Ka Nupepa Kuokoa, Volume LXIII, Number 18, 1 Mei 1924 — E A'OIA NA KEIKI ME KA IKAIKA [ARTICLE]

E A'OIA NA KEIKI ME KA IKAIKA

Mamuli o ka maumaua loa o na ulia kaa otomobile i ikeia ] iloko o na manawa ae nei i hala, a ulia hoi i hoopokoleia ae i ai ke ola o kekahi heluna nui o na keiki opiopio, a i pakele ' aku ai na ona o na kaa otomobile mai ke kau ana aku o na ahewaia maluna o lakou, no ke kumu i konoia mai ai keia pepa. e kauleo aku i na makua meakeiki apau, e lilo lakou i poe a'o ikaika i na keiki, ma ka papa loa ana ia lakou, aole e kau mahope o na ano kaa apau, i ka wa e hele ai ma na alanui akea. I wahi nae e lilo ai na a'o ana mai i na keiki i mea nui a waiwai, no ka palekana o ko lakou mau ola, o ka oi loa aku o ka pono. e lilo i hana ma ka aoao o na kumukula, ka papa ana i 1 na keiki kula apau, aole e kan mahope o na kaa, i ka wa e holo ana ma na alanui, me ke kau ana i keka'ni hoopa'i kupono, ma- j luna o kela ame keia keiki, e pale ana i kela kauoha; a e lilo p« hoi na keiki apau i poe makai, no ka nana i na keiki hoo- j kuli i kela kauoha a waiho aku i na hoike imua o ka lakou mau kumukula. He ku maoli no i ka menemene ke hoomaopopo aku i ka tmi o na ulia e loaa mau ana i kela ame keia manawa mai na kaa otomobile mai, no keia kumu, i ili mai ai kekahi ko'iko'i nui ma ka aoao o na makua, ke kukulu ana mai i na alahele noopakele apau e palekana ai ka lakou poe keiki, a e ili,ole aku ai maluna o lakou na haawina hoehaeha ma keia hope'aku. No ke kau ana mahope o kekahi kaa otomobile, ma ka Poaha o ka pule aku nei i hala, i hooku'iia akuai he keiki uuku e kekahi kaa kalaka, mawaho ae nei o ke alanui Kapahulu, a pakele wale iho no kona ola ma ka apua. i ka wa i haalele aku ai kela keiki i ke kaa ana e kau ana a holo mai la no.kekahi aoao o ke alanui. Ma keia ano hookahi iho la no, i pakele mahunehune mai ai ke ola o kekahi kaikamahine uuku mauka ae nei o ke alanui Ema. ma ka Poakahi aku la; a ke huli aku ihope, i ka nui o na keiki i halawai me na poino o keia ano, aole o kana mai ka nui a pela iho la e pii mahuahua mau ai na poino e loaa i na keiki, ke ole e laweia ae na keehina hoopakele apau no ko lakou palekana. O ke ano kekahi o ka hele ana ma na alanui, e pono no na keiki e a'oia me ka ikaika. e makaala mau i na kaa otomobile. mamua o ka hoao ana e a'e ma kekahi aoao o ke alanui; a ina paha e hele ana ma ke alanui, e pofio e hele ma ke alanui kauaoao. a i ole, e pili mau me ka pohaku pale aoao o ke alanui. Aia no kekahi mau ahewa ana maluna o ka poe na lakou e hookele ana i na kaa otomobile, e hoao mau nae ka poe apau e helewawae ana, ē hoopakele ia Jakou iho, ma ka hookaawale ana mai na alahele mai o na kaa; o ka palekana ka mea mua loa e nana ai. mahope na mea e ae. ♦4— O na dala a ka lehulehu i haawi ae ai, no na hoolilo o na moho heihei au mai Hawaii aku nei. ma ka lakou huakai hookuku me na moho heihei au o na wahi like ole o ka honua nei, aole kela he mau dala poho; no ka mea o na hanohano apau e loaa ana i kela mau moho, aole ia maluna wale iho nō o lakou, aka maluna pu kekahi o Hawaii holookoa. Aole he mau pomaikai pili dala e loaa ana i kela mau moho, ma keia huakai no na aina mamao, o ia hoi, aole o lakou uku no ko lakou luhi, a hooikaika ana paha e kaa ke eo ia lakou; hookahi wale no uku maopopo, o ia ka mahaloia. O na dala i haawiia ae ma ke ano kokua, no ko lakou mau hoolilo kaahele wale no ia, a o īa ka keia pepa e olelo hou ae nei, he mau dala poho ole ia, no ka mea e lilo ana na moho mai Hawaii aku nei,i poe na lakou e hoolaha aku i na nani like ole o Hawaii nei, e konoia aku ai ka manao o na malihini i uuku loa ko lakou ike no.keia Teritore, e holo kino mai i Hawaii nei. Ma ka hookoe ana i na lepo o na alanui e hanaia mai nei ma Kaimuki, no ka haawi ana aku i ka poe e makemake mai ana i iepo no ko lakou mau aina. iloko o na palena o na hanahou i manaoia, o kela kekahi o na hana maikai loa, a ua makepono hoi ka uku ana o na ona aina, i na auhau alnui, mamua o ka laweia aku o ka lepo, no na wahi mawaho aku o Kaimuki. Aole loa he pololei iki o na makai, ka poe i hoonohoia no ka hooko ana i na kanawai, e lilo i poe hookikina ia ha'i, e hakihaki i ke kanawai, ma ke pahele ana i kela poe me ka lakou mau hana maalea. elike me ia' i paa mai ai kekahi poe, i ka hopuia.