Ka Nupepa Kuokoa, Volume LXIII, Number 19, 8 May 1924 — HE HOOMANAO ALOHA NO KUU KEIKI HELELOA, MR. JOHN K. WAILEHUA, JR. [ARTICLE]

HE HOOMANAO ALOHA NO KUU KEIKI HELELOA, MR. JOHN K. WAILEHUA, JR.

Mr. Lunahooponopono, aloha oe: — E oluolu mai kou lokomaikai no kekahi keena kaawale o kau hiwahiwa, e hookomo iho i kela poomanao o ka luulua e kau ae la maluna, a nau hoi ia e hoike ae i ke akea, i ike mai ai na ohana na hoaloha ame na makamaka o kuu lei aloha. Auwe kuu keiki hoomanawanui iloko o na popilikia ma kona kino. Ua pau kuu lohe hou ana aku i kona leo e auwe mai ana i na ehaeha; e kahea mai ana, mama e, nui ka ehaeha ma ko'a kino! Kuu keiki hoomanawanui iloko o ka noho ha* na ana me ka Mutual Telephone Co., a haalele aku oia ia hana ua noho hana hou aku oia me ka Hui Standard Oil Co., Honolulu nei, a me ia hui oia i hana ai a hiki i kona haalele ana mai la ia'u, kona mama, Mrs. Hattie Wailehua, i kona mau kaikuahine ekolu e ola nei, Mrs. Julia Naeole, Mrs. Annie Higgins ame Miss Bella Wailehua, a i kana wahine, Lizzie Wailehua, ame ka laua kaikamahine hanal, Misa Kealoha Wailehna. Ua hanauia kuu keiki aloha ma Waimanu, Hamakua, Hawaii. Ua kanauia. oia ma ka la 18 o Novemaba M. H. 1888, mare ia ma ka la "14 o Novemaba, 1914, a make alru la, Maraki 31, 1924. Nolaila ua piha iaia na makahiki he 35 o ka hanu ana i na ea oluolu o k«ia ao 3 moe aku La. Auwe oe e kuu pokii, Mra. Maraea Keahi, eia au la iloko o ka luuluu i ke keiki a kaua. Aole oe e ike hou ana iaiaj ua pau kona hehi I hou ana i ka lepo o ka aina o kaua; ,iio *u hoi ka pilikia i na keiki a 'kaua, au ae au e noho mai ana oe; auwe kuu lei et E kuu keiki, Mr. Wm. Kahuena, eia ko kaikuaana na haalele mai ia kakou. E kuu kaikamahine Mrs. A. Higgins, eia ka, o kou ike hope ana iho la no ia i ke kaikunane o oukou a hala aku la; ua kau l akn la ka manao nou no ka hoea j hou mai e ike hou iaia aka nae, ua poho wule ia manaolana ana, | Auwe kuu manaonao e, l ka-nana aku i na paia o Honolulu nei, kahi | a kuu keiki e hele ai! Ua puni I o Honolulu nei iaia i ka hele ia, a ma Pearl Clty oia i nohe ai. E j kau keikl e, eia aku nei paha oe iwaho o Polea i ka lawai'a; aloha no ia wahi a kuu keiki i noho ai a kamaaina no na mak.ahiki lehujlehu me kana wahine. Nolaila ke haa\H aku nei makou ka ohana o ka mea i make i ka hoomaikal nui i ka poe a pau i hoea ae e ala pu me makou , pela lioi me kona mau hoaloha ame na makamaka i haawi mai i ka lakou mau poke pua hoohiwahiwa no kuu keiki aloha. 0 makou iho no me ka luuluu,

Me ka mahalo a nni i ka Lunahooponopono, MRS. HATTIE WAILEHUA, MRS. JULIA NAEOLE, mrs. annt:e HIGGINS, MISB. BELLA WAILEHUA, MISS HATTIE RAMSAT,