Ka Nupepa Kuokoa, Volume LXIII, Number 22, 29 May 1924 — Nuhou Kuloko [ARTICLE]

Nuhou Kuloko

Iwaena o na kula apau, ua kaa i ke Kula Kuhio o Kamoiliili ka helu ekahi ma ka nui o na dala a na haumana kula i hoahu ai; ua hiki aku ma kahi o ka $1827.75 i hoahuia maloko o ka banako. Ikfa ke awakea o ka Poalua iho nei, i lawe ae ai o Sam Wong, nona na makahiki he 14, i ka noho meia no kekahi manawa pokole, ma ke ano oia ke poo o na keiki makai pana kaa o na kula o keia kulanakauhale. E hoomanao ae ana na lala o ka Pa llina o Puuomao, Moanalua, i na hana kaupua ma ka la apopo; e hoea ae ana ka Rev. Kaaiakamanu, loela Kiakahi, ka Rev. Robert Ahuna ame Charles Lake maiaila, no ka haawi ana i kekahi mau haiolelo. He kaihuakai ka na pualikoa o keia la kaupua, mai ka pa'lii aku nouka o ka ilina o Nuuanu, a malaila e malamaia ai he haiolelo hoomanao no ka poe i make e moe mai la mauka o ka ilina. Ma ka Poaha aku nei o ka pule i hala, i hoomaka ai ke kiure kiekie i ka ninaninau ana, i na mea e pili ana i. na hemahema, i lawelaweia maloko o k« keena o ka lunanana kukulu liale o ke Kulanakauhale a Kalana o Honolulu nei, malalo o jia kumu hoohaJahala, i waihoia ac o ka Lunakiai Hollinger. * Elike me na mea i hoolalaia, a hoomakaukauia e na hoahanau o ka ekalesia o Kalihi-Moanalua, e haawiia ae ana he paina luau nui ma lea holo o Kalihi ma keia Poalima, ka La Kaupua, o na loaa apau no kela paina luau, c holo aku no ia no ka waihona kukulu luakini hou o kela ekalesia. » No ka haawi ana i manawa no na liauman» kahiko o ke Kula Kamehameha o na mokupuni o Maui ame Hawaii, e hoea mai ana no keia kulanakauhale, ma ka huakai makaikai no Kauai, ua hoololiia ka manawa o ka paina luau o ke Kula Kamehameha mai ka Poaono niai a i ka Poalima, iune 6, ma na hora o ke ahiahi o kela la. '