Ka Nupepa Kuokoa, Volume LXIII, Number 22, 29 Mei 1924 — PANIIA NA PUKA O KA HALE LUAOPELE [ARTICLE]

PANIIA NA PUKA O KA HALE LUAOPELE

Ma ka lono radio a ka oihana kaua moana o ka loaa ana ae a i hoounaia mai e Lorrin A. Thuraton mai Hilo mai ma ke Sal>ati iho nei ma ke ahiahi loa ana iho o ke Sabati nei i paniia ai na puka o ka hale hookipa ma Kaluaopele, o na kanaka apau i pii ai e makaikai i ka luapele ua hoi mai no ke kaona o Hilo ma ia po iho. Ma ka hora 7:30 o ia ahiahi iho kekahi pahu ikaika loa ana ae me ke ku i ka weliweli ke nana aku i ka hana a ka pele, he mau pohaku enaena ka i kiolaia ae i ka lewa no elua mile ka mamao mai ka lua ae a haule iho la maluna o na olaelae pali o Uwekahuna. 0 kekahi mau pohaku ua haule iho maluna o na olaelae haahaa iho. O ka uwahi ka keia he mau mile ke kiekie o ka punohu i lea lewa me ka ikeia aku o ka malanialama o ka uwila e hoomau mai ana ka naholo ana i ka lewa maloko aku o ka uliuli panopano o ka uwahi. 0 ke pahu hope loa ana ka ka oi aku o ka ikaika ma ka hoomaopopo aku mamua o na pahu ana mamua aku no kekahi mau manawa. He 12 mau pou kelepona i nahae a weluwelu i ka na mea o ka ikaika o ka uwila e ku lalani ana mahai o ke alanui e holo la i Kaluaopele, me ka hiki ole ke hui a kamailio pu me ka hale hookipa ma ka luapele. Ua hoiko ae ka ka Lunahoohana Nui Boles no kona hoouna ana aku nei he lono ma ke koiekalapa i Wakinekona e noi aku ana i na luna aupuni no ka ae mai e hookapu i ka paka aole e pii aku 3cokahi poe ilaila, ina nei no ka hoomau loa ia aku o ka huai ana o ka pela e lilo ai ia i mea hoopilikia i ke ola o ka lehulehu. Ke hooponopono mai la ka oia me na kalapu kuloko iho o Hilo no ka hoonoho ana aku i mau alakai ma ke alanui e holo la i ka luapele, no ka papa ana mai i na kanaka aole e pii aku. 0 ke alanui wale no e holopuni ana ke waiho hamamaia.