Ka Nupepa Kuokoa, Volume LXIII, Number 18, 1 Mei 1924 — HAULE HE KOA I KA PALI A PAKELE KE OLA [ARTICLE]

HAULE HE KOA I KA PALI A PAKELE KE OLA

He koa o Clyde Haekelman ka inoa, no ka puali pukaa 55, ka i liaulo mai ka pali. iho ana o ka lalama ana ma kalii he 100 kapuai ke kiekie ma kahi e huli mai ana i ka Puu o Hulu, a haihai na au a koe ke ola, a no na eha lehulehu i loaa iaia mawaho a maloko o kona kino i hoilioiia mai ai oia i ka halema'i o na koa ma ka Papu Kahauiki no ke kamanaia ana mai o ia mau wahi o kona kino i eha mauwale. He hoa o Haekelman no ka puali pukaa 55, Bataliona Ekahi, mai ka Papu Kahauiki aku, e hoomoana mai la i nei manawa ma kahi hoomoana o na koa ma Hayden, ma kahi anean'e he hapalua like mawaena o KalaelOa ame Wiiianae, kokoke i Puu o Hulu. laia ma ke kualapa ua hoao ka oia e loaa iaia ke alanui e olei pokole mai ai ahiki koke i kahi e hoomoana an<ā o na koa, a

iaia nae e pinana ana ma ka aoao 0 ke kuahiwi i halawai ai oia me ka haawina pakalaki, a haule-i ka pali a haihai na a-u. Ma ka hoakaka a na koa e ae o kela puāli ua kakali ka lakou ahiki 1 ka hora o ke ahiahi o ka Poaha o ka pule i hala aole nae oia i hoi mai,-a ua nui ka hopohopoia nona, ma ka auwina la o ia Poaha ka haule ana o kela koa, a ma kela manawa a kona mau hoa koa e haohao nei norfa aia oia ke waiho a make mai la ma kahi ona i haule ai. K"o kona haohao loa ia ua hoomaka aleu la kekahi mau hoa koa ona e pii i kuahiwi e huli iaia me ke kaa ana na ke Kakiana Wilson e alakai ia lakou; ma ia huli ana a lakou aole i loaa aku ka mea i nalowale. Ma ka hora 9:30 o ia po no ua hoomaka aku la kekahi mau koa hou e hele e huli malalo o ke alakai ana a ka Lutanela Donald Hayselden, a ia lakou i loaa aku ai ua koa haule la e waiho mai ana malalo iho o lee kumu o ka pali, elike me ka lakou moolelo o ka hoike ana ae.