Ka Nupepa Kuokoa, Volume LXIII, Number 18, 1 May 1924 — HOOHALAHALA I KA HIMENI HOOKUKU [ARTICLE]

HOOHALAHALA I KA HIMENI HOOKUKU

E Mr. Lunahooponopono, Aloha oe: —E oluolu mai oe e hookomo aku maloko o kekahi kolamu o kau nupepa ohohia nui ia i ko'u manao hoohalahala no ka liimeni hookuku e meleia aku ana ma Hilo, e na papa himeni like ole o na mokupuni, o akoakoa aku ana ma ka Ahahui Paeaina i keia makahiki. Ua loaa mai ke kope o keia himeni hookuku a ua hoolawa like ia aku no paha i na alakai o na papa himeni apuni ke Teritore nei, a ke manaoio nei au, o ka hemahema o keia himeni a'u i ike ai, e loaa liko ana no ia manao hookahi i na alakai o kekahi mau papa himeni e ae; aka ua lohi loa paha keia manawa no ka hooponopono ana, a o ia ka'u e minamina nei, no ka loaa 0 ka olelo hooholo pololei, a na lunakanawai e haawi mai ana, i ka papa himeni nana e aha'i i ka helu ekahi. O ka hemahema mua a'u i ike, o ia no ke kiekie loa o ke ki no keia himeni, a ua lokalii kekahi poe loea ike himeni me ko'u ma ia mea; oiai he himeni keia no na leo kane (male voices); a o ko kumu 1 oi loa aku ai o ke kupono ole, i kinohi loa o ka hoomaka ana o ka himeni, kela wahi kiekie o ka huamele, a ho oi hou aku ke kiekio ma kekahi mau wahi e ae maloko o kela himeni. O ka elua o ka hemahema, a o ka pilikia ano nui loa paha ia, o )a no ke kulike ole o na olelo o na leo apau. Hq oiaio aole i kulike na huamele o na leo, ma ia ano elike ole ai na olelo, e hapa mai ana na olelo o kekahi mau leo, a e oi aku ana kekahi, aka nae, ua hele kaokoa no na olelo o kekahi leo mai kekahi mai, a i ka hoolohe ana aku, aole kela maikai ame ka nani i kamaaina i na pepeiao o ka poe e hoolohe mai ana. Ma ka pau ana o kekahi mau laina o kela mele, oiai kekahi leo e mele ana "Ia lesu la", e mele ana hoi kekahi leo "ia lesu e", a o kekahl leo hoi "Ia lesu k« Lii mau. Ma kekahi wahi hoi, i ka manawa e mele ana kekahi leo "Kakou apau", o ka olelo a kekahi leo o "Kakau la", a o ka kekahi "Kakou". Me ka nana ole nae i keia mau hemahema a'u i ike ai, eia no makou ke a'o nei i keia himeni, me ka hoololi ana i ke ki, i hiki pono ai ke himeniia, a ua hoikeia mai ka lohe ia'u, ke hana pu mai nei kekahi mau alakai himeni pela, elike me ka lakou i ike ai he pono, a i Hilo e ikeia aku ai ke au nui ame ke au iki. Me keia mau hoakaka, ua lawa au maanei, Na KEKAHI HAUMANA HIME- .... NI HOOKUKU,