Ka Nupepa Kuokoa, Volume LXIII, Number 18, 1 May 1924 — Nuhou Kuloko [ARTICLE]

Nuhou Kuloko

Ma ka Poakahi iho nei, i hookohu aku ai. ka Lunakanawai Kieki« I PcteTß ia David K. Kaonohi i lunakanawai apana no Hanalei, Kauai, ma kahi o ka Lunakanawai William Huddj i pauaho mai i keia ola ana ma ka pule aku nei i hala. Imua o ka Lunakanawai Federala Eawllna i hoike okoa aku ai o Mary Correa no kona puhi opiuma ana iloko o na makahiki eiwa ae nei i hala, e hoomaka ana i kona manawa he umi-kumamalima makahiki. Ma ka. hora elua o ka auwina la o keia Sabati iho, Mei 4, e malama ae ana ke kalapu Demokarata o ka mahele 20, apana 5, maloko o ka halekula o Kalihi-kai no ka noonoo ana i kekahi kumuhana ano nui. Maloko o ka Halehui Phoenix ma ka hora 7:43 o ke ahiahi o keia Poaono, Mei 3 e haawi ae ana ke Kalapu Kaonohiokala he hoikeike tabalo Hawaii, na mele olioli, na mele Hawaii, ka hula Hawaii ame ka hulahula. He 85 keneka ko ke tikiki, ukuia ka auhau kaua. Ma keia la, e hoomaka ai o Dan S. K. Pahu i ka hana ana no kona hoopa'i maloko o ka halepaahao, elike me ia i kauia mai ai e ka aha no ka hewa lawe i na dala o ka oihana wai o Honolulu nei ma ke ano kolohe. Ahiki aku la i ka Poakaki iho nei, he kanakolu-kumamahiku ka nui o na hoopii okimare i hookomoia aku iloko o ka aha, no ka mahina aku la i hala. He halawai ka ke kalapu Demokarata o ka mahele 15 apana 5, e malama ae ana ma Aala Paka, ma ka hapalua o ka hora ekahi o ka auwina la o keia Sabati iho, elike me ka hoolaha e puka aku nei ma kekahi wah.i o keia pepa. Ma keia Poaono, e waiho ae ai o Agnes Lapela, ke kokua lunaleka 0 Naalehu, Kau, Hawaii, i kana pane imua o ka Lunakanawai Federala no ke knmu hoopii e ku-e ana iaia, no ka lawe ana ma ke ano kolohe, 1 na dala o ka haleleka i waihoia aku malalo o kona malu. ! . I Hele na haina o ka naue manu kupaianaha a ke keiki o Kahuku, a ku ka paila hana ka haawe e ! waiho nei ma keia keena, a keia I pule ae e oili aku ai he mau haina j hou. Ua loaa mai nei no ia nane | manu hou a ua keiki nei, liooma- | nawanui iki iho nae ia nane, a puehu iae ka hulu o kamanu mua. No ka hele no o na ku'ineki o ! ke Kuokoa a kupalaka i keia puīe, j i hiki ole ai ke hoopukaia aku kekahi mau palapala a na makamaka i hoounaia mai no keia keena. E opu alii mai no a loaa ka wa kupono. \ Ma ke koho ana a na lala o ke komisina makai me ka lokahi ma ka Poakahi iho nei, i hooholo ai kela komieina no ka pili o ka hewa i na Makai Kamahaku ame Kamai, no ka epa ame ke kolohe, a ua haawiia ae ke kauoha i ke Kakauolelo Kalauokalani e hoike aku i ka Makai Nui TraBk no ka hoopau ana i kela mau makai mai ka oihana aku. Maloko o ka hale o na lunamakaainana ma ka po o ka Poakahi iho nei, i noho ae ai ka papa komiāina 0 na hana o ka lehulehu, no ka hoolohe ana i ka noi a ka hui kaa uwila, no ka hoomahuahua hou ia ae o ka uku o na ohua kaa uwila mai ka elima keneka a i ka ehiku keneka. Ma kahi o ka hookahi haneri a oi poe noi i waiho ae i ka lakou mau palapala noi imua o ke komisina makai no ko lakou hoikeia mai no na kulana iloko o ka oihana makai ame ka oihana kinaiahi. I kulike ai me na hoike i loaa mai 1 Honolulu nei, ma Kauai ame Oahu nei ka ikaika loa o ka up. ma ka pule aku nei i hala, me ka uuku o ka ua ma Hawaii ame Maul.