Ka Nupepa Kuokoa, Volume LXIII, Number 22, 29 May 1924 — HE KALAHEA NA KE KOMITE OLA. [ARTICLE]

HE KALAHEA NA KE KOMITE OLA.

E Kuu Solomon:—I wahi rumi hoi o ka hiwahiwa a kaua no ia la ae maluna. E noho ana ka aha mokupuni o Hawaii, ma ka mahiiia o Augate, 0 keia makahiki, ma ka luakini o Imiola "Waimea, S. Kohala, Hawaii. E hoomanao e na Ekalesia, Kula Sabati, ame na C. E., apuni ka moku nui o Hawaii, i ke ola o ia mau aha, hoomanao pu no i kahi huluhulu moe kehau, a i na kupa hoi o ka aina makua i kaawale aku i na mokupuni, e hoomanao pu iho hoi oukou i nei leo kalahea nou pu kekahi e hoomanao i kou aina hanau ei ae na solona a ke Akua a hoea mai e hoomaikai i kou aina 1 na mea ola hanu, ame na mea ola hanu ole, i hoomaikai hoi lakou. He wahi makana anei kau no ia hoomaikai? Ina he makana kau, hoounaia mai i ke komite ola o ia aha. » E na solona kau kaukanawai no ke ao nei e noho mai nei i na kihi o ka mokupuni, nou pu keia leo kalahea. Hoomohala na lima aloha, elike me ke Senatoa E. K. A. o k* makani Apaapaa. Ka mua ma ka hoomohala ana i ka lima aloha me ke komite ola. E na kupa, na kamaaina hoi o kuu aina hookama, wehoa na ipuka o na home nani o oukou a hookomo mai i na malihini a ke Akua, i ka mahina o Augate i hoomaikai iho ai Oia ia home. E Sol. e aho no ka naue ma ka aina mauna (Waimea) a o na makamaka, na hoaloha e manao ana e hoohala manawa, e aho ma ka aina mauna ka naue. Hoike mua mai i ke komite. Me ka hoomaikai nui nou e Sol. ame kou mau keiki kikoni-hua, MOSES KAPAI, Komite Ola Aha Mokupuni, o Ha* waii. Kamuela, Mei 14, 1924.