Ka Nupepa Kuokoa, Volume LXIII, Number 18, 1 Mei 1924 — KA PUULU O KA POE EPA KOLOHE. [ARTICLE]

KA PUULU O KA POE EPA KOLOHE.

l'a lieluhelu mau kakou maloko o na nupepa o na aina mamao. pela no hoi me ko kakou mau nupepa kulono iho nei, i na meahou e pili ana i ka puulu o ka poe epa ame ke kolohe, ma ke pahele ana i kekahi poe maikai a poholo iloko o ka lakou mau umii, me ka manao ma hooweliweli ana i kela poe i lilo i mau pio malalo o lakou, pela iho la e ukuia aku ai kekahi mau huina dala mahuahua. Eia nae he puulu o kela poe iwaena o kakou e noho pu nei iloko o keia mau la elike me ia i paa ae ai he elua mau wahine haole aipe kekahi poe kane ekolu i ka hopuia, a ina nei no ko iakou ahewaia, he mea pono no e kau aku na hopena awahia 0 ka lakou mau hana kolohe maluna iho o lakou; ma ke ano he haawina a'o kupono loa ia no ka poe o keia ano; a iloko no hoi o ia manawa hookahi, e loaa pu aku ka ike i koke kulanakauhale nei poe, e ku mau ma ka aoao o ka makaala, o lilo auanei lakou i luahi na ka poe kolohe, ka poe i hoolaa ia iakou ino ma na hana hakihaki kanawai; pela e loaa aku ai ke dala ia lakou me ka maalahi loa. x z Aole kakou. ka poe i maa i ka noho maluhia ana, i makemake i ka puulu o keia ano e noho pu mai iwaena o kakou: hookahi nae wahi e kau aku ai ka weli ame ka maka'u i ka poe n keia ano. o ia no ke ku ana o na makaainana o keia kulanakauhale mahope o ke kanawai, a kokua aku ma na ano apau e hiki ana. i ka oihana maikai, ma ka hoike ana ae i ke akea, 1 na liana epa ame ke kolōhe ialakoia aku ai lakou e poholo iloko o ka umii a kela puulu.