Ka Nupepa Kuokoa, Volume LXIII, Number 19, 8 May 1924 — Hopuia Eha Poe O Kauai no ke Puhi Okolehao Hoea ka Ilamuku Cox ame Wise no Kauai no ka Hooko Ana i ke Kanawai PAKELE AKU KEKAHI POE PUHI WAIONA Hanaio na Luna OiHana Federala ma ka Hooko Ana i ke Kanawai Waiona [ARTICLE]

Hopuia Eha Poe O Kauai no ke Puhi Okolehao

Hoea ka Ilamuku Cox ame Wise no Kauai no ka Hooko Ana i ke Kanawai

PAKELE AKU KEKAHI POE PUHI WAIONA

Hanaio na Luna OiHana Federala ma ka Hooko Ana i ke Kanawai Waiona

O ka hopena o ka huakai a ka Ilamuku O P. Cox ame ka Luna Hooko Kanawai Hookapu Waiona Wise ame kona mau kokua, ilo ka mokupunl o Kaual, ma ka pule aku la i hala., o ia no ka paa ana o kekahi poe puhi waiona he eha ka nui i ka hopuia, i kulike ai me kekahi meahou o ka hoounaia ana mai i keia kulanakauhale mai Lihue, Kauai mai, ma ka la 3 iho nei o keia mahina.

Ma ka Poaha aku nei i hala ka hnalele ana iho o Cox ame Wise no Kauai, a ma ke kakahiaka o ka' P©alima, i lele aku ai laua ma Aliukini, a no ka hooko ana aleu i ka laua hana, ua maheleheleia na kanaka he hookahi puulu, malalo o ke alakai ana a ka Ilamuku Cox, a he hookahi malalo o John H. \Vise. Ma Huleia, Lihue, Kauai, i paa ai he Pake nona ka inoa o Pai Kam, i ka hopuia e ka Ilamuku Cox me kona mau kanaka, 110 ka puhi waiona. Hc umi-leumamawalu galani okolehao i kaa mai malalo o ka malu o na luna oihana feclerala, me ka loaa pu aku o ka ipuhao puhi iraiona, me na barela o ka waiona i hoawaawaia. Ma Makaweli hoi, ma lee Oamp Helu 4, i paa ae ai ho Pake o Ah Tāi ka inoa i ka hopuia e John Wiso amo kona mau kanalca. % Hc umikumamaono ka nui o na galani okolehaō i aku malalo o ka malu 0 kelu Pake, a ua loaa pu aku no hoi he umi barela o ka waiona i hoawaawaia, pela me ka ipuhao puhi waiona. O ka' elua o na wahi a John H. Wisc i hoea aku ai no ka hopu ana 1 ka poe puhi waiona, ma Lawai, a he Kepani OWnawa ka i hopuia nona ka iiioa o Oshiro. > Ma ka lioaleaka a Mr. Wis<3 ame Ned Crabbc, o ka waiona i hanaia e kela Okinawa, he keu a ka maemae me ke aliali o ka wai, a o kela ka helu eleahi o ka waiona a laua i ike, iwaena o na waiona apau i hanaia e ka poe puhi waiona, a he maemae pu na barola e waihoia ai na -waiona i hoawaawaia, a pela no hoi me ka ipuhao e puhiia ai ka waiona. He kanaono galani okolehao i loaa aku i na luna oihana federala, ua nininiia aku nae ka nui o ka waiona, a he iwakalua wale no galani i laweia mai i hoike ma ka aoao o ke aupuni. 0 ka eha o ka poe i hopuia ma Hanamaulu, maloko o kekahi wahi noho o na limahana o ka mahiko o Lihue, he umi-kumamalua galani okolehao i loaa aku malalo o ka malu o kekahi Kepani o Sesaku Ito ka inoa. He mau wahi hou ae no kekahi eha a na kanaka o ke aupuni i hoea aku ai, eia nae aole he waiona i loaa ia lakou, nolaila aole i hopuia ka poe no lakou na palapala huli, i hoomakaiikau mua ia. O na palapala hopu ame na palapal.n huli apau, ua hoomakaukau mua ia ma Honolulu nei, mamuli o na hoike i waihoia mai e na kiu, i hoounaia no Kauai, pela iho la i loaa mua ai ka ike i na luna oihana federala, no na wahi i lawelaweia ai ka hana hakihaki kanawai.