Ka Nupepa Kuokoa, Volume LXIII, Number 19, 8 Mei 1924 — E IKEIA AE NA MEA OIAIO E PONO AI [ARTICLE]

E IKEIA AE NA MEA OIAIO E PONO AI

Ke hoinoia nei ka Lunakiai Hollinger, ame kona mau hoa Repubalika o ka papa lunakiai, no ko lakou ku-e ikaika i ka hookohu oihana i hanaia no ka Enekinia Kalana Cain ame ka Lunanana Kukulu Hale Abshire, o ka oi loa aku nae, ma ka manawa a lakou. i koho ai no kekahi olelo hooholo, e hookaawale ana he hookahi dala no ka makahiki ka ukuhana no ke!a mau luna oihana pakahi. Pehea nae ka nui o na hoinoino e hookauia aku ana malu* na o kela mau hoa o ka papa lunakiai, no kekahi alahele a lakou i iawe ae ai, i wahi e haalele mai ai kela mau kanaka i .ko laua mau kulana oihana; e haawiia he mau mahalo ana i ka Lunakiai Hollinger ame kona mau hoa, no na keehina a lakou i lawe ae ai, e koi ana e huli pono ia na liana i lawelaweia maloko o ke keena wai, ame ke keena o ka lunanana kukuhi hale, a e hookauia aku hoi na ahewa ana maluna o na li r, a Demokarata oka papa, iko lakou hoao ana e hoopakele ae i na Demokarata o kela mau keena, mai ka hua'iia ana ae 0 na epa i hanaia i ke akea. l'a ike i'o kakou i ka poholaloia ana o kekahi huina dala mahuahua oloko o ka oihana wai, no ia hana, eia o Daniel S. K. Pahu ke noho hana mai nei i kona hoopa'i maloko o ka halepaahao. a ke kakali aku nei kona kokoolua, o ka hoea rnai i ka wa e hooloheia ai kona hihia. l'a ike pu no hoi kakou, ma ka hoike a ka hui hooia Henry Davis Audit Co., Ltd.. i Avaiho ae ai imua o ka papa o na Innakiai. i ka loaa ana aku o kekahi mau hana hemaheina i lawelaweia. maloko o ke keena o ka lunanaiia kukulu hale, ke keena i noho poo ai o Louis S. Cain, mamua o kona hookohuia ana mai i enekinia kalana, nolaila aole anei e pono ia kakou ke haawi aku i na mahalo ana no na hana noii a na hoa Repubalika o ka papa i koi ai me ka ikaika; a i ku-e mai ni na hoa Demokarata o ka papa. no ka hopohopo o ili aku na ahewa ana maluna o na Demokarata? Aia he mau aweawea maopopo loa, e hiki ole ai ia kakou hoole ae. no ka paaniia o ka politika. e na hoa Repubalilea ame na Demokarata o ka papa lunakiai; e pau nae kela ano hana e pono ai, a e hui pu na hoa apau o kā papa, ma ke koi ana e ikeia ae na mea oiaio i hanaia e kela mau keena oihana elua. a e na keena oihana apau o ke aupuni kulanak.iuhaie. Aole i hoea mai i ka wa e loaa ai ka olelo hooholo a ka a komisīiia o na hana o ka lehulehu, maluna o ka piiia noi a ka hui kaa uwila. no ka aeia aku e hoopii hou ae 1 k.i uku o na ohua e kau ana maluna o na kaa uwila, mai ka elima keneka a ika ehiku keneka. Ina nae e hookoia mai ana kela noi a ka hui' kaa uwila, hookahi mea maopopo loa ir,a keia mua aku, elike me ia i ikeia ai ma na kulanakauhale nia Amenka, i hoopiiia ka uku o na ohua, o ia no ka helewawae ana o kekahi heluna nui o na makaainana, mai kekahi wahi a i kekahi o ke kaona ponoi iho nei, me ke kau ole maluna o na kaa uwila. elike me ia e ikeia nei iloko o keia manawa. Fiha ke ea iloko o keia pule holookoa i na leo mele, ma na \rahi apau o keia kulanakauhale, he hana ano malihini keia | ka malamaia maanei.aka he hana no nae i hele a ka--B;aaina no ka mea he aina o Hawaii nei no na mele.