i kona kuleana iloko o ka home ana i kukulu ai. a i na mea no apau i hanaia, no ka pono o ka noho ana. Ma na mea oiaio i loaa mai i keia pepa. aole i noho malie ka poe e noho nei ma kela wahi. nie ka hana ole i kekahi 1 mea e kuleana ai ko lakou noho ana malaila. aka ua hoounaia aku na leka ame na noi imua o na hoa o ka ahaolelo lahui. e loaa mai he hooponopono ahaolelo. e hiki ole ai lakou ke kipakuia; a hoea mai nae i keia manawa, hookahi no pane i loaa mai, e nanaia aku ana ko lakou pono; ina nae i ka la apopo, e oni niai ai ke aupuni teritore, no ke kipaku ana i ka poe apau e noho mai nei ma Kaakaukukui, aohe mea hiki ke hoopākele ae ia lakou; no ka mea o na keehina apau e lawelaweia aku ana e na poo o ke aupuni, malalo wale no ia o na loina fiooko i ke kanawai, i pili i na aina aupuni.