Ka Nupepa Kuokoa, Volume LXIII, Number 20, 15 May 1924 — HE PAINA LUAU NUI. [ARTICLE]

HE PAINA LUAU NUI.

Mauka ae nei o ke awawa o l'auoa i ka liko lehua, i nialama ae ai ka mea hanohano B. X. Kahalepuna, ame kana aliiwahine he paina luau nui no ka hoomanao ana i ka la i piha ai o ka makahiki o ka hanu ana o ka laua mea aloha he moopuna, i na ea huihui o keia ola ana; ma ke awakea o ka Poaono i hala aku la, Mei 10, 1924 iloko o ke ohohia me ka makolukolu o ka poe i hiki a,e, a ilaila pu ka mea- nana keia makapeni e kaulele nei. 0 keia paina kekahi o na paina nui launa ole i malamaia ao maloko o kela awawa, a i hoopihaia hoi me na ono like ole i loaa mai na nft>kupuni like ole mai, he mau ono hoi e hiki ole ai ke manao ao e hooinomoni wale aku i ko ha'i haae aka nae, o ka poe i hiki kino ae i ua paina ]a ka i ike pono i ka raea i hoolakoia mai e na kamaaina, a ua ai a ua inu a lawa i ka wai o Haili. Malalo o ka malumaln o lau 0 ka niu i kukuluia ae ai kekahi lanai pe'a me na pakaukau ekolu 1 lioolako pono ia, a kau iho kekahi mau pa meaai maluna iho o kekahi mau pa meaai, he mau mea hoi i ohiia mai ko ke kuahiwi mai a i ko loko hoi o ke kai hohōnu, e kamaloi ole ae ai kc kamahele kipa kauhale. 1 ka hooloaa ana aku i ka ike i ka nui o ka poe i hiki ae ma kela paina ua manaoia ua oi aku maluna 0 ka 800 poe i hiki ae; ua hoowehiwahiia ka lanai me na pua aala o ua awawa leaulana !a, a i hele hoi a uluwehi i na hae apuni ka lanai. Ua hoomatTa ka ai ana mai ka hora 2 aku o ke awakea ahiki i na hora kuliu o ke aumoe. • Ho nui ka poe makahanohano i hiki ae ma kela paina, na luna aupuni o ke kalana, ka Meia J. Wilson, me kana ewa ame na kakauolelo o na keena like ole me ka lakou mau ledc; ko ke Teritore mau kakauolelo no hoi o Sam Dwight no hoi mo kana lede a he nui wale aku. Ua noho ke anaina e ai me ka hauoli ame ka ulumahiehio, me ka hoonanea ana a kekahi mau keiki limahei o ua awawa kaulana la. No na makana i haawiia aku i ka mea nona ka la, ua papalua, a 1 ole papakolu iho hoi ka waiwai io o na mea i loaa mai mamua o na mea i manao mua ia, pela iho la i hiki mai ai na ulia laki o ka manawa ua ale pu ia na hoolilo, a i oi loa aku hoi ma na makana makamae i.makanaia mai e Henfy Smith, ame kekahi poe o ae. Ke lioomaikai aku nei na kupuna o ke kama i ka poe i heie mai o ai, a e hauoli pu me laua i ka Ia poina ole o ka laua mea aloha lie 'moopuna. Ke liaawi pu aku nei laua i ko laua hoomaikai a nui loa i ka poe apau i komo mai a laulima pu me laua ma ke ano limaluhi ma keiQ, hana nui i lianaia iho nei me ka mahalo a nui. Xo ka mea hoi nana ka makapeni c ulele nei, ke nonoi ae n,ei au i k« Akua ka Makua mau loa, Nana no auanei e kau mai i na hoopomaikai a nui iho o ka mea nona ka la, Mary Keonaona, nana e hooloihi i kona mau la, a hoonui i kona mau makahiki, a e hoonaauao iaia iloko o kona mau la a e lilo auanei oia i makuahine no ka pono a i wahaolelo no ke Akua, e hai ana i ko ke Akua Euanelio i kona mau la e hoomaopopo ai i ka pono nui 'o ke Akua; o keia ka'u pule ma ka inoa o Tesu Kristo, Amene. v Ke hooki nei keia makapeni mo ke aloha a nui i ka Lunahooponopono ame na keiki limahei o ka papapa'i ko'u anoai. MALU LAU ALANI,