Ka Nupepa Kuokoa, Volume LXIII, Number 19, 8 May 1924 — HAINA NANE. [ARTICLE]

HAINA NANE.

Mr. Lunahooponopono, Aloha kaua a nui:—l na e loaa ana i wahi kaawale o ka hiwahiwa a kaua, no ka haina o ka nane e hoonalulu nei 1 ke poo o na olohe huli nane. Kukulu iho la ua keiki la o Waialua i ka nane ana, he manu ka'u aohe ona poo, aohe apahu aohe wawae, a he ekolu ona mau «kekeu, kona mau umiumi, aia ma ka ekeu, kona ola, aia ma na umiumi. Ke pane nei au i ka haina o ka nane, a ua keiki nei o ka aina kaalewa i ke kai, a oia iho keia. Pa ki akv. He manu keia a ua keiki nei o Waialua, aoh« poo, aohe apahu, aohe wawae, aka, he mau ekeu kona ekolu, ka lala o ka pa, akahi ekeu, ka pa no hoi, alua ekeu, ame ka ohe kamokoi, akolu ekeu, a o kona mau umiumi ka, aia ma na ekeu, ua pololei, he umiumi io, aia ma kona mau ekeu, o ia no ke ako i hoopaaia ai iluna o keia mau ekeu, a o kona ola no hoi ia, o ia keia mau umiumi, i hoopaaia ai ma kona mau ekeu. Ea, loaa pono aku la paha ka manu, a ua hoaloha hookalakupua nei o'u, i ka poka-lu a ke keiki ki manu o ke Kakela ku i ka ehukai o ka Hala o Mapuana. Ina ua pakika loa aku la ea, « kala mai ia'u. Ko'u oiaio, KAKELA KU I KE EHUKAI, Kalaupapa, Molokai, Ua pakika i'o aku la kau poka i ka ilikai, ke hele la a hi no ka pa hi ka malau, pakele mai la no ka manu a olua, huli hou ia mai! —L. E. . i .