Ka Nupepa Kuokoa, Volume LXIII, Number 23, 5 Iune 1924 — Nui na Poino i ke Kai Hoee ma Kauai ame Lanai Lilo ke Kewe Hiu Pohaku o ka Palekai ma Nawiliwili i ke Kai me na Alahao-Poino pu na Alahao ma Lanai [ARTICLE]

Nui na Poino i ke Kai Hoee ma Kauai ame Lanai

Lilo ke Kewe Hiu Pohaku o ka Palekai ma Nawiliwili i ke Kai me na Alahao-Poino pu na Alahao ma Lanai

Mai Nawiliwili, Kauai mai, na hoike o ka loaa aua mai i keia kulanakauliale, no ka nui o na poino, i hanaia e ko kaihoee, a kai mimiki hoi ma kekahi olelo ana ae, ma kela mau wahi, ma ka po o ka Poaha ame ka Poalima aku nei i haia. O ke kewe hiu pohaku keia ma ka palekai o Nawiliwili, ua laweia aku e ke kai mai kona wahi i ku ai, a iloko o ka hohonu o ke kai, me kekahi mau haneri kapuai alahao, e moe ana maluna o ka palekai. He mea maa ka mamua aku nei. ka hoihoiia o ko kewe hiu pohaku, nona ke kaumaha ma kahi o ko ka-nahiku-kumamalima tona, ma kekahi wahi kupono, e waiho ai, aka no ka ikeia, he hana nui ka hooponopoao hou ana i ke kewe, no kahi i makemakeia ai e hoohana aku, pela i waihoia ai kela kewe ma ko poo o ka palekai, i ka wa i pau ai o ka hana ana a na kanaka ma ko ahiahi o kela Poaha aku' nei i hala. He malie maikai ke kai, aole he mau hoailona, no kekahi poino e hoea mai ana; ma ka Poalima ae, aole he hana. o ia la, nolaila aole he mea i hanaia aku no ka hoonee ana i kela kewe. Ma na hora nae o ke ahiahi o kela la, akahi no a ikeia aku ka hoailona o ka pilikia, mamuli o ka pii ana mai o ke kai a uhi iluna o ka palekai, a oiai nae, ua ahiahi i kela manawa, aolo ia he wa no ka lawelawo ana aku i na hana e hoopakeleia ae ai kela kewe. Ma ka po ana iho ma kela Poalima i oi mai ai ka ikaika o ko kaihoee, ahiki i ka laweia ana aku o ke kewe no kahi hohonu. Ma lea manawa o ka hoounaia ana mai o kela meahou, o ka noonoo nui iloko o ka por na lakou o hana mai nei i ka palekai, o iu no kn kakali ana ahiki i ka pau ana o ko kaihoee.

alaila hoao e kii i kela kewe, o ka hana i hoolalaia, o ia no ka luu maoli ana o kekahi poe iloko o ke kai, a wehewehe i na apana o ke kewe, a ma na apana ka huki iluna, ahiki i ka pau holookoa ana o ke kewe i ka hoopakeleia. O na alahao kaaahi keia e moe ana maluna o ka palekai, ua lilo pu i ke kaihoee, ma kahi o ka elua a ekolu haneri kapuai, a ua hookaui na kaa i hoopihaia me na pohaku, maluna aku o na alahao i koe, me ka manao, pela e lilo ole aku ai i ke kai. Ke Kaihoee ma Lanal Ma ka auwina la o ka Poalima i liala, i hoomaopopoia ai ke kipa ana aku o ke kaihoee, ma Lanai, ma kah| i kapaia o Kaumalapau, kahi e kukuluia mai nei i uwapo, no ka hul kanu halakahiki. Mai ka liilii mai o ka pii ana o ke kai i kinohi, ahiki i ka nunui maoli ana o ka nalu, me ka hoopau okoa ia ana o ka hana a na kanaka, e eli ana i ke awa, a laweia aku la ke kao eli, no kahi hohonu o ke kai, e kaawale ai mai na poino aku. Aole he mau poino i loaa i ka palekai, aka nae o na haneri knpuai alahao keia i hoomoeia, na lilo i ke kai. Aole ka he mau hoailona maopopo no ka hoea ana mai o ke kaihoea, koe wale no ka oolo-ku o ke kai oloko o ke awa, a mai ka moana mai ka pii ana o kekahi nalu nul a hookau aku la i na poino i ke alahao me ka ukali ana o kekahi mau nalu liilii mahope aku, aole nae he mau poino i ikeia. No ka loaa hookahi ka ikeia ana o kela kulana kapikipiki-o a ke kai, alaila akakuu mai la, eia nae aohe mea hiki ko hana aku no na wahi i poino, ahiki i ka maopopo maoli ana o ka malie maikai o ke kai.