Ka Nupepa Kuokoa, Volume LXIII, Number 22, 29 May 1924 — E HAAWIIA NA KOKUA E PONO AI! [ARTICLE]

E HAAWIIA NA KOKUA E PONO AI!

Ma keia La Kaupua, e haawi ana ka Ekalesia o Kalihi-Mo-analua, he paina luau hoomanao, no na hoahanau o kela eka!esīa, i kuu ka luhi, mai na hana mai o keia kino, me keia manao nae, e lilo kela luau i kahua no ka waihona kukulu luakini hou no kela ekalesia. He paina luau ka hoomanao a kela ekalesia e lawelawe ana ma keia la. no kona mau hoahanau; aia nae iloko o ia hana, e oili mai ai kekahi hopena e mau aku ai ke o ana o ko lakou mau inoa, ma ke kukuluia ana aku he luakini hou, ma kahi o ka luakini kahiko, kela luakini i kahakahaia aku ai ko lakou mau 'noa ame ka lakou mau hana, no ka Euanelio o ke ola. Me ka nana ole no ia paina luau, aka no kela manao kokua i ka waihona kukulu luakini o ka t Ekalesia o Kalihi-Moanalua, he pono no i ka lehulehu ke alu like ma keia hana; oi loa aku hoi keia, he mau meaai i hoomakaukauia no ka hoopiha ana i ka lua o ka inaina. aohe hewa o ke alu like ana ma keia hana kau pua oi ae, ma ka la apopo.